ನವದೆಹಲಿ : ಖಾಸಗಿ ಮತ್ತು ನವೋದ್ಯಮ ವಲಯದಲ್ಲಿನ ಬಂಡವಾಳ ಹೂಡಿಕೆಯು ಏಪ್ರಿಲ್ನಲ್ಲಿ ಶೇ 23 ರಷ್ಟು ಹೆಚ್ಚಾಗಿದ್ದು, ₹ 16,320 ಕೋಟಿಗೆ ತಲುಪಿದೆ ಎಂದು ‘ಇವೈ’ ವರದಿ ನೀಡಿದೆ.
ಇ–ಕಾಮರ್ಸ್ ಮತ್ತು ಜೀವ ವಿಜ್ಞಾನ ವಲಯಗಳಲ್ಲಿ ಭಾರಿ ಮೊತ್ತದ ಒಪ್ಪಂದಗಳು ನಡೆಯುತ್ತಿವೆ. ಇದರಿಂದ ಹೂಡಿಕೆ ಹೆಚ್ಚಾಗುತ್ತಿದೆ. ‘ಹೊಸ ಉದ್ಯಮಗಳ ಸ್ಥಾಪನೆಗೆ ಇದು ಉತ್ತೇಜನ ನೀಡಲಿದೆ. ಮುಂದಿನ 4 ರಿಂದ 5 ವರ್ಷಗಳು ದೇಶದ ಖಾಸಗಿ ಮತ್ತು ನವೋದ್ಯಮಗಳಲ್ಲಿನ ಹೂಡಿಕೆಗೆ ಸುವರ್ಣಯುಗವಾಗುವ ನಿರೀಕ್ಷೆ ಇದೆ’ ಎಂದು ‘ಇವೈ’ನ ಪಾಲುದಾರ ವಿವೇಕ್ ಸೋನಿ ಹೇಳಿದ್ದಾರೆ.