ಗದಗ

ಹನುಮಂತಗೌಡರ ಹೈಟೆಕ್‌ ಶೌಚಾಲಯ..!

‘ಗೌಡ್ರೇ ಸುಮ್ನೆ ಗೌಡ್ಕಿ ಮಾಡಿಕೊಂಡು ಇರಿ. ಕೇಂದ್ರದ ಸ್ವಚ್ಛ ಭಾರತ ಅಭಿಯಾನದಡಿ ಗ್ರಾಮೀಣ ಪ್ರದೇಶಗಳಲ್ಲಿ ಶೌಚಾಲಯ ನಿರ್ಮಿಸಲಾಗಿದೆ. ಎಲ್ಲ ಅಭಿವೃದ್ಧಿ ಕಾಮಗಾರಿಗಳೂ ನಿಮ್ಮದೇ ಸಾಧನೆ ಎನ್ನಬೇಡಿ...

ಗದಗ: ಬಿಜೆಪಿ ಪರಿವರ್ತನಾ ಯಾತ್ರೆ ಗದುಗಿಗೆ ಬಂದಿತ್ತು. ಬಿ.ಎಸ್‌. ಯಡಿಯೂರಪ್ಪ ಸೇರಿದಂತೆ ಬಿಜೆಪಿ ವರಿಷ್ಠರೆಲ್ಲರೂ ಗದಗ ಜಿಲ್ಲಾ ಉಸ್ತುವಾರಿ ಸಚಿವ ಎಚ್‌.ಕೆ ಪಾಟೀಲ ಅವರನ್ನೇ ಕೇಂದ್ರವಾಗಿಟ್ಟುಕೊಂಡು ತೀವ್ರ ವಾಗ್ದಾಳಿ ನಡೆಸುತ್ತಿದ್ದರು. ಮಾಜಿ ಸಚಿವ ಲಕ್ಷ್ಮಣ ಸವದಿ ಅವರು ಸಭಿಕರನ್ನು ಉದ್ದೇಶಿಸಿ ನಿಮಗೆ ಹನುಮಂತಗೌಡ್ರು ಕಂಡ ಹೈಟೆಕ್ ಶೌಚಾಲಯದ ಕನಸು ವಿವರಿಸುತ್ತೇನೆ ಎಂದರು.

‘ಹನುಮಂತಗೌಡ್ರು ಎಂದರೆ ಯಾರೆಂದು ಗೊತ್ತಾ’ ಎಂದು ಸಭಿಕರನ್ನು ಕೇಳಿದರು. ಸಭಿಕರು ‘ಗೊತ್ತು ಬಿಡಿ, ಜಿಲ್ಲಾ ಉಸ್ತುವಾರಿ ಸಚಿವ ಎಚ್‌.ಕೆ.ಪಾಟೀಲ’ ಎಂದು ಚೀರಿದರು. ಇದರಿಂದ ಉತ್ತೇಜಿತರಾದ ಸವದಿ, ‘ಹನಮಂತಗೌಡ್ರು ಸದನದಲ್ಲಿ ಒಂದು ಮಾತು ಹೇಳಿದ್ದು ಈಗಲೂ ನೆನಪಿದೆ. ರಾಜ್ಯದ ಎಲ್ಲ ಹಳ್ಳಿಗಳ ಹೆಣ್ಣುಮಕ್ಕಳಿಗಾಗಿ ಹೈಟೆಕ್‌ ಶೌಚಾಲಯ ಕಟ್ಟಿಸ್ತೀನಿ ಎಂದಿದ್ದರು. ಅದು ಅಂತಿಂತ ಶೌಚಾಲಯ ಅಲ್ಲ. ವಿಮಾನದಲ್ಲಿ ಇರುವಂತ ಶೌಚಾಲಯ. ಮೊದಲು ಶವರ್‌ನಿಂದ ಬಿಸಿನೀರು ಬರುತ್ತದೆ, ನಂತರ ಶಾಂಪೂ ಬರುತ್ತದೆ ಎಂದು ತಾವು ಕಂಡ ಕನಸು ವಿವರಿಸಿದ್ದರು. ಈಗ ಎಲ್ಲಿದೆ ಅಂತಹ ಹೈಟೆಕ್‌ ಶೌಚಾಲಯ ಎಂದು ಪ್ರಶ್ನಿಸಿದರು. ನಂತರ ತಾವೇ, ಅದನ್ನು ರಾಜ್ಯದಲ್ಲಿ ಎಲ್ಲಿಯೂ ಕಟ್ಟದೇ ಹುಲಕೊಟಿಯ ತಮ್ಮ ಮನೆಯಲ್ಲಿ ನಿರ್ಮಿಸಿದ್ದಾರೆ’ ಎಂದು ಗೇಲಿ ಮಾಡಿದರು.

‘ಗೌಡ್ರೇ ಸುಮ್ನೆ ಗೌಡ್ಕಿ ಮಾಡಿಕೊಂಡು ಇರಿ. ಕೇಂದ್ರದ ಸ್ವಚ್ಛ ಭಾರತ ಅಭಿಯಾನದಡಿ ಗ್ರಾಮೀಣ ಪ್ರದೇಶಗಳಲ್ಲಿ ಶೌಚಾಲಯ ನಿರ್ಮಿಸಲಾಗಿದೆ. ಎಲ್ಲ ಅಭಿವೃದ್ಧಿ ಕಾಮಗಾರಿಗಳೂ ನಿಮ್ಮದೇ ಸಾಧನೆ ಎನ್ನಬೇಡಿ. ಹಾದಿಯಲ್ಲಿ ಹೋಗುವ ಹುಡುಗನಿಗೆ ಇವನು ನನ್ನ ಮಗ ಎಂದರೆ, ಅವರಪ್ಪ ನಿಮ್ಮನ್ನು ಸುಮ್ಮನೆ ಬಿಡುತ್ತಾನೆಯೇ, ಎಂದು ವ್ಯಂಗ್ಯವಾಡಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ವಾಚಕರವಾಣಿ
ಸುಗ್ಗಿ – ಹುಗ್ಗಿ!

ಇನ್ನು ಮುಂದೆ ಚುನಾವಣಾ ಪರ್ವಕಾಲ ಶ್ರೀಸಾಮಾನ್ಯನಿಗೆ ಇನ್ನಿಲ್ಲದ ಅನುಕೂಲ

20 Jan, 2018

ವಾಚಕರವಾಣಿ
ಎಚ್ಚೆತ್ತುಕೊಳ್ಳುವುದು ಎಂದು?

ನಮ್ಮ ರಾಜಕೀಯ ಮುಖಂಡರು, ಎರಡು ದೋಣಿಗಳಲ್ಲಿ ಪಯಣಿಸುವ ಮಠಾಧೀಶರು ಮತ್ತು ‘ಒಂದು ಕಿಡಿ ಇಡೀ ಕಾಡನ್ನೇ ಹೊತ್ತಿ ಉರಿಸುತ್ತದೆ’ ಎಂಬ ಜ್ಞಾನವಿಲ್ಲದ ಜನರು ಇದಕ್ಕೆ...

20 Jan, 2018

ವಾಚಕರವಾಣಿ
ಮಾದರಿ ಕ್ರಮ

ಆಂಧ್ರಪ್ರದೇಶ ಸರ್ಕಾರವು ಶಾಸಕರ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸುವುದು ಕಡ್ಡಾಯಗೊಳಿಸುವ ಕುರಿತು ಮಸೂದೆ ಮಂಡನೆಗೆ ಮುಂದಾಗಿರುವುದು ಚರಿತ್ರಾರ್ಹ ಕ್ರಮವಾಗಿದೆ.

20 Jan, 2018

ವಾಚಕರವಾಣಿ
ಲೇಖಾನುದಾನ ತೆಗೆದುಕೊಳ್ಳಿ

ಮುಖ್ಯಮಂತ್ರಿ ಸಿದ್ದರಾಮಯ್ಯ ಸುಮಾರು ಒಂದು ತಿಂಗಳು ರಾಜ್ಯದಾದ್ಯಂತ ಪ್ರವಾಸ ಮಾಡಿದ್ದಾರೆ. ಹೋದ ಕಡೆಗಳಲ್ಲೆಲ್ಲ ನೂರಾರು ಕೋಟಿ ರೂಪಾಯಿಗಳ ಯೋಜನೆಗಳಿಗೆ ಶಂಕುಸ್ಥಾಪನೆ ನೆರವೇರಿಸಿದ್ದಾರೆ.

20 Jan, 2018

ವಾಚಕರವಾಣಿ
ಹೆಲ್ಮೆಟ್ ಭಾಗ್ಯ?!

ರಾಜಕೀಯ ಪಕ್ಷಗಳಿಗೆ ಒಂದು ಒಳ್ಳೆಯ ಅವಕಾಶ. ‘ದ್ವಿಚಕ್ರ ವಾಹನ ಸವಾರರು ಐಎಸ್‌ಐ ಮುದ್ರೆ ಇರುವ ಹೆಲ್ಮೆಟ್ ಅನ್ನೇ ಧರಿಸಬೇಕು’ ಎಂದು ಹೈಕೋರ್ಟ್ ಆದೇಶಿಸಿದೆ.

20 Jan, 2018