ನಂಗಲಿ

ಕೃಷಿಗೆ ಕೆರೆನೀರು, ಭತ್ತದ ನಾಟಿ ಜೋರು

ಇನ್ನು ಕೆಲವು ಕೆರೆಗಳಿಗೆ ತೂತು ಬಿದ್ದಿದ್ದು, ನೀರು ಪೋಲಾಗತ್ತಿದೆ. ಕೆಲವು ಕೆರೆಗಳಲ್ಲಿ ನೀರನ್ನು ಬಳಸದಿದ್ದರೂ ಸೋರಿಕೆಯಿಂದಾಗಿ ನೀರು ಪೋಲಾಗುತ್ತಿರುವುದರಿಂದ ರೈತರ ಉಪಯೋಗಕ್ಕೂ ಬರದೇ, ಇತ್ತ ಅಂತರ್ಜಲ ವೃದ್ಧಿಗೆ ಪೂರಕವೂ ಆಗದೇ ಖಾಲಿಯಾಗುತ್ತಿದೆ.

ನಂಗಲಿ ಸಮೀಪದ ಶ್ರೀರಂಗಪುರ ಕೆರೆಯಿಂದ ನೀರನ್ನು ಹರಿಸಿಕೊಂಡು ಭತ್ತವನ್ನು ನಾಟಿ ಮಾಡಿರುವುದು

ನಂಗಲಿ: ತೀವ್ರ ಬರಗಾಲದಿಂದ ತತ್ತರಿಸಿ ಹೋಗಿದ್ದ ಈ ಭಾಗದಲ್ಲಿ ಅಂತರ್ಜಲ ವೃದ್ಧಿಯಾಗಬೇಕು ಎನ್ನುವ ಕಾರಣಕ್ಕೆ ಯಾವುದೇ ಕಾರಣಕ್ಕೂ ಕೆರೆಗಳಿಂದ ನೀರನ್ನು ಹೊರತೆಗೆದು ವ್ಯವಸಾಯಕ್ಕೆ ಬಳಸಬಾರದು ಎನ್ನುವ ಆದೇಶವಿದ್ದರೂ ಗ್ರಾಮದ ಸುತ್ತಮುತ್ತ ಕೆಲವರು ಕೆರೆಗಳ ನೀರನ್ನು ಕೃಷಿ ಕೆಲಸಕ್ಕೆ ಬಳಸಿಕೊಳ್ಳುತ್ತಿರುವುದು ಕಂಡು ಬಂದಿದೆ.

ಸುಮಾರು 13-14 ವರ್ಷಗಳಿಂದ ಈ ಭಾಗದಲ್ಲಿ ತೀವ್ರ ಬರಗಾಲ ಆವರಿಸಿದ್ದರಿಂದ ಅಂತರ್ಜಲ ಮಟ್ಟ ಕುಸಿದು ಹೋಗಿತ್ತು. ಇದರಿಂದ ಅಂತರ್ಜಲ ಸುಮಾರು 1,200 ಅಡಿಗಳಿಂದ 1,500 ಅಡಿಗಳವರೆಗೆ ಕುಸಿದಿದೆ. ಕೊಳವೆ ಭಾವಿಗಳಲ್ಲಿ ಕುಡಿಯಲೂ ನೀರು ಸಿಗದೆ ಜನರು ಸಮಸ್ಯೆ ಎದುರಿಸಿದ್ದರು. ಆದರೆ ಇತ್ತೀಚೆಗೆ ಬಿದ್ದ ಮಳೆಯಿಂದ ಕೆರೆಗಳು ತುಂಬಿದ್ದವು.

ಅಂತರ್ಜಲ ವೃದ್ದಿಯಾಗಲಿ ಎನ್ನುವ ಕಾರಣಕ್ಕೆ ಯಾವುದೇ ಕೆರೆಗಳ ನೀರನ್ನು ವ್ಯವಸಾಯಕ್ಕೆ ಬಳಸಿಕೊಳ್ಳಬಾರದು ಎಂದು ಜಿಲ್ಲಾಧಿಕಾರಿ ಆದೇಶ ಮಾಡಿದ್ದರು. ಆದರೆ ಈ ಆದೇಶವನ್ನು ದಿಕ್ಕರಿಸಿ ಈ ಭಾಗದ ಶ್ರೀರಂಗಪುರ, ಬಾಚಮಾಕನಹಳ್ಳಿ, ಪದ್ಮಘಟ್ಟ, ತಾತಿಕಲ್ಲು ಸೇರಿದಂತೆ ಹಲವೆಡೆ ಕೆರೆಗಳ ತೂಬುಗಳನ್ನು ತೆಗೆದು ಭತ್ತದ ಬೆಳೆ ಬೆಳೆಯಲು ನೀರನ್ನು ಬಳಸಿಕೊಳ್ಳುತ್ತಿದ್ದಾರೆ.

ಕೆರೆಗಳು ತುಂಬಿರುವುದರಿಂದ ರೈತರು ಭತ್ತವನ್ನು ನಾಟಿ ಮಾಡುವ ಖುಷಿಯಲ್ಲಿದ್ದಾರೆಯೇ ಹೊರತು ಸರ್ಕಾರದ ಆದೇಶದ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಕೆರೆಗಳು ತುಂಬಿರುವುದರಿಂದ ಈಗಾಗಲೇ ಬಾಚಮಾಕನಹಳ್ಳಿ, ತಾತಿಕಲ್ಲು ಮತ್ತು ಶ್ರೀರಂಗಪುರ ಮುಂತಾದ ಕೆರೆಗಳಿಂದ ನೀರನ್ನು ಹೊರತೆಗೆದು ಭತ್ತವನ್ನು ನಾಟಿ ಮಾಡುತ್ತಿದ್ದಾರೆ.

ಇನ್ನು ಕೆಲವು ಕೆರೆಗಳಿಗೆ ತೂತು ಬಿದ್ದಿದ್ದು, ನೀರು ಪೋಲಾಗತ್ತಿದೆ. ಕೆಲವು ಕೆರೆಗಳಲ್ಲಿ ನೀರನ್ನು ಬಳಸದಿದ್ದರೂ ಸೋರಿಕೆಯಿಂದಾಗಿ ನೀರು ಪೋಲಾಗುತ್ತಿರುವುದರಿಂದ ರೈತರ ಉಪಯೋಗಕ್ಕೂ ಬರದೇ, ಇತ್ತ ಅಂತರ್ಜಲ ವೃದ್ಧಿಗೆ ಪೂರಕವೂ ಆಗದೇ ಖಾಲಿಯಾಗುತ್ತಿದೆ.

ಕೆರೆಯ ನೀರನ್ನು ಬಳಸಬಾರದು ಎಂಬ ಆದೇಶದ ಬಗ್ಗೆ ರೈತರಿಗೆ ಮಾಹಿತಿಯಿಲ್ಲ. ಹೀಗಾಗಿ ಕೆಲವು ಕಡೆ ರಾಜಾರೋಷವಾಗಿ ಕೆರೆಯ ನೀರನ್ನು ಬಳಸಿಕೊಳ್ಳಲಾಗುತ್ತಿದೆ. ಕೆಲವರು ರಾತ್ರಿ ಹೊತ್ತಿನಲ್ಲಿ ನೀರನ್ನು ತೆಗೆದು ಭತ್ತ ನಾಟಿ ಮಾಡಿದ್ದಾರೆ ಮತ್ತು ಕೆಲವು ಕಡೆ ನಾಟಿ ಮಾಡಲು ಭೂಮಿಯನ್ನು ಹದಮಾಡಿಕೊಳ್ಳುತ್ತಿದ್ದಾರೆ. ಹೀಗೆ ಕೆರೆಯ ನೀರನ್ನು ಕೃಷಿ ಚಟುವಟಿಕೆಗಳಿಗೆ ಬಳಸಿಕೊಂಡರೆ ಅಂತರ್ಜಲ ಹೇಗೆ ವೃದ್ದಿಯಾಗುತ್ತದೆ? ಎಂದು ಪ್ರಶ್ನಿಸುತ್ತಾರೆ ಹೆಸರು ಹೇಳಲು ಇಚ್ಚಿಸದ ಗ್ರಾಮಸ್ಥರು.

Comments
ಈ ವಿಭಾಗದಿಂದ ಇನ್ನಷ್ಟು

ಮಾಲೂರು
24 ನಾಮಪತ್ರಗಳು ಊರ್ಜಿತ

ಮಾಲೂರು ಪಟ್ಟಣದ ತಾಲ್ಲೂಕು ಕಚೇರಿಯಲ್ಲಿ ಬುಧವಾರ ನಡೆದ ನಾಮಪತ್ರ ಪರಿಶೀಲನೆ ಪ್ರಕ್ರಿಯೆಯಲ್ಲಿ ಪ್ರಜಾ ಪರಿವರ್ತನ ಪಕ್ಷದ ಟಿ.ರಾಜಶೇಖರ್ ನಾಮಪತ್ರ ಅಸಿಂಧುಗೊಂಡಿದ್ದು, 16 ಮಂದಿ ಉಮೇದುವಾರಿಕೆಯಿಂದ...

26 Apr, 2018

ಕೋಲಾರ
ವರ್ತೂರು ಪ್ರಕಾಶ್‌ಗೆ ನಾಚಿಕೆಯಾಗಲಿ

ಕೋಲಾರ ‘ಕ್ಷೇತ್ರದ ಹಾಲಿ ಶಾಸಕ ವರ್ತೂರು ಪ್ರಕಾಶ್‌ ಹೇಳಿರುವಂತೆ ನಮ್ಮ ಕಾಂಗ್ರೆಸ್ ಮತ್ತು ಕಾಂಗ್ರೆಸ್ ಪಕ್ಷ ಎರಡೂ ಒಂದೇ ಆಗಿದ್ದರೆ ಕಾಂಗ್ರೆಸ್ ಪಕ್ಷದಲ್ಲಿ ಅಭ್ಯರ್ಥಿಯನ್ನು...

26 Apr, 2018
ಬಿರುಗಾಳಿಗೆ ಮುರಿದ ಮರ, ಉದುರಿದ ಮಾವು

ಶ್ರೀನಿವಾಸಪುರ
ಬಿರುಗಾಳಿಗೆ ಮುರಿದ ಮರ, ಉದುರಿದ ಮಾವು

26 Apr, 2018
‘ಕೈ’ ಪಾಳಯಕ್ಕೆ ಹೈಕೋರ್ಟ್‌ ಆದೇಶದ ಮರ್ಮಾಘಾತ

ಕೋಲಾರ
‘ಕೈ’ ಪಾಳಯಕ್ಕೆ ಹೈಕೋರ್ಟ್‌ ಆದೇಶದ ಮರ್ಮಾಘಾತ

26 Apr, 2018

ಶ್ರೀನಿವಾಸಪುರ
ಕಾಂಗ್ರೆಸ್‌ಗೆ ದಲಿತರ ಬೆಂಬಲ ಹೇಳಿಕೆ ಸರಿಯಲ್ಲ

ಈಚೆಗೆ ಶ್ರೀನಿವಾಸಪುರದಲ್ಲಿ ಏರ್ಪಡಿಸಿದ್ದ ದಲಿತಪರ ಸಂಘಟನೆಗಳ ಒಕ್ಕೂಟದ ಹಾಗೂ ದಲಿತ ಸಮುದಾಯದ ಮುಖಂಡರ ಸಭೆಯಲ್ಲಿ ಹಿರಿಯ ದಲಿತ ಮುಖಂಡ ಸಿ.ಮುನಿಯಪ್ಪ ಸರ್ವಾನುಮತದಿಂದ ಕಾಂಗ್ರೆಸ್‌ಗೆ ಏಕಪಕ್ಷೀಯವಾಗಿ...

25 Apr, 2018