ವಿಡಿಯೊದಲ್ಲಿ ಕೃತ್ಯ ಸಮರ್ಥಿಸಿಕೊಂಡ ಆರೋಪಿ

ಲವ್‌ ಜಿಹಾದ್? ವ್ಯಕ್ತಿಯ ಜೀವಂತ ದಹನ

ಲವ್ ಜಿಹಾದ್‌ನಿಂದ ಯುವತಿಯನ್ನು ರಕ್ಷಿಸುವ ಸಲುವಾಗಿ ಕೊಲೆ ಮಾಡಿದ್ದೇನೆ ಎಂದು ಸ್ವತಃ ಆರೋಪಿ ಹೇಳಿಕೊಂಡಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಲವ್‌ ಜಿಹಾದ್? ವ್ಯಕ್ತಿಯ ಜೀವಂತ ದಹನ

ಜೈಪುರ: ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿ ಜೀವಂತವಾಗಿ ಸುಟ್ಟ ಅಮಾನವೀಯ ಘಟನೆ ರಾಜಸ್ಮಂಡ್‌ ಜಿಲ್ಲೆಯ ರಾಜ್‌ನಗರದಲ್ಲಿ ಬುಧವಾರ ನಡೆದಿದ್ದು, ಆರೋಪಿ ಶಂಭುನಾಥ್ ರಾಯ್‌ಘರ್‌ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

ಲವ್ ಜಿಹಾದ್‌ನಿಂದ ಯುವತಿಯನ್ನು ರಕ್ಷಿಸುವ ಸಲುವಾಗಿ ಕೊಲೆ ಮಾಡಿದ್ದೇನೆ ಎಂದು ಸ್ವತಃ ಆರೋಪಿ ಹೇಳಿಕೊಂಡಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಶಂಭುನಾಥ್ ರಾಯ್‌ಘರ್‌ ಎಂಬಾತ ಮೊಹಮ್ಮದ್ ಅಫ್ರಾಜುಲ್ ಎಂಬುವವರ ಮೇಲೆ ತೀವ್ರವಾಗಿ ಹಲ್ಲೆ ನಡೆಸಿ ಸೀಮೆಎಣ್ಣೆ ಸುರಿದು ಜೀವಂತವಾಗಿ ಸುಟ್ಟು ಹಾಕಿದ್ದಾನೆ. ಇದೆಲ್ಲಾ ವಿಡಿಯೊದಲ್ಲಿ ಸೆರೆಯಾಗಿದೆ.

‘ಲವ್‌ ಜಿಹಾದ್‌ನಿಂದ ಯುವತಿಯನ್ನು ಕಾಪಾಡುವ ಸಲುವಾಗಿ ಈತನನ್ನು ಸುಟ್ಟಿದ್ದೇನೆ ಎಂದು ತಾನು ಮಾಡಿರುವ ಕೃತ್ಯವನ್ನು ಸಮರ್ಥಿಸಿಕೊಂಡಿರುವ ಶಂಭುನಾಥ್, ಯಾರು ಲವ್ ಜಿಹಾದ್‌ಗೆ ಯತ್ನಿಸುತ್ತಾರೋ ಅವರಿಗೆಲ್ಲಾ ಇದೇ ಶಿಕ್ಷೆ ಕಾದಿದೆ ಎಂದು ಹೇಳಿರುವ ಮಾತುಗಳು ಸೆರೆಯಾಗಿರುವುದು ವಿಡಿಯೊದಲ್ಲಿದೆ’ ಎಂದು ಪೊಲೀಸರು ಹೇಳಿದ್ದಾರೆ.

ಘಟನೆಯ ನಂತರ ರಾಜಸ್ಮಂಡ್‌ ಜಿಲ್ಲೆಯಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ಕಟ್ಟೆಚ್ಚರ ವಹಿಸಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. 

ಸ್ಥಳ ಪರಿಶೀಲನೆ ವೇಳೆ ಅರ್ಧ ಬೆಂದ ಮೃತದೇಹ, ಹತ್ಯೆಗೆ ಬಳಸಿದ ಕೃಷಿ ಉಪಕರಣಗಳು, ದ್ವಿಚಕ್ರ ವಾಹನ, ಚಪ್ಪಲಿಗಳು ದೊರೆತಿವೆ. ಅಲ್ಲದೇ ಈ ಬಗ್ಗೆ ತನಿಖೆ ಕೈಗೊಂಡಿದ್ದೇವೆ ಎಂದು ಐಜಿ ಆನಂದ್ ಶ್ರೀವಾತ್ಸವ ಹೇಳಿದ್ದಾರೆ.

ಘಟನೆ ಬಗ್ಗೆ ಪ್ರತಿಕ್ರಿಯಿಸಿದ ರಾಜಸ್ತಾನದ ಗೃಹ ಸಚಿವ ಗುಲಾಬ್‌ ಚಂದ್ ಕಟಾರಿಯಾ, ‘ಇದೊಂದು ಆಘಾತಕಾರಿ ಘಟನೆ. ಈ ದುಷ್ಕೃತ್ಯ ಎಸಗಿದ ಆರೋಪಿಯನ್ನು ಬಂಧಿಸಲಾಗಿದೆ. ವಿಶೇಷ ತನಿಖಾ ತಂಡ ಆರೋಪಿಯ ವಿಚಾರಣೆ ನಡೆಸುತ್ತಿದೆ’ ಎಂದು ಹೇಳಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಗೂಗಲ್‌: ಕೆಲಸ ಹುಡುಕುವುದು ಇನ್ನಷ್ಟು ಸುಲಭ

ನವದೆಹಲಿ
ಗೂಗಲ್‌: ಕೆಲಸ ಹುಡುಕುವುದು ಇನ್ನಷ್ಟು ಸುಲಭ

25 Apr, 2018

ನವದೆಹಲಿ
‘ಮರಣ ದಂಡನೆಗೆ ನೇಣು ಹೆಚ್ಚು ಸೂಕ್ತ’

ಮರಣದಂಡನೆ ವಿಧಿಸಲು ಹಲವು ವಿಧಾನಗಳಿದ್ದರೂ ನೇಣಿಗೆ ಏರಿಸುವುದು ಅತ್ಯಂತ ತ್ವರಿತವಾಗಿ ಜೀವ ತೆಗೆಯುವ ವಿಧಾನ ಎಂದು ಸುಪ್ರೀಂ ಕೋರ್ಟ್‌ಗೆ ಕೇಂದ್ರ ಸರ್ಕಾರ ತಿಳಿಸಿದೆ.

25 Apr, 2018

ನವದೆಹಲಿ
ವಾಗ್ದಂಡನೆ ಪ್ರಸ್ತಾಪ ವಜಾ: ಸಮರ್ಥನೆ

ಸುಪ್ರೀಂ ಕೋರ್ಟ್‌ ಮುಖ್ಯ ನ್ಯಾಯಮೂರ್ತಿ ದೀಪಕ್‌ ಮಿಶ್ರಾ ವಿರುದ್ಧ ವಿರೋಧ ಪಕ್ಷಗಳು ಮಂಡಿಸಿದ್ದ ವಾಗ್ದಂಡನೆ ಪ್ರಸ್ತಾಪ ತಿರಸ್ಕರಿಸಿರುವ ನಿರ್ಧಾರವನ್ನು ರಾಜ್ಯಸಭಾ ಸಭಾಪತಿ ಎಂ.ವೆಂಕಯ್ಯ ನಾಯ್ಡು...

25 Apr, 2018
ಬಡ್ತಿ ಮೀಸಲಾತಿ ರದ್ದತಿ ತೀರ್ಪು ಜಾರಿ: ಪರಿಷ್ಕೃತ ಜ್ಯೇಷ್ಠತಾ ಪಟ್ಟಿ ಸಿದ್ಧ

ನವದೆಹಲಿ
ಬಡ್ತಿ ಮೀಸಲಾತಿ ರದ್ದತಿ ತೀರ್ಪು ಜಾರಿ: ಪರಿಷ್ಕೃತ ಜ್ಯೇಷ್ಠತಾ ಪಟ್ಟಿ ಸಿದ್ಧ

25 Apr, 2018
ಗಡ್‌ಚಿರೋಲಿ: ಮತ್ತೆ 15 ನಕ್ಸಲರ ಮೃತದೇಹ ಪತ್ತೆ

ಗಡ್‌ಚಿರೋಲಿ
ಗಡ್‌ಚಿರೋಲಿ: ಮತ್ತೆ 15 ನಕ್ಸಲರ ಮೃತದೇಹ ಪತ್ತೆ

25 Apr, 2018