ಯಾದಗಿರಿ

ಗೋಹತ್ಯೆ ನಿಷೇಧಕ್ಕೆ ರಕ್ತದಲ್ಲಿ ಪತ್ರ

‘ಗೋಹತ್ಯೆ ನಿಷೇಧಕ್ಕೆ ರಕ್ತದಿಂದ ಪತ್ರ ಬರೆದು ಪ್ರಧಾನಿ ಮತ್ತು ಮುಖ್ಯಮಂತ್ರಿಗೆ ಹಕ್ಕೊತ್ತಾಯ ಮಂಡಿಸಲಾಗುವುದು’

ಯಾದಗಿರಿ ನಗರದಲ್ಲಿ ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತಿ ಸ್ವಾಮೀಜಿ  ಅವರನ್ನು ಸ್ವಾಗತಿಸಲಾಯಿತು

ಯಾದಗಿರಿ: ‘ಗೋಹತ್ಯೆ ನಿಷೇಧಕ್ಕೆ ರಕ್ತದಿಂದ ಪತ್ರ ಬರೆದು ಪ್ರಧಾನಿ ಮತ್ತು ಮುಖ್ಯಮಂತ್ರಿಗೆ ಹಕ್ಕೊತ್ತಾಯ ಮಂಡಿಸಲಾಗುವುದು’ ಎಂದು ರಾಮಚಂದ್ರಾಪುರಮಠದ ರಾಘವೇಶ್ವರ ಭಾರತಿ ಸ್ವಾಮೀಜಿ ತಿಳಿಸಿದರು.

ಪಟ್ಟಣದಲ್ಲಿ ಶುಕ್ರವಾರ ಅಭಯಗೋಯಾತ್ರೆ ಸಂದೇಶ ಸಭೆಯಲ್ಲಿ ಆಶೀರ್ವಚನ ನೀಡಿದ ಅವರು, ‘ಗೋ ಪರಿವಾರದ ಕಾರ್ಯಕರ್ತರು ಮತ್ತು ರಾಮಚಂದ್ರಾಪುರ ಮಠದ ಭಕ್ತರು ರಕ್ತದಿಂದ ಹಕ್ಕೊತ್ತಾಯ ಪತ್ರ ಬರೆದು ಸಮರ್ಪಿಸುವ ಮೂಲಕ ಸಮಾಜಕ್ಕೆ ಮೇಲ್ಪಂಕ್ತಿಯಾಗುವರು’ ಎಂದು ಸ್ವಾಮೀಜಿ ತಿಳಿಸಿದರು.

‘ರಕ್ತದಿಂದ ಪತ್ರ ಬರೆಯುವುದು ಹಿಂಸೆಯಲ್ಲ. ಬೇರೆಯವರ ರಕ್ತ ಅಥವಾ ಗೋಮಾತೆ ರಕ್ತ ಹರಿಸುವುದು ಹಿಂಸೆ. ಆದ್ದರಿಂದ ನಮ್ಮ ಕಾರ್ಯಕರ್ತರು ಅಪಾರ ಸಂಖ್ಯೆಯಲ್ಲಿ ರಕ್ತದಿಂದ ಹಕ್ಕೊತ್ತಾಯ ಪತ್ರ ಬರೆದು ಸಮರ್ಪಿಸುವರು’ ಎಂದು ವಿವರಿಸಿದರು.

‘ಗೋವಿನ ಪರವಾದ ಹೋರಾಟ ರಾಜಕೀಯ ಚಳವಳಿಯಲ್ಲ. ಗೋವಿನಿಂದಷ್ಟೇ ದೇಶಕ್ಕೆ ಒಳಿತು ಎನ್ನುವುದು ನಮ್ಮ ಸಿದ್ಧಾಂತ. ಗೋವಿಗಾಗಿ ನಡೆಸುವ ಹೋರಾಟದಲ್ಲಿ ಯಾವ ರಾಜಕೀಯವೂ ಇಲ್ಲ’ ಎಂದು ಅವರು ಸ್ಪಷ್ಟಪಡಿಸಿದರು.

‘ಗೋಹತ್ಯೆ ಎಷ್ಟು ಪಾಪಕರವೋ ಅದನ್ನು ನೋಡುತ್ತಾ ಕೈಕಟ್ಟಿ ಕೂರುವುದು ಕೂಡಾ ಮಹಾಪಾಪ. ದೇಶಕ್ಕೆ ಗೋಹತ್ಯೆಯ ಸೂತಕ ಆವರಿಸಿದೆ. ಪುಣ್ಯಭೂಮಿಯಾದ ಭಾರತದಲ್ಲಿ ಇಂಥ ಕೃತ್ಯ ತಡೆಯುವುದಕ್ಕೆ ರಾಜಕಾರಣಿಗಳಿಂದ ಸಾಧ್ಯವಾಗುತ್ತಿಲ್ಲ’ ಎಂದು ಅವರು ಕಳವಳ ವ್ಯಕ್ತಪಡಿಸಿದರು.

‘ವಿಜ್ಞಾನ ಎಷ್ಟೇ ಮುಂದುವರಿದರೂ ಗೋವಿಗೆ ಪರ್ಯಾಯ ಸೃಷ್ಟಿಸಲು ಸಾಧ್ಯವಿಲ್ಲ. ಗೋಮಾತೆಯನ್ನು ಹಿಂಸಿಸುವುದನ್ನು ಯಾರೂ ಸಹಿಸಲು ಸಾಧ್ಯವಿಲ್ಲ. ಗೋಹತ್ಯೆ ಮುಂದುವರಿದರೆ, ಮುಂದಿನ ದಿನಗಳಲ್ಲಿ ಗೋಮಾತೆಯನ್ನು ಪ್ರತಿಮೆಯಾಗಿ ನೋಡಬೇಕಾಗುತ್ತದೆ’ ಎಂದು ಅಭಿಪ್ರಾಯಟ್ಟರು. ಏಕದಂಡಿಗಿಮಠ ವಿಶ್ವಕರ್ಮ ಮಹಾಸಂಸ್ಥಾನದ ಶ್ರೀನಿವಾಸ ಸ್ವಾಮೀಜಿ ಗೋ ಸಂದೇಶ ನೀಡಿದರು.

ಭಾರತೀಯ ಗೋ ಪರಿವಾರ ಕರ್ನಾಟಕದ ಅಧ್ಯಕ್ಷ ಪಾಂಡುರಂಗ ಮಹಾರಾಜ್, ನಗರಸಭೆ ಅಧ್ಯಕ್ಷೆ ಲಲಿತಾ ಅನುಪೂರ, ಮಾಜಿ ಶಾಸಕರಾದ ಡಾ.ವೀರಬಸಂತರೆಡ್ಡಿ ಮುದ್ನಾಳ, ಸೊಪ್ಪೆಬಸವೇಶ್ವರ ಮಠದ ಚನ್ನವೀರ ಸ್ವಾಮೀಜಿ, ಚಟ್ನಳ್ಳಿ ಮಠದ ಈಶ್ವರಾರಾಧ್ಯ ಸ್ವಾಮೀಜಿ ಚನ್ನಾರಡ್ಡಿ ಪಾಟೀಲ ತುನ್ನೂರ, ಅನಿಲ್ ದೇಶಪಾಂಡೆ, ಚೆನ್ನಾರೆಡ್ಡಿ ಬಿಳಾರ, ಮಹದೇವಪ್ಪ ಅಬ್ಬೆತುಮಕೂರು, ಸಿದ್ದಪ್ಪ ಪಾಟೀಲ, ಪ್ರಹ್ಲಾದ್ ಆತ್ಮಕೂರು, ಹನುಮಾನ ಮುಂಡಾಸ್, ಲಾಯಕ್ ಹುಸೇನ್, ಶಹಾಪುರದ ಸುಧೀರ್ ಚಿಂಚೋಳಿ ಮತ್ತಿತರರು ಇದ್ದರು. ಇದಕ್ಕೂ ಮುನ್ನ ಮೈಲಾಪುರ ಬೇಸ್‌ನಿಂದ ಗಾಂಧಿಚೌಕ್‌ವರೆಗೆ ಶೋಭಾಯಾತ್ರೆ ನಡೆಯಿತು.

* * 

ರಕ್ತದಿಂದ ಪತ್ರ ಬರೆಯುವುದು ಹಿಂಸೆಯಲ್ಲ. ಬೇರೆಯವರ ರಕ್ತ ಅಥವಾ ಗೋಮಾತೆ ರಕ್ತ ಹರಿಸುವುದು ಹಿಂಸೆ. ಗೋರಕ್ಷಣೆಗೆ ರಕ್ತದಲ್ಲಿ ಪತ್ರ ಬರೆಯಲಾಗುವುದು
ರಾಘವೇಶ್ವರ ಭಾರತಿಡ ಸ್ವಾಮೀಜಿ ರಾಮಚಂದ್ರಪುರ ಮಠ

Comments
ಈ ವಿಭಾಗದಿಂದ ಇನ್ನಷ್ಟು
ಮಲ್ಲಯ್ಯನ ಜಾತ್ರೆಯಲ್ಲಿ ಖರೀದಿ ಜೋರು

ಯಾದಗಿರಿ
ಮಲ್ಲಯ್ಯನ ಜಾತ್ರೆಯಲ್ಲಿ ಖರೀದಿ ಜೋರು

16 Jan, 2018
ರೈತರಿಗೆ ವರದಾನ ಸಮಗ್ರ ಕೃಷಿ ಪದ್ಧತಿ

ಶಹಾಪುರ
ರೈತರಿಗೆ ವರದಾನ ಸಮಗ್ರ ಕೃಷಿ ಪದ್ಧತಿ

16 Jan, 2018
ಪರಿಹಾರ ಕಾಣದ ದೈನಂದಿನ ಸಮಸ್ಯೆಗಳು

ಯಾದಗಿರಿ
ಪರಿಹಾರ ಕಾಣದ ದೈನಂದಿನ ಸಮಸ್ಯೆಗಳು

15 Jan, 2018
50 ಕ್ವಿಂಟಲ್‌ ಭಾರ ಎಳೆದ ಎತ್ತುಗಳು

ಕಕ್ಕೇರಾ
50 ಕ್ವಿಂಟಲ್‌ ಭಾರ ಎಳೆದ ಎತ್ತುಗಳು

15 Jan, 2018

ಯಾದಗಿರಿ
ಸಂಕ್ರಾಂತಿ ರೈತರಿಗೆ ಸುಗ್ಗಿಯ ಹಿಗ್ಗು ತರಲಿ

‘ರೈತರು ಸದೃಢವಾಗಿದ್ದರೆ ನಾಡು, ಸಮಾಜ ಸುಖಿಯಾಗಿರುತ್ತದೆ. ರೈತರ ಬದುಕಿನ ಬೆಳಕಾಗಿ ಈ ಹಬ್ಬ ಸಂಭ್ರಮವನ್ನು ತರುವಂತಾಗಲಿ. ರೈತರು ಉತ್ತಿ ಬಿತ್ತಿ ಬೆಳೆದ ಫಸಲನ್ನು ರಾಶಿ...

15 Jan, 2018