ಮಾನವ ಸರಪಣಿ ನಿರ್ಮಿಸಿ ಪ್ರತಿಭಟನೆ

‘ರಾಜಿ ಬೇಡ, ಪಾದಚಾರಿ ಮಾರ್ಗ ಬೇಕು’

‘ರಾಜಿ ಬೇಡ, ನಮಗೆ ಪಾದಚಾರಿ ಮಾರ್ಗ ಬೇಕು...’ ಸಂಜಯನಗರ ವಾರ್ಡ್‌ ನಿವಾಸಿಗಳ ಬೇಡಿಕೆ ಇದು. ಸುಸಜ್ಜಿತ ಪಾದಚಾರಿ ಮಾರ್ಗ ನಿರ್ಮಾಣಕ್ಕೆ ಒತ್ತಾಯಿಸಿ ಇಲ್ಲಿನ ನಿವಾಸಿಗಳು ’ಸಿಟಿಜನ್ಸ್‌ ಫಾರ್‌ ಸಸ್ಟೈನೆಬಿಲಿಟಿ’ ಸಂಘಟನೆಯ ನೇತೃತ್ವದಲ್ಲಿ ಇದೇ 10ರಂದು ಪ್ರತಿಭಟನೆ ನಡೆಸಲು ಸಜ್ಜಾಗಿದ್ದಾರೆ.

ಸಂಜಯನಗರದಲ್ಲಿ ಸುಸಜ್ಜಿತ ಪಾದಚಾರಿ ಮಾರ್ಗ ಇಲ್ಲದ ಕಾರಣ ಸಾರ್ವಜನಿಕರು ರಸ್ತೆಯಲ್ಲೇ ನಡೆದುಕೊಂಡು ಹೋಗಬೇಕಾದ ಪರಿಸ್ಥಿತಿ ಇದೆ

ಬೆಂಗಳೂರು: ‘ರಾಜಿ ಬೇಡ, ನಮಗೆ ಪಾದಚಾರಿ ಮಾರ್ಗ ಬೇಕು...’ ಸಂಜಯನಗರ ವಾರ್ಡ್‌ ನಿವಾಸಿಗಳ ಬೇಡಿಕೆ ಇದು.

ಸುಸಜ್ಜಿತ ಪಾದಚಾರಿ ಮಾರ್ಗ ನಿರ್ಮಾಣಕ್ಕೆ ಒತ್ತಾಯಿಸಿ ಇಲ್ಲಿನ ನಿವಾಸಿಗಳು ’ಸಿಟಿಜನ್ಸ್‌ ಫಾರ್‌ ಸಸ್ಟೈನೆಬಿಲಿಟಿ’ ಸಂಘಟನೆಯ ನೇತೃತ್ವದಲ್ಲಿ ಇದೇ 10ರಂದು ಪ್ರತಿಭಟನೆ ನಡೆಸಲು ಸಜ್ಜಾಗಿದ್ದಾರೆ.

‘ಸಂಜಯನಗರದ ಮುಖ್ಯರಸ್ತೆಯುದ್ದಕ್ಕೂ ಸಮರ್ಪಕವಾದ ಪಾದಚಾರಿ ಮಾರ್ಗವಿಲ್ಲ. ಹಿರಿಯ ನಾಗರಿಕರು ಹಾಗೂ ಶಾಲೆಗೆ ಹೋಗುವ ಮಕ್ಕಳು ಇದರಿಂದಾಗಿ ಸಾಕಷ್ಟು ತೊಂದರೆ ಅನುಭವಿಸುತ್ತಿದ್ದಾರೆ. ಪಾದಚಾರಿ ಮಾರ್ಗ ನಿರ್ಮಿಸುವಂತೆ ಒತ್ತಾಯಿಸಿ ರಾಧಾಕೃಷ್ಣ ದೇವಸ್ಥಾನ ಬಳಿಯಿಂದ ಬೆಳಿಗ್ಗೆ 9.30ರಿಂದ ಮಾನವ ಸರಪಳಿ ರಚಿಸಲಿದ್ದೇವೆ’ ಎಂದು ಸಂಘಟನೆಯ ಸಂಸ್ಥಾಪಕ ಸದಸ್ಯ ಸತ್ಯಶಂಕರ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ವಿದ್ಯಾರ್ಥಿಗಳು ಶಾಲೆಗೆ ನಡೆದು ಹೋಗುವುದನ್ನು ಉತ್ತೇಜಿಸಲು ನಾವು ‘ಶಾಲೆಯ ಕಡೆಗೆ ನಡಿಗೆ’ ಎಂಬ ಕಾರ್ಯಕ್ರಮ ಆರಂಭಿಸಿದ್ದೆವು.
ಇದಕ್ಕೆ ವಿದ್ಯಾರ್ಥಿಗಳಿಂದಲೂ ಉತ್ತಮ ಸ್ಪಂದನೆ ಸಿಕ್ಕಿದೆ. ಆದರೆ, ಸುರಕ್ಷಿತ ಪಾದಚಾರಿ ಮಾರ್ಗ ಇಲ್ಲದ ಕಾರಣ ವಿದ್ಯಾರ್ಥಿಗಳು ಆತಂಕದಿಂದಲೇ ನಡೆದುಕೊಂಡು ಹೋಗಬೇಕಾದ ಪರಿಸ್ಥಿತಿ ಇದೆ’ ಎಂದು ಅವರು ವಿವರಿಸಿದರು.

‘ಇಲ್ಲಿನ ಬಳ್ಳಾರಿ ರಸ್ತೆಯಿಂದ ಆರಂಭವಾಗಿ ಹೊರವರ್ತುಲ ರಸ್ತೆವರೆಗೆ ಸುಸಜ್ಜಿತ ಪಾದಚಾರಿ ಮಾರ್ಗವನ್ನೊಳಗೊಂಡ ರಸ್ತೆ ನಿರ್ಮಿಸಲು ನಗರ ಭೂಸಾರಿಗೆ ನಿರ್ದೇಶನಾಲಯ (ಡಿಯುಎಲ್‌ಟಿ) ಎರಡು ವರ್ಷಗಳ ಹಿಂದೆಯೇ ತಾಂತ್ರಿಕ ವಿನ್ಯಾಸ ರೂಪಿಸಿದೆ. ಬೀದಿ ವ್ಯಾಪಾರಿಗಳಿಗೆ ಹಾಗೂ ಬಸ್‌ ಬೇಗಳಿಗೂ ಈ ವಿನ್ಯಾಸದಲ್ಲಿ ಸ್ಥಳಾವಕಾಶ ಕಲ್ಪಿಸಲಾಗಿದೆ. 3 ಕಿ.ಮೀ ಉದ್ದದ ಈ ರಸ್ತೆಯಲ್ಲಿ ಸುಮಾರು 300 ಮೀ ಉದ್ದಕ್ಕೆ ಮಾತ್ರ ಪಾದಚಾರಿ ಮಾರ್ಗವನ್ನು ನಿರ್ಮಿಸಲಾಗಿದೆ. ನಂತರ ಕಾಮಗಾರಿ ಮುಂದುವರಿದಿಲ್ಲ’ ಎಂದು ಅವರು ದೂರಿದರು.

‘ಪಾದಚಾರಿ ಮಾರ್ಗದ ಕಾಮಗಾರಿ ಮುಂದುವರಿಸುವುದಕ್ಕೆ ಕೆಲವು ಸ್ಥಾಪಿತ ಹಿತಾಸಕ್ತಿಗಳು ಅಡ್ಡಿಪಡಿಸುತ್ತಿವೆ. ರಸ್ತೆಯನ್ನು ವಿಸ್ತರಿಸಿ ವಾಹನ
ನಿಲುಗಡೆಗೆ ಹೆಚ್ಚುವರಿ ಸ್ಥಳಾವಕಾಶ ನೀಡಬೇಕು ಎಂಬುದು ಅವರ ಬೇಡಿಕೆ’ ಎಂದು ಅವರು ತಿಳಿಸಿದರು.

ಎಂಟು ವರ್ಷದ ಮಕ್ಕಳಿಂದ ಹಿಡಿದು 80 ವರ್ಷದ ವೃದ್ಧರೂ ಆತಂಕಪಡದೇ ನಡೆದು ಹೋಗುವಂತಹ ಪಾದಚಾರಿ ಮಾರ್ಗ ನಮಗೆ ಬೇಕು</p>
-ಸತ್ಯಶಂಕರ, ಸಿಟಿಜನ್ಸ್‌ ಫಾರ್‌ ಸಸ್ಟೈನೆಬಿಲಿಟಿ ಸಂಘಟನೆ ಸದಸ್ಯ

Comments
ಈ ವಿಭಾಗದಿಂದ ಇನ್ನಷ್ಟು

ಸಂಕ್ಷಿಪ್ತ ಸುದ್ದಿ
ನಾಟಕ ಅಕಾಡೆಮಿ ಕೈಪಿಡಿಗೆ ಮಾಹಿತಿ ಕೊಡಿ

ಲಾಭದಾಯಕ ಹುದ್ದೆ ಹೊಂದಿರುವ ಛತ್ತೀಸ್‌ಗಡದ ಆಡಳಿತಾರೂಢ ಬಿಜೆಪಿಯ 11 ಶಾಸಕರನ್ನು ಅನರ್ಹಗೊಳಿಸುವಂತೆ ವಿರೋಧ ಪಕ್ಷ ಕಾಂಗ್ರೆಸ್‌ ಸೋಮವಾರ ಒತ್ತಾಯಿಸಿದೆ.

23 Jan, 2018
‘ಬೆಳವಣಿಗೆಗೆ ಜಾತಿ ಲಕ್ಷ್ಮಣ ರೇಖೆಯಾಗದಿರಲಿ’

ಕರ್ನಾಟಕ ಆರ್ಯವೈಶ್ಯ ಸಾಹಿತ್ಯ ಪರಿಷತ್ ಸಾಹಿತ್ಯ ಸಮ್ಮೇಳನ
‘ಬೆಳವಣಿಗೆಗೆ ಜಾತಿ ಲಕ್ಷ್ಮಣ ರೇಖೆಯಾಗದಿರಲಿ’

23 Jan, 2018
‌136 ಅಂಗವಿಕಲರಿಗೆ ಉದ್ಯೋಗ

ಅಂಗವಿಕಲರಿಗಾಗಿ ಉದ್ಯೋಗ ಮೇಳ
‌136 ಅಂಗವಿಕಲರಿಗೆ ಉದ್ಯೋಗ

23 Jan, 2018
ಐಷಾರಾಮಕ್ಕಾಗಿ ಕಳ್ಳತನ: ಇಬ್ಬರ ಸೆರೆ

450 ಗ್ರಾಂ ಚಿನ್ನಾಭರಣ ಜಪ್ತಿ
ಐಷಾರಾಮಕ್ಕಾಗಿ ಕಳ್ಳತನ: ಇಬ್ಬರ ಸೆರೆ

23 Jan, 2018
‘ಅತ್ಯುತ್ತಮ ವ್ಯಕ್ತಿತ್ವ ವಿದ್ಯಾರ್ಥಿಯದ್ದಾಗಲಿ’

ಬೆಂಗಳೂರು
‘ಅತ್ಯುತ್ತಮ ವ್ಯಕ್ತಿತ್ವ ವಿದ್ಯಾರ್ಥಿಯದ್ದಾಗಲಿ’

23 Jan, 2018