ಮೈಸೂರು

ದಿನಾಚರಣೆ ಮೂಲಕ ಅನ್ನದಾತರಿಗೆ ಗೌರವ

ಕೈಗಾರಿಕಾ ಕ್ರಾಂತಿಗೆ ಹೆಚ್ಚಿನ ಮನ್ನಣೆ ನೀಡಿದ್ದರ ಫಲವಾಗಿ ಕೃಷಿ ಕ್ಷೇತ್ರ ಮಂಕಾಗಿತ್ತು.

ಮೈಸೂರು: 5ನೇ ಪ್ರಧಾನಮಂತ್ರಿ ಚೌಧರಿ ಚರಣ್ ಸಿಂಗ್ ಅವರ ಜನ್ಮದಿನವಾದ ಡಿ.23ರಂದು ರೈತ ದಿನಾಚರಣೆಯನ್ನಾಗಿ ಆಚರಿಸುವ ಮೂಲಕ ದೇಶ ಅವರಿಗೆ ಗೌರವ ಸಲ್ಲಿಸುತ್ತಿದೆ. ಇದರ ಜತೆಗೆ, ರೈತರ ಬದುಕನ್ನೂ ಗೌರವದಿಂದ ಕಾಣುವಂತಹ ದಿನವನ್ನಾಗಿಯೂ ಪರಿಗಣಿಸಲಾಗುತ್ತಿದೆ.

1979ರ ಜುಲೈ 8ರಿಂದ 1980ರ ಜನವರಿ 14ರ ವರೆಗೆ ಕೇವಲ ಆರು ತಿಂಗಳು ಮಾತ್ರ ದೇಶದ ಪ್ರಧಾನ ಮಂತ್ರಿಯಾಗಿದ್ದ ಅವರು ತಮ್ಮ ಅಲ್ಪ ಅವಧಿಯಲ್ಲೇ ರೈತರ ಬದುಕನ್ನು ಹಸನುಗೊಳಿಸಲು ಕೈಗೊಂಡ ಕ್ರಮಗಳು ಇಂದಿಗೂ ಚಿರಸ್ಥಾಯಿಯಾಗಿವೆ. ಅವರು ಮಂಡಿಸಿದ ಬಜೆಟ್‌ನಲ್ಲಿ ರೈತರಿಗಾಗಿ ಹಲವು ಯೋಜನೆಗಳನ್ನು ಪ್ರಕಟಿಸಿದರು. ಇದಕ್ಕೂ ಪೂರ್ವದಲ್ಲಿ ಇವರು ಕೃಷಿಯ ಸುಧಾರಣೆಗೆ ಶ್ರಮಿಸಿದರು.

1960ರ ದಶಕದಲ್ಲಿ ಈ ದೇಶದಲ್ಲಿ ಉಂಟಾದ ಹಸಿರು ಕ್ರಾಂತಿಯಲ್ಲೂ ಅವರ ಪಾತ್ರ ದೊಡ್ಡದಿತ್ತು. ಅವರು ತಂದ ಕೃಷಿ ಮಾರುಕಟ್ಟೆ ಮಸೂದೆ ಆಗಿನ ಕಾಲದಲ್ಲಿ ವ್ಯಾಪಕ ಪ್ರಸಿದ್ಧಿಯನ್ನು ಅವರಿಗೆ ತಂದು ಕೊಟ್ಟಿತು.

ಕೈಗಾರಿಕಾ ಕ್ರಾಂತಿಗೆ ಹೆಚ್ಚಿನ ಮನ್ನಣೆ ನೀಡಿದ್ದರ ಫಲವಾಗಿ ಕೃಷಿ ಕ್ಷೇತ್ರ ಮಂಕಾಗಿತ್ತು. ರೈತರೇ ದೇಶದ ಬೆನ್ನುಲುಬು ಎಂದು ಸಾರಿದ ಚರಣ್‌ ಸಿಂಗ್ ಕೃಷಿಕರನ್ನು ಲೇವಾದೇವಿಗಾರರ ಕಪಿಮುಷ್ಟಿಯಿಂದ ಬಿಡಿಸುವುದಕ್ಕೆ ಅನೇಕ ಕಾರ್ಯಕ್ರಮಗಳನ್ನು ಜಾರಿಗೆ ತಂದರು.‌

ಮುಖ್ಯವಾಗಿ ಅವರು ಜಮೀನ್ದಾರಿ ಪದ್ಧತಿ ನಿರ್ಮೂಲನೆಗಾಗಿ ತಂದ ಅನೇಕ ಯೋಜನೆಗಳು ಭವಿಷ್ಯದಲ್ಲಿ ಫಲ ನೀಡಿದವು. ಮುಂದಿನ ಅನೇಕ ರೈತ ಪರ ಕಾರ್ಯಕ್ರಮಗಳಿಗೆ ಅವರ ಚಿಂತನೆಗಳೇ ಆಕರಗಳಾದವು.‌ ರೈತ ಪರವಾದ ಅನೇಕ ವಿಚಾರಗಳುಳ್ಳ ಪುಸ್ತಕಗಳನ್ನು ಅವರು ಬರೆದಿದ್ದಾರೆ. ಅವರು ನಿಧನ ಹೊಂದಿದ ನಂತರ ನವದೆಹಲಿಯಲ್ಲಿ ಅಂತ್ಯಸಂಸ್ಕಾರ ನಡೆಸಿದ ಸ್ಥಳವನ್ನು ಕಿಸಾನ್ ಘಾಟ್ ಎಂದು ಕರೆಯಲಾಯಿತು.

Comments
ಈ ವಿಭಾಗದಿಂದ ಇನ್ನಷ್ಟು

ಮೈಸೂರು
ಉದ್ಯೋಗ ಸೃಷ್ಟಿ; ಮೋದಿ ತಡೆದು ಪ್ರಶ್ನಿಸಲು ನಿರ್ಧಾರ

‘ಚುನಾವಣಾ ಪ್ರಚಾರಕ್ಕಾಗಿ ರಾಜ್ಯ ಪ್ರವಾಸ ಕೈಗೊಳ್ಳುತ್ತಿರುವ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಮೊದಲ ದಿನವೇ ತಡೆದು ಉದ್ಯೋಗ ಸೃಷ್ಟಿಯ ಅಸಲಿ ಪ್ರಶ್ನೆಗಳಿಗೆ ಉತ್ತರಿಸುವಂತೆ ಒತ್ತಾಯಿಸಲಾಗುವುದು‌’...

26 Apr, 2018

ಮೈಸೂರು
ಚಾಮುಂಡೇಶ್ವರಿಯಲ್ಲಿ ಕೊನೆಯ ಮತ ಬೇಟೆ

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಬುಧವಾರ ಬಿರುಸಿನ ಪ್ರಚಾರ ಕೈಗೊಂಡರು. 5 ದಿನಗಳ ಕಾಲ ಕ್ಷೇತ್ರದಲ್ಲಿ ಪ್ರಚಾರ ಕೈಗೊಂಡಿರುವ ಅವರು, ಇದು ಕೊನೆಯ...

26 Apr, 2018
ದೇಶದಲ್ಲಿ ದಲಿತರಿಗೆ ರಕ್ಷಣೆಯಿಲ್ಲ

ಮೈಸೂರು
ದೇಶದಲ್ಲಿ ದಲಿತರಿಗೆ ರಕ್ಷಣೆಯಿಲ್ಲ

26 Apr, 2018

ಮೈಸೂರು
ಕುಕ್ಕರಹಳ್ಳಿ ಕೆರೆ ನೀರು ಕಲುಷಿತ

ಮೈಸೂರು ವಿಶ್ವವಿದ್ಯಾನಿಲಯ ಆವರಣದ ಕುಕ್ಕರಹಳ್ಳಿ ಕೆರೆಯ ನೀರು ಕಲುಷಿತಗೊಂಡಿದ್ದು, ಪಕ್ಷಿಗಳು ಸಾಯುತ್ತಿವೆ. ಕೊಳಚೆ ನೀರು ಒಳಸೇರುವುದೇ ಇದಕ್ಕೆ ಕಾರಣ ಎನ್ನುವುದು ಪರಿಸರತಜ್ಞರ ಅಳಲಾಗಿದೆ.

26 Apr, 2018
ರಂಗು ಕಳೆದುಕೊಂಡ ವರುಣಾ‌

ಮೈಸೂರು
ರಂಗು ಕಳೆದುಕೊಂಡ ವರುಣಾ‌

25 Apr, 2018