ಸಂತೇಮರಹಳ್ಳಿ

ಕಲ್ಲಿಗೆ ಜೀವಕಳೆ ತುಂಬುವ ಶಿಲ್ಪಿ

ಹತ್ತು ವರ್ಷಗಳ ಕಾಲ ಅಲ್ಲಿ ಕೆಲಸ ಮಾಡಿದ ಗುರುಪಾದಸ್ವಾಮಿ ತವರಿಗೆ ವಾಪಸ್‌ ಆಗಿ ಇಲ್ಲಿ ತಮ್ಮ ಕೈಚಳಕದ ಮೂಲಕ ಹೆಸರುವಾಸಿಯಾಗಿದ್ದಾರೆ. ಈಗಾಗಲೇ ಅನೇಕ ದೇವಸ್ಥಾನಗಳಲ್ಲಿ ಇವರು ಕೆತ್ತಿರುವ ಮೂರ್ತಿಗಳಿಗೆ ಪೂಜೆ ಮಾಡಲಾಗುತ್ತಿದೆ

ಸಂತೇಮರಹಳ್ಳಿ: ದೇವರ ವಿಗ್ರಹಗಳನ್ನು ನೋಡಿದಾಕ್ಷಣ ಭಯ ಭಕ್ತಿಯಿಂದ ಕೈಮುಗಿಯುತ್ತೇವೆ. ಆದರೆ, ಅವುಗಳನ್ನು ಸುಂದರವಾಗಿ ಕೆತ್ತಿ ಅವುಗಳಿಗೆ ಜೀವಕಳೆ ಬರುವಂತೆ ಮಾಡುವ ಶಿಲ್ಪಿಗಳನ್ನು ಮಾತ್ರ ನೆನಪಿಸಿಕೊಳ್ಳುವುದೇ ಇಲ್ಲ. ಅಂತಹ ವಿಗ್ರಹಗಳನ್ನು ನಿರ್ಮಿಸುವ ಶಿಲ್ಪಿಯೊಬ್ಬರು ಕಮರವಾಡಿ ಗ್ರಾಮದಲ್ಲಿ ಎಲೆಮರೆ ಕಾಯಿಯಂತೆ ಇದ್ದಾರೆ. ಅವರೇ, ಶಿಲ್ಪಿ ಕೆ.ಎಂ.ಗುರುಪಾದಸ್ವಾಮಿ.

ದೇವರ ಮೂರ್ತಿ ವಿಗ್ರಹಗಳನ್ನು ಕೆತ್ತುವುದರಲ್ಲಿ ನಿಪುಣರಾದ ಇವರು ಚಾಮರಾಜನಗರ ಮಾತ್ರವಲ್ಲದೇ, ಮಂಡ್ಯ, ಮೈಸೂರು, ಬೆಂಗಳೂರು, ತುಮಕೂರು ಜಿಲ್ಲೆಗಳಲ್ಲಿ ದೇವರ ಮೂರ್ತಿ ವಿಗ್ರಹಗಳನ್ನು ಕೆತ್ತಿ,ಗುಡಿ, ಗೋಪುರಗಳನ್ನೂ ನಿರ್ಮಿಸಿ ಮೆಚ್ಚುಗೆ ಪಡೆದುಕೊಂಡಿದ್ದಾರೆ.

ದೇವಸ್ಥಾನಗಳಲ್ಲಿ ಶಿವ ಪಾರ್ವತಿ, ಸಪ್ತಮಾತೃಕೆಯರು, ಗಣೇಶ, ಮಹದೇಶ್ವರ ಸ್ವಾಮಿ, ಮಂಟೇಸ್ವಾಮಿ, ಸಿದ್ದಪ್ಪಾಜಿ, ಸೀತೆ, ರಾಮ, ಆಂಜನೇಯ, ನವಗ್ರಹಗಳು, ಜೈನ ಬಸದಿಗಳಲ್ಲಿರುವ ತೀರ್ಥಂಕರರ ಪ್ರತಿಮೆಗಳು ಹೀಗೆ ವಿವಿಧ ದೇವರುಗಳ ವಿವಿಧ ಭಂಗಿಯ ಶಿಲ್ಪಗಳನ್ನು ಕೆತ್ತುವುದರಲ್ಲಿ ಇವರು ಎತ್ತಿದ ಕೈ.

ಬಾಲ್ಯದಲ್ಲಿ ಚಿತ್ರಕಲೆಯಲ್ಲಿ ಆಸಕ್ತಿ ಇದ್ದ ಇವರನ್ನು ಗುರುತಿಸಿದ ತಮಿಳುನಾಡಿನ ಶಿಲ್ಪಿಯೊಬ್ಬರು ಅವರನ್ನು ಕರೆದೊಯ್ದು ಶಿಲ್ಪ ಕಲೆಯಲ್ಲಿ ನಿಪುಣರಾಗುವಂತೆ ಮಾಡಿದ್ದಾರೆ.

ಹತ್ತು ವರ್ಷಗಳ ಕಾಲ ಅಲ್ಲಿ ಕೆಲಸ ಮಾಡಿದ ಗುರುಪಾದಸ್ವಾಮಿ ತವರಿಗೆ ವಾಪಸ್‌ ಆಗಿ ಇಲ್ಲಿ ತಮ್ಮ ಕೈಚಳಕದ ಮೂಲಕ ಹೆಸರುವಾಸಿಯಾಗಿದ್ದಾರೆ. ಈಗಾಗಲೇ ಅನೇಕ ದೇವಸ್ಥಾನಗಳಲ್ಲಿ ಇವರು ಕೆತ್ತಿರುವ ಮೂರ್ತಿಗಳಿಗೆ ಪೂಜೆ ಮಾಡಲಾಗುತ್ತಿದೆ.

‘ಹೊಸ ದೇವಸ್ಥಾನಗಳನ್ನು ನಿರ್ಮಿಸುವುದಕ್ಕಿಂತ ಗ್ರಾಮಗಳಲ್ಲಿ ಪಾಳು ಬಿದ್ದಿರುವ ದೇವಾಲಯಗಳನ್ನು, ಗುಡಿ ಗೋಪುರಗಳನ್ನು ಜೀರ್ಣೋದ್ಧಾರ ಮಾಡಿದರೆ ಪ್ರಾಚೀನ ಕಲೆಗಳನ್ನು ಉಳಿಸಲು ಸಾಧ್ಯವಾಗುತ್ತದೆ ಎನ್ನುವ ಗುರುಸ್ವಾಮಿ, ಈ ಭಾಗದಲ್ಲಿ ವಿವಿಧ ಕಾರಣಗಳಿಂದ ನಶಿಸಿರುವ ಶಿಲ್ಪಕಲೆಗಳಿಗೆ ಮರುಜೀವ ನೀಡಬೇಕು ಎನ್ನುವ ಆಸೆ ಇದೆ ಎಂದು ಹೇಳುತ್ತಾರೆ.

Comments
ಈ ವಿಭಾಗದಿಂದ ಇನ್ನಷ್ಟು

ಸಂತೇಮರಹಳ್ಳಿ
ಭೂಕಂಪನ; ರಕ್ಷಣೆಗೆ ಹೊಸ ತಂತ್ರಜ್ಞಾನ ಅಗತ್ಯ

ಭೂಕಂಪನದಿಂದ ಭಾರಿ ಕಟ್ಟಡಗಳಿಗೆ ಆಗುವ ಹಾನಿ ತಪ್ಪಿಸಲು ಹೊಸ ತಂತ್ರಜ್ಞಾನದ ಅಗತ್ಯ ಇದೆ ಇದೆ ಎಂದು ಸಂಪನ್ಮೂಲ ವ್ಯಕ್ತಿ ಅಜಯ್ ಸಿಂಗ್ ತಿಳಿಸಿದರು.

24 Apr, 2018

ಚಾಮರಾಜನಗರ
ಪಕ್ಷೇತರರಿಗೂ ಮಣೆ ಹಾಕಿದ್ದ ಮತದಾರ

ಚಾಮರಾಜನಗರದಲ್ಲಿ ನಾಲ್ಕು ವಿಧಾನಸಭಾ ಕ್ಷೇತ್ರಗಳಲ್ಲೂ ಪಕ್ಷೇತರರು ಆಯ್ಕೆಯಾಗಿದ್ದು, ‘ಮತದಾರರು ರಾಜಕೀಯ ಪಕ್ಷಗಳಿಗೆ ಮಾತ್ರ ಮತ ಹಾಕುತ್ತಾರೆ’ ಎಂಬ ಅಭಿಪ್ರಾಯವನ್ನು ಜಿಲ್ಲೆಯ ಮತದಾರರು ಸುಳ್ಳಾಗಿಸಿದ್ದಾರೆ.

24 Apr, 2018
ಹಣ್ಣುಗಳ ರಾಜನ ಆಗಮನ; ಬೆಲೆ ದುಬಾರಿ

ಚಾಮರಾಜನಗರ
ಹಣ್ಣುಗಳ ರಾಜನ ಆಗಮನ; ಬೆಲೆ ದುಬಾರಿ

24 Apr, 2018

ಚಾಮರಾಜನಗರ
ಜಿಲ್ಲೆಯಲ್ಲಿ ನಾಮಪತ್ರ ಸಲ್ಲಿಕೆಯ ಭರಾಟೆ

ಚಾಮರಾಜನಗರ, ಗುಂಡ್ಲುಪೇಟೆ, ಕೊಳ್ಳೇಗಾಲ ಹಾಗೂ ಹನೂರು ವಿಧಾನಸಭಾ ಕ್ಷೇತ್ರಕ್ಕೆ ಸೋಮವಾರ ಒಟ್ಟು 17 ಮಂದಿ ನಾಮಪತ್ರ ಸಲ್ಲಿಸಿದರು.

24 Apr, 2018
ಸ್ವಚ್ಛತೆ ಕಣ್ಮರೆ: ಸಾಂಕ್ರಾಮಿಕ ರೋಗದ ಭೀತಿ

ಚಾಮರಾಜನಗರ
ಸ್ವಚ್ಛತೆ ಕಣ್ಮರೆ: ಸಾಂಕ್ರಾಮಿಕ ರೋಗದ ಭೀತಿ

23 Apr, 2018