ನವದೆಹಲಿ

ಮೆಣಸು ಆಮದು ತಡೆಗೆ ಕನಿಷ್ಠ ದರ

ದೇಶಿ ಮಾರುಕಟ್ಟೆಯಲ್ಲಿ ಕಾಳುಮೆಣಸು ಬೆಲೆ ಗಣನೀಯವಾಗಿ ಇಳಿಕೆ ಕಾಣುತ್ತಿದೆ. ಹೀಗಾಗಿ ದೇಶಿ ಬೆಳೆಗಾರರ ಹಿತರಕ್ಷಣೆಗಾಗಿ ಕೇಂದ್ರ ಸರ್ಕಾರವು ಕನಿಷ್ಠ ಆಮದು ದರ ನಿಗದಿ (ಎಂಐಪಿ) ಮಾಡಿದೆ.

ಮೆಣಸು ಆಮದು ತಡೆಗೆ ಕನಿಷ್ಠ ದರ

ನವದೆಹಲಿ: ದೇಶಿ ಮಾರುಕಟ್ಟೆಯಲ್ಲಿ ಕಾಳುಮೆಣಸು ಬೆಲೆ ಗಣನೀಯವಾಗಿ ಇಳಿಕೆ ಕಾಣುತ್ತಿದೆ. ಹೀಗಾಗಿ ದೇಶಿ ಬೆಳೆಗಾರರ ಹಿತರಕ್ಷಣೆಗಾಗಿ ಕೇಂದ್ರ ಸರ್ಕಾರವು ಕನಿಷ್ಠ ಆಮದು ದರ ನಿಗದಿ (ಎಂಐಪಿ) ಮಾಡಿದೆ.

ಸಂಬಾರ ಮಂಡಳಿ ಪ್ರಸ್ತಾವನೆಯಂತೆಯೇ ಪ್ರತಿ ಕೆ.ಜಿಗೆ ₹ 500 ಕನಿಷ್ಠ ಆಮದು ದರ ನಿಗದಿ ಮಾಡಲಾಗಿದೆ ಎಂದು ಕೇಂದ್ರ ವಾಣಿಜ್ಯ ಸಚಿವಾಲಯ ಮಾಹಿತಿ ನೀಡಿದೆ.

ನೆರೆಯ ದೇಶಗಳಿಂದ ಅಗ್ಗದ ದರದಲ್ಲಿ ಆಮದಾಗುತ್ತಿರುವುದರಿಂದ ಪ್ರತಿ ಕೆ.ಜಿಗೆ ₹ 730 ರಷ್ಟಿದ್ದ ಬೆಲೆ ಈಗ ₹ 300ಕ್ಕೆ ಕುಸಿತ ಕಂಡಿದೆ.

ಕಾಳುಮೆಣಸು ಕೊಯ್ಲು ಚುರುಕು ಪಡೆಯುತ್ತಿದೆ. ಇಂತಹ ಸಂದರ್ಭದಲ್ಲಿ ಕನಿಷ್ಠ ಆಮದು ದರ ನಿಗದಿ ಮಾಡುವುದರಿಂದ ದೇಶಿ ಮಾರುಕಟ್ಟೆಯಲ್ಲಿ ಬೆಲೆ ನಿಯಂತ್ರಣಕ್ಕೆ ಅನುಕೂಲವಾಗಲಿದೆ ಎಂದು ಸಚಿವಾಲಯ ತಿಳಿಸಿದೆ.ವಿಯೆಟ್ನಾಂನಿಂದ ಕಳಪೆ ಗುಣ
ಮಟ್ಟದ ಕಾಳುಮೆಣಸು ಆಮದಾ
ಗುತ್ತಿದೆ. ಇದರಿಂದ ಮಾರುಕಟ್ಟೆಯಲ್ಲಿ ಬೆಲೆ ಕುಸಿತ ಕಾಣುತ್ತಿದೆ. ಹೀಗಾಗಿ ಆಮದು ವಿರೋಧಿಸಿ ಬೆಳೆಗಾರರು ಪ್ರತಿಭಟನೆ ನಡೆಸಿದ್ದರು.

ಒಂದು ವರ್ಷದಲ್ಲಿ ಕಾಳುಮೆಣಸು ಬೆಲೆ ಶೇ 35 ರಷ್ಟು ಇಳಿಕೆ ಕಂಡಿದೆ. ಇದು ಬೆಳೆಗಾರರಲ್ಲಿ ಆತಂಕ ಸೃಷ್ಟಿಸಿದೆ. ಹೀಗಾಗಿ ಆಮದು ತಡೆಯಲು ಕಠಿಣ ಕ್ರಮ ಕೈಗೊಳುವಂತೆ ಬೆಳೆಗಾರರ ಒಕ್ಕೂಟವು ಸರ್ಕಾರವನ್ನು ಒತ್ತಾಯಿಸಿತ್ತು.

ಕರ್ನಾಟಕದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಸಹ ಈಚೆಗಷ್ಟೇ ಕೇಂದ್ರ  ವಾಣಿಜ್ಯ ಸಚಿವ ಸುರೇಶ್ ಪ್ರಭು ಅವರನ್ನು ಭೇಟಿ ಮಾಡಿ, ಕಾಳುಮೆಣಸು ಆಮದು ತಡೆಯುವಂತೆ ಮನವಿ ಸಲ್ಲಿಸಿದ್ದರು.

ಕೇರಳ ಮತ್ತು ಕರ್ನಾಟಕದಲ್ಲಿ ಅತಿ ಹೆಚ್ಚಿನ ಪ್ರಮಾಣದಲ್ಲಿ ಕಾಳುಮೆಣಸು ಬೆಳೆಯಲಾಗುತ್ತಿದೆ. ಏಷ್ಯಾ ಪ್ರದೇಶದಲ್ಲಿ ಅತಿ ಹೆಚ್ಚಿನ ಪ್ರಮಾಣದಲ್ಲಿ ಕಾಳುಮೆಣಸು ಬೆಳೆಯಲಾಗುತ್ತಿದೆ. ದಕ್ಷಿಣ ಏಷ್ಯಾ ಮುಕ್ತ ವ್ಯಾಪಾರ ಒಪ್ಪಂದ  (ಎಸ್‌ಎಎಫ್‌ಟಿಎ) ಇರುವುದರಿಂದ ಶ್ರೀಲಂಕಾದಲ್ಲಿ ಆಮದು ಸುಂಕ ಕಡಿಮೆ ಇದೆ. ಹೀಗಾಗಿ ಶ್ರೀಲಂಕಾದ ಮೂಲಕ ಭಾರತಕ್ಕೆ ಕಾಳು ಮೆಣಸು ಹೆಚ್ಚಿನ ಪ್ರಮಾಣದಲ್ಲಿ ಆಮದಾಗುತ್ತಿದೆ.

Comments
ಈ ವಿಭಾಗದಿಂದ ಇನ್ನಷ್ಟು
ಬೆಂಗಳೂರಿಗೆ ಹಣ ಪೂರೈಸಲು ‘ಎಸ್‌ಬಿಐ’ನ ತುರ್ತು ಕ್ರಮ

ನಗದು ಸಮಸ್ಯೆ
ಬೆಂಗಳೂರಿಗೆ ಹಣ ಪೂರೈಸಲು ‘ಎಸ್‌ಬಿಐ’ನ ತುರ್ತು ಕ್ರಮ

21 Apr, 2018
ಆರ್ಥಿಕ ಸುಧಾರಣಾ ಕ್ರಮ ಐಎಂಎಫ್‌ ಶ್ಲಾಘನೆ

ಸುಸ್ಥಿರ ಆರ್ಥಿಕ ಅಭಿವೃದ್ಧಿ
ಆರ್ಥಿಕ ಸುಧಾರಣಾ ಕ್ರಮ ಐಎಂಎಫ್‌ ಶ್ಲಾಘನೆ

21 Apr, 2018
ವಿದೇಶಿ ವಿನಿಮಯ ಸಂಗ್ರಹ ದಾಖಲೆ

ಸಾರ್ವಕಾಲಿಕ ದಾಖಲೆ
ವಿದೇಶಿ ವಿನಿಮಯ ಸಂಗ್ರಹ ದಾಖಲೆ

21 Apr, 2018
ಎನ್‌ಪಿಎಸ್‌: ಮೊಬೈಲ್‌ ಸಂಖ್ಯೆ ಕಡ್ಡಾಯ

ಅಕ್ರಮ ಹಣ ವರ್ಗಾವಣೆಗೆ ತಡೆ
ಎನ್‌ಪಿಎಸ್‌: ಮೊಬೈಲ್‌ ಸಂಖ್ಯೆ ಕಡ್ಡಾಯ

21 Apr, 2018
ಫೋರ್ಟಿಸ್‌: ಬಿಡ್‌ ಪರಿಶೀಲನೆಗೆ ಸಮಿತಿ

ಹೂಡಿಕೆ ಕೊಡುಗೆ ಪರಿಶೀಲನೆ
ಫೋರ್ಟಿಸ್‌: ಬಿಡ್‌ ಪರಿಶೀಲನೆಗೆ ಸಮಿತಿ

20 Apr, 2018