ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಚಳಿಗೆ ಫ್ಯಾಷನ್ ಹೊದಿಕೆ...

Last Updated 27 ಡಿಸೆಂಬರ್ 2017, 19:30 IST
ಅಕ್ಷರ ಗಾತ್ರ

ಮೈ ನಡುಗಿಸುವ ಚಳಿಗಾಲ ಅಡಿಯಿಟ್ಟಿದೆ. ಈಗ ಬದಲಾಗುವುದು ಹವಾಮಾನ ಮಾತ್ರವಲ್ಲ, ಫ್ಯಾಷನ್‌ ಕೂಡ. ಫ್ಯಾಷನ್ ಕ್ಷೇತ್ರದಲ್ಲಿ ಚಳಿಗಾಲ ಹೊಸ ಹೊಸ ಪ್ರಯೋಗಗಳಿಗೆ ಒಡ್ಡಿಕೊಳ್ಳುವ ಸಮಯವೂ ಹೌದು.

ಅಂಥ ಒಂದು ಪ್ರಯೋಗವನ್ನು ಇತ್ತೀಚೆಗೆ ಮಾಡಿದ್ದರು ಬಲ್ಗೇರಿಯಾದ ವಿನ್ಯಾಸಕಿ ಡುಕ್ಯಾನಾ. ಈ ಸಂಗತಿ ಸಾಮಾಜಿಕ ಜಾಲತಾಣಗಳಲ್ಲಿ ತನ್ನ ವಿಚಿತ್ರ ವಿನ್ಯಾಸದಿಂದಲೇ ಭಾರೀ ಸುದ್ದಿ ಮಾಡುತ್ತಿರುವುದೂ ಹೌದು. ನೋಡಲು ವಿಚಿತ್ರ ಎನ್ನಿಸಿದರೂ ಈ ಟ್ರೆಂಡ್‌ಗೆ ಯುವತಿಯರು ಮನಸೋಲುತ್ತಿದ್ದಾರಂತೆ.

ಥಂಡಿ ಗಾಳಿಯಲ್ಲಿ ಬೆಚ್ಚಗೆ ಕೂತು ಕಾಫಿ ಹೀರುವಾಗ, ಬೆಳ್ಳಂಬೆಳಿಗ್ಗೆ ಸಣ್ಣ ವಾಕ್ ಮಾಡಲು ಹೋದಾಗ, ರಾತ್ರಿ ಹೊತ್ತು ಟಿ.ವಿ ನೋಡುವಾಗ... ಸಂಜೆ ಹೊರಗೆ ಕೂತು ಸುಮ್ಮನೆ ಹರಟೆ ಹೊಡೆಯುವಾಗ ಚಳಿ ಕಾಡಬಾರದಲ್ಲವೇ?

ಅದಕ್ಕೆಂದೇ ಈ ಟ್ಯೂಬ್ ರೂಪಿಸಿದ್ದಾರೆ ಡುಕ್ಯಾನಾ. ಮೈ ತುಂಬ ತುಂಬಿಕೊಳ್ಳುವ ಈ ಉಣ್ಣೆಯ ಬಟ್ಟೆಗೆ ತೋಳಿಲ್ಲ. ಒಮ್ಮೆ ಮೇಲಿಂದ ಇಳಿಬಿಟ್ಟರೆ ಆಯಿತು. ಅಡಿಯಿಂದ ಭುಜದವರೆಗೂ, ಬೇಕೆಂದರೆ ತಲೆ ತುಂಬುವಂತೆಯೂ ಇದನ್ನು ಆವರಿಸಿಕೊಳ್ಳಬಹುದು.

ಈ ನಿರಾಕಾರಿ ಸ್ವೆಟರ್‌ನಂಥ ಬಟ್ಟೆಯನ್ನು ಕೈಯಿಂದಲೇ ಹೆಣೆಯಲಾಗುತ್ತದೆ. ಆದ್ದರಿಂದ ಎಂಥ ಚಳಿಯಲ್ಲೂ ದೇಹವನ್ನು ಬೆಚ್ಚಗೆ ಇಡಬಲ್ಲ ಶಕ್ತಿ ಇದಕ್ಕಿದೆಯಂತೆ. ಹಲವು ಬಣ್ಣಗಳಲ್ಲಿ ಲಭ್ಯವಿರುವ ಈ ಟ್ಯೂಬ್ ಸ್ಕಾರ್ಫ್‌ ಅಲ್ಲಿ ದಿನ ದಿನಕ್ಕೆ ಭಾರೀ ಬೇಡಿಕೆಯನ್ನಂತೂ ಗಿಟ್ಟಿಸಿಕೊಳ್ಳುತ್ತಿದೆ.

ದೊಡ್ಡ ಸಾಕ್ಸ್‌ಗೆ ಮೈ ತೂರಿಸಿದಂತೆ ಕಾಣುವ ಈ ಟ್ಯೂಬ್ ಈ ಚಳಿಗಾಲದ ಟ್ರೆಂಡಿ ಉಡುಪು ಎಂದೇ ಕರೆಸಿಕೊಂಡಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT