ಚನ್ನಗಿರಿ

ಗ್ರಾಮ ಪಂಚಾಯ್ತಿಗಳ ಕರ ₹ 4.41 ಕೋಟಿ ಬಾಕಿ: ಬಸವನಗೌಡ

ತಾಲ್ಲೂಕು ಪಂಚಾಯ್ತಿಗಳಿಗೆ ವಿವಿಧ ಯೋಜನೆ ಅಡಿ ಒಟ್ಟು ₹ 1.97 ಕೋಟಿ ಅನುದಾನ ಬಿಡುಗಡೆಯಾಗಿದ್ದು, ಇದರಲ್ಲಿ ₹ 1.91 ಕೋಟಿ ಅನುದಾನವನ್ನು ಸದುಪಯೋಗಪಡಿಸಿಕೊಳ್ಳಲಾಗಿದೆ.

ಚನ್ನಗಿರಿ: ತಾಲ್ಲೂಕಿನಲ್ಲಿ 61 ಗ್ರಾಮ ಪಂಚಾಯ್ತಿಗಳು ಕಾರ್ಯನಿರ್ವಹಿಸುತ್ತಿದ್ದು, 202 ಚಾರಕ್ ಹಾಗೂ 47 ಬೇಚಾರಕ್ ಗ್ರಾಮಗಳು ಸೇರಿ ಒಟ್ಟು 249 ಕಂದಾಯ ಗ್ರಾಮಗಳು ಇವೆ. 2016ನೇ ಸಾಲಿನಲ್ಲಿ 61 ಗ್ರಾಮ ಪಂಚಾಯ್ತಿಗಳಿಂದ ಒಟ್ಟು ₹ 4.37 ಕೋಟಿ ಕರ ವಸೂಲಿ ಮಾಡುವ ಗುರಿ ನೀಡಲಾಗಿದ್ದು, ಇದರಲ್ಲಿ ಕೇವಲ ₹ 1.59 ಕೋಟಿ ಮಾತ್ರ ಕರ ವಸೂಲಿಯಾಗಿದೆ. ಇನ್ನೂ ₹ 4.41 ಕೋಟಿ ಕರ ವಸೂಲಿಯನ್ನು ಬಾಕಿ ಉಳಿಸಿಕೊಂಡಿವೆ ಎಂದು ಜಿಲ್ಲಾ ಪಂಚಾಯ್ತಿ ಯೋಜನಾಧಿಕಾರಿ ಬಸವನಗೌಡ ತಿಳಿಸಿದರು.

ಶುಕ್ರವಾರ ತಾಲ್ಲೂಕು ಪಂಚಾಯ್ತಿ ಜಮಾಬಂದಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು. ತಾಲ್ಲೂಕಿನ 61 ಗ್ರಾಮ ಪಂಚಾಯ್ತಿಗಳ ವ್ಯಾಪ್ತಿಯಲ್ಲಿ ಅಗತ್ಯ ಕುಡಿಯುವ ನೀರಿನ ವ್ಯವಸ್ಥೆಗಾಗಿ 296 ಕೊಳವೆಬಾವಿ ನೀರು ಸರಬರಾಜು ಯೋಜನೆಗಳು, 292 ಕಿರು ನೀರು ಸರಬರಾಜು ಯೋಜನೆಗಳು, 272 ಕೈ ಪಂಪ್‌, 4 ಬಹು ಗ್ರಾಮ ಕುಡಿಯುವ ನೀರು ಯೋಜನೆಗೆ 37 ಗ್ರಾಮಗಳು ಸೇರಿದ್ದು, 5 ತೆರೆದಬಾವಿಗಳು ಕಾರ್ಯನಿರ್ವಹಿಸುತ್ತಿವೆ.

ತಾಲ್ಲೂಕು ಪಂಚಾಯ್ತಿಗಳಿಗೆ ವಿವಿಧ ಯೋಜನೆ ಅಡಿ ಒಟ್ಟು ₹ 1.97 ಕೋಟಿ ಅನುದಾನ ಬಿಡುಗಡೆಯಾಗಿದ್ದು, ಇದರಲ್ಲಿ ₹ 1.91 ಕೋಟಿ ಅನುದಾನವನ್ನು ಸದುಪಯೋಗಪಡಿಸಿಕೊಳ್ಳಲಾಗಿದೆ. ಶುಲ್ಕ ಯೋಜನೆಯಲ್ಲಿ ₹ 6.76 ಲಕ್ಷ ಹಣ ಮಾತ್ರ ಉಳಿಕೆಯಾಗಿದೆ. ಅದೇ ರೀತಿ ಮುಂದಿನ ದಿನಗಳಲ್ಲಿ ಗ್ರಾಮ ಪಂಚಾಯ್ತಿಯವರು ಹೆಚ್ಚಿನ ಪ್ರಮಾಣದಲ್ಲಿ ಕರ ವಸೂಲಿಯನ್ನು ಕಡ್ಡಾಯ ಮಾಡಬೇಕು ಎಂದು ಸೂಚನೆ ನೀಡಲಾಗಿದೆ. 49 ಪಂಚಾಯ್ತಿಗಳಲ್ಲಿ ಅಭಿವೃದ್ಧಿ ಅಧಿ ಕಾರಿಗಳು ಇದ್ದು, ಇನ್ನು 12 ಹುದ್ದೆಗಳು ಖಾಲಿ ಇವೆ ಎಂದರು.

ತಾಲ್ಲೂಕು ಪಂಚಾಯ್ತಿ ಅಧ್ಯಕ್ಷೆ ಇ.ಆರ್. ಸುಜಾತಾ ಬಸವರಾಜ್, ಇಒ ಎಂ.ಆರ್. ಪ್ರಕಾಶ್, ಜಿಲ್ಲಾ ಪಂಚಾಯ್ತಿ ಸಹಾಯಕ ಸಾಂಖ್ಯಿಕ ಅಧಿಕಾರಿಗಳಾದ ಟಿ.ಎನ್. ಯೋಗಿ, ಕೆ.ಟಿ. ಕರಿಬಸಪ್ಪ ಉಪಸ್ಥಿತರಿದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು

ದಾವಣಗೆರೆ
ಬಿಜೆಪಿ ಬಂಡಾಯಗಾರರಿಗೆ ಅನ್ಯ ಪಕ್ಷಗಳ ಮಣೆ

ದಾವಣಗೆರೆ ಜಿಲ್ಲೆಯಲ್ಲಿ ಬಿಜೆಪಿ ಬಂಡಾಯಗಾರರಿಗೆ ಜೆಡಿಯು ಹಾಗೂ ಜೆಡಿಎಸ್‌ ಮಣೆ ಹಾಕಿವೆ. ಟಿಕೆಟ್‌ ಸಿಗದೆ ಪಕ್ಷದ ವಿರುದ್ಧ ಬಂಡಾಯ ಎದ್ದಿದ್ದ ಮಾಜಿ ಶಾಸಕ ಎಂ....

25 Apr, 2018
ಮನೆಗೆ ಮತ ಕೇಳಲು ಬರಬೇಡಿ...

ದಾವಣಗೆರೆ
ಮನೆಗೆ ಮತ ಕೇಳಲು ಬರಬೇಡಿ...

25 Apr, 2018

ದಾವಣಗೆರೆ
19 ಪಕ್ಷ, 37 ಸ್ವತಂತ್ರ, 116 ನಾಮಪತ್ರ

ಈ ಬಾರಿಯ ಚುನಾವಣೆಯಲ್ಲಿ ಜಿಲ್ಲೆಯ 8 ವಿಧಾನಸಭೆ ಕ್ಷೇತ್ರಗಳಿಂದ ಕಾಂಗ್ರೆಸ್‌, ಬಿಜೆಪಿ, ಜೆಡಿಎಸ್, ಜೆಡಿಯು ಅಲ್ಲದೇ ವಿವಿಧ 15  ಪಕ್ಷಗಳಲ್ಲಿ ಗುರುತಿಸಿಕೊಂಡ 21 ಅಭ್ಯರ್ಥಿಗಳು...

25 Apr, 2018

ದಾವಣಗೆರೆ
ಮಾಯಕೊಂಡ ನಿರೀಕ್ಷಿತ; ಜಗಳೂರು ಅನಿರೀಕ್ಷಿತ!

ದಾವಣಗೆರೆಯಲ್ಲಿ ಕಾಂಗ್ರೆಸ್‌ ಟಿಕೆಟ್‌ ಹಂಚಿಕೆಯ ಗೊಂದಲ ಮೇಲ್ನೋಟಕ್ಕೆ ಬಗೆಹರಿದಂತೆ ಕಂಡರೂ ಪಕ್ಷದಲ್ಲಿ ಅಲ್ಲಲ್ಲಿ ಅಸಮಾಧಾನದ ಹೊಗೆ ಹೊರಡುತ್ತಲೇ ಇದೆ.

24 Apr, 2018

ದಾವಣಗೆರೆ
ಮತ್ತೊಮ್ಮೆ ನಾಮಪತ್ರ ಸಲ್ಲಿಸಿದ ಘಟಾನುಘಟಿಗಳು

ವಿಧಾನಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಕೆಗೆ ಮಂಗಳವಾರ ಕೊನೆಯ ದಿನವಾಗಿದ್ದು, ಸೋಮವಾರವೇ ಜಿಲ್ಲೆಯ ಬಹುತೇಕ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದರು.

24 Apr, 2018