ಮಾಗಡಿ

ತೊಗರಿಗೆ ಸೊರಗು ರೋಗ ಬೆಳೆ ಹಾನಿ

ರೈತರು ಮುಖ್ಯವಾಗಿ ಬೆಳೆಯುತ್ತಿದ್ದ ಬಿ.ಆರ್.ಜಿ.-1 ಮತ್ತು ಬಿ.ಆರ್.ಜಿ.-2 ತಳಿಗಳು ಸೊರಗು ರೋಗಕ್ಕೆ ಸಿಲುಕುವುದನ್ನು ಗಮನಿಸಿ ಸಂಶೋಧನೆ ಮಾಡಲಾಗಿದೆ. ಆಯ್ದ ರೈತರ ತಾಲ್ಲೂಕುಗಳಲ್ಲಿ ಪ್ರಾತ್ಯಕ್ಷಿಕೆ ಮೂಲಕ ರೋಗ ನಿರೋಧಕ ತಳಿಯಾದ ಬಿ.ಆರ್. ಜಿ.-5 ಅನ್ನು ಪರಿಚಯಿಸಲಾಯಿತು ಎಂದು ತಿಳಿಸಿದರು.

ಹೊಸಪಾಳ್ಯದ ಕೃಷ್ಣಪ್ಪ ಅವರ ತೊಗರಿ ತೋಟದಲ್ಲಿ ನಡೆದ ಕ್ಷೇತ್ರೋತ್ಸವದಲ್ಲಿ ಡಾ.ಕೇಶವರೆಡ್ಡಿ ರೈತರಿಗೆ ತಿಳಿವಳಿಕೆ ನೀಡಿದರು

ಮಾಗಡಿ: ತೊಗರಿ ತಾಲ್ಲೂಕಿನ ಮುಖ್ಯ ದ್ವಿದಳ ಧಾನ್ಯದ ಬೆಳೆ. ರೈತರು ಮುಖ್ಯವಾಗಿ ಬಿ.ಆರ್.ಜಿ.-1 ಮತ್ತು  ಬಿ.ಆರ್.ಜಿ.-2 ತಳಿಗಳನ್ನು ಬೆಳೆಯುತ್ತಿದ್ದು, ಇತ್ತೀಚಿನ ವರ್ಷಗಳಲ್ಲಿ ಈ ಎರಡೂ ತಳಿಗಳು ಹೂ ಬಿಡುವ ಹಂತದಲ್ಲಿ ಸೊರಗು ರೋಗಕ್ಕೆ ಸಿಲುಕಿ ಸುಮಾರು ಶೇ 60 ರಿಂದ 70 ಬೆಳೆ ಹಾನಿಯಾಗುತ್ತಿದೆ ಎಂದು ವಿಜ್ಞಾನಿ ಡಾ.ಕೇಶವ ರೆಡ್ಡಿ ತಿಳಿಸಿದರು.

ಹೊಸಪಾಳ್ಯದಲ್ಲಿ ನಡೆದ ಸೊರಗು ರೋಗದ ಬಗ್ಗೆ ಪ್ರಾತ್ಯಕ್ಷಿಕೆ ನೀಡಿ ಅವರು ಮಾತನಾಡಿದರು.

ರೈತರು ಮುಖ್ಯವಾಗಿ ಬೆಳೆಯುತ್ತಿದ್ದ ಬಿ.ಆರ್.ಜಿ.-1 ಮತ್ತು ಬಿ.ಆರ್.ಜಿ.-2 ತಳಿಗಳು ಸೊರಗು ರೋಗಕ್ಕೆ ಸಿಲುಕುವುದನ್ನು ಗಮನಿಸಿ ಸಂಶೋಧನೆ ಮಾಡಲಾಗಿದೆ. ಆಯ್ದ ರೈತರ ತಾಲ್ಲೂಕುಗಳಲ್ಲಿ ಪ್ರಾತ್ಯಕ್ಷಿಕೆ ಮೂಲಕ ರೋಗ ನಿರೋಧಕ ತಳಿಯಾದ ಬಿ.ಆರ್. ಜಿ.-5 ಅನ್ನು ಪರಿಚಯಿಸಲಾಯಿತು ಎಂದು ತಿಳಿಸಿದರು.

ರೈತ ಕೃಷ್ಣಪ್ಪ ಮಾತನಾಡಿ, ಈ ಹಿಂದೆ ಸುಮಾರು 10-15 ವರ್ಷಗಳಿಂದ ಬಿ.ಆರ್.ಜಿ.-1 ಮತ್ತು ಬಿ.ಆರ್.ಜಿ.-2 ತಳಿಯನ್ನು ಬೆಳೆದಿದ್ದೇವೆ. 2-3 ವರ್ಷಗಳಿಂದ ಈ ತಳಿಗಳ ಬೆಳೆ ಸೊರಗು ರೋಗಕ್ಕೆ ಸಿಲುಕಿ ಗಿಡಗಳು ಸೊರಗುತ್ತಿದ್ದವು. ಇದರಿಂದ ಇಳುವರಿಯಲ್ಲಿ ತೀವ್ರ ನಷ್ಟವಾಗುತ್ತಿತ್ತು. ಕೆ.ವಿ.ಕೆ ವಿಜ್ಞಾನಿಗಳು ಪರಿಚಯಿಸಿದ ಸೊರಗು ರೋಗ ನಿರೋಧಕ ತಳಿ ಬಿ.ಆರ್.ಜಿ.-5 ಅನ್ನು ಬೆಳೆದಿದ್ದರಿಂದ ಒಂದು ಗಿಡವೂ ರೋಗಕ್ಕೆ ಸಿಲುಕಲಿಲ್ಲ. ಉತ್ತಮ ರೀತಿಯ ಕಾಯಿ ಕಚ್ಚಿ ಫಸಲನ್ನು ನೀಡಿದೆ ಎಂದರು.

ಈ ತಳಿಯ ಪರಿಚಯದ ಜೊತೆಗೆ ಸಮಗ್ರ ವೈಜ್ಞಾನಿಕ ಬೆಳೆ ನಿರ್ವಹಣಾ ಕ್ರಮ ಅಳವಡಿಸಿಕೊಂಡು ಯಾವುದೇ ಕೀಟ ಮತ್ತು ರೋಗ ಬಾಧೆಯಿಂದ ಇಳುವರಿ ಕುಂಠಿತಗೊಳ್ಳದೇ ಉತ್ತಮ ಫಸಲನ್ನು ಪಡೆದುಕೊಂಡೆವು ಎಂದು ತಿಳಿಸಿದರು. ಜತೆಗೆ ಅಲ್ಲಿ ಸೇರಿದ್ದ ಇತರೆ ರೈತರನ್ನು ಮುಂದಿನ ವರ್ಷಗಳಲ್ಲಿ ತಮ್ಮ ಹೊಲಗಳಲ್ಲಿಯೂ ಇದೇ ತಳಿಯನ್ನು ಬೆಳೆದುಕೊಂಡು ಅಧಿಕ ಇಳುವರಿ ಗಳಿಸಿಕೊಳ್ಳುವಂತೆ ಪ್ರೋತ್ಸಾಹಿಸಿದ್ದಾರೆ ಎಂದರು.

ಗೃಹ ವಿಜ್ಞಾನಿ ಡಾ.ಲತಾ ಆರ್.ಕುಲಕರ್ಣಿ ಅವರು ಮಾತನಾಡಿ, ಕಟಾವು ನಂತರ ತೊಗರಿಯ ಮೌಲ್ಯವರ್ಧನೆಯಿಂದ ಅಧಿಕ ಆದಾಯ ಗಳಿಸಬಹುದು ಎಂದು ತಿಳಿಸಿದರು.

ಕೃಷಿ ಅಧಿಕಾರಿ ಆನಂದ್ ಅವರು ಮಾತನಾಡಿ, ಈ ತಳಿಯನ್ನು ತಾಲ್ಲೂಕಿನ ಇತರೆ ರೈತರು ಬೆಳೆದು ಇತರೆ ತಳಿಗಳಲ್ಲಿ ಸೊರಗು ರೋಗದಿಂದ ಆಗುವ ನಷ್ಟ ತಪ್ಪಿಸಿ ಅಧಿಕ ಲಾಭ ಗಳಿಸಿ ಎಂದು ತಿಳಿಸಿದರು.

ವಿಜ್ಞಾನಿ ಡಾ.ಹನುಮಂತರಾಯ, ರೈತ ಚಂದ್ರಶೇಖರ್‌, ದಿಲೀಪ್‌ ಕುಮಾರ್ ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಬೇಸಿಗೆ ಶಿಬಿರಗಳಲ್ಲಿ ಚಿಣ್ಣರ ಕಲರವ

ರಾಮನಗರ
ಬೇಸಿಗೆ ಶಿಬಿರಗಳಲ್ಲಿ ಚಿಣ್ಣರ ಕಲರವ

20 Apr, 2018

ಮಾಗಡಿ
‘ವಿವೇಚನೆಯಿಂದ ಮತ ಚಲಾಯಿಸಿ’

ಆಮಿಷಕ್ಕೆ ಮರುಳಾಗದೆ, ಪ್ರಾಮಾಣಿಕವಾಗಿ ವಿವೇಚನೆಯಿಂದ ಮತ ಚಲಾಯಿಸಿ ಪ್ರಜಾಪ್ರಭುತ್ವ ಉಳಿಸಿ ಎಂದು ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಪುಟ್ಟಸ್ವಾಮಿ ತಿಳಿಸಿದರು.

20 Apr, 2018

ಮಾಗಡಿ
‘ಎಚ್‌ಡಿಕೆ ಕೆಲಸಗಳೇ ಗೆಲುವಿಗೆ ಶ್ರೀರಕ್ಷೆ’

ಜೆಡಿಎಸ್ ಅಭ್ಯರ್ಥಿ ಎ.ಮಂಜುನಾಥ ಅವರು ಚುನಾವಣಾ ಅಧಿಕಾರಿ ಕೃಷ್ಣಮೂರ್ತಿ, ಸಹಾಯಕ ಚುನಾವಣಾಧಿಕಾರಿ ಎನ್.ಶಿವಕುಮಾರ್ ಸಮ್ಮುಖದಲ್ಲಿ ಗುರುವಾರ ನಾಮಪತ್ರ ಸಲ್ಲಿಸಿದರು.

20 Apr, 2018
ಮನುಷ್ಯ ಧರ್ಮದ ಸ್ಥಾಪನೆಗೆ ಕ್ರಮ

ಕನಕಪುರ
ಮನುಷ್ಯ ಧರ್ಮದ ಸ್ಥಾಪನೆಗೆ ಕ್ರಮ

19 Apr, 2018

ಚನ್ನಪಟ್ಟಣ
ಅತ್ಯಾಚಾರಿಗಳಿಗೆ ಶಿಕ್ಷೆ ನೀಡಲು ಆಗ್ರಹ

ಜಮ್ಮು ಕಾಶ್ಮೀರದಲ್ಲಿ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿ ಅಮಾನುಷವಾಗಿ ಕೊಲೆ ಮಾಡಿರುವ ಆರೋಪಿಗಳಿಗೆ ಉಗ್ರ ಶಿಕ್ಷೆ ನೀಡುವಂತೆ ಆಗ್ರಹಿಸಿ ವಿವಿಧ ಮುಸ್ಲಿಂ ಸಂಘಟನೆಯ ಪದಾಧಿಕಾರಿಗಳು...

18 Apr, 2018