ಬೆಂಗಳೂರು

ಬಾಲಕಿಗೆ ಲೈಂಗಿಕ ದೌರ್ಜನ್ಯ

ರಾಜ್ಯ ಯುವಜನ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಗೆ ಸೇರಿದ ವಸತಿ ಶಾಲೆಯಲ್ಲಿ 15 ವರ್ಷದ ಬಾಲಕಿ ಜತೆ ಅನುಚಿತವಾಗಿ ವರ್ತಿಸಿದ ಆರೋಪದಡಿ ತರಬೇತುದಾರ ಮಂಜುನಾಥ್ (52) ವಿರುದ್ಧ ಚಿಕ್ಕಜಾಲ ಠಾಣೆಯಲ್ಲಿ ಮಂಗಳವಾರ ಎಫ್‌ಐಆರ್ ದಾಖಲಾಗಿದೆ.

ಬೆಂಗಳೂರು: ರಾಜ್ಯ ಯುವಜನ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಗೆ ಸೇರಿದ ವಸತಿ ಶಾಲೆಯಲ್ಲಿ 15 ವರ್ಷದ ಬಾಲಕಿ ಜತೆ ಅನುಚಿತವಾಗಿ ವರ್ತಿಸಿದ ಆರೋಪದಡಿ ತರಬೇತುದಾರ ಮಂಜುನಾಥ್ (52) ವಿರುದ್ಧ ಚಿಕ್ಕಜಾಲ ಠಾಣೆಯಲ್ಲಿ ಮಂಗಳವಾರ ಎಫ್‌ಐಆರ್ ದಾಖಲಾಗಿದೆ.

ಸಂಜಯನಗರ ನಿವಾಸಿಯಾದ ಸಂತ್ರಸ್ತೆ, ವಿದ್ಯಾನಗರ ಕ್ರಾಸ್‌ನಲ್ಲಿರುವ ಶಾಲೆಯಲ್ಲಿ 9ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದಾಳೆ. ಎರಡು ವರ್ಷಗಳಿಂದ ಆಕೆ ಡಿಸ್ಕಸ್ ಥ್ರೋನಲ್ಲಿ ತರಬೇತಿ ಪಡೆಯುತ್ತಿದ್ದಳು. ಇತ್ತೀಚೆಗೆ ವಿಶಾಖ ಪಟ್ಟಣದಲ್ಲಿ ನಡೆದ ರಾಷ್ಟ್ರಮಟ್ಟದ ಕ್ರೀಡಾಕೂಟದಲ್ಲೂ ಪಾಲ್ಗೊಂಡಿದ್ದಳು.

ಮೊದಲು ಕಂಠೀರವ ತರಬೇತಿ ಅಕಾಡೆಮಿಯಲ್ಲಿದ್ದ ಮಂಜುನಾಥ್, ಕೆಲ ದಿನಗಳ ಹಿಂದಷ್ಟೇ ಈ ಶಾಲೆಗೆ ವರ್ಗವಾಗಿದ್ದರು. ‘ಮಂಜುನಾಥ್ ಸರ್ ತರಬೇತಿ ವೇಳೆ ನನ್ನ ಮೈ–ಕೈ ಮುಟ್ಟಿ ಅನುಚಿತವಾಗಿ ವರ್ತಿಸುತ್ತಿದ್ದರು. ಅಲ್ಲದೆ, ವಿಶಾಖಪಟ್ಟಣಕ್ಕೆ ಕರೆದೊಯ್ದಾಗಲೂ ರೈಲಿನಲ್ಲಿ ಅಸಭ್ಯವಾಗಿ ವರ್ತಿಸಿದ್ದರು. ಈ ಸಂಗತಿಯನ್ನು ಅಮ್ಮನ ಬಳಿ ಹೇಳಿದ್ದೆ’ ಎಂದು ಸಂತ್ರಸ್ತೆ ದೂರಿನಲ್ಲಿ ಹೇಳಿದ್ದಾಳೆ.

ಇದರಿಂದ ಕೆರಳಿದ ಪೋಷಕರು, ಮಂಜುನಾಥ್ ವರ್ತನೆಯನ್ನು ಕ್ರೀಡಾ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದಿದ್ದರು. ಈ ಕುರಿತು ಆಂತರಿಕ ತನಿಖೆ ನಡೆಸಿದ ಅಧಿಕಾರಿಗಳು, ಪೊಲೀಸರಿಗೆ ದೂರು ಕೊಡುವಂತೆ ಪೋಷಕರಿಗೆ ಸಲಹೆ ನೀಡಿದ್ದರು. ಅದರಂತೆ, ಪೋಷಕರು ಮಂಗಳವಾರ ಠಾಣೆಯ ಮೆಟ್ಟಿಲೇರಿದ್ದಾರೆ. ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಕಾಯ್ದೆ (ಪೋಕ್ಸೊ) ಅಡಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

‘ತರಬೇತಿ ನೀಡುವಾಗ ತಿಳಿಯದೆ ಬಾಲಕಿಯನ್ನು ಸ್ಪರ್ಶಿಸಿರಬಹುದು. ಅದನ್ನೇ ಆಕೆ ತಪ್ಪಾಗಿ ಭಾವಿಸಿರಬಹುದು. ಯಾವ ಕ್ರೀಡಾಪಟುಗಳ ಜತೆಗೂ ನಾನು ಕೆಟ್ಟದಾಗಿ ನಡೆದುಕೊಂಡಿಲ್ಲ’ ಎಂದು ಮಂಜುನಾಥ್ ಇಲಾಖೆಯ ಅಧಿಕಾರಿಗಳ ಮುಂದೆ ಹೇಳಿಕೆ ಕೊಟ್ಟಿದ್ದಾರೆ.

ಮಹಿಳಾ ತರಬೇತುದಾರರ ನೇಮಕ

‘ಬಾಲಕಿ ಪೋಷಕರು ವಾರದ ಹಿಂದೆ ಇಲಾಖೆಗೆ ದೂರು ಕೊಟ್ಟಿದ್ದರು. ಲೈಂಗಿಕ ದೌರ್ಜನ್ಯ ಆರೋಪವಾದ ಕಾರಣ ಪೊಲೀಸರೇ ತನಿಖೆ ನಡೆಸುವುದು ಸೂಕ್ತವೆಂದು ದೂರು ಕೊಡಿಸಿದ್ದೇವೆ. ತರಬೇತುದಾರ ಮಂಜುನಾಥ್ ಅವರನ್ನು ಸದ್ಯ ಧಾರವಾಡದ ತರಬೇತಿ ಕೇಂದ್ರಕ್ಕೆ ವರ್ಗಾಯಿಸಲಾಗಿದ್ದು, ಅವರ ಸ್ಥಾನಕ್ಕೆ ಶ್ಯಾಮಲಾ ಪಾಟೀಲ್ ಎಂಬುವರನ್ನು ನೇಮಿಸಿದ್ದೇವೆ’ ಎಂದು ಯುವಜನ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ನಿರ್ದೇಶಕ ಅನುಪ‍ಮ್ ಅಗರ್‌ವಾಲ್ ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ವಿದೇಶಿ ಮದ್ಯದ ‘ಹಿತಾನುಭವ’

ರಾಜ್ಯದಲ್ಲೀಗ ದೇಶಿ ಮದ್ಯವೇ ದುಬಾರಿ, ಆಮದು ಬ್ರಾಂಡ್‌ ಅಗ್ಗ
ವಿದೇಶಿ ಮದ್ಯದ ‘ಹಿತಾನುಭವ’

20 Apr, 2018
ವಿಷ್ಣುವರ್ಧನ್‌ ಸಮಾಧಿಗೆ ಜಾಗ ನೀಡಲು ಆಗ್ರಹ

ಬೆಂಗಳೂರು
ವಿಷ್ಣುವರ್ಧನ್‌ ಸಮಾಧಿಗೆ ಜಾಗ ನೀಡಲು ಆಗ್ರಹ

20 Apr, 2018
ಬೆಂಗಳೂರು ಕ್ಲಬ್‌ಗೆ 150ನೇ ವರ್ಷಾಚರಣೆ ಸಂಭ್ರಮ

ಬೆಂಗಳೂರು
ಬೆಂಗಳೂರು ಕ್ಲಬ್‌ಗೆ 150ನೇ ವರ್ಷಾಚರಣೆ ಸಂಭ್ರಮ

20 Apr, 2018
ವೇದಳಿಗೆ ಹೆಣ್ಣು ಮರಿ ಜನನದ ಸಂಭ್ರಮ

ಬನ್ನೇರುಘಟ್ಟ ಜೈವಿಕ ಉದ್ಯಾನವನದಲ್ಲಿ ಪುತ್ರೋತ್ಸವದ ಸಂಭ್ರಮ
ವೇದಳಿಗೆ ಹೆಣ್ಣು ಮರಿ ಜನನದ ಸಂಭ್ರಮ

20 Apr, 2018

ಬೆಂಗಳೂರು
ಕಾಂಗ್ರೆಸ್‌ ಬಣ್ಣ ಬಯಲು: ಪ್ರಕಾಶ್ ಜಾವಡೇಕರ್

‘ನ್ಯಾಯಮೂರ್ತಿ ಲೋಯಾ ಅವರದು ಸಹಜ ಸಾವು ಎಂದು ಸುಪ್ರೀಂ ಕೋರ್ಟ್‌ ಐತಿಹಾಸಿಕ ತೀರ್ಪು ನೀಡಿದೆ. ಈ ಪ್ರಕರಣದ ಮೂಲಕ ಅಮಿತ್ ಶಾ ಹೆಸರಿಗೆ ಮಸಿ...

20 Apr, 2018