ರಾಷ್ಟ್ರೀಯ ಸೇವಾ ಯೋಜನೆ ಶಿಬಿರ

ಜೀವನ ಮೌಲ್ಯದ ಪಾಠವೇ ಬದುಕಿಗೆ ದಾರಿದೀಪ

ರಾಷ್ಟ್ರೀಯ ಸೇವಾ ಯೋಜನೆಯ ಶಿಬಿರವು ಒಟ್ಟಿಗೆ ಬಾಳುವುದನ್ನು ಕಲಿಸಲಿದ್ದು, ಇದನ್ನು ಯಾವ ಕಾಲೇಜು ಶಿಕ್ಷಣವೂ ನೀಡಲಾರದು. ಜನರ ಜೀವನ ಶೈಲಿಯ ವ್ಯತ್ಯಾಸಗಳು, ಸುಖ ದುಃಖಗಳ ಪರಿಚಯವಾಗಿ ಸೇವಾ ಪ್ರವೃತ್ತಿಯನ್ನು ಬೆಳೆಸಿಕೊಳ್ಳುವ ಮನೋಭಾವ ಬೆಳೆಯುತ್ತದೆ ಎಂದು ಅಭಿಪ್ರಾಯಪಟ್ಟರು.

ಶೃಂಗೇರಿ: ವಿದ್ಯಾರ್ಥಿಗಳ ಪುಸ್ತಕದ ಕಲಿಕೆಗಿಂತ ಜೀವನ ಮೌಲ್ಯದ ಪಾಠವೇ ಬದುಕಿಗೆ ದಾರಿದೀಪ. ಇದನ್ನು ರಾಷ್ಟ್ರೀಯ ಸೇವಾ ಯೋಜನೆ ಶಿಬಿರಗಳು ಕಲಿಸುತ್ತವೆ. ನಮ್ಮ ಗ್ರಾಮದ ಉದ್ಧಾರ ನಮ್ಮಿಂದಲೇ ಸಾಧ್ಯ. ಅದು ನಮ್ಮಿಂದಲೇ ಆಗಬೇಕು. ಬೇರೆಯವರ ಬಳಿ ಕೈಚಾಚುವುದಕ್ಕಿಂತ ನಾವೆಲ್ಲಾ ಕೈ ಜೋಡಿಸಬೇಕು ಎಂದು ಶಾರದ ಮಠದ ಆಡಳಿತಾಧಿಕಾರಿ ಡಾ.ವಿ.ಆರ್. ಗೌರಿಶಂಕರ್‌ ಹೇಳಿದರು.

ಶೃಂಗೇರಿ ತಾಲ್ಲೂಕಿನ ಕಿಗ್ಗಾದ ಅಭಿನವ ರಮಾನಂದ ಪ್ರೌಢಶಾಲೆಯಲ್ಲಿ ಜೆಸಿಬಿಎಂ ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನೆಯ 7 ದಿನಗಳ ವಾರ್ಷಿಕ ವಿಶೇಷ ಶಿಬಿರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ರಾಷ್ಟ್ರೀಯ ಸೇವಾ ಯೋಜನೆಯ ಶಿಬಿರವು ಒಟ್ಟಿಗೆ ಬಾಳುವುದನ್ನು ಕಲಿಸಲಿದ್ದು, ಇದನ್ನು ಯಾವ ಕಾಲೇಜು ಶಿಕ್ಷಣವೂ ನೀಡಲಾರದು. ಜನರ ಜೀವನ ಶೈಲಿಯ ವ್ಯತ್ಯಾಸಗಳು, ಸುಖ ದುಃಖಗಳ ಪರಿಚಯವಾಗಿ ಸೇವಾ ಪ್ರವೃತ್ತಿಯನ್ನು ಬೆಳೆಸಿಕೊಳ್ಳುವ ಮನೋಭಾವ ಬೆಳೆಯುತ್ತದೆ ಎಂದು ಅಭಿಪ್ರಾಯಪಟ್ಟರು.

ಶಾಸಕ ಡಿ.ಎನ್. ಜೀವರಾಜ್ ಮಾತನಾಡಿ, ‘ಗ್ರಾಮಸ್ಥರೊಂದಿಗೆ ಶಿಬಿರಾರ್ಥಿಗಳು ಉತ್ತಮ ಬಾಂಧ ವ್ಯವನ್ನು ಬೆಳೆಸಿಕೊಳ್ಳಬೇಕು. ಕೆಲಸ ದೊಂದಿಗೆ ಸೌಹಾರ್ದವನ್ನು ಕಲಿಸುವ ಏಕತೆಯ ಪ್ರತಿರೂಪವಾಗಲಿ’ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕಾಲೇಜಿನ ಪ್ರಾಂಶುಪಾಲ ಡಾ.ಎಂ.ಸ್ವಾಮಿ ಮಾತನಾಡಿ, ‘ಸೇವೆ ಎಂದರೆ ಯುದ್ಧ ಭೂಮಿಯಲ್ಲಿ ಮಾತ್ರವಲ್ಲ. ಮನೆ, ಮನಸ್ಸುಗಳ ಕೈಂಕರ್ಯ. ಯುವಶಕ್ತಿಯಿಂದ ಸದೃಢ ದೇಶದ ನಿರ್ಮಾಣ ಸಾಧ್ಯ ಎಂದರು.

ಹಿರಿಯ ಸ್ವಯಂ ಸೇವಕರಾದ ನಾಗರಾಜ ಕೂವೆಯವರ 'ನನ್ನಯ ಹಕ್ಕಿ ಬಿಟ್ಟೆ ಬಿಟ್ಟೆ…. ಹರೆಯದ ಪಿಸುಮಾತು' ಪುಸ್ತಕ ಬಿಡುಗಡೆಗೊಳಿಸಲಾಯಿತು. ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಅಂಕಿತಾ ಅವರನ್ನು ಸನ್ಮಾನಿಸಲಾಯಿತು.

ಕಾಲೇಜು ಆಡಳಿತ ಮಂಡಳಿಯ ಶೇಖರ್‌ರಾವ್‌, ರಾಜೇಂದ್ರರಾವ್, ರೈತಪರ ಚಿಂತಕರಾದ ಸಚಿನ್ ಮೀಗ, ಜಿಲ್ಲಾ ಪಂಚಾಯಿತಿ ಸದಸ್ಯರಾದ ಬಿ. ಶಿವಶಂಕರ್, ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷೆ ಜಯಶೀಲ ಚಂದ್ರಶೇಖರ್, ಅಭಿನವ ರಮಾನಂದ ಪ್ರೌಢಶಾಲೆಯ ಮುಖ್ಯ ಶಿಕ್ಷಕಿಯಾದ ಪೂರ್ಣಿಮಾ ಉಪಸ್ಥಿತರಿದ್ದರು.

ಮೇಘನಾ, ಶೃತಿ ನಿರೂಪಿಸಿದರು. ಶ್ರೀದೇವಿ ಪ್ರಾರ್ಥಿಸಿದರು. ಎ.ಜಿ. ಪ್ರಶಾಂತ್ ಸ್ವಾಗತಿಸಿದರು. ಶಿಬಿರಾಧಿಕಾರಿಗಳಾದ ಅದಿತಿ ಕಾಮತ್‌ ವಂದಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಕಡೂರು
15 ನಾಮಪತ್ರ ಕ್ರಮಬದ್ಧ

ಕಡೂರು ವಿಧಾನಸಭಾ ಚುನಾವಣೆಗೆ ಸಲ್ಲಿಕೆಯಾದ ನಾಮಪತ್ರಗಳ ಪರಿಶೀಲನೆ ಬುಧವಾರ ನಡೆಯಿತು.

26 Apr, 2018

ನರಸಿಂಹರಾಜಪುರ
ಕೇಂದ್ರ ಸರ್ಕಾರದಿಂದ ದ್ವೇಷದ ರಾಜಕಾರಣ

‘ಕೇಂದ್ರದ ಬಿಜೆಪಿ ಸರ್ಕಾರವು ಆದಾಯ ತೆರಿಗೆ ಇಲಾಖೆ (ಐ.ಟಿ) ಬಳಸಿಕೊಂಡು ಕಾಂಗ್ರೆಸ್ ಮುಖಂಡರ ಮೇಲೆ ದ್ವೇಷದ ರಾಜಕಾರಣ ಮಾಡುತ್ತಿದೆ’ ಎಂದು ಶೃಂಗೇರಿ ಕ್ಷೇತ್ರದ ಕಾಂಗ್ರೆಸ್...

26 Apr, 2018
ಪ್ರಜಾತಂತ್ರ ಧರ್ಮ, ಸಂವಿಧಾನ ಧರ್ಮಗ್ರಂಥ

ಚಿಕ್ಕಮಗಳೂರು
ಪ್ರಜಾತಂತ್ರ ಧರ್ಮ, ಸಂವಿಧಾನ ಧರ್ಮಗ್ರಂಥ

26 Apr, 2018
ರಾಜಕೀಯ ಕಾರಣಕ್ಕೆ ಟೀಕಿಸುವುದು ಸರಿಯಲ್ಲ

ಚಿಕ್ಕಮಗಳೂರು
ರಾಜಕೀಯ ಕಾರಣಕ್ಕೆ ಟೀಕಿಸುವುದು ಸರಿಯಲ್ಲ

25 Apr, 2018

ಕಡೂರು
‘ಜನರ ಪ್ರೀತಿ ಆತ್ಮವಿಶ್ವಾಸ ಹೆಚ್ಚಿಸಿದೆ’

ಶಾಸಕ ವೈ.ಎಸ್.ವಿ. ದತ್ತ ಅವರು ಮಂಗಳವಾರ ಜೆಡಿಎಸ್ ಅಭ್ಯರ್ಥಿಯಾಗಿ ಮತ್ತೊಮ್ಮೆ ನಾಮಪತ್ರ ಸಲ್ಲಿಸಿದರು. ಕಳೆದ 19ರಂದು ದತ್ತ ಅವರು ಸಾಂಕೇತಿಕವಾಗಿ ನಾಮಪತ್ರ ಸಲ್ಲಿಸಿದ್ದರು.

25 Apr, 2018