ಹುಣಸೂರು

ಹುಲಿ ಗಣತಿಗೆ ‘ಎಂ–ಸ್ಟ್ರೈಪ್‌’ ಆ್ಯಪ್‌

‘ಭಾರತೀಯ ಹುಲಿ ಗಣತಿ– 2018’ ಆರಂಭಕ್ಕೂ ಮೊದಲೇ ತಮಿಳುನಾಡಿನ ಮಧುಮಲೈ ಮತ್ತು ರಾಜ್ಯದ ಬಂಡೀಪುರ ಉದ್ಯಾನದ ಸಿಬ್ಬಂದಿಗೆ ಆಧುನಿಕ ತಂತ್ರಜ್ಞಾನ ಬಳಸಿ ಗಣತಿ ನಡೆಸುವ ಬಗ್ಗೆ ಮಾಹಿತಿ ನೀಡಲಾಗಿದೆ.

ಸಾಂದರ್ಭಿಕ ಚಿತ್ರ

ಹುಣಸೂರು: ಹುಲಿ ಗಣತಿಗೆ ಆಧುನಿಕ ಸ್ಪರ್ಶ ನೀಡುವ ನಿಟ್ಟಿನಲ್ಲಿ ಡೆಹರಾಡೂನ್‌ ಅರಣ್ಯ ಸಂಶೋಧನಾ ವಿಭಾಗದ ಅಧಿಕಾರಿಗಳು ಆಯ್ದ ಸಿಬ್ಬಂದಿಗೆ ಡಿ.1ರಿಂದ 7ರವ ರೆಗೆ ವಿಶೇಷ ತರ ಬೇತಿ ನೀಡಿದ್ದಾರೆ ಎಂದು ನಾಗರ ಹೊಳೆ ರಾಷ್ಟ್ರೀಯ ಉದ್ಯಾನದ ಹುಲಿ ಯೋಜನೆ ನಿರ್ದೇಶಕ ಮಣಿಕಂಠನ್‌ ತಿಳಿಸಿದರು.

‘ಭಾರತೀಯ ಹುಲಿ ಗಣತಿ– 2018’ ಆರಂಭಕ್ಕೂ ಮೊದಲೇ ತಮಿಳು ನಾಡಿನ ಮಧುಮಲೈ ಮತ್ತು ರಾಜ್ಯದ ಬಂಡೀಪುರ ಉದ್ಯಾನದ ಸಿಬ್ಬಂದಿಗೆ ಆಧುನಿಕ ತಂತ್ರಜ್ಞಾನ ಬಳಸಿ ಗಣತಿ ನಡೆಸುವ ಬಗ್ಗೆ ಮಾಹಿತಿ ನೀಡಲಾಗಿದೆ. ಕಾಗದ ಬಳಸದೆ ಮಾಹಿತಿ ಮತ್ತು ತಂತ್ರಜ್ಞಾನ ಬಳಸಿಕೊಂಡು ಮಾಹಿತಿ ಸಂಗ್ರಹಿಸಿಡುವ ಬಗ್ಗೆ ಅರಿವು ಮೂಡಿಸಲಾಗಿದೆ ಎಂದು ಅವರು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.

ತರಬೇತಿ ಪಡೆದ ಸಂಪನ್ಮೂಲ ವ್ಯಕ್ತಿಗಳು ಬಂಡೀಪುರ ಮತ್ತು ನಾಗರಹೊಳೆ ಉದ್ಯಾನದ ಸಿಬ್ಬಂದಿಗೆ ಕಾರ್ಯಾಗಾರ ನಡೆಸಿ ತರಬೇತಿ ನೀಡಲಿದ್ದಾರೆ ಎಂದು ಹೇಳಿದರು.

ಆ್ಯಪ್‌: ಈ ಮೊದಲು ಸ್ವಯಂಚಾಲಿತ ಕ್ಯಾಮೆರಾ ಅಳವಡಿಸಿ ಹುಲಿ ಗಣತಿ ಮಾಡಲಾಗುತ್ತಿತ್ತು. ಈಗ ಡೆಹರಾಡೂನ್‌ ಕೇಂದ್ರ ‘ಎಂ – ಸ್ಟ್ರೈಪ್‌’ ಎಂಬ ಆ್ಯಪ್‌ ಸಿದ್ಧಗೊಳಿಸಿದ್ದು, ದಕ್ಷಿಣ ಭಾರತದ ಹುಲಿ ಸಂರಕ್ಷಿತಾರಣ್ಯಗಳ ಸಿಬ್ಬಂದಿಗೆ ನೀಡಲಾಗಿದೆ ಎಂದು ತಿಳಿಸಿದರು.

ಪ್ರಸ್ತುತ ನಾಗರಹೊಳೆಯಲ್ಲಿ 400 ಜೊತೆ ಕ್ಯಾಮೆರಾ ಬಳಸಿ ಗಣತಿ ಮಾಡಲಾಗುತ್ತಿತ್ತು. ಹೊಸ ಆ್ಯಪ್‌ ಬಂದಿರುವುದರಿಂದ 360 ಜೊತೆ ಕ್ಯಾಮೆರಾ ಬಳಸಲಾಗುವುದು ಎಂದು ಮಾಹಿತಿ ನೀಡಿದರು. ರಾಜ್ಯ ಅರಣ್ಯ ಇಲಾಖೆಯಿಂದ ನಾಗರಹೊಳೆಯಲ್ಲಿ ಮಾತ್ರ ನ.15 ರಿಂದಲೇ ಹುಲಿ ಗಣತಿ ಆರಂಭವಾಗಿದ್ದು, ಜ.15ರ ನಂತರ ಸಂಪೂರ್ಣ ಮಾಹಿತಿ ಸಿಗಲಿದೆ ಎಂದರು.

ಚಿತ್ರ ಪ್ರದರ್ಶನ ಇಂದಿನಿಂದ

ಹುಣಸೂರು: ತಾಲ್ಲೂಕಿನ ಕಡೇಮನುಗನಹಳ್ಳಿ ಗ್ರಾಮದ ಸರ್ಕಾರಿ ಶಾಲೆ ವಿದ್ಯಾರ್ಥಿಗಳು ರಚಿಸಿದ ಚಿತ್ರ ಪ್ರದರ್ಶಿಸುವ ‘ಚಿತ್ರದ ಚಿಗುರು’ ಕಾರ್ಯಕ್ರಮ ಡಿ.27ರಿಂದ ಮೂರು ದಿನ ನಡೆಯಲಿದೆ ಎಂದು ಚಿತ್ರಕಲಾ ಶಿಕ್ಷಕ ವೀರೇಶ್‌ ತಿಳಿಸಿದ್ದಾರೆ.

8, 9 ಮತ್ತು 10ನೇ ತರಗತಿ ಯಲ್ಲಿ ವ್ಯಾಸಂಗ ಮಾಡುತ್ತಿರುವ ಒಟ್ಟು 50 ವಿದ್ಯಾರ್ಥಿಗಳಿಗೆ ತರಬೇತಿ ನೀಡಿ, ಅವರಲ್ಲಿ ಪ್ರತಿಭೆ ಹೊರತರಲಾಗಿದೆ ಎಂದರು.

ವಿದ್ಯಾರ್ಥಿಗಳ ಪ್ರತಿಭೆ ಗುರುತಿಸಿ, ಅವರಿಂದಲೇ ಕಲ್ಪನೆ ಗಳಿಗೆ ಬಣ್ಣ ತುಂಬಿಸಲಾಗಿದೆ. ಅವರಿಗೆ ತಾವು ಕಾಣುವ ಪ್ರಕೃತಿ ಚಿತ್ರ ಬಿಡಿಸುವ ಬಗ್ಗೆ, ಪ್ರಾಣಿ– ಪಕ್ಷಿ, ಜನಜೀವನ ಕುರಿತ ಚಿತ್ರ ಬರೆಯುವ ಬಗ್ಗೆ ತರಬೇತಿ ನೀಡಲಾಗಿದೆ ಎಂದು ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಮೈಸೂರು
ಮಾರಾಟವಾಗಿದ್ದವರು ಹೆತ್ತವರ ಮಡಿಲಿಗೆ

ಮಾರಾಟ ಜಾಲದಿಂದ ಪೊಲೀಸರು ರಕ್ಷಿಸಿದ 16 ಮಕ್ಕಳ ಪೈಕಿ ಮೂವರು ಹೆತ್ತವರ ಮಡಿಲು ಸೇರಿದ್ದಾರೆ. ಇನ್ನೂ ಒಂದು ಮಗುವಿನ ಹೆತ್ತ ತಾಯಿಯನ್ನು ಮಕ್ಕಳ ಕಲ್ಯಾಣ...

22 Apr, 2018

ಮೈಸೂರು
‘ಜಸ್ಟ್‌ ಆಸ್ಕಿಂಗ್‌’ ನಿರಂತರ ವಿರೋಧ ಪಕ್ಷ

‘ಜಸ್ಟ್ ಆಸ್ಕಿಂಗ್’ ಚಳವಳಿ ರಾಜಕೀಯ ವೇದಿಕೆಯಲ್ಲ. ಜನರ ಆಶಯದಂತೆ ನಿರಂತರ ವಿರೋಧ ಪಕ್ಷವಾಗಿ ಕಾರ್ಯನಿರ್ವಹಿಸಲಿದೆ ಎಂದು ಚಲನಚಿತ್ರನಟ ಪ್ರಕಾಶ್‌ ರೈ ತಿಳಿಸಿದರು.

22 Apr, 2018

ಮೈಸೂರು
ಸಹಜಸ್ಥಿತಿಗೆ ಮರಳಿದ ಕ್ಯಾತಮಾರನಹಳ್ಳಿ

ಗುಂಪು ಘರ್ಷಣೆಯಿಂದ ಪ್ರಕ್ಷುಬ್ಧಗೊಂಡಿದ್ದ ಉದಯಗಿರಿ ಹಾಗೂ ಕ್ಯಾತಮಾರನಹಳ್ಳಿಯಲ್ಲಿ ಶನಿವಾರ ಜನಜೀವನ ಸಹಜ ಸ್ಥಿತಿಗೆ ಮರಳಿದ್ದು, ಟೆಂಟ್ ವೃತ್ತ ಹೊರತುಪಡಿಸಿ ಉಳಿದೆಡೆ ಅಂಗಡಿಗಳ ಬಾಗಿಲು ತೆರೆದಿದ್ದವು. ...

22 Apr, 2018

ಮೈಸೂರು
ಬಡ್ತಿ ಮೀಸಲಾತಿ ಮುಂದುವರಿಸಿ

ಸರ್ಕಾರಿ ನೌಕರರಿಗೆ ಉದ್ಯೋಗದಲ್ಲಿ ನೀಡುತ್ತಿದ್ದ ಬಡ್ತಿ ಮೀಸಲಾತಿ ಸೌಲಭ್ಯವನ್ನು ಮುಂದುವರಿಸುವಂತೆ ಆಗ್ರಹಿಸಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ ಕಾರ್ಯಕರ್ತರು ಶನಿವಾರ ಧರಣಿ ನಡೆಸಿದರು.

22 Apr, 2018

ತಿ.ನರಸೀಪುರ
ಜೆಡಿಎಸ್ ಅಭ್ಯರ್ಥಿ ಸೇರಿ ಇಬ್ಬರಿಂದ ನಾಮಪತ್ರ

ತಿ.ನರಸೀಪುರ ಮೀಸಲು ವಿಧಾನಸಭಾ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ಎಂ.ಅಶ್ವಿನ್ ಕುಮಾರ್ ಅವರು ಶುಕ್ರವಾರ ನಾಮಪತ್ರ ಸಲ್ಲಿಸಿದರು.

22 Apr, 2018