ರಾಣೆಬೆನ್ನೂರು

ಬೂಟಿನಿಂದ ಒದ್ದ ಎ.ಸಿ. ವಿರುದ್ಧ ಆರೋಪ: ಬಂಧನ

ಮುದೇನೂರು ಗ್ರಾಮದಲ್ಲಿ ರೈತ ಶಂಕರಗೌಡ ಗಂಗನಗೌಡ್ರನಿಗೆ ಉಪ ವಿಭಾಗಾಧಿಕಾರಿ (ಎ.ಸಿ.) ಪಿ.ಎನ್‌. ಲೊಕೇಶ್ ಕಾಲಿನಿಂದ ಒದ್ದಿದ್ದಾರೆ ಎಂದು ಆರೋಪಿಸಿ ಸ್ಥಳೀಯರು ಶುಕ್ರವಾರ ರಾತ್ರಿ ಪ್ರತಿಭಟನೆ ನಡೆಸಿದ್ದಾರೆ. 

ರಾಣೆಬೆನ್ನೂರು: ತಾಲ್ಲೂಕಿನ ಮುದೇನೂರು ಗ್ರಾಮದಲ್ಲಿ ರೈತ ಶಂಕರಗೌಡ ಗಂಗನಗೌಡ್ರನಿಗೆ ಉಪ ವಿಭಾಗಾಧಿಕಾರಿ (ಎ.ಸಿ.) ಪಿ.ಎನ್‌. ಲೊಕೇಶ್ ಕಾಲಿನಿಂದ ಒದ್ದಿದ್ದಾರೆ ಎಂದು ಆರೋಪಿಸಿ ಸ್ಥಳೀಯರು ಶುಕ್ರವಾರ ರಾತ್ರಿ ಪ್ರತಿಭಟನೆ ನಡೆಸಿದ್ದರೆ, ರೈತ ಶಂಕರಗೌಡ ಹಾಗೂ ಕೆಂಚನಗೌಡ ಬಸವನಗೌಡ್ರ ಸರ್ಕಾರಿ ಕರ್ತವ್ಯಕ್ಕೆ ಅಡ್ಡಿ ಪಡಿಸಿದ್ದಾರೆ ಎಂದು ಹಲಗೇರಿ ಪೊಲೀಸ್ ಠಾಣೆಯಲ್ಲಿ ಎ.ಸಿ. ಶನಿವಾರ ದೂರು ದಾಖಲಿಸಿದ್ದಾರೆ.

ಶಂಕರಗೌಡ ಚಂದ್ರಶೇಖರಗೌಡ ಗಂಗನಗೌಡ್ರ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

ಕೆಲ ದಿನಗಳಿಂದ ಬಂದ್‌ ಆಗಿದ್ದ ಮುದೇನೂರು ಗ್ರಾಮದ ಮರಳು ದಾಸ್ತಾನು ಘಟಕವನ್ನು ಆರಂಭಿಸುವ ಸಲುವಾಗಿ ಉಪವಿಭಾಗಾಧಿಕಾರಿ ಲೋಕೇಶ ಬಂದಿದ್ದರು. ಆಗ, ಅವರನ್ನು ಪ್ರಶ್ನಿಸಿದ ರೈತ ಶಂಕರಗೌಡ ಚಂದ್ರಶೇಖರಗೌಡ ಗಂಗನಗೌಡ್ರ ಅವರಿಗೆ ಕಾಲಿನಿಂದ ಒದ್ದಿದ್ದಾರೆ ಎಂದು ಸ್ಥಳೀಯರು ಆರೋಪಿಸಿದ್ದರು. ಅಲ್ಲದೇ, ಘೇರಾವ್ ಹಾಕಿ ಪ್ರತಿಭಟಿಸಿದ್ದರು.

ಸ್ಥಳಕ್ಕೆಬಂದ ಸರ್ಕಲ್‌ ಇನ್‌ಸ್ಪೆಕ್ಟರ್ ಮರುಳಸಿದ್ದಪ್ಪ ಹಾಗೂ ಸಬ್ ಇನ್‌ ಸ್ಪೆಕ್ಟರ್‌ ಶ್ರೀಶೈಲ ಚೌಗಲಾ ಗ್ರಾಮಸ್ಥರ ಮನವೊಲಿಸಿ ಪರಿಸ್ಥಿತಿ ತಿಳಿಗೊಳಿಸಿದ್ದಾರೆ.

‘ನಾನು ಯಾರಿಗೂ ಒದ್ದಿಲ್ಲ, ನಾನೇಕೆ ಕ್ಷಮೆ ಕೇಳಲಿ’ ಎಂದು ಉಪ ವಿಭಾಗಾಧಿಕಾರಿ ಪಿ.ಎನ್. ಲೋಕೇಶ್ ಸ್ಥಳೀಯರ ದೂರನ್ನು ತಳ್ಳಿ ಹಾಕಿದ್ದಾರೆ.

ಶಂಕರಗೌಡ ಚಂದ್ರಶೇಖರಗೌಡ ಗಂಗನಗೌಡ್ರ, ಹನುಮಂತಪ್ಪ ಕಬ್ಬಾರ, ಈರಣ್ಣ ಮಾಕನೂರ ಮತ್ತಿತರರು ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಬಯಲಾದ ಬಣ್ಣ: ಬದಲಾವಣೆ ಬಯಸಿದ ಜನತೆ

ಹಾವೇರಿ
ಬಯಲಾದ ಬಣ್ಣ: ಬದಲಾವಣೆ ಬಯಸಿದ ಜನತೆ

26 Apr, 2018

ರಾಣೆಬೆನ್ನೂರು
‘ದೇಶದ ಅಭಿವೃದ್ಧಿಗೆ ಆದಾಯ ತೆರಿಗೆ ಅವಶ್ಯ’

ದೇಶದ ಅಭಿವೃದ್ಧಿಗೆ ಆದಾಯ ತೆರಿಗೆ ಬೆನ್ನೆಲುಬು. ಆದ್ದರಿಂದ ದೇಶದ ಅಭಿವೃದ್ಧಿಗೆ ಬೇಕಾದ ಹಣವನ್ನು ಕ್ರೋಢಿಕರಿಸಲು ಎಲ್ಲರೂ ತಮ್ಮ ತಮ್ಮ ತೆರಿಗೆಯನ್ನು ಕೊಟ್ಟು ಪ್ರಾಮಾಣಿಕವಾಗಿ ಸಹಾಯ...

26 Apr, 2018

ಕುಮಾರಪಟ್ಟಣ
ಒಂದೆಡೆ ಬಯೋಮೆಟ್ರಿಕ್ ಇನ್ನೊಂದೆಡೆ ಪಡಿತರ ವಿತರಣೆ

ಮಧ್ಯಮ ವರ್ಗ ಮತ್ತು ಕೂಲಿ ಕಾರ್ಮಿಕರು ಹೆಚ್ಚಿರುವ ಗ್ರಾಮದಲ್ಲಿ ಪ್ರತಿ ತಿಂಗಳು ಪಡಿತರ ಪಡೆಯಲು ತಮ್ಮ ಎರಡು ಮೂರು ದಿನದ ದುಡಿಮೆಯನ್ನು ಕೈಚೆಲ್ಲಿ ಸರದಿ...

26 Apr, 2018

ಹಾವೇರಿ
ಪರಿಶೀಲನೆ ಬಳಿಕ 91 ಅಭ್ಯರ್ಥಿಗಳು ಅಖಾಡದಲ್ಲಿ

ವಿಧಾನಸಭಾ ಚುನಾವಣೆಯ ನಾಮಪತ್ರಗಳ ಪರಿಶೀಲನೆ ಬುಧ ವಾರ ನಡೆದಿದ್ದು, ಜಿಲ್ಲೆಯ ಆರು ಕ್ಷೇತ್ರಗಳಲ್ಲಿ ಸಲ್ಲಿಕೆಯಾಗಿದ್ದ 100 ಅಭ್ಯರ್ಥಿಗಳ ನಾಮಪತ್ರಗಳ ಪೈಕಿ 9 ತಿರಸ್ಕೃತಗೊಂಡಿವೆ. 91...

26 Apr, 2018
ಬಿಸಿಲಿನ ಝಳಕ್ಕೆ ಬಸವಳಿದ ಜನತೆ

ಹಾವೇರಿ
ಬಿಸಿಲಿನ ಝಳಕ್ಕೆ ಬಸವಳಿದ ಜನತೆ

25 Apr, 2018