ದಿನದ ನೆನಪು

ಶನಿವಾರ, 30–12–1967

ಭಾಷಾ ಮಸೂದೆಯ ಜತೆ ಸಂಸತ್ತು ಅಂಗೀಕರಿಸಿದ ಅಧಿಕೃತ ನಿರ್ಣಯದ ವಿರುದ್ಧ ದಕ್ಷಿಣ ಭಾರತ ಮತ್ತು ಇತರ ಹಿಂದೀತರ ರಾಜ್ಯಗಳಲ್ಲಿ ತೀವ್ರವಾದ ಅಸಂತೃಪ್ತಿ, ಒತ್ತಡಗಳು ಉಂಟಾಗುತ್ತಿರುವುದರಿಂದ ಇನ್ನು ಸ್ವಲ್ಪ ಕಾಲದಲ್ಲೇ ಭಾಷಾ ಪ್ರಶ್ನೆಯನ್ನು ಕೇಂದ್ರ ಪುನರ್‌ಪರಿಶೀಲಿಸಬಹುದು.

ಕೇಂದ್ರದಿಂದ ಭಾಷಾ ಪ್ರಶ್ನೆಯ ಮರು ಪರಿಶೀಲನೆ?

ನವದೆಹಲಿ, ಡಿ. 29– ಭಾಷಾ ಮಸೂದೆಯ ಜತೆ ಸಂಸತ್ತು ಅಂಗೀಕರಿಸಿದ ಅಧಿಕೃತ ನಿರ್ಣಯದ ವಿರುದ್ಧ ದಕ್ಷಿಣ ಭಾರತ ಮತ್ತು ಇತರ ಹಿಂದೀತರ ರಾಜ್ಯಗಳಲ್ಲಿ ತೀವ್ರವಾದ ಅಸಂತೃಪ್ತಿ, ಒತ್ತಡಗಳು ಉಂಟಾಗುತ್ತಿರುವುದರಿಂದ ಇನ್ನು ಸ್ವಲ್ಪ ಕಾಲದಲ್ಲೇ ಭಾಷಾ ಪ್ರಶ್ನೆಯನ್ನು ಕೇಂದ್ರ ಪುನರ್‌ಪರಿಶೀಲಿಸಬಹುದು.

ದಕ್ಷಿಣದ ನಾಲ್ಕು ರಾಜ್ಯಗಳೂ ಅಧಿಕೃತ ನಿರ್ಣಯದ ಬಗ್ಗೆ ತೃಪ್ತರಾಗಿಲ್ಲವೆಂಬುದು ಹಾಗೂ ಯೂನಿಯನ್ ಸರ್ವೀಸ್‌ಗಳಿಗೆ ಪ್ರವೇಶಿಸುವ ಹಿಂದೀತರ ಅಭ್ಯರ್ಥಿಗಳಿಗೆ ಅದು ಭೇದಭಾವವನ್ನು ತೋರಿಸುತ್ತದೆಯೆಂಬುದಾಗಿ ಈ ರಾಜ್ಯಗಳು ಭಾವಿಸುತ್ತಿರುವುದು ಈಗ ಸ್ಪಷ್ಟವಾಗಿದೆ.

**

ತುಂಡು ಲಂಗ– ತಂಡಿ ಜ್ವರ

ಲಂಡನ್, ಡಿ. 29– ಜಗತ್ತಿಗೆ ಮಿನಿ ಸ್ಕರ್ಟ್ (ತುಂಡು ಲಂಗ) ಕೊಟ್ಟ ಬ್ರಿಟನ್ನಿಗೆ ಈಗ ಮಿನಿ ಫ್ಲೂ ಹಿಡಿದಿದೆ.

ದಕ್ಷಿಣ ಇಂಗ್ಲೆಂಡಿನಾದ್ಯಂತ ಇದ್ದಕ್ಕಿದ್ದಂತೆ ಜನರಲ್ಲಿ ಕೆಮ್ಮು, ಬೆವರು ಕಾಣಿಸಿಕೊಂಡಿದೆ.

ವೈದ್ಯರಿಗೆ ಟೆಲಿಫೋನ್ ಕರೆಗಳ ಪ್ರವಾಹ, ಆಸ್ಪತ್ರೆಗಳಲ್ಲಿ ವಿಷಮಗೊಂಡವರನ್ನು ಮಾತ್ರ ಸೇರಿಸಿಕೊಳ್ಳಲಾಗುತ್ತಿದೆ. ರೈಲು ಕೆಲಸಗಾರರ ಕಾಯಿಲೆ ಪರಿಣಾಮ ರೈಲು ಸಂಚಾರ ಎಷ್ಟೋ ಕಡೆ ಸ್ತಬ್ಧ.

ಕೆಲವು ಪಟ್ಟಣಗಳ ಕಚೇರಿ ಬಂದ್, ಸಿಬ್ಬಂದಿಗಳಿಗೆ ಮಿನಿ ಫ್ಲೂ. ಗಗನಸಖಿಯರಿಗೂ ಮಿನಿ ಫ್ಲೂ. ಹಲವಾರು ಮಂದಿ ಗಗನಸಖಿಯರು ಕೆಲಸಕ್ಕೆ ಹಾಜರಾಗಿಲ್ಲವೆಂದು ವಾಯು ಸಾರಿಗೆ ತಿಳಿಸಿದೆ.

**

ಉಳಿದೆರಡೂ ಶವಗಳ ಪತ್ತೆ

ಬೆಂಗಳೂರು, ಡಿ. 29– ಇಂದು ಮಧ್ಯಾಹ್ನ 3.5ಕ್ಕೆ ದಿವಂಗತ ಮ. ರಾಮಮೂರ್ತಿಯವರ ಕೊನೆಯ ಮಗ ಆರು ವರ್ಷದ ಮಂಜುನಾಥನ ಶವವನ್ನು ಹೊರಕ್ಕೆ ತೆಗೆದಾಗ ಐದು ಶವಗಳನ್ನು ಹುಡುಕಲು ಕಳೆದ ಐದು ದಿನಗಳಿಂದ ನಡೆಯುತ್ತಿದ್ದ ಶ್ರಮಪೂರ್ಣ ಪ್ರಯತ್ನ ಮುಕ್ತಾಯವಾಯಿತು.

ಇದಕ್ಕೆ ಮೊದಲು ಮಧ್ಯಾಹ್ನ 12.15ಕ್ಕೆ ಕೂಲಿ ಸುಮಾರು 40 ವರ್ಷದ ಬೀರಣ್ಣನ ಶವ ದೊರಕಿತು.

ಎರಡೂ ಶವಗಳನ್ನು ಅವರವರ ಸಂಬಂಧಿಗಳಿಗೆ ಒಪ್ಪಿಸಲಾಯಿತು.

ಸಂಜೆ ಕೆಂಪಾಂಬುಧಿ ಕೆರೆಯ ಬಳಿ ಮಂಜುನಾಥನ ಕಳೇಬರದ ಅಂತ್ಯ ಸಂಸ್ಕಾರ ನಡೆಯಿತು.

ಸವಾಲು: ಯಾವ ಘಳಿಗೆಯಲ್ಲಾದರೂ ತಲೆಯ ಮೇಲೆ ಮಣ್ಣು ಕುಸಿಯುವ ಸಾಧ್ಯತೆಯಿದ್ದ ಸುಮಾರು ನಲವತ್ತು ಅಡಿ ಆಳದಲ್ಲಿ ಅಪಾಯಕಾರಿ ಪರಿಸ್ಥಿತಿಯಲ್ಲಿ ಹೋಂಗಾರ್ಡ್‌ಗಳು, ಅಗ್ನಿಶಾಮಕ ದಳದವರು ದುಡಿದು ಹಟದಿಂದ ಕಾರ್ಯ ಸಾಧಿಸಿದರು. ಎರಡು ಗೋಡೆಗೆ ಊರೆಯಾಗಿ ಮರದ ದಿಮ್ಮಿಗಳನ್ನು ಇಟ್ಟು ಎಚ್ಚರಿಕೆ ವಹಿಸಲಾಗಿತ್ತು.

Comments
ಈ ವಿಭಾಗದಿಂದ ಇನ್ನಷ್ಟು
ಸೋಮವಾರ, 22–4–1968

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಸೋಮವಾರ, 22–4–1968

22 Apr, 2018

50 ವರ್ಷಗಳ ಹಿಂದೆ
ಭಾನುವಾರ, 21–4–1968

ಮಂಗಳೂರು ಬಂದರು ಪ್ರದೇಶದಲ್ಲಿ ಇಂದು ಲೂಟಿ, ಗಲಭೆ, ಬೆಂಕಿ ಹಚ್ಚುವ ಹಿಂಸಾತ್ಮಕ ಕೃತ್ಯಗಳಲ್ಲಿ ತೊಡಗಿದ್ದ ಉದ್ರಿಕ್ತ ಗುಂಪನ್ನು ಚದುರಿಸಲು ಲಾಠಿ ಚಾರ್ಜ್ ಮುಂತಾದ ಯತ್ನಗಳಲ್ಲಿ...

21 Apr, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
20–4–1968

ಕೈಗಾರಿಕೆಗಳ ವೇತನ ಮಂಡಲಿಯ ಶಿಫಾರಸುಗಳ ಬಗ್ಗೆ ನಿರ್ಧಾರ ಕೈಗೊಳ್ಳುವವರೆಗೂ ಕೈಗಾರಿಕೆಯಲ್ಲಿ ವೇತನ ಸ್ಥಗಿತಗೊಳಿಸಬೇಕೆಂಬ ಮಹತ್ವದ ವಿಷಯವನ್ನು ಈ ವಾರಾಂತ್ಯದಲ್ಲಿ ಇಲ್ಲಿ ಸೇರಲಿರುವ ತ್ರಿಪಕ್ಷೀಯ ಕಾರ್ಮಿಕ...

20 Apr, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಶುಕ್ರವಾರ, 19–4–1968

ಅನಾಸ್ ರೈಲ್ವೆ ನಿಲ್ದಾಣದಲ್ಲಿ ಇಂದು ಬೆಳಿಗ್ಗೆ ಎರಡು ಗೂಡ್ಸ್ ರೈಲುಗಳು ಡಿಕ್ಕಿ ಹೊಡೆದಾಗ ಹನ್ನೆರಡು ಮಂದಿ ಸತ್ತು, ಆರು ಜನಕ್ಕೆ ಗಾಯವಾಯಿತೆಂದು ಅಧಿಕೃತ ವರದಿಗಳು...

19 Apr, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಗುರುವಾರ, 18–4–1968

ಎರಡು ಅಥವಾ ಮೂರು ವಾರಗಳೊಳಗೆ ರಾಜ್ಯದ ಹೊಸ ಮುಖ್ಯಮಂತ್ರಿಯ ಆಯ್ಕೆ ನಡೆಯುವುದು ಎಂಬ ಸ್ಪಷ್ಟ ಸೂಚನೆಯನ್ನು ಕಾಂಗ್ರೆಸ್ ಅಧ್ಯಕ್ಷರಾಗಿ ತೆರಳಲಿರುವ ಶ್ರೀ ನಿಜಲಿಂಗಪ್ಪನವರು ಇಂದು...

18 Apr, 2018