ಸೌಲಭ್ಯ ವಂಚಿತ ಜಗ್ಗಲಿ ಸಮುದಾಯ

‘ನಾವು ನೆಲ ಗುಡಿಸಲುಗಳಲ್ಲಿ ವಾಸಿಸುತ್ತಿದ್ದೇವೆ. ಕೆಲ ಗುಡಿಸಲುಗಳಲ್ಲಿ ಹುತ್ತ ನಿರ್ಮಾಣಗೊಂಡಿದೆ. ವಿಷ ಜಂತುಗಳು ಬಂದಾವು ಎಂಬ ಆತಂಕದ ನಡುವೆಯೇ ಬದುಕುತ್ತಿದ್ದೇವೆ’

ಪರಶುರಾಂಪುರ ಹೋಬಳಿ ಪಿ.ಗೌರೀಪುರ ಗೇಟ್ ಬಳಿ ಗುಡಿಸಲುಗಳಲ್ಲಿ ವಾಸವಿರುವ ಜಗ್ಗಲಿ ಜನಾಂಗದವರು

ತಿಮ್ಮಯ್ಯ .ಜೆ

ಪರಶುರಾಂಪುರ: ಸಮೀಪದ ಪಿ.ಗೌರೀಪುರ ಗೇಟ್ ಬಳಿಯ ಜಗ್ಗಲಿ ಜನಾಂಗದ ಸಮುದಾಯಕ್ಕೆ ನಾಲ್ಕು ತಲೆಮಾರುಗಳಿಂದ ಕನಿಷ್ಠ ಮೂಲಸೌಲಭ್ಯಗಳೂ ಸಿಕ್ಕಿಲ್ಲ.
ಜಾತಿ ಪ್ರಮಾಣಪತ್ರವೂ ಇಲ್ಲದಿರುವುದರಿಂದ ಸರ್ಕಾರಿ ಸೌಲಭ್ಯಗಳಿಂದಲೂ ವಂಚಿತರಾಗುತ್ತಿದ್ದಾರೆ.

ಜಗ್ಗಲಿ ಜನಾಂಗದವರು ಪಿ.ಗೌರೀಪುರದಲ್ಲಿ 45 ವರ್ಷಗಳಿಂದ ವಾಸವಾಗಿದ್ದಾರೆ. 450ಕ್ಕೂ ಹೆಚ್ಚು ಮತಗಳನ್ನು ಹೊಂದಿದ್ದು, ಮತದಾರರ ಗುರುತಿನ ಚೀಟಿ, ಪಡಿತರ ಚೀಟಿ, ಆಧಾರ್‌ ಕಾರ್ಡ್ ಇವೆ. ಆದರೆ, ಜಾತಿ ಪ್ರಮಾಣಪತ್ರ ಮಾತ್ರ ಸಿಕ್ಕಿಲ್ಲ ಎಂಬ ಕೊರಗು ಇಲ್ಲಿನ ನಿವಾಸಿಗಳದ್ದಾಗಿದೆ.

‘ನಾವು ನೆಲ ಗುಡಿಸಲುಗಳಲ್ಲಿ ವಾಸಿಸುತ್ತಿದ್ದೇವೆ. ಕೆಲ ಗುಡಿಸಲುಗಳಲ್ಲಿ ಹುತ್ತ ನಿರ್ಮಾಣಗೊಂಡಿದೆ. ವಿಷ ಜಂತುಗಳು ಬಂದಾವು ಎಂಬ ಆತಂಕದ ನಡುವೆಯೇ ಬದುಕುತ್ತಿದ್ದೇವೆ’ ಎಂದು ಅಳಲು ತೋಡಿಕೊಳ್ಳುತ್ತಾರೆ.

‘ನಾವು ಮೂಲತಃ ಅಲೆಮಾರಿ ಜನಾಂಗವವರಾಗಿದ್ದೇವೆ. ಅಲೆಮಾರಿ ಜನಾಂಗದ ಜಾತಿ ಪ್ರಮಾಣ ಪತ್ರ ಹಾಗೂ ಸರ್ಕಾರದಿಂದ ಸಿಗುವ ಸೌಲಭ್ಯಗಳನ್ನು ದೊರಕಿಸಿಕೊಡಿ’ ಎಂದು ಮನವಿ ಮಾಡಿದ್ದಾರೆ.

‘ಪಿ.ಗೌರೀಪುರ ಗೇಟ್ ಬಳಿ ಎರಡು ವರ್ಷಗಳ ಹಿಂದೆ 46 ಕುಟುಂಬಗಳಿಗೆ ನಿವೇಶನಗಳ ಹಕ್ಕುಪತ್ರ ನೀಡಲಾಗಿದೆ. 20 ಕುಟುಂಬಗಳಿಗೆ ಇನ್ನೂ ಹಕ್ಕುಪತ್ರ ಸಿಕ್ಕಿಲ್ಲ. ಆಶ್ರಯ ಮನೆಯನ್ನೂ ನೀಡಿಲ್ಲ. ಜಾತಿ ಪ್ರಮಾಣಪತ್ರ ಇಲ್ಲದಿರುವ ವಿಷಯವನ್ನು ಮುಂದಿಟ್ಟುಕೊಂಡು ಗ್ರಾಮ ಪಂಚಾಯ್ತಿ ನಮಗೆ ಆಶ್ರಯ ಮನೆಗಳನ್ನು ನೀಡುತ್ತಿಲ್ಲ’ ಎಂದು ಸ್ಥಳೀಯ ನಾಗರಿಕರು ಬೇಸರ ವ್ಯಕ್ತಪಡಿಸಿದ್ದಾರೆ.

‘ಜಗ್ಗಲಿ ಜನಾಂಗಕ್ಕೆ ಸೇರಿದ 70 ಮಕ್ಕಳಿದ್ದಾರೆ. ಅವರಿಗಾಗಿ ಒಂದು ಅಂಗನವಾಡಿ ಕೇಂದ್ರ, ಶಾಲೆಯನ್ನು ತೆರೆದಿಲ್ಲ. ಹೀಗಾಗಿ ಮಕ್ಕಳು ವಿದ್ಯಾಭ್ಯಾಸಕ್ಕೆ ದೂರದ ಗೌರೀಪುರಕ್ಕೆ ಹೋಗುವ ಅನಿವಾರ್ಯತೆ ಇದೆ. ಸರ್ಕಾರ ಈ ಬಗ್ಗೆ ಕ್ರಮ ಕೈಗೊಳ್ಳಬೇಕು’ ಎಂದು ಆಗ್ರಹಿಸಿದ್ದಾರೆ.

‘ಜಗ್ಗಲಿ ಜನಾಂಗವು ಅಲೆಮಾರಿ ಅಥವಾ ಅರೆ ಅಲೆಮಾರಿ ಜನಾಂಗದಲ್ಲಿ ಬರುತ್ತಿಲ್ಲ. ಕಂದಾಯ ನಿರೀಕ್ಷಕರನ್ನು ಸ್ಥಳಕ್ಕೆ ಕಳುಹಿಸಿ, ಮಕ್ಕಳ ಶಾಲಾ ದಾಖಲಾತಿ ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತೇವೆ’ ಎಂದು ಚಳ್ಳಕೆರೆ ತಹಶೀಲ್ದಾರ್ ಟಿ.ಸಿ ಕಾಂತರಾಜ್ ಪ್ರತಿಕ್ರಿಯಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಯೂನಿಯನ್ ಪಾರ್ಕ್‍ನಲ್ಲಿ ಇಂದಿರಾ ಕ್ಯಾಂಟಿನ್‍ಗೆ ಆಕ್ಷೇಪ

ಚಿತ್ರದುರ್ಗ
ಯೂನಿಯನ್ ಪಾರ್ಕ್‍ನಲ್ಲಿ ಇಂದಿರಾ ಕ್ಯಾಂಟಿನ್‍ಗೆ ಆಕ್ಷೇಪ

20 Jan, 2018

ಚಿತ್ರದುರ್ಗ
ಸಮಾಜ ತಿದ್ದಲು ನಿಷ್ಠರವಾದಿಯಾದ ವೇಮನ

‘ವೇಮನ ಯೌವ್ವನದಲ್ಲಿದ್ದಾಗ ದುಶ್ಚಟಗಳಿಗೆ ಬಲಿಯಾಗುತ್ತಾನೆ. ವೇಶ್ಯೆಯರ ಸಂಘ ಮಾಡುತ್ತಾನೆ. ವೇಶ್ಯೆಯೊಬ್ಬಳ ಆಸೆ ಈಡೇರಿಸಲು ತನ್ನ ಅತ್ತಿಗೆ ಮಲ್ಲಮ್ಮನ ಮೂಗುತಿ ಕೇಳುತ್ತಾನೆ.

20 Jan, 2018
24ರಿಂದ ಅಮ್ಮಾಜಿ ಕರಿಯಮ್ಮದೇವಿ ಪ್ರತಿಷ್ಠಾಪನೆ

ಚಿತ್ರದುರ್ಗ
24ರಿಂದ ಅಮ್ಮಾಜಿ ಕರಿಯಮ್ಮದೇವಿ ಪ್ರತಿಷ್ಠಾಪನೆ

19 Jan, 2018

ಚಿಕ್ಕಜಾಜೂರು
ಚಿಕ್ಕಜಾಜೂರು: ದೊಡ್ಡ ಮಾರಿಕಾಂಬ ದೇವಿ ಜಾತ್ರೆ

ಜಾತ್ರೆ ಅಂಗವಾಗಿ ಪ್ರತಿಷ್ಠಾಪಿಸಿರುವ ದೊಡ್ಡ ಮಾರಿಕಾಂಬ ದೇವಿಯ ಗಾವನ್ನು ವೀಕ್ಷಿಸಲು ಗ್ರಾಮಸ್ಥರು ಹಾಗೂ ಜಿಲ್ಲೆಯ ವಿವಿಧ ಕಡೆಗಳಿಂದ ಬಂದಿದ್ದ ಭಕ್ತರೊಂದಿಗೆ ಗುರುವಾರ ಸಂಜೆ ಬಂದು...

19 Jan, 2018

ಚಿತ್ರದುರ್ಗ
ಚುನಾವಣಾ ಯಶಸ್ಸಿಗೆ ವಿದ್ಯಾರ್ಥಿಗಳೂ ಕೈಜೋಡಿಸಿ

2020ರ ವೇಳೆಗೆ ಒಟ್ಟಾರೆ ದೇಶದಲ್ಲಿನ ಜನಸಂಖ್ಯೆಯಲ್ಲಿ ಯುವಕ– ಯುವತಿಯರ ಸಂಖ್ಯೆ ಹೆಚ್ಚಾಗಲಿದೆ. ಮುಂದಿನ ದಿನಗಳಲ್ಲೂ ಯುವ ಜನಾಂಗ ಮೇಲುಗೈ ಸಾಧಿಸಲಿದೆ. ಈ ಹಿನ್ನೆಲೆಯಲ್ಲಿ ಉತ್ತಮರನ್ನು...

19 Jan, 2018