ಜಿಲ್ಲೆಯಲ್ಲಿ ಶೀತ ಉಲ್ಪಣ: ರಾಜ್ಯದಲ್ಲಿಯೇ ಅತ್ಯಂತ ಕನಿಷ್ಠ ಉಷ್ಣಾಂಶ ದಾಖಲು

ಮಾಗಿ ಭಾರಿ ಚಳಿಗೆ ಜನರು ಗಡಗಡ!

ಬಾಗಲಕೋಟೆ ಜಿಲ್ಲೆಯಲ್ಲಿ ಡಿಸೆಂಬರ್ 27ರಂದು ಗುರುವಾರ ಕನಿಷ್ಠ ತಾಪಮಾನ 8.4 ಡಿಗ್ರಿ, 28 ಹಾಗೂ 29ರಂದು ಕನಿಷ್ಠ ತಾಪಮಾನ 8 ಡಿಗ್ರಿ ದಾಖಲಾಗಿದೆ ಎಂದು ವಿಜಯಪುರ ಜಿಲ್ಲೆಯ ಹಿಟ್ನಳ್ಳಿಯ ಪ್ರಾದೇಶಿಕ ಕೃಷಿ ಸಂಶೋಧನಾ ಕೇಂದ್ರದ ಅಧಿಕಾರಿಗಳು ತಿಳಿಸಿದ್ದಾರೆ. ಇದು ಈ ವರ್ಷದ ಅತ್ಯಂತ ಕನಿಷ್ಠ ತಾಪಮಾನವಾಗಿದೆ.

ಮಾಗಿ ಭಾರಿ ಚಳಿಗೆ ಜನರು ಗಡಗಡ!

ಬಾಗಲಕೋಟೆ: ಮಾಗಿ ಚಳಿಗೆ ಜಿಲ್ಲೆಯ ಜನತೆ ತತ್ತರಿಸಿದ್ದಾರೆ. ಕಳೆದ ಮೂರು ದಿನಗಳಿಂದ ರಾತ್ರಿ ವೇಳೆ ಕನಿಷ್ಠ ಉಷ್ಣಾಂಶ 8 ಡಿಗ್ರಿ ದಾಖಲಾಗಿದೆ. ಇದರಿಂದ ರಾಜ್ಯದಲ್ಲಿಯೇ ಅತ್ಯಂತ ಕನಿಷ್ಠ ತಾಪಮಾನ ದಾಖಲಾದ ಜಿಲ್ಲೆ ಎಂಬ ಅಭಿದಾನಕ್ಕೆ ಬಾಗಲಕೋಟೆ ಪಾತ್ರವಾಗಿದೆ.

ಟೋಪಿ, ಸ್ವೆಟರ್‌, ಜರ್ಕಿನ್‌ ಸೇರಿದಂತೆ ಬೆಚ್ಚನೆಯ ಉಡುಪು ಇಲ್ಲದೇ ಹೊರಗೆ ಕಾಲಿಡದ ಪರಿಸ್ಥಿತಿ ಸೃಷ್ಟಿಯಾಗಿದ್ದು, ಹೊಸ ವರ್ಷದ ಹೊಸ್ತಿಲಲ್ಲಿನ ಮಾಗಿಯ ಕನಸುಗಳಿಗೆ ಕೌದಿ, ರಗ್ಗು, ಕಂಬಳಿ ಮೊದಲಾದ ಹೊದಿಕೆಗಳ ಆಪ್ತತೆ ಸಾಥ್ ನೀಡಿವೆ.

ಬಾಗಲಕೋಟೆ ಜಿಲ್ಲೆಯಲ್ಲಿ ಡಿಸೆಂಬರ್ 27ರಂದು ಗುರುವಾರ ಕನಿಷ್ಠ ತಾಪಮಾನ 8.4 ಡಿಗ್ರಿ, 28 ಹಾಗೂ 29ರಂದು ಕನಿಷ್ಠ ತಾಪಮಾನ 8 ಡಿಗ್ರಿ ದಾಖಲಾಗಿದೆ ಎಂದು ವಿಜಯಪುರ ಜಿಲ್ಲೆಯ ಹಿಟ್ನಳ್ಳಿಯ ಪ್ರಾದೇಶಿಕ ಕೃಷಿ ಸಂಶೋಧನಾ ಕೇಂದ್ರದ ಅಧಿಕಾರಿಗಳು ತಿಳಿಸಿದ್ದಾರೆ. ಇದು ಈ ವರ್ಷದ ಅತ್ಯಂತ ಕನಿಷ್ಠ ತಾಪಮಾನವಾಗಿದೆ.

ಹಾಲು ಹೆಪ್ಪುಗಟ್ಟುತ್ತಿಲ್ಲ:

‘ಮನೆಯಲ್ಲಿ ಸಂಗ್ರಹಿಸಿಟ್ಟ ಹಾಗೂ ಓವರ್‌ಹೆಡ್ ಟ್ಯಾಂಕ್‌ನ ನೀರು ಮುಂಜಾನೆ ಮುಟ್ಟಲು ಸಾಧ್ಯವಾಗುವುದಿಲ್ಲ. ರಾತ್ರಿ ಹಾಲು ಕಾಯಿಸಿ ಹೆಪ್ಪು ಹಾಕಿದರೆ ಚಳಿಗೆ ಅದು ಹುಳಿಯಾಗುತ್ತಿಲ್ಲ. ಹಾಗಾಗಿ ಮೊಸರು ಅಂಗಡಿಯಿಂದ ಖರೀದಿಸಿ ತರುತ್ತಿದ್ದೇವೆ. ಬಿಸಿ ಅನ್ನ, ರೊಟ್ಟಿ ಮಾಡಿಟ್ಟ ಕೆಲ ಹೊತ್ತಿಗೆ ತಣ್ಣಗಾಗಿ ತಿನ್ನಲು ಅಸಾಧ್ಯವಾಗುತ್ತಿದೆ. ಅದರೊಟ್ಟಿಗೆ ಆಹಾರ ಪದಾರ್ಥಗಳಿಗೆ ಇರುವೆ ಕಾಟ ಹೆಚ್ಚಿರುವುದು ತಲೆನೋವಾಗಿದೆ’ ಎಂದು ನವನಗರದ ಗೃಹಿಣಿ ಗಾಯತ್ರಿ ಅಂಬಿಗೇರ ಹೇಳುತ್ತಾರೆ.

ಶಾಲೆಗೆ ಕಳಿಸುವುದೇ ಸವಾಲು: ಪುಟ್ಟ ಮಕ್ಕಳು ಚಳಿಗೆ ಬೇಗ ಏಳುವುದಿಲ್ಲ. ದೊಡ್ಡವರಾದ ನಮಗೆ ಕಷ್ಟವಾಗುತ್ತದೆ. ಅವರನ್ನು ಹೇಗೆ ಎಬ್ಬಿಸುವುದು. ಖಾಸಗಿ ಶಾಲೆಗಳು ಮುಂಜಾನೆ ಬೇಗನೆ ಶುರುವಾಗುವುದರಿಂದ ಅವರನ್ನು ಎಬ್ಬಿಸಿ ಅಡುಗೆ ಮಾಡಿಕೊಟ್ಟು ಅವಧಿಯೊಳಗೆ ಶಾಲೆಗೆ ಕಳುಹಿಸುವುದೇ ನಮಗೆಲ್ಲಾ ದೊಡ್ಡ ಸವಾಲು ಎಂದು ಗಾಯತ್ರಿ ಅಳಲು ತೋಡಿಕೊಳ್ಳುತ್ತಾರೆ.

ಸಂಜೆ ಸೂರ್ಯ ಮರೆಯಾಗುತ್ತಿದ್ದಂತೆಯೇ ಮೈ ನಡುಗುವ ಚಳಿ ಶುರುವಾಗುತ್ತದೆ. ಹೊರಗೆ ಕಾಲಿಡಲು ಹಿಂದೇಟು ಹಾಕುತ್ತಿದ್ದಾರೆ. ಇದರಿಂದ ಹೊತ್ತು ಮುಳುಗುತ್ತಿದ್ದಂತೆಯೇ ರಸ್ತೆಗಳು ನಿರ್ಜನವಾಗುತ್ತಿದ್ದು, ವಾಹನ ಸಂಚಾರ ವಿಳಂಬವಾಗುತ್ತಿದೆ. ಬೆಳಿಗ್ಗೆ 11ರ ನಂತರ ಸೂರ್ಯ ಪ್ರಖರಗೊಂಡರೂ ಚಳಿಯ ಮುಂದೆ ಪ್ರಭಾವಿ ಎನಿಸುವುದಿಲ್ಲ. ಚಳಿಯಿಂದ ರಾತ್ರಿ ಪಾಳಿ ಕೆಲಸಗಾರರು ತೀವ್ರ ತೊಂದರೆಗೆ ಒಳಗಾಗಿದ್ದಾರೆ. ಕಾವಲುಗಾರರು, ಪೊಲೀಸರು, ಸಾರಿಗೆ ಸಂಸ್ಥೆ ಹಾಗೂ ಖಾಸಗಿ ವಾಹನ ಚಾಲಕರು, ನಸುಕಿನಲ್ಲಿ ಪತ್ರಿಕೆ, ಹಾಲು ವಿತರಿಸುವ ಹುಡುಗರು, ಪೌರ ಕಾರ್ಮಿಕರು, ವಾಯು ವಿಹಾರಿಗಳು, ಮುಂಜಾನೆ ಹೊಲಕ್ಕೆ ಹೊರಟವರು, ಹಳ್ಳಿಗಳಲ್ಲಿ ಹಾಲು ಹಿಂಡಿ ಡೇರಿಗೆ ಹಾಕಲು ಹೊರಟವರು ಚಳಿಗೆ ತತ್ತರಿಸಿದ್ದಾರೆ.

‘ಬಾಗಲಕೋಟೆಯಲ್ಲಿಯೇ ಹುಟ್ಟಿ ಬೆಳೆದಿದ್ದೇನೆ. ಸಣ್ಣವರಾಗಿದ್ದಾಗ ನಾವು ಇಷ್ಟೊಂದು ಶೀತ ಕಂಡಿರಲೇ ಇಲ್ಲ. ಇತ್ತೀಚಿನ ದಿನಗಳಲ್ಲಿ ಪರಿಸ್ಥಿತಿ ಭಯ ಹುಟ್ಟಿಸುವಂತಿದೆ’ ಎಂದು ವಿದ್ಯಾಗಿರಿಯ ಹೋಟೆಲ್ ಕಾರ್ಮಿಕ ರಾಮಾಂಜನೇಯ ಮೇತ್ರಿ ಹೇಳುತ್ತಾರೆ.

‘ಆತಂಕ ಬೇಡ, ಆದಷ್ಟು ಬೆಚ್ಚಗಿರಿ’

‘ಜಿಲ್ಲೆಯಲ್ಲಿ ದಿನೇ ದಿನೇ ಚಳಿಯ ತೀವ್ರತೆ ಹೆಚ್ಚುತ್ತಿದೆ. ವೃದ್ಧರು, ಮಕ್ಕಳು, ಅಲರ್ಜಿ (ಅಸ್ತಮಾ) ಹಾಗೂ ಅಪೌಷ್ಟಿಕತೆಯಿಂದ ಬಳಲುವವರ ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು’ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಅನಂತ ದೇಸಾಯಿ ಸಲಹೆ ನೀಡುತ್ತಾರೆ.

ಅನಿವಾರ್ಯ ಪ್ರಸಂಗದ ಹೊರತಾಗಿ ಮಕ್ಕಳು ಹಾಗೂ ವಯೋವೃದ್ಧರು ಶೀತದಲ್ಲಿ ಹೊರಗೆ ಹೋಗುವುದು ಬೇಡ. ಸಾಧ್ಯವಾದಷ್ಟು ಬೆಚ್ಚನೆಯ ಉಡುಪು ಧರಿಸುವುದು ಒಳ್ಳೆಯದು. ಚಳಿಗೆ ವೈರಲ್ ಫಿವರ್, ನೆಗಡಿ, ತಲೆನೋವು, ಅಸ್ತಮಾ ಇರುವವರಿಗೆ ಕೆಮ್ಮು, ಉಸಿರಾಟದ ತೊಂದರೆ, ಮಂಡಿ ನೋವು, ಮುಖ ಬಿರಿಯುವುದು, ಕೈ–ಕಾಲು ನೋವು ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತದೆ. ಹಾಗಾಗಿ ಸಾಧ್ಯವಾದಷ್ಟು ಬೆಚ್ಚಗಿರುವ, ಬಿಸಿಯಾದ ಊಟ ಮಾಡುವ, ಉಡುಪು ಧರಿಸುವ ಅಗತ್ಯವಿದೆ’ ಎಂದು ದೇಸಾಯಿ ಹೇಳುತ್ತಾರೆ.

Comments
ಈ ವಿಭಾಗದಿಂದ ಇನ್ನಷ್ಟು

ಬಾಗಲಕೋಟೆ
ಅತ್ಯಾಚಾರಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಿ

ದೇಶದಲ್ಲಿ ಬಾಲಕಿಯರು ಹಾಗೂ ಮಹಿಳೆಯರ ಮೇಲೆ ಅತ್ಯಾಚಾರ ನಡೆಸಿ, ಹತ್ಯೆ ಮಾಡುತ್ತಿರುವ ದುಷ್ಕರ್ಮಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಬೇಕು ಎಂದು ಆಗ್ರಹಿಸಿ ಇಲ್ಲಿನ ಬಾಗಲಕೋಟೆ ಮುಸ್ಲಿಂ...

21 Apr, 2018

ಬಾಗಲಕೋಟೆ
ಅಬಕಾರಿ ನಿಯಮ ಉಲ್ಲಂಘನೆ; ಚುನಾವಣೆ ಮುಗಿಯುವವರೆಗೂ ಅಂಗಡಿಗಳು ಬಂದ್

‘ವಿಧಾನಸಭಾ ಚುನಾವಣೆ ನೀತಿ ಸಂಹಿತೆ ಹಿನ್ನೆಲೆಯಲ್ಲಿ ಅಬಕಾರಿ ಇಲಾಖೆ ನಿಯಮ ಉಲ್ಲಂಘಿಸಿದ ಆರೋಪದ ಮೇಲೆ ಜಿಲ್ಲೆಯ 17 ಮದ್ಯದ ಅಂಗಡಿಗಳ ಲೈಸೆನ್ಸ್‌ ಅಮಾನತು ಮಾಡಿ...

21 Apr, 2018

ಇಳಕಲ್
ಪಿಬಿಎಸ್‌ 5ನೇ ಸ್ವರ ಸ್ಮರಣೆ ಇಂದು

ಗಾಯಕ, ಮಾಧುರ್ಯ ಸಾರ್ವಭೌಮ ದಿ.ಡಾ.ಪಿ.ಬಿ.ಶ್ರೀನಿವಾಸ ಅವರ ‘5ನೇ ಸ್ವರ ಸ್ಮರಣೆ’ ಕಾರ್ಯಕ್ರಮ ಉದ್ಯಮಿ ರವೀಂದ್ರ ದೇವಗಿರಿಕರ್ ಹಾಗೂ ಸ್ನೇಹರಂಗ ಸಹಯೋಗದಲ್ಲಿ ಇಲ್ಲಿಯ ಅನುಭವ ಮಂಟಪದ...

21 Apr, 2018

ಇಳಕಲ್‍
ಅಪೂರ್ಣ ಕಾಮಗಾರಿ ಉದ್ಘಾಟನೆ: ಟೀಕೆ

ಹನಿ ನೀರಾವರಿ ಯೋಜನೆ ನಾನು ಶಾಸಕನಾಗಿದ್ದಾಗ ಬಿಜೆಪಿ ಸರ್ಕಾರ ಮಂಜೂರು ಮಾಡಿತ್ತು. ಆದರೆ ಅಪೂರ್ಣ ಕಾಮಗಾರಿಯನ್ನು ಮುಖ್ಯಮಂತ್ರಿ ಅವರನ್ನು ಕರೆಸಿ ಉದ್ಘಾಟಿಸುವ ಮೂಲಕ ಕಲ್ಲಿನಲ್ಲಿ...

21 Apr, 2018

ಹುನಗುಂದ
ಜನರ ಒತ್ತಾಯಕ್ಕೆ ಪಕ್ಷೇತರನಾಗಿ ಕಣಕ್ಕೆ: ಎಸ್‌.ಆರ್. ನವಲಿ ಹಿರೇಮಠ

‘ಚುನಾವಣೆಯ ಗೆಲುವನ್ನು ಪಕ್ಷ ಕೊಡುವುದಿಲ್ಲ; ಜನರ ಕೊಡುತ್ತಾರೆ. ಅವರ ಮನಸ್ಸನಲ್ಲಿ ನಾನು ಇದ್ದೇನೆ, ಜನರ ಅಭಿಪ್ರಾಯ, ಒತ್ತಾಯಕ್ಕಾಗಿ ಬಡವರ ಅಭಿವೃದ್ಧಿಗಾಗಿ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ...

21 Apr, 2018