ಮಂಗಳೂರು

‘ಹಲವು ದಿನಗಳ ಕನಸು ನನಸಾಯಿತು...’

ಇದೇ ಮೊದಲ ಬಾರಿಗೆ ಬೀಚ್‌ ನೋಡಿದ ಸಂತಸ ಅವರಲ್ಲಿ ಮನೆ ಮಾಡಿತ್ತು. ಸತ್ಯಜೀತ್, ನಾರಾಯಣ್, ತುಳಸಿ, ನವೀನ್, ಸದತ್‌, ರಶೀದ್‌ ಸೇರಿದಂತೆ ಹಲವರು ಸಂತಸ ಹಂಚಿಕೊಂಡರು.

ಮಂಗಳೂರು: ಕಡಲ ಕಿನಾರೆ, ದೇವಾಲಯ, ಉದ್ಯಾನ, ಹೀಗೆ ಹೊರ ಜಗತ್ತೊಂದು ತೆರೆದುಕೊಂಡಿತ್ತು. ಪುನರ್ವತಿ ಕೇಂದ್ರದಲ್ಲಿಯೇ ಕಾಲ ಕಳೆಯುತ್ತಿದ್ದ ಎಂಡೋಸಲ್ಫಾನ್ ಸಂತ್ರಸ್ತರು ನಗರದ ವಿವಿಧೆಡೆ ಭೇಟಿ ನೀಡುವ ಮೂಲಕ ಪಿಕ್‌ನಿಕ್‌ ಮಜವನ್ನು ಅನುಭವಿಸಿದರು.

ಕೊಕ್ಕಡ ಮತ್ತು ಕೊಯಿಲದಲ್ಲಿರುವ ಪುನರ್ವಸತಿ ಕೇಂದ್ರದ ಎಂಡೋ ಪೀಡಿತರಿಗಾಗಿ ಸೇವಾ ಭಾರತಿ ಹಾಗೂ ರೇಂಜರ್ಸ್‌ ಮತ್ತು ರೋವರ್ಸ್‌ ವತಿಯಿಂದ ವಿಹಾರವನ್ನು ಆಯೋಜಿಸಲಾಗಿತ್ತು. ನಗರದ ತಣ್ಣೀರುಬಾವಿ ಬೀಚ್‌, ಸುಲ್ತಾನ್‌ ಬತ್ತೇರಿ, ಕುದ್ರೋಳಿ ಗೋಕರ್ಣನಾಥ ದೇವಾಲಯಗಳಿಗೆ ಭೇಟಿ ನೀಡಿದ ಅವರು, ಹೊರ ಜಗತ್ತಿನೊಂದಿಗೆ ಬೆರೆತು ಸಂಭ್ರಮಿಸಿದರು.

ಇದೇ ಮೊದಲ ಬಾರಿಗೆ ಬೀಚ್‌ ನೋಡಿದ ಸಂತಸ ಅವರಲ್ಲಿ ಮನೆ ಮಾಡಿತ್ತು. ಸತ್ಯಜೀತ್, ನಾರಾಯಣ್, ತುಳಸಿ, ನವೀನ್, ಸದತ್‌, ರಶೀದ್‌ ಸೇರಿದಂತೆ ಹಲವರು ಸಂತಸ ಹಂಚಿಕೊಂಡರು.

ಎಂಡೋ ಪೀಡಿತ ವಿದ್ಯಾ ಅವರ ತಾಯಿ ರಾಜೀವಿ ಹಾಗೂ ಪ್ರದೀಪ್ ಅವರ ತಾಯಿ ರೇವತಿ ಮಾತನಾಡಿ, ‘ನಮ್ಮ ಮಕ್ಕಳು ಇತರರಂತೆ ಶಾಲೆಗೆ ಹೋಗಲು ಆಗುವುದಿಲ್ಲ. ಹೊರಗಿನ ಜಗತ್ತನ್ನು ನೋಡುವುದು ಅಪರೂಪ. ಅಂತಹ ಮಕ್ಕಳಿಗೆ ಮಂಗಳೂರು ಪ್ರವಾಸ ಒಂದು ಅದ್ಭುತ ಅನುಭವ ನೀಡಿದೆ. ಇದು ಅವರ ಜೀವನದಲ್ಲಿ ಮರೆಲಾರದ ಸಂಗತಿ’ ಎಂದು ತಿಳಿಸಿದರು.

ಮೊದಲು ತಣ್ಣೀರು ಬಾವಿ ಬೀಚ್‌ಗೆ ತೆರಳಿದ ಮಕ್ಕಳು, ನಂತರ ಬೋಟ್‌ ಮೂಲಕ ಸುಲ್ತಾನ್‌ ಬತ್ತೇರಿಗೆ ಭೇಟಿ ನೀಡಿದರು. ನಂತರ ಕುದ್ರೋಳಿ ಗೋಕರ್ಣನಾಥ ದೇವಸ್ಥಾನಕ್ಕೆ ಬಂದು, ಊಟ ಮಾಡಿದರು.

ಕಲ್ಪ ಟ್ರಸ್ಟ್‌ನ ಸ್ವಯಂ ಸೇವಕರು, ಕಾವೂರಿನ ಪ್ರಥಮ ದರ್ಜೆ ಕಾಲೇಜಿನ ರೇಂಜರ್ಸ್‌ ಮತ್ತು ರೋವರ್ಸ್‌ ತಂಡದ ಸದಸ್ಯರು, ಕೊಕ್ಕಡ, ಕೊಯಿಲ ಪುನರ್ವಸತಿ ಕೇಂದ್ರದ ವ್ಯವಸ್ಥಾಪಕರು ಸಹಕಾರ ನೀಡಿದರು.

ಎಂಡೋಸಲ್ಫಾನ್ ನೋಡಲ್ ಅಧಿಕಾರಿ ಡಾ. ಅರುಣ್, ಸಾಜುದ್ದೀನ್, ಸೇವಾ ಭಾರತಿ ಟ್ರಸ್ಟ್‌ನ ಸುಮತಿ ಶೆಣೈ, ವಿನೋದ್ ಶೆಣೈ, ನಾಗರಾಜ್ ಭಟ್, ಶಾಂತಾರಾಮ್‌ ಪೈ, ಕಲ್ಪ ಟ್ರಸ್ಟ್‌ನ ಪ್ರಮೀಳಾ ರಾವ್‌ ಇದ್ದರು.

* * 

‘ಬೀಚ್‌ಗೆ ಹೋಗಬೇಕು ಎನ್ನುವ ಹಂಬಲ ಹಲವು ದಿನಗಳಿಂದ ಇತ್ತು. ಅದು ಇಂದು ನನಸಾಗಿದೆ. ಇದೇ ಮೊದಲ ಬಾರಿಗೆ ಬೀಚ್ ನೋಡುತ್ತಿದ್ದೇನೆ’
ಅಭಿಷೇಕ್‌
ಎಂಡೋ ಪೀಡಿತ

Comments
ಈ ವಿಭಾಗದಿಂದ ಇನ್ನಷ್ಟು
ಮೋದಿ ಸರ್ಕಾರದಿಂದ ಸಂವಿಧಾನಕ್ಕೆ ಗೌರವ; ಸಂವಿಧಾನ ಬದಲಾವಣೆ ಸಾಧ್ಯವಿಲ್ಲ: ಅಠವಳೆ

'ಅನಂತಕುಮಾರ್ ಹೆಗಡೆ ಹೇಳಿಕೆಗೆ ವಿರೋಧವಿದೆ'
ಮೋದಿ ಸರ್ಕಾರದಿಂದ ಸಂವಿಧಾನಕ್ಕೆ ಗೌರವ; ಸಂವಿಧಾನ ಬದಲಾವಣೆ ಸಾಧ್ಯವಿಲ್ಲ: ಅಠವಳೆ

20 Jan, 2018
ಶಿರಾಡಿ ರಸ್ತೆ ಸಂಚಾರ ಇಂದಿನಿಂದ ಬಂದ್‌

ಮಂಗಳೂರು
ಶಿರಾಡಿ ರಸ್ತೆ ಸಂಚಾರ ಇಂದಿನಿಂದ ಬಂದ್‌

20 Jan, 2018

ದಕ್ಷಿಣ ಕನ್ನಡ
ಸಂತ ಸೆಬೆಸ್ಟಿಯನ್ ಚರ್ಚ್‌ಗೆ ಶತಮಾನೋತ್ಸವ ಸಂಭ್ರಮ

ಮಂಗಳೂರಿನ ತೊಕ್ಕೊಟ್ಟಿನ ಪೆರ್ಮನ್ನೂರು ಸಂತ ಸೆಬೆಸ್ಟಿಯನ್ ಚರ್ಚ್‌ಗೆ ಈಗ ಶತಮಾನೋತ್ಸವದ ಸಂಭ್ರಮ. ಉಳ್ಳಾಲ ಪರಿಸರದ ವಿವಿಧ ಧರ್ಮ ಜಾತಿ ಮತಗಳ ಜನರು ಒಟ್ಟಾಗಿ ಸೇರಿ...

20 Jan, 2018

ಮಂಗಳೂರು
ಅಬ್ಬಕ್ಕ ಉತ್ಸವಕ್ಕೆ ₹50 ಲಕ್ಷ ಮಂಜೂರು

ಉಳ್ಳಾಲದ ವೀರರಾಣಿ ಅಬ್ಬಕ್ಕ ಉತ್ಸವದ ಅಂಗವಾಗಿ ವಿವಿಧೆಡೆ ಕಾರ್ಯಕ್ರಮ ಆಯೋಜಿಸಲಾಗುತ್ತಿದ್ದು, ಒಟ್ಟಾರೆ ಕಾರ್ಯಕ್ರಮಕ್ಕೆ ಸರ್ಕಾರದಿಂದ ₹50 ಲಕ್ಷ ಮಂಜೂರು ಮಾಡಲಾಗಿದೆ

20 Jan, 2018

ಕೆ.ಆರ್.ನಗರ
‘ಬದ್ಧತೆ ಇಲ್ಲದ ಯೋಜನೆ’

2006ರ ನಂತರ ನೇಮಕಗೊಂಡ ನೌಕರರಿಗೆ ಈ ಯೋಜನೆಯಲ್ಲಿ ಕೆಲವು ನ್ಯೂನತೆ ಉಂಟಾಗಿವೆ. ಟ್ರ‌ಸ್ಟ್ ಮ್ಯಾನೇಜ್‌ಮೆಂಟ್ ನಿರ್ವಹಿಸುವ ಇದರ ಆರ್ಥಿಕ ನಿರ್ವಹಣೆಯಲ್ಲಿ ಯಾವುದೇ ಬದ್ಧತೆ ಇಲ್ಲದೇ...

19 Jan, 2018