‘ಉತ್ತಮ ಗುಣಮಟ್ಟ, ಯೋಜನೆ, ಹಸಿರು ಕಟ್ಟಡ ಹಾಗೂ ಸುಸ್ಥಿರವಾಗಿ ನಿರ್ಮಿಸಲಾದ ಕಟ್ಟಡಗಳಿಗೆ ಐಬಿಸಿ ಪ್ರಶಸ್ತಿ ನೀಡುತ್ತದೆ. ಸತತ ಮೂರು ವರ್ಷಗಳಿಂದಲೂ ಬಿಡಿಎ ಈ ಪ್ರಶಸ್ತಿಗಳನ್ನು ಪಡೆಯುತ್ತಿದೆ. ಯೋಜನೆಗಳ ಅನುಷ್ಠಾನದಲ್ಲಿ ಸ್ಥಿರತೆ ಕಾಯ್ದುಕೊಂಡಿರುವುದೇ ಇದಕ್ಕೆ ಕಾರಣ. ಸರ್ಕಾರಿ ಸ್ವಾಮ್ಯದ ಸಂಸ್ಥೆಯೊಂದು ನಿರಂತರ ಪ್ರಶಸ್ತಿ ಗಳಿಸುತ್ತಿರುವುದು ಹೆಮ್ಮೆಯ ವಿಚಾರ’ ಎಂದು ಬಿಡಿಎ ಎಂಜಿನಿಯರಿಂಗ್ ಅಧಿಕಾರಿ ಎನ್.ಜಿ.ಗೌಡಯ್ಯ ಸಂತಸ ವ್ಯಕ್ತಪಡಿಸಿದರು.