ನವದೆಹಲಿ

ಎಚ್‌ಎಎಲ್‌ನ ಡೋರ್ನಿಯರ್‌ ವಾಣಿಜ್ಯ ಹಾರಾಟ ಶೀಘ್ರ

ಭಾರತದಲ್ಲಿಯೇ ತಯಾರಿಸಿದ ವಿಮಾನದ ವಾಣಿಜ್ಯ ಹಾರಾಟ ಶೀಘ್ರದಲ್ಲಿಯೇ ನಿಜವಾಗಲಿದೆ.

ಎಚ್‌ಎಎಲ್‌ನ ಡೋರ್ನಿಯರ್‌ ವಾಣಿಜ್ಯ ಹಾರಾಟ ಶೀಘ್ರ

ನವದೆಹಲಿ: ಭಾರತದಲ್ಲಿಯೇ ತಯಾರಿಸಿದ ವಿಮಾನದ ವಾಣಿಜ್ಯ ಹಾರಾಟ ಶೀಘ್ರದಲ್ಲಿಯೇ ನಿಜವಾಗಲಿದೆ.

ಸರ್ಕಾರಿ ಸ್ವಾಮ್ಯದ ಹಿಂದೂಸ್ತಾನ್‌ ಏರೊನಾಟಿಕ್ಸ್‌ ಲಿಮಿಟೆಡ್‌ (ಎಚ್‌ಎಎಲ್‌), ತಯಾರಿಸಿರುವ 19 ಸೀಟುಗಳ ಡೋರ್ನಿಯರ್ ವಿಮಾನದ ಪರೀಕ್ಷಾರ್ಥ ಹಾರಾಟವು ಪೂರ್ಣಗೊಂಡಿದ್ದು, ವಾಣಿಜ್ಯ ಸೇವೆಗೆ ಸಿದ್ಧಗೊಂಡಿದೆ.

ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯವು (ಡಿಜಿಸಿಎ) ಡೋರ್ನಿಯರ್‌ಗೆ ಈ ವಾರ ವಾಣಿಜ್ಯ ಬಳಕೆಯ ಪ್ರಮಾಣ ಪತ್ರ ನೀಡುವ ನಿರೀಕ್ಷೆ ಇದೆ ಎಂದು ‘ಎಚ್‌ಎಎಲ್‌’ನ ಅಧಿಕಾರಿಗಳು ತಿಳಿಸಿದ್ದಾರೆ.

ಈ ‘ಡೋರ್ನಿಯರ್‌ 228’ ವಿಮಾನವನ್ನು ಎಚ್‌ಎಎಲ್‌, ಸ್ವಿಡ್ಜರ್ಲೆಂಡ್‌ನ ತಂತ್ರಜ್ಞಾನ ಸಂಸ್ಥೆ ಆರ್‌ಯುಎಜಿ ನೆರವಿನಿಂದ ತಯಾರಿಸಿದೆ. ಇದನ್ನು ರಕ್ಷಣಾ ಪಡೆಗಳ ಬಳಕೆಗೆ ಮತ್ತು ಯುರೋಪ್‌ ಮಾರುಕಟ್ಟೆಗಾಗಿ ತಯಾರಿಸಲಾಗಿದೆ.

ವಾಣಿಜ್ಯ ಉದ್ದೇಶಕ್ಕೆ ಇದರ ಬಳಕೆ ಜಾರಿಗೆ ತರಲು ಕಾನ್ಪುರದಲ್ಲಿ ಪರೀಕ್ಷಾರ್ಥ ಹಾರಾಟವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಲಾಗಿದೆ. ಇದೇ 28ರಂದು ಪ್ರಮಾಣ ಪತ್ರವು ‘ಎಚ್‌ಎಎಲ್‌’ನ ಕೈಸೇರಲಿದೆ ಎಂದು ‘ಡಿಜಿಸಿಎ’ ಅಧಿಕಾರಿಗಳು ತಿಳಿಸಿದ್ದಾರೆ.

ವಾಣಿಜ್ಯ ಉದ್ದೇಶಕ್ಕೆ ಇವುಗಳ ಬಳಕೆ ಜಾರಿಗೆ ಬರುವುದರಿಂದ ಕೇಂದ್ರ ಸರ್ಕಾರದ ‘ಭಾರತದಲ್ಲಿಯೇ ತಯಾರಿಸಿ’ ಕಾರ್ಯಕ್ರಮಕ್ಕೆ ಭಾರಿ ಉತ್ತೇಜನ ಸಿಗಲಿದೆ. ಸದ್ಯಕ್ಕೆ ದೇಶಿ ವಿಮಾನ ಯಾನ ಸಂಸ್ಥೆಗಳು ಎಲ್ಲ ಗಾತ್ರದ ವಿಮಾನಗಳಿಗೆ ವಿದೇಶಿ ಸಂಸ್ಥೆಗಳನ್ನೇ ನೆಚ್ಚಿಕೊಂಡಿವೆ.

ಪ್ರಾದೇಶಿಕ ವಿಮಾನ ಸೇವೆಗೂ (ಉಡಾನ್‌) ಇದರಿಂದ ಭಾರಿ ಉತ್ತೇಜನ ದೊರೆಯಲಿದೆ. ಈ ವಿಮಾನಗಳಿಗೆ ಹೆಚ್ಚಿನ ಬೇಡಿಕೆ ಕಂಡು ಬಂದರೆ ಅದನ್ನು ಪೂರೈಸಲು ಕಾನ್ಪುರದಲ್ಲಿ ವಿಶೇಷ ಜೋಡಣಾ ಘಟಕ ಸ್ಥಾಪಿಸಲಾಗಿದೆ ಎಂದು ಎಚ್‌ಎಎಲ್‌ ಅಧಿಕಾರಿಗಳು ತಿಳಿಸಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು

ನವದೆಹಲಿ
ಪ್ರಯಾಣಿಕ ವಾಹನ: ಅಗ್ರ ಸ್ಥಾನದಲ್ಲಿ ಮಾರುತಿ

ಪ್ರಯಾಣಿಕ ವಾಹನ ಮಾರಾಟದಲ್ಲಿ ಮಾರುತಿ ಸುಜುಕಿ ಇಂಡಿಯಾ ಅಗ್ರ ಸ್ಥಾನದಲ್ಲಿದೆ. ಡಿಸೆಂಬರ್‌ನಲ್ಲಿ ಒಟ್ಟಾರೆ 10 ಮಾದರಿಯ ಪ್ರಯಾಣಿಕ ವಾಹನಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿದ್ದು ಅದರಲ್ಲಿ...

24 Jan, 2018
ಹೂಡಿಕೆದಾರರ ಸಂಪತ್ತು  ₹ 1 ಲಕ್ಷ ಕೋಟಿ ವೃದ್ಧಿ

ಷೇರುಪೇಟೆಯ ಒಟ್ಟು ಬಂಡವಾಳ ಮೌಲ್ಯವೂ ಹೆಚ್ಚಳ
ಹೂಡಿಕೆದಾರರ ಸಂಪತ್ತು ₹ 1 ಲಕ್ಷ ಕೋಟಿ ವೃದ್ಧಿ

24 Jan, 2018
ಟೆಕ್ನೊ ಸ್ಮಾರ್ಟ್‌ಫೋನ್ ಬಿಡುಗಡೆ

ಟ್ರಾನ್ಸಿಷನ್ ಇಂಡಿಯಾದ ಪ್ರೀಮಿಯಂ ಸ್ಮಾರ್ಟ್‌ಫೋನ್
ಟೆಕ್ನೊ ಸ್ಮಾರ್ಟ್‌ಫೋನ್ ಬಿಡುಗಡೆ

24 Jan, 2018

ನವದೆಹಲಿ
ಷೇರು ಮಾರಾಟಕ್ಕೆ ಸರ್ಕಾರ ಒಪ್ಪಿಗೆ

ಸರ್ಕಾರಿ ಸ್ವಾಮ್ಯದ ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮವು (ಒಎನ್‌ಜಿಸಿ) ಇಂಡಿಯನ್ ಆಯಿಲ್‌ ಕಾರ್ಪೊರೇಷನ್‌ (ಐಒಸಿ) ಮತ್ತು ಗೇಲ್‌ ಇಂಡಿಯಾದಲ್ಲಿ ಹೊಂದಿರುವ ಷೇರುಗಳನ್ನು ಮಾರಾಟ...

24 Jan, 2018
ಪೆಟ್ರೋಲ್‌, ಡೀಸೆಲ್‌ ಬೆಲೆ 4 ವರ್ಷದಲ್ಲೇ ಗರಿಷ್ಠ ಏರಿಕೆ

ಅಬಕಾರಿ ಸುಂಕ ಇಳಿಸಲು ಪೆಟ್ರೋಲಿಯಂ ಸಚಿವಾಲಯ ಮನವಿ
ಪೆಟ್ರೋಲ್‌, ಡೀಸೆಲ್‌ ಬೆಲೆ 4 ವರ್ಷದಲ್ಲೇ ಗರಿಷ್ಠ ಏರಿಕೆ

24 Jan, 2018