ಪುರಸಭೆಗೆ ಬೀಗ: ಮಹಿಳೆಯ ಘನತೆ ಕಾಪಾಡಿ–ಬಯಲು ಶೌಚಕ್ಕೆ ಮುಕ್ತಿ ನೀಡಲು ಮನವಿ

ಶೌಚಾಲಯ ನಿರ್ಮಾಣಕ್ಕಾಗಿ ಆಗ್ರಹ

ಧರಣಿ ನಿರತ ಪ್ರತಿಭಟನಾಕಾರರು ಪುರಸಭೆ ಮುಖ್ಯಾಧಿಕಾರಿ ವಿರುದ್ಧ ಘೋಷಣೆ ಕೂಗಿ ಹಲಗೆ ಬಾರಿಸುತ್ತ, ಬೊಬ್ಬೆ ಹಾಕುವುದು ಸಾಮಾನ್ಯವಾಗಿತ್ತು.

ಶೌಚಾಲಯ ನಿರ್ಮಾಣಕ್ಕಾಗಿ ಆಗ್ರಹ

ಸಿಂದಗಿ: ನಗರದ 2,3,4,5 ಮತ್ತು 6 ಈ ಐದು ವಾರ್ಡ್‌ಗಳ ನೂರಾರು ಮಹಿಳಾ ನಿವಾಸಿಗಳು ಸಾರ್ವಜನಿಕ ಶೌಚಾಲಯ ನಿರ್ಮಾಣಕ್ಕೆ ಆಗ್ರಹಿಸಿ ತಮ್ಮ ಕುಟುಂಬದ ಸದಸ್ಯರೊಂದಿಗೆ ಪುರಸಭೆಗೆ ಬೀಗ ಹಾಕಿ ಎರಡು ಗಂಟೆ ಕಾಲ ಧರಣಿ ನಡೆಸಿದ ಅಪರೂಪದ ಘಟನೆ ಮಂಗಳವಾರ ನಡೆದಿದೆ.

ಧರಣಿ ನಿರತ ಪ್ರತಿಭಟನಾಕಾರರು ಪುರಸಭೆ ಮುಖ್ಯಾಧಿಕಾರಿ ವಿರುದ್ಧ ಘೋಷಣೆ ಕೂಗಿ ಹಲಗೆ ಬಾರಿಸುತ್ತ, ಬೊಬ್ಬೆ ಹಾಕುವುದು ಸಾಮಾನ್ಯವಾಗಿತ್ತು.

ಮಹಿಳೆಯರು ಕೈಯಲ್ಲಿದ್ದ ಪೊರಕೆ ಯಿಂದ ಹೊಡೆಯುವ ಅಣುಕು ಪ್ರದರ್ಶನ ಮಾಡುತ್ತಿದ್ದರು. ಬಯಲು ಶೌಚಾಲಯಕ್ಕೆ ತೆಗೆದುಕೊಂಡು ಹೋಗುವ ತಂಬಿಗೆಯನ್ನೇ ಪುರಸಭೆಗೆ ತಂದು ತಮ್ಮ ಅಳಲು ಪ್ರದರ್ಶಿಸಿದರು. ಮಾನ, ಮರ್ಯಾದೆ ಬದಿಗಿಟ್ಟು ರಸ್ತೆಯ ಬದಿಯಲ್ಲಿ ಬಯಲಿನಲ್ಲಿ ಶೌಚ ಮಾಡಬೇಕಾದ ಕೆಟ್ಟ ಪರಿಸ್ಥಿತಿ ಬಂದಿದೆ. ಇದಕ್ಕೆಲ್ಲ ಕಾರಣ ಪುರಸಭೆ ಅಧಿಕಾರಿ ವರ್ಗ ಮತ್ತು ಸದಸ್ಯರು ಎಂದು ಮಹಿಳೆಯರು ಆಕ್ರೋಶ ವ್ಯಕ್ತಪಡಿಸಿದರು.

ಎರಡು ಗಂಟೆಗಳ ಕಾಲ ಪುರಸಭೆ ಕಾರ್ಯಾಲಯಕ್ಕೆ ಬೀಗ ಹಾಕಿ ಧರಣಿ ನಡೆಸಿದರೂ ಮುಖ್ಯಾಧಿಕಾರಿ ಸುಳಿಯಲೇ ಇಲ್ಲ. ಕಾರ್ಯಾಲಯದ ಸಿಬ್ಬಂದಿ ಹೊರಗಡೆ ರಸ್ತೆಯಲ್ಲಿ ನಿಂತುಕೊಂಡು ಪ್ರೇಕ್ಷಕರಂತೆ ನೋಡುತ್ತಿದ್ದರು.

‘ನನ್ನ ಪಗಾರ ಒಂದು ವರ್ಷ ತಡಮಾಡಿ ಕೊಡಿ, ಮಹಿಳೆಯರು ಬಯಲಿಗೆ ಶೌಚಕ್ಕೆ ಹೋಗುವುದನ್ನು ತಡೆಗಟ್ಟುವ ದಿಸೆಯಲ್ಲಿ ಶೌಚಾಲಯ ನಿರ್ಮಿಸಿ ಎಂದು ‘ಡಿ’ ದರ್ಜೆ ನೌಕರರ ಮೇಲ್ವಿಚಾರಕ ಜಗದೀಶ ದೊಡಮನಿ ತುಂಬಾ ನೊಂದುಕೊಂಡು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು’.

ಎರಡು ಗಂಟೆಗಳ ಕಾಲ ಮಹಿಳೆಯರು ಘೋಷಣೆ ಕೂಗುತ್ತ ಪ್ರತಿಭಟನೆ ಮುಂದುವರೆಸಿದ್ದರು. ಆಗ 6ನೇ ವಾರ್ಡ್ ಸದಸ್ಯ ಹಣಮಂತ ಸುಣಗಾರ ಏನೇನೋ ಸಬೂಬು ಹೇಳಲು ಹೋದಾಗ ಮಹಿಳೆಯರು ಛೀಮಾರಿ ಹಾಕಿದರು. ಆಗ ನಾನೂ ನಿಮ್ಮ ಜೊತೆ ಹೋರಾಟದಲ್ಲಿ ಪಾಲ್ಗೊಳ್ಳುವೆ ಎಂದು ಹಿಂದಕ್ಕೆ ಸರಿದರು.

ಕೊನೆಗೂ ಪುರಸಭೆಗೆ ಸಂಬಂಧಿಸಿದ ಅಧಿಕಾರಿಗಳು ಬರದೇ ಇದ್ದಾಗ ಆಕ್ರೋಶಗೊಂಡ ಪ್ರತಿಭಟನಕಾರರು ರಸ್ತೆ ತಡೆ ಮಾಡಿ ಟೈರ್ ಗೆ ಬೆಂಕಿ ಹಚ್ಚುವ ನಿರ್ಧಾರಕ್ಕೆ ಬಂದಾಗ ಎಚ್ಚೆತ್ತುಕೊಂಡ ತಾಲ್ಲೂಕು ಆಡಳಿತ ಉಪತಹಶೀಲ್ದಾರ ಸ್ಥಳಕ್ಕೆ ಧಾವಿಸಿ ಮನವಿ ಸ್ವೀಕರಿಸಿ ಪ್ರತಿಭಟನಕಾರರ ಮನವೊಲಿಸಿದರು.

ಪ್ರತಿಭಟನೆ ನೇತೃತ್ವವನ್ನು ಪುರಸಭೆ ಸದಸ್ಯ ಸಿದ್ದಪ್ಪ ಬೀರಗೊಂಡ, ಪ್ರಕಾಶ ಹಿರೇಕುರುಬರ, ಯಲ್ಲವ್ವ ಬೀರಗೊಂಡ, ಯಮನವ್ವ ಕೊಂಡಗೂಳಿ, ಸಾವಿತ್ರಿ ಜೇರಟಗಿ, ಜ್ಯೋತಿ ಬೀರಗೊಂಡ, ಮಾನಿಕಾ ಬೀರಗೊಂಡ, ಮಲಕವ್ವ ಬೀರಗೊಂಡ, ಶರಣವ್ವ ಭೂತಿ, ನೀಲಗಂಗವ್ವ ಭೂತಿ, ಲಕ್ಷ್ಮಿ ಜೇರಟಗಿ, ಕಸ್ತೂರಿ ಜಮಾದಾರ, ಶ್ರೀಶೈಲ ಬೀರಗೊಂಡ, ರವಿ ಹರನಾಳ, ಸಿದ್ದು ರೋಡಗಿ, ಕುಮಾರ ಹರವಾಳ, ಅಮೋಘಿ ಹೂಗಾರ, ಅನಿಲ ಕೊಂಡಗೂಳಿ, ದೌಲ ಹಿಪ್ಪರಗಿ, ಬೀರೂ ಹರವಾಳ, ವಿಕಾಸ ಬೀರಗೊಂಡ, ಭರತ ಜೇರಟಗಿ ವಹಿಸಿಕೊಂಡಿದ್ದರು.

**

ಐದು ವಾರ್ಡ್‌ಗಳಲ್ಲಿ ಮಹಿಳೆಯರಿಗೆ ರಸ್ತೆ ಬದಿಯಲ್ಲಿ ಬಯಲು ಶೌಚಾಲಯ ಅನಿವಾರ್ಯತೆ ಇದೆ
         -ಸಿದ್ದಪ್ಪ ಬೀರಗೊಂಡ
         3ನೇ ವಾರ್ಡ್ ಸದಸ್ಯ

Comments
ಈ ವಿಭಾಗದಿಂದ ಇನ್ನಷ್ಟು

ವಿಜಯಪುರ
ಹೊಸ ಮುಖ,ಯುವಕರಿಗೆ ಮಣೆ

ಬಿಜೆಪಿ ಶುಕ್ರವಾರ ಬಿಡುಗಡೆ ಮಾಡಿದ 3ನೇ ಪಟ್ಟಿಯಲ್ಲಿ ಬಸವನ ಬಾಗೇವಾಡಿ, ನಾಗಠಾಣ ಮೀಸಲು ಮತಕ್ಷೇತ್ರಗಳ ಹುರಿಯಾಳು ಘೋಷಿ ಸಿದ್ದು, ಯುವಕರಿಗೆ ಮಣೆ ಹಾಕಿದೆ.

21 Apr, 2018

ವಿಜಯಪುರ
ಶುಭ ಶುಕ್ರವಾರ ನಾಮಪತ್ರ ಸಲ್ಲಿಕೆ ಭರಾಟೆ

ಅಪಾರ ಸಂಖ್ಯೆಯ ಕಾರ್ಯಕರ್ತರು, ಬೆಂಬಲಿಗರೊಂದಿಗೆ ಪ್ರತ್ಯೇಕ ಮೆರವಣಿಗೆ ಮೂಲಕ ತೆರಳಿದ ವಿಜಯಪುರ ನಗರ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಬಸನಗೌಡ ಪಾಟೀಲ ಯತ್ನಾಳ, ಬಬಲೇಶ್ವರ ವಿಧಾನಸಭಾ...

21 Apr, 2018

ವಿಜಯಪುರ
‘ಧಮ್‌’ ಇಲ್ಲದ್ದಕ್ಕೆ ಸಿ.ಎಂ ಸ್ಪರ್ಧೆಗೆ ಒತ್ತಾಯ: ಯತ್ನಾಳ

‘ಉತ್ತರ ಕರ್ನಾಟಕದ ಕಾಂಗ್ರೆಸ್ಸಿಗರಿಗೆ ಸ್ವಂತ ಬಲದ ಮೇಲೆ ಗೆಲ್ಲುವ ‘ಧಮ್‌’ ಇಲ್ಲ; ಹೀಗಾಗಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಬಾದಾಮಿಯಿಂದ ಸ್ಪರ್ಧಿಸುವಂತೆ ಒತ್ತಾಯಿಸುತ್ತಿದ್ದಾರೆ’ ಎಂದು ವಿಜಯಪುರ...

21 Apr, 2018
ದೇವರಹಿಪ್ಪರಗಿ: ಬೆಜೆಪಿ ಯುವ ಮೋರ್ಚಾದಿಂದ ಬೈಕ್ ರ‍್ಯಾಲಿ

ದೇವರಹಿಪ್ಪರಗಿ
ದೇವರಹಿಪ್ಪರಗಿ: ಬೆಜೆಪಿ ಯುವ ಮೋರ್ಚಾದಿಂದ ಬೈಕ್ ರ‍್ಯಾಲಿ

20 Apr, 2018

ವಿಜಯಪುರ
ಕರ್ತವ್ಯಲೋಪ ಕಂಡು ಬಂದರೆ ಅಮಾನತ್ತು ಶಿಕ್ಷೆ

ಶುದ್ಧ ಕುಡಿಯುವ ನೀರಿನ ಘಟಕ ಹಾಗೂ ವಿವಿಧ ಕೊಳವೆ ಬಾವಿಗಳ ಸುಸ್ಥಿತಿ ನಿರ್ವಹಣೆಯ ಜವಾಬ್ದಾರಿ ಆಯಾ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಪಿಡಿಒ ಗಳದ್ದಾಗಿದ್ದು, ಜವಾಬ್ದಾರಿಯಿಂದ...

20 Apr, 2018