ಗೋಣಿಕೊಪ್ಪಲು

ಕೊಡವ ಮಂದ್ ನಮ್ಮೆಗೆ ಚಾಲನೆ

ಯುನೈಟೆಡ್ ಕೊಡವ ಆರ್ಗನೈಜೇಷನ್ (ಯುಕೊ) ಎರಡು ದಿನ ಆಯೋಜಿಸಿರುವ ಕೊಡವ ಮಂದ್ ನಮ್ಮೆಗೆ ಭಾನುವಾರ ಇಲ್ಲಿನ ಕಾವೇರಿ ಕಾಲೇಜಿನ ಮೈದಾನದಲ್ಲಿ ಚಾಲನೆ ನೀಡಲಾಯಿತು.

ಗೋಣಿಕೊಪ್ಪಲು: ಯುನೈಟೆಡ್ ಕೊಡವ ಆರ್ಗನೈಜೇಷನ್ (ಯುಕೊ) ಎರಡು ದಿನ ಆಯೋಜಿಸಿರುವ ಕೊಡವ ಮಂದ್ ನಮ್ಮೆಗೆ ಭಾನುವಾರ ಇಲ್ಲಿನ ಕಾವೇರಿ ಕಾಲೇಜಿನ ಮೈದಾನದಲ್ಲಿ ಚಾಲನೆ ನೀಡಲಾಯಿತು.

ಗೋಣಿಕೊಪ್ಪಲು ಕೊಡವ ಸಮಾಜದ ಅಧ್ಯಕ್ಷ ಚೆಕ್ಕೆರ ಸೋಮಯ್ಯ ಮಂದ್ ನಮ್ಮೆಯನ್ನು ಉದ್ಘಾಟಿಸಿ, ಕೊಡವ ಸಂಪ್ರದಾಯ, ಸಂಸ್ಕೃತಿ ಉಳಿವಿಗೆ ನಮ್ಮೆ ಸಹಕಾರಿಯಾಗಲಿದೆ. ಹಬ್ಬ ಹರಿದಿನಗಳು ಜನಾಂಗವನ್ನು ಒಂದುಗೂಡಿಸುವ ಜತೆಗೆ, ಅಳಿವಿನ ಅಂಚಿನಲ್ಲಿರುವ ಸಂಸ್ಕೃತಿ, ಸಂಪ್ರದಾಯಗಳನ್ನು ಉಳಿಸಲು ಉತ್ತಮ ವೇದಿಕೆಯಾಗಲಿವೆ ಎಂದು ನುಡಿದರು.

ಹಿರಿಯ ವೈದ್ಯ ಕಾಳಿಮಾಡ ಶಿವಪ್ಪ, ಶರೀರ ದೃಢಕಾಯವಾಗಿ, ಆರೋಗ್ಯವಾಗಿ ಇರಬೇಕಾದರೆ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಹೆಚ್ಚಾಗಿ ತೊಡಗಿಕೊಳ್ಳಬೇಕು. ಆರೋಗ್ಯಕರ ಶರೀರ ಮಾನಸಿಕ ಆರೋಗ್ಯವನ್ನೂ ಕಾಪಾಡಲಿದೆ ಎಂದು ಹೇಳಿದರು. ಹಿರಿಯ ಮುಖಂಡ ನೆಲ್ಲಮಕ್ಕಡ ಧರುಣ್, ಯುಕೊ ಸಂಘಟನೆ ಸಂಚಾಲಕ ಕೊಕ್ಕಲೆಮಾಡ ಮಂಜು ಚಿಣ್ಣಪ್ಪ ಮಾತನಾಡಿದರು.

ಸೋಮವಾರ ಬೆಳಿಗ್ಗೆ ಪಟ್ಟಣದಲ್ಲಿ ಕೊಡವ ಸಾಂಪ್ರದಾಯಕ ಉಡುಪಿನಲ್ಲಿ ಮೆರವಣಿಗೆ ನಡೆಯಲಿದೆ. ಬಳಿಕ ಸಭಾಕಾರ್ಯಕ್ರಮದಲ್ಲಿ ಸಂಸದ ನಳೀನ್‌ಕುಮಾರ್ ಕಟೀಲ್ ಪಾಲ್ಗೊಳ್ಳಲಿದ್ದಾರೆ. ತೀತಿರಮಾಡ ಬೋಸ್, ನೆಲ್ಲಮಕ್ಕಡ ಮಾದಯ್ಯ, ಕಳ್ಳಿಚಂಡ ರಾಬಿನ್, ಅಣ್ಣೀರ ಹರೀಶ್, ಲೋಹಿತ್ ಭೀಮಯ್ಯ, ಚೆಪ್ಪುಡೀರ ಸುಜು ಕರುಂಬಯ್ಯ ಹಾಜರಿದ್ದರು. ಬಳಿಕ ತೆಂಗಿನ ಕಾಯಿಗೆ ಗುಂಡು ಹೊಡೆಯುವುದು, ಬಾಳೊ ಪಾಟ್, ವಾಲಗತ್ತಾಟ್, ಕಪ್ಪೆಯಾಟ್ ಮೊದಲಾದ ಸ್ಪರ್ಧೆ ಜರುಗಿದವು.

Comments
ಈ ವಿಭಾಗದಿಂದ ಇನ್ನಷ್ಟು
ಮೆಣಸಿನಕಾಯಿ ಬೆಳೆದವರಿಗೇ ‘ಖಾರ’

ಶನಿವಾರಸಂತೆ
ಮೆಣಸಿನಕಾಯಿ ಬೆಳೆದವರಿಗೇ ‘ಖಾರ’

23 Apr, 2018

ಮಡಿಕೇರಿ
ದೇಶಕ್ಕೆ ಕೋಮು ರಾಜಕೀಯದ ಕಾಟ

‘ಭಾರತವನ್ನು ಕೋಮು ರಾಜಕೀಯ ಬಲವಾಗಿ ಕಾಡುತ್ತಿದೆ’ ಎಂದು ಚಿತ್ರನಟ ಪ್ರಕಾಶ್‌ ರೈ ಆತಂಕ ವ್ಯಕ್ತಪಡಿಸಿದರು.

23 Apr, 2018
ಧಾರಾಕಾರ ಮಳೆ; ಆಸ್ತಿಪಾಸ್ತಿ ಹಾನಿ

ಶನಿವಾರಸಂತೆ
ಧಾರಾಕಾರ ಮಳೆ; ಆಸ್ತಿಪಾಸ್ತಿ ಹಾನಿ

23 Apr, 2018
ಕುಲ್ಲೇಟಿರ ಕಪ್ ಹಾಕಿ: 16 ತಂಡಗಳು ಮುಂದಿನ ಸುತ್ತಿಗೆ

ನಾಪೋಕ್ಲು
ಕುಲ್ಲೇಟಿರ ಕಪ್ ಹಾಕಿ: 16 ತಂಡಗಳು ಮುಂದಿನ ಸುತ್ತಿಗೆ

23 Apr, 2018

ನಾಪೋಕ್ಲು
ಬೈಗುಳವೇ ಇಲ್ಲಿ ದೇವರ ಶ್ಲೋಕ...!

ದೇವರ ಹೆಸರಿನಲ್ಲಿ ಕಂಡವರಿಗೆಲ್ಲ ಮನಸೋಇಚ್ಛೆ ಬೈದು, ಹಣ ಬೇಡಿ ನಂತರ ದೇವರಲ್ಲಿ ತಪ್ಪೊಪ್ಪಿಕೊಳ್ಳುವ ಗಿರಿಜನರ ಹಬ್ಬವೊಂದು ಜಿಲ್ಲೆಯ ಗಡಿ ಭಾಗದ ತಿತಿಮತಿ ಸಮೀಪದ ದೇವರಪುರದಲ್ಲಿ...

22 Apr, 2018