ಎಂಟು ವಿಮಾನಗಳ ಪ್ರಯಾಣ ರದ್ದು l 58 ವಿಮಾನ ವಿಳಂಬ

ರನ್‌ವೇ ಮೂರೂವರೆ ಗಂಟೆ ಬಂದ್‌

ಶನಿವಾರ ಬೆಳಿಗ್ಗೆಯೂ ದಟ್ಟ ಮಂಜು ಆವರಿಸಿದ್ದರಿಂದ, ಕೆಂಪೇಗೌಡ ಅಂತರರಾಷ್ಟ್ರೀಯ ನಿಲ್ದಾಣದಲ್ಲಿ ವಿಮಾನಗಳ ಹಾರಾಟವನ್ನು ಮೂರೂವರೆ ಗಂಟೆ ಸ್ಥಗಿತಗೊಳಿಸಲಾಯಿತು.

ರನ್‌ವೇ ಮೂರೂವರೆ ಗಂಟೆ ಬಂದ್‌

ಬೆಂಗಳೂರು: ನಗರದಲ್ಲಿ ಶನಿವಾರ ಬೆಳಿಗ್ಗೆಯೂ ದಟ್ಟ ಮಂಜು ಆವರಿಸಿದ್ದರಿಂದ, ಕೆಂಪೇಗೌಡ ಅಂತರರಾಷ್ಟ್ರೀಯ ನಿಲ್ದಾಣದಲ್ಲಿ ವಿಮಾನಗಳ ಹಾರಾಟವನ್ನು ಮೂರೂವರೆ ಗಂಟೆ ಸ್ಥಗಿತಗೊಳಿಸಲಾಯಿತು.

ಒಂದು ವಾರದಿಂದ ನಗರದಲ್ಲಿ ನಿತ್ಯವೂ ಬೆಳಿಗ್ಗೆ ದಟ್ಟ ಮಂಜು ಕಾಣಿಸುತ್ತಿದ್ದು, ನಿಲ್ದಾಣದ ರನ್‌ವೇ ಗೋಚರಿಸದ ಸ್ಥಿತಿ ನಿರ್ಮಾಣವಾಗುತ್ತಿದೆ. ಶನಿವಾರ ಬೆಳಿಗ್ಗೆ 4 ಗಂಟೆಯಿಂದಲೇ ದಟ್ಟ ಮಂಜು ನಿಲ್ದಾಣವನ್ನು ಆವರಿಸಿಕೊಂಡಿತ್ತು. ಒಬ್ಬರ ಮುಖ ಇನ್ನೊಬ್ಬರಿಗೆ ಕಾಣಿಸದ ಸ್ಥಿತಿ ಇತ್ತು.

ನಿಗದಿಯಂತೆ 50ಕ್ಕೂ ಹೆಚ್ಚು ವಿಮಾನಗಳು ಬೆಳಿಗ್ಗೆ ಹಾರಾಟ ನಡೆಸಲು ಸಜ್ಜಾಗಿದ್ದವು. ಪ್ರಯಾಣಿಕರು ವಿಮಾನವೇರಿ ಕುಳಿತುಕೊಂಡಿದ್ದರು. ಆದರೆ, ದಟ್ಟ ಮಂಜು ಇದ್ದ ಕಾರಣಕ್ಕೆ ವಿಮಾನ ಸಂಚಾರ ನಿಯಂತ್ರಣ (ಏರ್‌ ಟ್ರಾಫಿಕ್‌ ಕಂಟ್ರೋಲ್‌) ಅಧಿಕಾರಿಗಳು, ವಿಮಾನಗಳ ಹಾರಾಟಕ್ಕೆ ಅನುಮತಿ ನೀಡಲಿಲ್ಲ. ಹೀಗಾಗಿ ವಿಮಾನಗಳು ನಿಲ್ದಾಣ ಬಿಟ್ಟು ಕದಲಿಲ್ಲ. ಜತೆಗೆ ಬೆಳಿಗ್ಗೆ 4.58ರಿಂದ 8.28 ಗಂಟೆವರೆಗೆ ರನ್‌ವೇ ಬಂದ್‌ ಮಾಡಲಾಯಿತು.

ಬೆಳಿಗ್ಗೆ 8.30ರ ಬಳಿಕ ಮಂಜು ಕ್ರಮೇಣ ಕಡಿಮೆಯಾಯಿತು. ನಂತರವೇ ವಿಮಾನಗಳು ಒಂದೊಂದಾಗಿ ಹಾರಿದವು. ಬೆಳಿಗ್ಗೆ 5ರಿಂದ 8 ಗಂಟೆಯ ಅವಧಿಯಲ್ಲಿ ಹಾರಬೇಕಿದ್ದ 58 ವಿಮಾನಗಳು ತಡವಾಗಿ ಹಾರಾಟ ನಡೆಸಿದವು. ಬೇರೆ ನಿಲ್ದಾಣದಿಂದ ಬರಬೇಕಿದ್ದ 44 ವಿಮಾನಗಳು ತಡವಾಗಿ ಬಂದವು.

ಇನ್ನು ನಗರದ ನಿಲ್ದಾಣಕ್ಕೆ ಬರುತ್ತಿದ್ದ ಬ್ರಿಟಿಷ್‌ ಏರ್‌ವೇಸ್‌, ಬ್ಲೂಡಾರ್ಟ್‌ ವಿಮಾನವನ್ನು ಚೆನ್ನೈ ನಿಲ್ದಾಣಕ್ಕೆ ಹಾಗೂ ಇಂಡಿಗೊ ವಿಮಾನವನ್ನು ಹೈದರಾಬಾದ್‌ ನಿಲ್ದಾಣಕ್ಕೆ ಕಳುಹಿಸಲಾಯಿತು. ಮಧ್ಯಾಹ್ನವೇ ಆ ವಿಮಾನಗಳು ನಗರದ ನಿಲ್ದಾಣಕ್ಕೆ ಬಂದು ಸೇರಿದವು.

ನಿಗದಿತ ಸಮಯಕ್ಕಿಂತ ಹೆಚ್ಚಿಗೆ ತಡವಾಗಿದ್ದ ಇಂಡಿಗೊ ಕಂಪೆನಿಯ ಎಂಟು ವಿಮಾನ ಹಾರಾಟವನ್ನೇ ರದ್ದು ಮಾಡಲಾಯಿತು.

ಪ್ರಯಾಣಿಕರ ಅಸಮಾಧಾನ

ವಿಮಾನಗಳ ಹಾರಾಟ ತಡವಾಗಿದ್ದಕ್ಕೆ ಹಲವು ಪ್ರಯಾಣಿಕರು ಅಸಮಾಧಾನ ವ್ಯಕ್ತಪಡಿಸಿ ಟ್ವೀಟ್‌ ಮಾಡಿದ್ದಾರೆ.

ಅವನೀಶ್‌ ಸಿನ್ಹಾ ಹಾಗೂ ಅನುಪಮಾ ಸುಧಾಕರ್‌, ‘ಬೆಳಿಗ್ಗೆ 4.30 ಗಂಟೆಗೆ ನಿಲ್ದಾಣಕ್ಕೆ ಬಂದಿದ್ದೇವೆ. ಜೆಟ್‌ ಏರ್‌ವೇಸ್‌ ವಿಮಾನದಲ್ಲಿ ಎರಡು ಗಂಟೆಯಿಂದ ಕುಳಿತುಕೊಂಡಿದ್ದೇವೆ. ಸೀಟಿನಿಂದ ಎದ್ದು ಹೋಗಲು ಸಿಬ್ಬಂದಿ ಬಿಡುತ್ತಿಲ್ಲ’ ಎಂದಿದ್ದಾರೆ.

ಇನ್ನೊಬ್ಬ ಪ್ರಯಾಣಿಕ ರಾಬಾ, ‘ಮಂಜಿನಿಂದ ವಿಮಾನಗಳು ಹಾರುತ್ತಿಲ್ಲ. 2 ಗಂಟೆಯಿಂದ ವಿಮಾನದ ಸೀಟಿನಲ್ಲೇ ಕುಳಿತಿದ್ದೇನೆ’ ಎಂದು ಬರೆದುಕೊಂಡಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು

ಬೆಂಗಳೂರು
ಚಾವಣಿ ಕುಸಿದು ಬಿದ್ದು ಸೆರೆಸಿಕ್ಕ!

ಮಹಿಳೆಯೊಬ್ಬರ ಸರವನ್ನು ಕಿತ್ತುಕೊಂಡು ಪರಾರಿಯಾಗುತ್ತಿದ್ದ ಆರೋಪಿ ಸೋಮಶೇಖರ್‌ ಎಂಬಾತನನ್ನು ಎಚ್‌ಎಸ್‌ಆರ್ ಲೇಔಟ್ ಠಾಣೆಯ ಪೊಲೀಸರು ಬೆನ್ನಟ್ಟಿ ಹಿಡಿದಿದ್ದಾರೆ.

17 Jan, 2018
30 ಬಾರ್‌ಗಳಿಗೆ ಒಬ್ಬನದೇ ಉಸ್ತುವಾರಿ!

ಆರೋಪಿ ಸೋಮಶೇಖರ್‌ ನಾಪತ್ತೆ
30 ಬಾರ್‌ಗಳಿಗೆ ಒಬ್ಬನದೇ ಉಸ್ತುವಾರಿ!

17 Jan, 2018

ಬೆಂಗಳೂರು
ದಕ್ಕಲಿಗರಿಗೆ ಇಂದು ವಾಹನ ವಿತರಣೆ

ಅಲೆಮಾರಿ ಸಮುದಾಯದ ದಕ್ಕಲಿಗರಿಗೆ ವಾಹನ ಮತ್ತು ಸಬ್ಸಿಡಿ ಸಾಲ ಸೌಲಭ್ಯ ನೀಡುವ ಕಾರ್ಯಕ್ರಮ ಬುಧವಾರ (ಜ.17) ಸಂಜೆ ವಿಧಾನಸೌಧದ ಮುಂಭಾಗ ನಡೆಯಲಿದೆ.

17 Jan, 2018

ಬೆಂಗಳೂರು
ನಡುರಸ್ತೆಯಲ್ಲೇ ಯುವತಿ ಮೇಲೆ ಹಲ್ಲೆ

ಹೊಸ ವರ್ಷಾಚರಣೆ ದಿನವಾದ ಡಿ. 31ರಂದು ಮಧ್ಯರಾತ್ರಿ ನಡುರಸ್ತೆಯಲ್ಲೇ ಯುವತಿ ಹಾಗೂ ಸಹೋದರನ ಮೇಲೆ ಹಲ್ಲೆ ಮಾಡಿದ್ದ ಆರೋಪದಡಿ ರೌಡಿ ಅಂಬರೀಷ್‌ ಸೇರಿದಂತೆ 9...

17 Jan, 2018
ಒಳ ಉಡುಪು ಮೂಸಿ ಹೋಗ್ತಾನೆ...!

ಮೆಟ್ರೊ ವಸತಿಗೃಹದಲ್ಲಿ ಸೈಕೊ ಕಾಟ
ಒಳ ಉಡುಪು ಮೂಸಿ ಹೋಗ್ತಾನೆ...!

17 Jan, 2018