ಮೈಸೂರು

ವರ್ಷಾಂತ್ಯಕ್ಕೆ ಶೋಧನಾ ಸಮಿತಿ ಸಭೆ

ಮೈಸೂರು ಮತ್ತು ಬೆಂಗಳೂರು ವಿಶ್ವವಿದ್ಯಾಲಯಗಳ ಕುಲಪತಿ ಹುದ್ದೆಗೆ ಮತ್ತೊಮ್ಮೆ ಹೆಸರು ಶಿಫಾರಸು ಮಾಡುವಂತೆ ಉನ್ನತ ಶಿಕ್ಷಣ ಇಲಾಖೆಯು ಈ ಹಿಂದೆ ರಚಿಸಿರುವ ಶೋಧನಾ ಸಮಿತಿಗಳಿಗೆ ಪತ್ರ ಬರೆದಿರುವ ಹಿನ್ನೆಲೆಯಲ್ಲಿ ವರ್ಷಾಂತ್ಯದಲ್ಲಿ ಸಭೆಗಳು ನಡೆಯಲಿವೆ.

ಮೈಸೂರು: ಮೈಸೂರು ಮತ್ತು ಬೆಂಗಳೂರು ವಿಶ್ವವಿದ್ಯಾಲಯಗಳ ಕುಲಪತಿ ಹುದ್ದೆಗೆ ಮತ್ತೊಮ್ಮೆ ಹೆಸರು ಶಿಫಾರಸು ಮಾಡುವಂತೆ ಉನ್ನತ ಶಿಕ್ಷಣ ಇಲಾಖೆಯು ಈ ಹಿಂದೆ ರಚಿಸಿರುವ ಶೋಧನಾ ಸಮಿತಿಗಳಿಗೆ ಪತ್ರ ಬರೆದಿರುವ ಹಿನ್ನೆಲೆಯಲ್ಲಿ ವರ್ಷಾಂತ್ಯದಲ್ಲಿ ಸಭೆಗಳು ನಡೆಯಲಿವೆ.

ಮೈಸೂರು ವಿ.ವಿ ಶೋಧನಾ ಸಮಿತಿಯಲ್ಲಿ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ ವಿಶ್ರಾಂತ ಕುಲಪತಿ ಡಾ.ಎಚ್‌.ಪಿ.ಖಿಂಚಾ ಅಧ್ಯಕ್ಷತೆಯಲ್ಲಿ (ಸರ್ಕಾರದ ನಾಮನಿರ್ದೇಶನ), ಡಾ.ಎಂ.ಮುನಿಯಮ್ಮ (ರಾಜ್ಯಪಾಲರ ನಾಮನಿರ್ದೇಶನ), ಗುಲಬರ್ಗಾ ವಿ.ವಿ ವಿಶ್ರಾಂತ ಕುಲಪತಿ ಪ್ರೊ.ವಿ.ಬಿ.ಕುಟಿನೊ, ಚವ್ಹಾಣ್‌ (ವಿಶ್ವವಿದ್ಯಾಲಯ ಅನುದಾನ ಆಯೋಗದ ನಾಮನಿರ್ದೇಶನ) ಇದ್ದಾರೆ. ಈ ಸಮಿತಿಯು ಡಿ. 29ರ ನಂತರ ಸಭೆ ಸೇರಿ ಹೊಸ ಹೆಸರುಗಳ ಬಗ್ಗೆ ಚರ್ಚೆ ನಡೆಸಲಿದ್ದಾರೆ ಎನ್ನಲಾಗಿದೆ.

ಇದಕ್ಕೂ ಮುಂಚೆ ಬೆಂಗಳೂರು ವಿಶ್ವವಿದ್ಯಾಲಯದ ಶೋಧನಾ ಸಮಿತಿ ಸಭೆ ನಡೆಸಲಿದೆ. ಡಾ.ಎಸ್‌.ಆರ್‌.ನಿರಂಜನ (ಗುಲಬರ್ಗಾ ವಿಶ್ವವಿದ್ಯಾಲಯದ ಕುಲಪತಿ) ಅವರ ಅಧ್ಯಕ್ಷತೆಯ ಶೋಧನಾ ಸಮಿತಿಯು ಡಿ.26ರಂದು ಸಭೆ ನಡೆಸಿ ಹೆಸರುಗಳನ್ನು ಅಂತಿಮಗೊಳಿಸಲಿದೆ ಎಂದು ತಿಳಿದು ಬಂದಿದೆ. ಈ ಸಭೆಯ ಬಳಿಕವಷ್ಟೇ ಮೈಸೂರು ವಿ.ವಿ.ಯ ಶೋಧನಾ ಸಮಿತಿ ಸಭೆ ನಡೆಯಲಿದೆ.

ಹಳೆಯ ಹೆಸರು ಇರಕೂಡದು: ಶೋಧನಾ ಸಮಿತಿಗಳು ನೀಡಿದ್ದ ಶಿಫಾರಸನ್ನು ರಾಜ್ಯ ಸರ್ಕಾರವು ಈಗಾಗಲೇ ಮೂರು ಬಾರಿ ರಾಜ್ಯಪಾಲರಿಗೆ ಕಳುಹಿಸಿಕೊಟ್ಟಿತ್ತು. ಮೂರು ಬಾರಿಯೂ ರಾಜ್ಯಪಾಲರು ಶಿಫಾರಸನ್ನು ತಿರಸ್ಕರಿಸಿದ್ದರು. 2ನೇ ಬಾರಿ ಪಟ್ಟಿಯನ್ನು ಕಳುಹಿಸಿದ್ದಾಗಲೇ ರಾಜ್ಯಪಾಲರು ಹೊಸ ಪಟ್ಟಿಯನ್ನು ನೀಡುವಂತೆ ಸೂಚಿಸಿದ್ದರು. ಆದರೂ, ಸರ್ಕಾರವು ಮೂರನೇ ಬಾರಿಯೂ ಹಳೆಯ ಪಟ್ಟಿಯನ್ನೇ ಕಳುಹಿಸಿತ್ತು. ಈ ಬಾರಿ ರಾಜ್ಯಪಾಲರು ಶೋಧನಾ ಸಮಿತಿಯು ಹೊಸ ಪಟ್ಟಿಯನ್ನು ನೀಡುವಾಗ ಹಳಬರ ಹೆಸರನ್ನು ಸೇರಿಸಬಾರದು ಎಂದು ಹೇಳಿದ್ದಾರೆ ಎನ್ನಲಾಗಿದೆ.

ಮೈಸೂರು ವಿ.ವಿ ಕುಲಪತಿ ಆಯ್ಕೆ ಸಂದರ್ಭದಲ್ಲಿ ಈ ಹಿಂದೆ ಪ್ರೊ.ಜೆ.ಶಶಿಧರ‍ಪ್ರಸಾದ್ ಅವರ ಹೆಸರುಳ್ಳ ಮೂವರ ಪಟ್ಟಿಯನ್ನು ಅಂದಿನ ರಾಜ್ಯಪಾಲರಾಗಿದ್ದ ಟಿ.ಎನ್‌.ಚತುರ್ವೇದಿ ಅವರು ತಿರಸ್ಕರಿಸಿದ್ದರು. ಹೊಸ ಪಟ್ಟಿಯನ್ನು ಕೊಡುವಂತೆ ರಾಜ್ಯಪಾಲರು ಸೂಚಿಸಿದ್ದರಾದರೂ, ಶೋಧನಾ ಸಮಿತಿ ನೀಡಿದ ಹೊಸ ಪಟ್ಟಿಯಲ್ಲಿ ಪ್ರಸಾದ್‌ ಅವರ ಹೆಸರು ಸೇರಿತ್ತು ಎಂಬುದನ್ನು ಇಲ್ಲಿ ಸ್ಮರಿಸಬಹುದು.

Comments
ಈ ವಿಭಾಗದಿಂದ ಇನ್ನಷ್ಟು

ಮೈಸೂರು
ಮಾರಾಟವಾಗಿದ್ದವರು ಹೆತ್ತವರ ಮಡಿಲಿಗೆ

ಮಾರಾಟ ಜಾಲದಿಂದ ಪೊಲೀಸರು ರಕ್ಷಿಸಿದ 16 ಮಕ್ಕಳ ಪೈಕಿ ಮೂವರು ಹೆತ್ತವರ ಮಡಿಲು ಸೇರಿದ್ದಾರೆ. ಇನ್ನೂ ಒಂದು ಮಗುವಿನ ಹೆತ್ತ ತಾಯಿಯನ್ನು ಮಕ್ಕಳ ಕಲ್ಯಾಣ...

22 Apr, 2018

ಮೈಸೂರು
‘ಜಸ್ಟ್‌ ಆಸ್ಕಿಂಗ್‌’ ನಿರಂತರ ವಿರೋಧ ಪಕ್ಷ

‘ಜಸ್ಟ್ ಆಸ್ಕಿಂಗ್’ ಚಳವಳಿ ರಾಜಕೀಯ ವೇದಿಕೆಯಲ್ಲ. ಜನರ ಆಶಯದಂತೆ ನಿರಂತರ ವಿರೋಧ ಪಕ್ಷವಾಗಿ ಕಾರ್ಯನಿರ್ವಹಿಸಲಿದೆ ಎಂದು ಚಲನಚಿತ್ರನಟ ಪ್ರಕಾಶ್‌ ರೈ ತಿಳಿಸಿದರು.

22 Apr, 2018

ಮೈಸೂರು
ಸಹಜಸ್ಥಿತಿಗೆ ಮರಳಿದ ಕ್ಯಾತಮಾರನಹಳ್ಳಿ

ಗುಂಪು ಘರ್ಷಣೆಯಿಂದ ಪ್ರಕ್ಷುಬ್ಧಗೊಂಡಿದ್ದ ಉದಯಗಿರಿ ಹಾಗೂ ಕ್ಯಾತಮಾರನಹಳ್ಳಿಯಲ್ಲಿ ಶನಿವಾರ ಜನಜೀವನ ಸಹಜ ಸ್ಥಿತಿಗೆ ಮರಳಿದ್ದು, ಟೆಂಟ್ ವೃತ್ತ ಹೊರತುಪಡಿಸಿ ಉಳಿದೆಡೆ ಅಂಗಡಿಗಳ ಬಾಗಿಲು ತೆರೆದಿದ್ದವು. ...

22 Apr, 2018

ಮೈಸೂರು
ಬಡ್ತಿ ಮೀಸಲಾತಿ ಮುಂದುವರಿಸಿ

ಸರ್ಕಾರಿ ನೌಕರರಿಗೆ ಉದ್ಯೋಗದಲ್ಲಿ ನೀಡುತ್ತಿದ್ದ ಬಡ್ತಿ ಮೀಸಲಾತಿ ಸೌಲಭ್ಯವನ್ನು ಮುಂದುವರಿಸುವಂತೆ ಆಗ್ರಹಿಸಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ ಕಾರ್ಯಕರ್ತರು ಶನಿವಾರ ಧರಣಿ ನಡೆಸಿದರು.

22 Apr, 2018

ತಿ.ನರಸೀಪುರ
ಜೆಡಿಎಸ್ ಅಭ್ಯರ್ಥಿ ಸೇರಿ ಇಬ್ಬರಿಂದ ನಾಮಪತ್ರ

ತಿ.ನರಸೀಪುರ ಮೀಸಲು ವಿಧಾನಸಭಾ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ಎಂ.ಅಶ್ವಿನ್ ಕುಮಾರ್ ಅವರು ಶುಕ್ರವಾರ ನಾಮಪತ್ರ ಸಲ್ಲಿಸಿದರು.

22 Apr, 2018