ಇಳಕಲ್‌

ಮುಖ್ಯ ಕಾಲುವೆ: ಕಾಮಗಾರಿ ಕಳಪೆ

‘₹ 1302ಕೋಟಿ ಅಂದಾಜು ವೆಚ್ಚದ ಈ ಯೋಜನೆಯಲ್ಲಿ 12.815 ಟಿಎಂಸಿ ಅಡಿ ನೀರನ್ನು ಈ ಮುಖ್ಯ ಕಾಲು ವೆ12.260 ಕಿ.ಮೀ ದೂರ ಸಾಗಿಸುತ್ತದೆ

ಇಳಕಲ್‌ : ‘ಕೊಪ್ಪಳ ಏತ ನೀರಾವರಿ ಯೋಜನೆಯ ಮೊದಲನೇ ರೈಸಿಂಗ್‌ ಮೇನ್‌ ನಂತರ ಇಳಕಲ್‌ ಸಮೀಪ ಆರಂಭವಾಗುವ 12.260 ಕಿ.ಮೀ ಉದ್ದದ ಕಾಲುವೆಯ ಕಾಮಗಾರಿ ಸಂಪೂರ್ಣ ಕಳಪೆಯಾಗಿದೆ. ಗುತ್ತಿಗೆದಾರರೊಂದಿಗೆ ಕೊಪ್ಪಳ ಏತನೀರಾವರಿ ಯೋಜನೆಯ ಉಪವಿಭಾಗದ ಆಧಿಕಾರಿಗಳು ಶಾಮೀಲಾಗಿದ್ದಾರೆ’ ಎಂದು ಹೆರೂರ ಗ್ರಾಮದ ರೈತ ರಾಜಶೇಖರ ಹುಡೇದಮನಿ ಆರೋಪಿಸಿದ್ದಾರೆ.

ಕಾಲುವೆಯ ವಿನ್ಯಾಸ ಸೇರಿದಂತೆ ಕಾಮಗಾರಿಯ ತಾಂತ್ರಿಕ ಅಂಶಗಳ ಬಗ್ಗೆ ಮಾಹಿತಿ ಹಕ್ಕು ಕಾಯ್ದೆಯಡಿ ಮಾಹಿತಿ ಪಡೆದು ವಾಸ್ತವವಾಗಿ ಆಗಿರುವ ಕಾಲುವೆ ಕಾಮಗಾರಿಯೊಂದಿಗೆ ಹೋಲಿಕೆ ಮಾಡಿರುವುದಾಗಿ ತಿಳಿಸಿರುವ ರಾಜಶೇಖರ್‌ ‘ಕಾಲುವೆಯ ಲೈನಿಂಗ್‌ನ ಕಾಂಕ್ರೀಟ್‌ ದಪ್ಪ 10 ಸೆಂಟಿ ಮೀಟರ್‌ ಇರಬೇಕಾದಲ್ಲಿ ಕೇವಲ 4ರಿಂದ 5 ಸೆಂ.ಮೀ ಇದೆ. ಕಳಪೆ ಕಾಮಗಾರಿಯ ಪರಿಣಾಮ ಸಾಕಷ್ಟು ಕಡೆಯಲ್ಲಿ ಈಗಲೇ ಕಾಲುವೆ ಬಿರುಕು ಬಿಟ್ಟಿದ್ದು, ನೀರು ಹರಿಸಿದೊಡನೇ ಕಾಲುವೆ ನೀರು ಹೊಲಕ್ಕೆ ನುಗ್ಗಿ ರೈತರ ಹೊಲಗಳು ಹಾಳಾಗುತ್ತವೆ’ ಎಂದು ರಾಜಶೇಖರ್‌ ‘ಪ್ರಜಾವಾಣಿ’ ಜೊತೆ ಆತಂಕ ತೋಡಿಕೊಂಡರು.

‘ಕಾಲುವೆಯ ಎರಡೂ ಬದಿಯ ರಸ್ತೆಗಳಿಗೆ 0.60 ಮೀಟರ್‌ ದಪ್ಪ ಮುರ್ರಂ ಹಾಕಬೇಕಿತ್ತು ಹಾಗೂ ರಸ್ತೆಗಳು ಕಾಲುವೆಯಿಂದ ಕನಿಷ್ಠ 0.60 ಮೀಟರ್‌ ಏತ್ತರದಲ್ಲಿರಬೇಕಿತ್ತು. ಆದರೆ ನಿಗದಿಯಂತೆ ರಸ್ತೆ ಮಾಡದೇ ಕಾಲುವೆಯ ಮಣ್ಣನ್ನು ಹಾಕಿ ಕೈತೊಳೆದು ಕೊಂಡಿದ್ದಾರೆ. ಈ ಮಣ್ಣು ಮಳೆ ಸುರಿ ದಾಗ ಕಾಲುವೆ ಸೇರುತ್ತಿದೆ’ ಎಂದಿದ್ದಾರೆ.

‘₹ 1302ಕೋಟಿ ಅಂದಾಜು ವೆಚ್ಚದ ಈ ಯೋಜನೆಯಲ್ಲಿ 12.815 ಟಿಎಂಸಿ ಅಡಿ ನೀರನ್ನು ಈ ಮುಖ್ಯ ಕಾಲು ವೆ12.260 ಕಿ.ಮೀ ದೂರ ಸಾಗಿಸುತ್ತದೆ. ಈ ಮುಖ್ಯ ಕಾಲುವೆಯು ಹುನಗುಂದ, ಹೂಲಗೇರಿ, ಯಲಬುರ್ಗಾ, ತಾವರ ಗೇರಾ, ಕನಕಗಿರಿ ಹಾಗೂ ಕೊಪ್ಪಳ ಶಾಖಾ ಕಾಲುವೆಗಳ ಮೂಲಕ ಒಟ್ಟು 2 ಲಕ್ಷ 80 ಸಾವಿರ ಏಕರೆ ಜಮೀನಿಗೆ ನೀರುಣಿಸಲಿದೆ.

‘ಕಾಲುವೆ ನಿರ್ಮಾಣಕ್ಕಾಗಿ ಯಥೇಚ್ಛವಾಗಿ ಹಣ ಹರಿದಿದೆ, ಆದರೆ ನೀರು ಹರಿಯುವುದು ಕಷ್ಟ. ಈ ಕಾಲುವೆಯನ್ನು ನೋಡಿದರೇ ಕಾಮಗಾರಿಯಲ್ಲಿ ಆಗಿರಬಹುದಾದ ಲೋಪಗಳು ಹಾಗೂ ಭ್ರಷ್ಟಾಚಾರ ಕಣ್ಣಿಗೆ ರಾಚುತ್ತದೆ. ಈ ಬಗ್ಗೆ ದೂರು ಸಲ್ಲಿಸಿದರೂ ಯಾವುದೇ ಪ್ರಯೋಜನ ಆಗಿಲ್ಲ. ಕಾಲುವೆ ನಿರ್ಮಾಣ ಸಂದರ್ಭದಲ್ಲಿ ಸ್ವಾಧೀನಪಡಿಸಿಕೊಂಡ ಭೂಮಿಗೆ ಪರಿಹಾರ ನೀಡದೇ ಕಾಮಗಾರಿ ಆರಂಭಿಸಿದಾಗ ತಡೆಯಲು ಮುಂದಾದ ರೈತರಿಗೆ ಗುತ್ತಿಗೆದಾರ ಹಾಗೂ ಅಧಿಕಾರಿಗಳು ಪೊಲೀಸರ ಮೂಲಕ ಒತ್ತಡ ಹಾಕಿಸಿದ್ದರು’ ಎಂದು ರಾಜಶೇಖರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಆರೋಪದಲ್ಲಿ ಹುರುಳಿಲ್ಲ’

ಈ ಬಗ್ಗೆ ಕೊಪ್ಪಳ ಏತನೀರಾವರಿ ಯೋಜನೆ ಉಪ ವಿಭಾಗದ ಕಾರ್ಯನಿರ್ವಾಹಕ ಎಂಜಿನಿಯರ್ ಮಹಾಂತಪ್ಪ ಕನ್ನೂರ ‘ಕಾಲುವೆ ಕಾಮಗಾರಿಯು ನಿಗದಿತ ತಾಂತ್ರಿಕ ಅಂಶಗಳಂತೆ ನಡೆದಿದೆ. ಕಾಮಗಾರಿ ಕಳಪೆಯಾಗಿಲ್ಲ. ಕಾಲುವೆಗೆ ಅಗತ್ಯವಿದ್ದ ಜಮೀನನ್ನು ಸರ್ಕಾರ ನಿಯಮಾನುಸಾರ ಪರಿಹಾರ ನೀಡಿ ಭೂಸ್ವಾಧೀನಪಡಿಸಿಕೊಂಡಿದೆ. ರಾಜಶೇಖರ್‌ ಹುಡೇದಮನಿ ಅವರ ಆರೋಪಗಳಲ್ಲಿ ಹುರುಳಿಲ್ಲ’ ಎಂದು ಸ್ಪಷ್ಟನೆ ನೀಡಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಗುಳೇದಗುಡ್ಡ
‘ಹಣಕ್ಕಾಗಿ ಮತ ಮಾರಿಕೊಳ್ಳಬೇಡಿ’

ಸ್ಟೆಪ್ ಆಫ್ ಡ್ಯಾನ್ಸ್ ತರಬೇತಿ ಕೇಂದ್ರದ ಮಕ್ಕಳಿಂದ ಮತದಾರರನ್ನು ಜಾಗೃತಿ ಮೂಡಿಸಲು ಸಾಮೂಹಿಕ ನೃತ್ಯ ಹಾಗೂ ಮಾನವ ಸರಪಳಿ ನಿರ್ಮಿಸಿ ಮತದಾನದ ಮಹತ್ವವನ್ನು ತಿಳಿಸಿ...

22 Apr, 2018

ರಬಕವಿ -ಬನಹಟ್ಟಿ
ಅತ್ಯಾಚಾರಿಗಳಿಗೆ ಮರಣ ದಂಡನೆ ವಿಧಿಸಿ

‘ಬನಹಟ್ಟಿಯಲ್ಲಿ ಹತ್ತು ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದ ನಗರಸಭೆ ಮಾಜಿ ಅಧ್ಯಕ್ಷ ಮೌಲಾಸಾಬ್ ಬೂದಿಹಾಳ ಅವರನ್ನು ಈಗಾಗಲೇ ಪೋಕ್ಸೋ ಕಾಯ್ದೆಯಡಿ ಬಂಧಿಸಲಾಗಿದೆ. ಅತ್ಯಾಚಾರ...

22 Apr, 2018
ಮಕ್ಕಳಿಂದ ಬೀದಿ ನಾಟಕ

ರಬಕವಿ ಬನಹಟ್ಟಿ
ಮಕ್ಕಳಿಂದ ಬೀದಿ ನಾಟಕ

22 Apr, 2018
ಕೊಳಚೆ ನಡುವೆ ನೀರು ಸಂಗ್ರಹ!

ಬಾಗಲಕೋಟೆ
ಕೊಳಚೆ ನಡುವೆ ನೀರು ಸಂಗ್ರಹ!

22 Apr, 2018

ಬಾಗಲಕೋಟೆ
ಅತ್ಯಾಚಾರಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಿ

ದೇಶದಲ್ಲಿ ಬಾಲಕಿಯರು ಹಾಗೂ ಮಹಿಳೆಯರ ಮೇಲೆ ಅತ್ಯಾಚಾರ ನಡೆಸಿ, ಹತ್ಯೆ ಮಾಡುತ್ತಿರುವ ದುಷ್ಕರ್ಮಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಬೇಕು ಎಂದು ಆಗ್ರಹಿಸಿ ಇಲ್ಲಿನ ಬಾಗಲಕೋಟೆ ಮುಸ್ಲಿಂ...

21 Apr, 2018