ಬಾಗಲಕೋಟೆ

ಇನ್ನು ಟೊಮೆಟೊ ವೈನ್ ಗಮ್ಮತ್ತು!

‘ಟೊಮೆಟೊ ವೈನ್ ನಮ್ಮ ಭಾಗಕ್ಕೆ ಹೊಸದು. ರಾಜ್ಯದಲ್ಲಿ ದ್ರಾಕ್ಷಿ ಬಿಟ್ಟರೆ ಬೇರೆ ಯಾವುದೇ ಹಣ್ಣಿನ ವೈನ್‌ ಮಾರಾಟಕ್ಕೆ ಅಬಕಾರಿ ಇಲಾಖೆ ಪರವಾನಗಿ ನೀಡಿಲ್ಲ.

ಬಾಗಲಕೋಟೆಯ ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯದಲ್ಲಿ ಶುಕ್ರವಾರ ಆರಂಭವಾದ ತೋಟಗಾರಿಕೆ ಮೇಳದಲ್ಲಿ ಪ್ರದರ್ಶನಕ್ಕೆ ಇಡಲಾಗಿದ್ದ ಟೊಮೆಟೊ ವೈನ್

ಬಾಗಲಕೋಟೆ: ಅಡುಗೆಯಲ್ಲಿ ಹುಳಿಗೆ, ಉಪ್ಪಿನಕಾಯಿಗೆ, ಚಟ್ನಿ, ಗೊಜ್ಜು, ಚಿಪ್ಸ್, ಹಪ್ಪಳ, ಸಂಡಿಗೆ, ಕೆಚಪ್, ಜಾಮ್ ಹೀಗೆ ಬಗೆ ಬಗೆಯ ತಿನಿಸಾಗಿ ರೂಪುಗೊಳ್ಳುತ್ತಿದ್ದ ಟೊಮೆಟೊ ಹಣ್ಣು ಇನ್ನು ವೈನ್ ಆಗಿಯೂ ಮದ್ಯ ಪ್ರಿಯರ ಮನಗೆಲ್ಲಲಿದೆ.

ಇಲ್ಲಿನ ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯದ ಆವರಣದಲ್ಲಿ ಶುಕ್ರವಾರ ಆರಂಭವಾದ ತೋಟಗಾರಿಕೆ ಮೇಳದಲ್ಲಿ ಟೊಮೆಟೊ ವೈನ್ ಸಾರ್ವಜನಿಕರನ್ನು ಹೆಚ್ಚು ಸೆಳೆಯಿತು.

ಬಾಗಲಕೋಟೆ ತೋಟಗಾರಿಕೆ ವಿಶ್ವವಿದ್ಯಾಲಯ ಕ್ಯಾಂಪಸ್‌ನ ಕೊಯ್ಲೋತ್ತರ ತಂತ್ರಜ್ಞಾನ ವಿಭಾಗದ ವಿದ್ಯಾರ್ಥಿಗಳು ಪ್ರಾಯೋಗಿಕವಾಗಿ ಟೊಮೆಟೊ ವೈನ್‌ ಮಾಡಿದ್ದಾರೆ. ಮೇಳದ ಪ್ರದರ್ಶನ ಮಳಿಗೆಯಲ್ಲಿ ದ್ರಾಕ್ಷಿ, ಚಿಕ್ಕು, ಬಾಳೆ, ನೆಲ್ಲಿ, ಮಾವು, ದಾಳಿಂಬೆ, ಸೇಬು ಹೀಗೆ ವಿವಿಧ ಹಣ್ಣುಗಳಿಂದ ಮಾಡಿದ ಬಗೆ ಬಗೆ ಬಣ್ಣದ ವೈನ್ ಬಾಟಲಿಗಳ ಸಂಗ್ರಹದ ನಡುವೆ ವೈನಾಗಿ ಕಂಗೊಳಿಸಿದ ಟೊಮೆಟೊ ರಸ ನೋಡುಗರಲ್ಲಿ ಕುತೂಹಲದ ‘ಕಿಕ್‌’ ಮೂಡಿಸಿತು. ರುಚಿ ನೋಡಲು ಕೆಲವರು ಸ್ಯಾಂಪಲ್‌ ಕೇಳಿದರು. ಅದು ಪ್ರದರ್ಶನಕ್ಕಷ್ಟೇ ಎಂದು ತಿಳಿದು ನಿರಾಶೆಯಿಂದ ಮುನ್ನಡೆದರು.

ಶೇ 6ರಷ್ಟು ಸಿಹಿ ಅಂಶ: ‘ಟೊಮೆಟೊ ಹಣ್ಣಿನಲ್ಲಿ ಗರಿಷ್ಠ ಶೇ 5ರಿಂದ 6ರಷ್ಟು ಸಿಹಿ ಅಂಶ ಇರಲಿದೆ. ವೈನ್ ಮಾಡಲು ಹಣ್ಣಿನಲ್ಲಿ ಶೇ 22ರಿಂದ 24ರಷ್ಟು (ಡಿಗ್ರಿ ಬ್ರಿಕ್ಸ್) ಸಿಹಿ ಅಂಶ ಬೇಕಾಗುತ್ತದೆ. ಹಾಗಾಗಿ ಟೊಮೆಟೊ ಹಣ್ಣಿನ ಜೊತೆಗೆ ಕೃತಕ ಸಕ್ಕರೆಯನ್ನು ಬಳಕೆ ಮಾಡಿಕೊಂಡು ವೈನ್ ಮಾಡಬಹುದು’ ಎಂದು ಕೊಯ್ಲೋತ್ತರ ತಂತ್ರಜ್ಞಾನ ವಿಭಾಗದ ಮುಖ್ಯಸ್ಥ ಡಾ.ಎಸ್.ಎಲ್.ಜಗದೀಶ್ ಹೇಳುತ್ತಾರೆ.

‘ಟೊಮೆಟೊ ವೈನ್ ನಮ್ಮ ಭಾಗಕ್ಕೆ ಹೊಸದು. ರಾಜ್ಯದಲ್ಲಿ ದ್ರಾಕ್ಷಿ ಬಿಟ್ಟರೆ ಬೇರೆ ಯಾವುದೇ ಹಣ್ಣಿನ ವೈನ್‌ ಮಾರಾಟಕ್ಕೆ ಅಬಕಾರಿ ಇಲಾಖೆ ಪರವಾನಗಿ ನೀಡಿಲ್ಲ. ಆದರೆ ದೇಶದ ವಿವಿಧೆಡೆ ಈಗಾಗಲೇ 4ರಿಂದ 5 ವಾಣಿಜ್ಯ ಉದ್ದೇಶದ ಟೊಮೆಟೊ ವೈನ್ ತಯಾರಿಕೆ ಘಟಕಗಳಿವೆ’ ಎಂದು ಹೇಳುವ ಜಗದೀಶ್‌, ‘ದ್ರಾಕ್ಷಿ ರೀತಿಯೇ ಟೊಮೆಟೊ ತಿರುಳಿಗೆ ಈಸ್ಟ್‌ ಸೇರಿಸಿ 7ರಿಂದ 14 ದಿನಗಳ ಕಾಲ ಕೊಳೆಯುವಿಕೆ (ಫರ್ಮಂಟೇಶನ್), ಫಿಲ್ಟರ್ ಹಾಗೂ ಕೂಲಿಂಗ್ ಪ್ರಕ್ರಿಯೆಗೆ ಒಳಪಡಿಸಿದರೆ ವೈನ್ ಸಿದ್ಧವಾಗುತ್ತದೆ’ ಎಂದರು.

ತಂತ್ರಜ್ಞಾನ ರೈತರಿಗೂ ಪರಿಚಯಿಸಲಿ: ‘ಕೋಲಾರ, ಶ್ರೀನಿವಾಸಪುರ ಭಾಗದಲ್ಲಿ ಪ್ರತಿ ವರ್ಷ ಹಂಗಾಮಿನಲ್ಲಿ ಟೊಮೆಟೊ ಬೆಲೆ ಕುಸಿದು ಟನ್‌ಗಟ್ಟಲೇ ಹಣ್ಣನ್ನು ನಾವು ರಸ್ತೆಗೆ ಸುರಿಯುತ್ತೇವೆ. ದನಗಳಿಗೆ ತಿನ್ನಿಸಿ, ತಿಪ್ಪೆಗೂ ಹಾಕುತ್ತೇವೆ. ಈ ತಂತ್ರಜ್ಞಾನ ರೈತ ಗುಂಪುಗಳು, ಸಹಕಾರಿ ಸಂಘಗಳಿಗೆ ಪರಿಚಯಿಸಿದರೆ ಸ್ಥಳೀಯವಾಗಿ ವೈನ್ ಉತ್ಪಾದನೆ ಮಾಡಲು ಸಾಧ್ಯವಿದೆ’ ಎಂದು ಕೋಲಾರ ಜಿಲ್ಲೆ ಚಿಂತಾಮಣಿಯ ರೈತ ಎಸ್.ಶ್ರೀಧರ್ ಅಭಿಪ್ರಾಯಪಟ್ಟರು. ತೋಟಗಾರಿಕೆ ಮೇಳದ ವೀಕ್ಷಣೆಗೆ ಬಂದಿದ್ದ ಅವರು, ಮನೆಯಲ್ಲಿಯೇ ಟೊಮೆಟೊ ವೈನ್ ಮಾಡುವ ಬಗ್ಗೆ ವಿದ್ಯಾರ್ಥಿಗಳಿಂದ ಮಾಹಿತಿ ಪಡೆದರು.

Comments
ಈ ವಿಭಾಗದಿಂದ ಇನ್ನಷ್ಟು

ಬಾಗಲಕೋಟೆ
ಅತ್ಯಾಚಾರಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಿ

ದೇಶದಲ್ಲಿ ಬಾಲಕಿಯರು ಹಾಗೂ ಮಹಿಳೆಯರ ಮೇಲೆ ಅತ್ಯಾಚಾರ ನಡೆಸಿ, ಹತ್ಯೆ ಮಾಡುತ್ತಿರುವ ದುಷ್ಕರ್ಮಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಬೇಕು ಎಂದು ಆಗ್ರಹಿಸಿ ಇಲ್ಲಿನ ಬಾಗಲಕೋಟೆ ಮುಸ್ಲಿಂ...

21 Apr, 2018

ಬಾಗಲಕೋಟೆ
ಅಬಕಾರಿ ನಿಯಮ ಉಲ್ಲಂಘನೆ; ಚುನಾವಣೆ ಮುಗಿಯುವವರೆಗೂ ಅಂಗಡಿಗಳು ಬಂದ್

‘ವಿಧಾನಸಭಾ ಚುನಾವಣೆ ನೀತಿ ಸಂಹಿತೆ ಹಿನ್ನೆಲೆಯಲ್ಲಿ ಅಬಕಾರಿ ಇಲಾಖೆ ನಿಯಮ ಉಲ್ಲಂಘಿಸಿದ ಆರೋಪದ ಮೇಲೆ ಜಿಲ್ಲೆಯ 17 ಮದ್ಯದ ಅಂಗಡಿಗಳ ಲೈಸೆನ್ಸ್‌ ಅಮಾನತು ಮಾಡಿ...

21 Apr, 2018

ಇಳಕಲ್
ಪಿಬಿಎಸ್‌ 5ನೇ ಸ್ವರ ಸ್ಮರಣೆ ಇಂದು

ಗಾಯಕ, ಮಾಧುರ್ಯ ಸಾರ್ವಭೌಮ ದಿ.ಡಾ.ಪಿ.ಬಿ.ಶ್ರೀನಿವಾಸ ಅವರ ‘5ನೇ ಸ್ವರ ಸ್ಮರಣೆ’ ಕಾರ್ಯಕ್ರಮ ಉದ್ಯಮಿ ರವೀಂದ್ರ ದೇವಗಿರಿಕರ್ ಹಾಗೂ ಸ್ನೇಹರಂಗ ಸಹಯೋಗದಲ್ಲಿ ಇಲ್ಲಿಯ ಅನುಭವ ಮಂಟಪದ...

21 Apr, 2018

ಇಳಕಲ್‍
ಅಪೂರ್ಣ ಕಾಮಗಾರಿ ಉದ್ಘಾಟನೆ: ಟೀಕೆ

ಹನಿ ನೀರಾವರಿ ಯೋಜನೆ ನಾನು ಶಾಸಕನಾಗಿದ್ದಾಗ ಬಿಜೆಪಿ ಸರ್ಕಾರ ಮಂಜೂರು ಮಾಡಿತ್ತು. ಆದರೆ ಅಪೂರ್ಣ ಕಾಮಗಾರಿಯನ್ನು ಮುಖ್ಯಮಂತ್ರಿ ಅವರನ್ನು ಕರೆಸಿ ಉದ್ಘಾಟಿಸುವ ಮೂಲಕ ಕಲ್ಲಿನಲ್ಲಿ...

21 Apr, 2018

ಹುನಗುಂದ
ಜನರ ಒತ್ತಾಯಕ್ಕೆ ಪಕ್ಷೇತರನಾಗಿ ಕಣಕ್ಕೆ: ಎಸ್‌.ಆರ್. ನವಲಿ ಹಿರೇಮಠ

‘ಚುನಾವಣೆಯ ಗೆಲುವನ್ನು ಪಕ್ಷ ಕೊಡುವುದಿಲ್ಲ; ಜನರ ಕೊಡುತ್ತಾರೆ. ಅವರ ಮನಸ್ಸನಲ್ಲಿ ನಾನು ಇದ್ದೇನೆ, ಜನರ ಅಭಿಪ್ರಾಯ, ಒತ್ತಾಯಕ್ಕಾಗಿ ಬಡವರ ಅಭಿವೃದ್ಧಿಗಾಗಿ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ...

21 Apr, 2018