ಇಲ್ಲಿಯ ಆಂಗ್ಲ ಪತ್ರಿಕೆ ‘ದಿ ಸನ್’ ಫಿಕ್ಸಿಂಗ್ ನಡೆದಿರುವ ಬಗ್ಗೆ ವರದಿ ಮಾಡಿದೆ. ಕುಟುಕು ಕಾರ್ಯಾಚರಣೆ ನಡೆಸಿದ ವಿಡಿಯೋ ತುಣುಕನ್ನು ತನ್ನ ಜಾಲತಾಣದಲ್ಲಿಯೂ ಹಾಕಿದೆ. ಪತ್ರಿಕೆಯಲ್ಲಿ ಪ್ರಕಟವಾಗಿರುವ ವರದಿಯಲ್ಲಿ ಸ್ಪಾಟ್ ಫಿಕ್ಸಿಂಗ್ ನಲ್ಲಿ ಭಾರತದ ಪ್ರಭಾವಿ ವ್ಯಕ್ತಿಯೊಬ್ಬರು(ಮಿಸ್ಟರ್ ಬಿಗ್) ಮತ್ತು ವಿಶ್ವಕಪ್ ಗೆದ್ದುಕೊಂಡ ತಂಡದ ಮಾಜಿ ಆಲ್ರೌಂಡರ್ (ದ ಸೈಲೆಂಟ್ ಮ್ಯಾನ್) ಪ್ರಕರಣದಲ್ಲಿ ಭಾಗಿಯಾಗಿದ್ದಾರೆ ಎಂದು ಪತ್ರಿಕೆ ವರದಿ ಮಾಡಿದೆ. ಆದರೆ ಇವರಿಬ್ಬರಲ್ಲಿ ಯಾರದೇ ನಿಜವಾದ ಹೆಸರನ್ನೂ ಉಲ್ಲೇಖಿಸಿಲ್ಲ.