ಗುಂಡುಮುಣುಗು:ಕುಡಿಯುವ ನೀರಿಗೆ ಬವಣೆ

ಗುಂಡುಮುಣುಗು ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಈ ಗ್ರಾಮ ಸುಮಾರು 2500 ಜನಸಂಖ್ಯೆ ಹೊಂದಿದೆ. ಮೂವರು ಪಂಚಾಯ್ತಿ ಸದಸ್ಯರಿದ್ದಾರೆ. ಕಳೆದ ಬೇಸಿಗೆಯಲ್ಲಿ ಕಾಣಿಸಿಕೊಂಡಿದ್ದ ನೀರಿನ ಸಮಸ್ಯೆ ಮಳೆಗಾಲದಲ್ಲೂ ಮುಂದುವರಿದು, ಈಗ ಮತ್ತಷ್ಟು ಬಿಗಾಯಿಸಿದೆ.

ಕೂಡ್ಲಿಗಿ ತಾಲ್ಲೂಕಿನ ಭೀಮಸಮುದ್ರ ಗ್ರಾಮದಲ್ಲಿ ಕುಡಿಯುವ ನೀರಿನ ಬವಣೆ ಹೆಚ್ಚಾಗಿದ್ದು, ಕೊಳವೆ ಬಾವಿಯಲ್ಲಿ ಬರುವ ಅಲ್ಪ ಸ್ವಲ್ಪ ನೀರನ್ನು ಹಿಡಿಯಲು ಮುಗಿ ಬಿದ್ದಿರುವ ಮಹಿಳೆಯರು

ಎ.ಎಂ. ಸೋಮಶೇಖರಯ್ಯ

ಕೂಡ್ಲಿಗಿ: ತಾಲ್ಲೂಕಿನ ಭೀಮಸಮುದ್ರ ಗ್ರಾಮದಲ್ಲಿ ಕುಡಿಯುವ ನೀರಿನ ಬವಣೆ ಹೆಚ್ಚಾಗಿದೆ. ಜನರು ನಿತ್ಯದ ಕೆಲಸ ಕಾರ್ಯಗಳನ್ನು ಬಿಟ್ಟು ದಿನವಿಡೀ ನೀರಿಗಾಗಿ ಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ.

ಗುಂಡುಮುಣುಗು ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಈ ಗ್ರಾಮ ಸುಮಾರು 2500 ಜನಸಂಖ್ಯೆ ಹೊಂದಿದೆ. ಮೂವರು ಪಂಚಾಯ್ತಿ ಸದಸ್ಯರಿದ್ದಾರೆ. ಕಳೆದ ಬೇಸಿಗೆಯಲ್ಲಿ ಕಾಣಿಸಿಕೊಂಡಿದ್ದ ನೀರಿನ ಸಮಸ್ಯೆ ಮಳೆಗಾಲದಲ್ಲೂ ಮುಂದುವರಿದು, ಈಗ ಮತ್ತಷ್ಟು ಬಿಗಾಯಿಸಿದೆ.

ಇದುವರೆಗೂ ಕೊರೆಸಿದ 5 ಕೊಳವೆ ಬಾವಿಗಳೂ ವಿಫಲವಾಗಿದೆ. ಎರಡು ಮೇಲ್ಮಟ್ಟದ ಜಲ ಸಂಗ್ರಹಗಾರಗಳು, 5 ಮಿನಿ ನೀರಿನ ಟ್ಯಾಂಕ್ ಹಾಗೂ 20ಕ್ಕೂ ಹೆಚ್ಚು ಸಾರ್ವಜನಿಕ ನಳಗಳು ಸೇರಿ ಗ್ರಾಮದಲ್ಲಿ ಸ್ಥಾಪನೆ ಮಾಡಿರುವ ಶುದ್ಧ ನೀರಿನ ಘಟಕಗಳೂ ಕೂಡ ನೀರಿಲ್ಲದೆ ವ್ಯರ್ಥವಾಗಿ ನಿಂತಿವೆ.

ಸದ್ಯ ಗ್ರಾಮದ ಬಳಿಯಿರುವ ಒಂದು ಕೊಳವೆ ಬಾವಿಯಲ್ಲಿ 20 ನಿಮಿಷದವರೆಗೆ ಒಂದಿಂಚು ನೀರು ಬರುತ್ತದೆ. ನಂತರ ಮತ್ತೆ ನೀರು ಬರಲು ಎರಡು ಗಂಟೆ ಕಾಯಬೇಕು. ಗ್ರಾಮದ ಹೊರವಲಯದಲ್ಲಿರುವ ಒಂದು ಕೊಳವೆ ಬಾವಿಯಲ್ಲಿ ಸ್ವಲ್ಪ ನೀರಿದ್ದು, ಗ್ರಾಮದ ಒಂದು ಭಾಗಕ್ಕೆ ನೀರು ಒದಗಿಸಬಹುದು.

ಆದರೆ ನಿರ್ವಹಣೆಯ ಕೊರತೆಯಿಂದ ನೀರು ಪೂರೈಕೆ ಸಾಧ್ಯವಾಗುತ್ತಿಲ್ಲ. ಕಳೆದ ಒಂದು ವರ್ಷದಲ್ಲಿ ಹೊಲಗಳಿಂದ ನೀರು ಹೊತ್ತು ಸಾಕಾಗಿದೆ. ನಿಮ್ಮಿಂದಾದರೂ ನಮಗೆ ಅವಶ್ಯವಾದಷ್ಟು ನೀರು ಸಿಗಲಿ ಎಂದು ಮಹಾಲಕ್ಷ್ಮಿ, ಪಾರ್ವತಮ್ಮ, ಹನುಮಂತಪ್ಪ ತಮ್ಮ ಅಳಲು ತೋಡಿಕೊಂಡರು.

ಗ್ರಾಮದಲ್ಲಿ 800ಕ್ಕೂ ಹೆಚ್ಚು ಜಾನವಾರುಗಳಿದ್ದು, ಕೆರೆ ಕಟ್ಟೆಗಳಲ್ಲಿ ನೀರಿಲ್ಲದ ಕಾರಣ ಪರಿತಪಿಸುವಂತಾಗಿದೆ. ನೀರಿನ ಸಮಸ್ಯೆಯಿಂದ ಸ್ಥಳೀಯ ಶಾಲೆಗಳಲ್ಲಿ ಬಿಸಿಯೂಟ ತಯಾರಿಸಲು ತೊಂದರೆಯಾಗಿದೆ. ನೀರಿಗಾಗಿ ಶಿಕ್ಷಕರು ಪರದಾಡುತ್ತಿರುವುದು ಪ್ರಜಾವಾಣಿ ಪ್ರತಿನಿಧಿ ಗ್ರಾಮಕ್ಕೆ ಭೇಟಿ ನೀಡಿದಾಗ ಕಂಡು ಬಂದಿತು. ಪ್ರತಿದಿನ ಟ್ಯಾಂಕರ್ ಮೂಲಕ ನೀರು ತರಿಸಿ, ಶಾಲೆಯ ಸಂಪಿನಲ್ಲಿ ಹಾಕಿಕೊಳ್ಳಲಾಗುತ್ತದೆ.ಆದರೆ ಎರಡು ದಿನಗಳಿಂದ ನೀರು ಸಿಗದೆ ಬಿಸಿಯೂಟ ಸಿದ್ದಪಡಿಸಲು ತೊಂದರೆಯಾಗಿದೆ ಎಂದು ಶಿಕ್ಷರರು ತಿಳಿಸಿದರು.

ಗ್ರಾಮದಿಂದ 2 ಕಿ.ಮೀ. ದೂರದಲ್ಲಿ ಕೊಳವೆ ಬಾವಿ ಕೊರೆಸಲಾಗಿದೆ. ಆದರೆ, ಈವರೆಗೂ ಪೈಪ್ ಲೈನ್ ಅಳವಡಿಸಿಲ್ಲ. ಕೂಡಲೇ ಅಧಿಕಾರಿಗಳು ಕ್ರಮ ಕೈಗೊಳ್ಳಬೇಕು ಎಂದು ಗ್ರಾಮದ ಎತ್ತಿನ ಶರಣಪ್ಪ, ಎನ್. ಚಿದಾನಂದಪ್ಪ, ರಾಟಿ ಶರಣಪ್ಪ ಒತ್ತಾಯಿಸಿದ್ದಾರೆ.

* * 

ಕೊಳವೆ ಬಾವಿಯಿಂದ ಗ್ರಾಮದವರೆಗೆ ಪೈಪ್ ಲೈನ್ ಅಳವಡಿಕೆಗೆ ₹6 ಲಕ್ಷ ವೆಚ್ಚದ ಅಂದಾಜು ಪಟ್ಟಿಯನ್ನು ಹಿರಿಯ ಅಧಿಕಾರಿಗಳಿಗೆ ಸಲ್ಲಿಸಲಾಗಿದೆ
ಬಿ. ಮಾರ್ಗದಪ್ಪ
ಸಹಾಯಕ ಕಾರ್ಯನಿರ್ವಹಕ ಎಂಜಿನಿಯರ್, ಗ್ರಾಮೀಣ ಕುಡಿಯುವ ನೀರು ಪೂರೈಕೆ ಇಲಾಖೆ

Comments
ಈ ವಿಭಾಗದಿಂದ ಇನ್ನಷ್ಟು

ಬೀದರ್
ಈಶ್ವರ, ಪ್ರಕಾಶ, ಬಂಡೆಪ್ಪ ನಾಮಪತ್ರ ಸಲ್ಲಿಕೆ

ಬೀದರ್ ಜಿಲ್ಲೆಯಲ್ಲಿ ಶುಕ್ರವಾರ ಜಿಲ್ಲಾ ಉಸ್ತುವಾರಿ ಸಚಿವ ಈಶ್ವರ ಖಂಡ್ರೆ ಸೇರಿದಂತೆ ಒಟ್ಟು ನಾಲ್ವರು ವಿಧಾನಸಭೆ ಚುನಾವಣೆಯಲ್ಲಿ ಆಯ್ಕೆ ಬಯಸಿ ನಾಮಪತ್ರ ಸಲ್ಲಿಸಿದ್ದಾರೆ. ಬೀದರ್‌...

21 Apr, 2018
ಅಭಿವೃದ್ಧಿ ಮಾನದಂಡಕ್ಕೆ ಗೆಲುವು ನಿಶ್ಚಿತ

ಬಳ್ಳಾರಿ
ಅಭಿವೃದ್ಧಿ ಮಾನದಂಡಕ್ಕೆ ಗೆಲುವು ನಿಶ್ಚಿತ

21 Apr, 2018

ಬಳ್ಳಾರಿ
ಗ್ರಾಮೀಣದಿಂದ ಕೂಡ್ಲಿಗಿಗೆ ಗೋಪಾಲಕೃಷ್ಣ

ಮೊಳಕಾಲ್ಮೂರು ಕ್ಷೇತ್ರದಲ್ಲಿ ಕಾಂಗ್ರೆಸ್‌ ಟಿಕೆಟ್‌ ದೊರಕದೆ ಬಳ್ಳಾರಿ ಗ್ರಾಮೀಣ ಕ್ಷೇತ್ರದ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ ಪಕ್ಷ ತೊರೆದ ಎನ್.ವೈ.ಗೋಪಾಲಕೃಷ್ಣ ಅವರಿಗೆ ಬಿಜೆಪಿ ಕೂಡ್ಲಿಗಿಯಿಂದ...

21 Apr, 2018

ಸಿರುಗುಪ್ಪ
ದೇವಸ್ಥಾನ, ದರ್ಗಾದಲ್ಲಿ ಆಣೆ–ಪ್ರಮಾಣ

ಸಿರುಗುಪ್ಪ ಶಾಸಕ ಬಿ.ಎಂ.ನಾಗರಾಜ ಹಣಕ್ಕಾಗಿ ಟಿಕೆಟ್‌ ಅನ್ನು ಮುರಳಿಕೃಷ್ಣ ಅವರಿಗೆ ಮಾರಿಕೊಂಡಿದ್ದಾರೆ ಎಂಬ ಆರೋಪಕ್ಕೆ ಶುಕ್ರವಾರ ರಾತ್ರಿ ಸಮೀಪದ ದಢೇಸೂಗೂರು ದರ್ಗಾದಲ್ಲಿ ಮೂವರು ನಾಯಕರು...

21 Apr, 2018

ಹಗರಿಬೊಮ್ಮನಹಳ್ಳಿ
ಗ್ರಾಮ ಪಂಚಾಯಿತಿ ಕಚೇರಿ ಸ್ಥಳಾಂತರಕ್ಕೆ ವಿರೋಧ ಚುನಾವಣೆ ಬಹಿಷ್ಕಾರದ ಎಚ್ಚರಿಕೆ

ಹಗರಿಬೊಮ್ಮನಹಳ್ಳಿ ತಾಲ್ಲೂಕಿನ ನೆಲ್ಕುದ್ರಿ–2 ಗ್ರಾಮದಲ್ಲಿದ್ದ ಗ್ರಾಮ ಪಂಚಾಯಿತಿ ಕಚೇರಿಯನ್ನು ಸ್ಥಳಾಂತರ ಮಾಡಿರುವುದನ್ನು ವಿರೋಧಿಸಿ ಗ್ರಾಮಸ್ಥರು ಗುರುವಾರ ತಹಶೀಲ್ದಾರ್‌ ಎಸ್‌.ಮಹಾಬಲೇಶ್ವರ್‌ ಗೆ ಮನವಿ ಸಲ್ಲಿಸಿದರು.

21 Apr, 2018