ಛಲ

ಶೌಚಾಲಯಕ್ಕಾಗಿ ಪೆಟ್ಟು ತಿಂದ ಮಹಿಳೆ!

ಶೌಚಾಲಯ ಕಟ್ಟಿಸಿಕೊಡುವಂತೆ ಒತ್ತಾಯಿಸಿದ್ದಕ್ಕಾಗಿ ಗಂಡನ ಮನೆಯವರಿಂದ ಪೆಟ್ಟು ತಿಂದರೂ ಛಲ ಬಿಡದ ಮಹಿಳೆಯ ಯತ್ನ ಇದೀಗ ಫಲಿಸಿದೆ. 17 ಜನರಿದ್ದ ಈ ಅವಿಭಕ್ತ ಕುಟುಂಬದಲ್ಲಿ, ಇದ್ದ ಒಂದೇ ಶೌಚಾಲಯದ ಜೊತೆಗೆ ಈಗ ಮತ್ತೊಂದು ಶೌಚಾಲಯ ಸಿದ್ಧಗೊಂಡಿದೆ.

ಶೌಚಾಲಯಕ್ಕಾಗಿ ಪೆಟ್ಟು ತಿಂದ ಮಹಿಳೆ!

ಹರ್ದಾ (ಮಧ್ಯಪ್ರದೇಶ): ಶೌಚಾಲಯ ಕಟ್ಟಿಸಿಕೊಡುವಂತೆ ಒತ್ತಾಯಿಸಿದ್ದಕ್ಕಾಗಿ ಗಂಡನ ಮನೆಯವರಿಂದ ಪೆಟ್ಟು ತಿಂದರೂ ಛಲ ಬಿಡದ ಮಹಿಳೆಯ ಯತ್ನ ಇದೀಗ ಫಲಿಸಿದೆ. 17 ಜನರಿದ್ದ ಈ ಅವಿಭಕ್ತ ಕುಟುಂಬದಲ್ಲಿ, ಇದ್ದ ಒಂದೇ ಶೌಚಾಲಯದ ಜೊತೆಗೆ ಈಗ ಮತ್ತೊಂದು ಶೌಚಾಲಯ ಸಿದ್ಧಗೊಂಡಿದೆ.

ಮನೆಯವರು ತನ್ನ ಮೇಲೆ ಹಲ್ಲೆ ನಡೆಸುತ್ತಿರುವುದಾಗಿ ಆರೋಪಿಸಿ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದರು. ಪೊಲೀಸರು ವಿಚಾರಣೆ ನಡೆಸಿದಾಗ, ಒಂದೇ ಶೌಚಾಲಯವನ್ನು ಮನೆಯವರೆಲ್ಲರೂ ಬಳಸುತ್ತಿದ್ದುದರಿಂದ ಉಂಟಾಗುತ್ತಿದ್ದ ತೊಂದರೆಯಿಂದ ರೋಸಿ ಹೋಗಿದ್ದ ಮಹಿಳೆ, ಮತ್ತೊಂದು ಶೌಚಾಲಯಕ್ಕೆ ಪಟ್ಟು ಹಿಡಿದಿದ್ದುದೇ ಹಲ್ಲೆಗೆ ಕಾರಣ ಎಂಬುದು ತಿಳಿದುಬಂತು.

ಎರಡು ವರ್ಷಗಳ ಹಿಂದೆ ಮದುವೆಯಾಗಿ ಬಂದಿದ್ದ ಈಕೆಯ ಬೇಡಿಕೆಗೆ ಮನೆಯವರು ಕಿವುಡಾಗಿದ್ದರು. ಇದನ್ನು ಅರಿತ ಪೊಲೀಸರು, ಕುಟುಂಬದವರ ಮನವೊಲಿಸಿ ಮತ್ತೊಂದು ಶೌಚಾಲಯ ನಿರ್ಮಾಣಕ್ಕೆ ಅವರನ್ನು ಒಪ್ಪಿಸುವಲ್ಲಿ ಯಶಸ್ವಿಯಾದರು.

ಇಷ್ಟೇ ಅಲ್ಲದೆ, ಅದಕ್ಕಾಗಿ ಪೊಲೀಸರು ಧನಸಹಾಯವನ್ನೂ ಮಾಡಿದ್ದು, ನೂತನ ಶೌಚಾಲಯವನ್ನು ಬುಧವಾರ ಕುಟುಂಬದ ವಶಕ್ಕೆ ನೀಡಲಾಗಿದೆ. ಈ ಕುರಿತು ಮಹಿಳೆ ಸಂತಸ ವ್ಯಕ್ತಪಡಿಸಿದ್ದಾರೆ.

‘ಸಮಸ್ಯೆ ಬಗೆಹರಿದಿದ್ದಕ್ಕೆ ನಮಗೆ ಸಂತೋಷವಾಗಿದೆ. ಹೊಸ ಶೌಚಾಲಯ ನಮ್ಮ ಕುಟುಂಬವನ್ನು ಕಾಪಾಡಿದೆ’ ಎಂದು ಆಕೆಯ ಅತ್ತೆ ಪ್ರತಿಕ್ರಿಯಿಸಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ನೂತನ ಚುನಾವಣಾ ಆಯುಕ್ತರಾಗಿ ಓಂ ಪ್ರಕಾಶ್‌ ರಾವತ್‌ ನೇಮಕ

ನವದೆಹಲಿ
ನೂತನ ಚುನಾವಣಾ ಆಯುಕ್ತರಾಗಿ ಓಂ ಪ್ರಕಾಶ್‌ ರಾವತ್‌ ನೇಮಕ

21 Jan, 2018
ರಾಸಾಯನಿಕ ಕಾರ್ಖಾನೆಯಲ್ಲಿ ಸ್ಫೋಟ: ಮೂವರು ಕಾರ್ಮಿಕರು ಬಲಿ

12ಮಂದಿಗೆ ಗಾಯ
ರಾಸಾಯನಿಕ ಕಾರ್ಖಾನೆಯಲ್ಲಿ ಸ್ಫೋಟ: ಮೂವರು ಕಾರ್ಮಿಕರು ಬಲಿ

21 Jan, 2018
ಬಂದಿದೆ ಬರೀ ₹ 6ರ ಸೇನಾ ಜಲ್‌ ಎಂಬ ಹೊಸ ನೀರಿನ ಬ್ರಾಂಡ್‌

ಎಡಬ್ಲ್ಯೂಡಬ್ಲ್ಯೂಎ ಸಂಘ
ಬಂದಿದೆ ಬರೀ ₹ 6ರ ಸೇನಾ ಜಲ್‌ ಎಂಬ ಹೊಸ ನೀರಿನ ಬ್ರಾಂಡ್‌

21 Jan, 2018
‘ಕಾಶ್ಮೀರವನ್ನು ಯುದ್ಧದ ಮೈದಾನದ ಬದಲು ಸ್ನೇಹದ ಸೇತುವೆಯಾಗಿಸಿ’

ನವದೆಹಲಿ
‘ಕಾಶ್ಮೀರವನ್ನು ಯುದ್ಧದ ಮೈದಾನದ ಬದಲು ಸ್ನೇಹದ ಸೇತುವೆಯಾಗಿಸಿ’

21 Jan, 2018

ಸೆಷನ್ಸ್ ನ್ಯಾಯಾಲಯ ತೀರ್ಪು
ದಲಿತ ಯುವಕರನ್ನು ಕೊಂದವರಿಗೆ ಗಲ್ಲು

ಐದು ವರ್ಷಗಳ ಹಿಂದೆ ಅಹ್ಮದ್‌ನಗರ್ ಜಿಲ್ಲೆಯ ಸೋನಿಯಾ ಗ್ರಾಮದಲ್ಲಿ ಮೂವರು ದಲಿತ ಯುವಕರನ್ನು ಹತ್ಯೆ ಮಾಡಿದ ಪ್ರಕರಣದಲ್ಲಿ ಆರು ಆರೋಪಿಗಳಿಗೆ ಇಲ್ಲಿನ ಸೆಷನ್ಸ್ ನ್ಯಾಯಾಲಯವು...

21 Jan, 2018