ಧೈರ್ಯ ಕುಂದಿಸುವ ಮಾತು

‘ಕೃಷಿ ಸಾಲ ಮನ್ನಾದಿಂದ ಲಾಭ ಇಲ್ಲ... ಕೃಷಿಯಲ್ಲಿ ಲಾಭಕ್ಕಿಂತ ನಷ್ಟವೇ ಹೆಚ್ಚು, ಜಿಡಿಪಿಗೆ ಕೃಷಿಯ ಕೊಡುಗೆ ಕನಿಷ್ಠ,  ರೈತರು ಪರ್ಯಾಯ ಉದ್ಯೋಗಗಳನ್ನೂ ಮಾಡಬೇಕು... (ಪ್ರ.ವಾ., ಡಿ.22) ಎಂಬ ಸಲಹೆಗಳನ್ನು ಡಾ. ದೇವಿಶೆಟ್ಟಿ ಅವರು ನೀಡಿದ್ದಾರೆ.

‘ಕೃಷಿ ಸಾಲ ಮನ್ನಾದಿಂದ ಲಾಭ ಇಲ್ಲ... ಕೃಷಿಯಲ್ಲಿ ಲಾಭಕ್ಕಿಂತ ನಷ್ಟವೇ ಹೆಚ್ಚು, ಜಿಡಿಪಿಗೆ ಕೃಷಿಯ ಕೊಡುಗೆ ಕನಿಷ್ಠ,  ರೈತರು ಪರ್ಯಾಯ ಉದ್ಯೋಗಗಳನ್ನೂ ಮಾಡಬೇಕು... (ಪ್ರ.ವಾ., ಡಿ.22) ಎಂಬ ಸಲಹೆಗಳನ್ನು ಡಾ. ದೇವಿಶೆಟ್ಟಿ ಅವರು ನೀಡಿದ್ದಾರೆ.

ಕೃಷಿಯೇ ಬಹುಪಾಲು ಜನರ ಪ್ರಧಾನ ಕಸುಬಾಗಿರುವ ದೇಶದಲ್ಲಿ, ‘ವೈದ್ಯೋದ್ಯಮಿ’ಯೊಬ್ಬರು ರೈತರ ಆತ್ಮಸ್ಥೈರ್ಯವನ್ನು ಕುಂದಿಸುವ ಮಾತನಾಡಿರುವುದು ಸರಿಯಲ್ಲ.

ನಿಜ, ಸಾಲ ಮನ್ನಾ ಮಾಡುವುದು ರೈತರ ಸಮಸ್ಯೆಗಳಿಗೆ ಪರಿಹಾರವಲ್ಲ. ರೈತರು ಹಿಂದೆಲ್ಲ ಜೀವನದ ಸಹಜ ಭಾಗವೆಂಬಂತೆ ಶೂನ್ಯ ಬಂಡವಾಳದಲ್ಲಿ, ನೈಸರ್ಗಿಕವಾಗಿ ಕೃಷಿ ಮಾಡುತ್ತಿದ್ದರು. ಅವರಲ್ಲಿ ಹೆಚ್ಚು ಲಾಭದ ಆಸೆ ಮೂಡಿಸಿ, ಹೈಬ್ರಿಡ್ ಬಿತ್ತನೆ ಬೀಜಗಳನ್ನು ಪರಿಚಯಿಸಿ, ಹೆಚ್ಚು ಇಳುವರಿ ಪಡೆಯಲು ರಾಸಾಯನಿಕ ಗೊಬ್ಬರ ಮತ್ತು ಬೆಳೆ ಸಂರಕ್ಷಿಸಲು ದುಬಾರಿ ಕೀಟನಾಶಕ ಕೊಳ್ಳುವಂತೆ ಮಾಡಿ, ಹೆಚ್ಚೆಚ್ಚು ಸಾಲ ಮಾಡಿಸಿ ತಮ್ಮ ವ್ಯವಹಾರಗಳನ್ನು ವೃದ್ಧಿಸಿಕೊಂಡು ಕೃಷಿಯ ದಿಕ್ಕನ್ನೇ ಬದಲಿಸಿದ್ದು ಉದ್ಯಮಿಗಳು. ಇಷ್ಟಾದ ಮೇಲೂ ರೈತರು ತಮ್ಮ ಫಸಲಿಗೆ ನ್ಯಾಯವಾದ ಬೆಲೆ ಸಿಗದೆ ಸಾಲಗಾರರಾಗಿಯೇ ಉಳಿದಿದ್ದಾರೆ.

ಜಿಡಿಪಿಯಲ್ಲಿ ಕೃಷಿಯ ಪಾಲು ಕಡಿಮೆ ಇರಬಹುದು. ಆದರೆ ರೈತರು ಆಹಾರ ಬೆಳೆಯುವುದನ್ನು ಬಿಟ್ಟು ಬೇರೆ ವೃತ್ತಿಗೆ ಹೊರಳಿದರೆ ಆಗಬಹುದಾದ ಪರಿಣಾಮ ಉಹಿಸಲು ಅಸಾಧ್ಯ. ಜನರು ಅನ್ನಕ್ಕಾಗಿ ಪರದಾಡುವ ಸ್ಥಿತಿ ಬರಬಹುದು. ಆಹಾರವನ್ನು ಕಾರ್ಖಾನೆ ಅಥವಾ ಆಸ್ಪತ್ರೆಯಲ್ಲಿ ತಯಾರಿಸಲಾಗುವುದಿಲ್ಲವಲ್ಲ!

ಇತರ ಉತ್ಪನ್ನಗಳಿಗೆ ಗರಿಷ್ಠ ಮಾರಾಟ ಬೆಲೆ (ಎಂ.ಆರ್‌.ಪಿ) ನಿಗದಿ ಮಾಡುವಂತೆ ತರಕಾರಿ, ಧಾನ್ಯಗಳಿಗೂ ಸ್ಥಿರ ಬೆಲೆ ನಿಗದಿ ವ್ಯವಸ್ಥೆಯಾದರೆ ರೈತರು ಸಹ ಉದ್ಯಮಿಗಳಾಗುತ್ತಾರೆ ಎಂಬುದರಲ್ಲಿ ಸಂಶಯವಿಲ್ಲ.

 

Comments
ಈ ವಿಭಾಗದಿಂದ ಇನ್ನಷ್ಟು

ಸರ್ಕಾರಿ ಶಾಲೆ
ಬಯೊಮೆಟ್ರಿಕ್ ಬೇಕು

ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳ ಮಕ್ಕಳು ಮಾತ್ರ ಸರ್ಕಾರಿ ಶಾಲೆಗಳನ್ನು ಅವಲಂಬಿಸುತ್ತಾರೆ ಎಂಬುದು ಈಗ ಸರ್ವ ವಿದಿತ. ತಮ್ಮ ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ...

19 Jun, 2018

ಆರೋಗ್ಯ ನೀತಿ
ಸ್ಪಷ್ಟತೆ ಬೇಕು

ಕಳೆದ ವರ್ಷ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ರಾಷ್ಟ್ರೀಯ ವಿರಳ ಕಾಯಿಲೆಗಳ ನೀತಿಯನ್ನು ರೂಪಿಸಿತು. ವಿರಳಾತಿ ವಿರಳ ಕಾಯಿಲೆಗಳಿಂದ ಬಳಲುತ್ತಿರುವ ರೋಗಿಗಳ...

19 Jun, 2018

ದೋಸ್ತಿ ಸರ್ಕಾರ
ಕೂಡಿ ಬಾಳಿದರೆ...

ಕೂಡಿ ಬಾಳಿದರೆ ಸ್ವರ್ಗ ಸುಖ’ ಮತ್ತು ‘ನೀ ನನಗಾದರೆ ನಾ ನಿನಗೆ’ ಎಂಬ ಈ ಎರಡು ಉಕ್ತಿಗಳ ಸಾರವನ್ನು ಅರಿತರೆ ದೋಸ್ತಿ ಸರ್ಕಾರ ಪೂರ್ಣಾವಧಿ...

19 Jun, 2018

ರಾಜಕೀಯ ತೊಳಲಾಟ
‘ಪತಿ–ಪತ್ನಿ’ ಜಗಳದಲ್ಲಿ...

ರಾಜಕೀಯ ತೊಳಲಾಟದಲ್ಲಿ ಮುಳುಗಿರುವ ಸರ್ಕಾರಕ್ಕೆ, ವರ್ಗಾವಣೆಯ ನೆನಪು ಇದ್ದಂತಿಲ್ಲ. ಮಾತೆತ್ತಿದರೆ ‘ಗುಣಾತ್ಮಕ ಶಿಕ್ಷಣ ನಮ್ಮ ಗುರಿ’ ಎನ್ನುವ ಸರ್ಕಾರವು ಗುಣಾತ್ಮಕ ಶಿಕ್ಷಣಕ್ಕೆ ಪ್ರಮುಖ ಕಾರಣರಾಗಿರುವ...

19 Jun, 2018

ರಾಜಕೀಯ ನಾಟಕ
ನಿರ್ಣಯಿಸುವವರು ಯಾರು ?

ತದ್ವಿರುದ್ಧ ಇರುವ ಪಕ್ಷಗಳು ಚುನಾವಣೆಯ ಪೂರ್ವದಲ್ಲಿ ಒಪ್ಪಂದ ಮಾಡಿಕೊಂಡರೆ ‘ನೈತಿಕ’, ನಂತರ ಆದರೆ ಅದು ‘ಅನೈತಿಕ’ ಎಂದು ನಿರ್ಣಯಿಸುವವರಾರು? ‘ಪಕ್ಷಾಂತರ’ದ ಪಿಡುಗನ್ನು ಒಪ್ಪಿಕೊಂಡು, ಕಾನೂನಿನ...

19 Jun, 2018