ಇದು ಅಡುಗೆ ಮನೆ ದಾಟಿದ ಹೆಣ್ಣುಮಕ್ಕಳ ಕಥೆ. ಕುಟುಂಬದ ಕಾಳಜಿ ಜೊತೆಗೆ ಯಾವುದೇ ಅಡೆತಡೆ ಇಲ್ಲದೆ ಉದ್ಯೋಗದ ಜವಾಬ್ದಾರಿಯನ್ನೂ ನಿಭಾಯಿಸುವ ಹೆಣ್ಣುಮಕ್ಕಳ ಕಥಾಹಂದರ. ಮಹತ್ವಾಕಾಂಕ್ಷಿ ಹೆಣ್ಣುಮಕ್ಕಳು ಮದುವೆಯಾದ ಬಳಿಕ ಗಂಡ, ಮನೆ, ಮಕ್ಕಳ ಜವಾಬ್ದಾರಿ ಹೊತ್ತು ಸುಮ್ಮನಿದ್ದು ಬಿಡುತ್ತಾರೆ. ‘ಎರಡು ಕನಸು’ ಧಾರಾವಾಹಿಯ ಮುಖ್ಯಭೂಮಿಕೆಯಲ್ಲಿರುವ ಇಬ್ಬರು ಸಹೋದರಿಯರು ಎಂ.ಬಿ.ಎ ಮತ್ತು ವೈದ್ಯಕೀಯ ಪದವಿ ಪಡೆದವರು. ಅವರು ತಮ್ಮ ಶಿಕ್ಷಣದ ನೆರವಿನೊಂದಿಗೆ ಕುಟುಂಬ ಮತ್ತು ಗಂಡಂದಿರ ಕಷ್ಟಗಳನ್ನು ಪರಿಹರಿಸುತ್ತಲೆ ಮನೆಯ ಹೊರಗೂ ಮತ್ತು ಒಳಗೂ ಸಾಧನೆ ಮಾಡುತ್ತಾರೆ.ಹೊಸ ವರ್ಷಕ್ಕೆ ಧಾರಾವಾಹಿಯ ಕಥೆ, ನಿರೂಪಣೆ, ಸಂಗೀತ, ಧಾರಾವಾಹಿಯಲ್ಲಿ ಮೊದಲಿದ್ದ ಲಕ್ಷ್ಮಿ ಪಾತ್ರಧಾರಿ ಅಶ್ವಿನಿ ಗೌಡ ಅವರು ಭಾರತಿ ಪಾತ್ರದ ಮೂಲಕ ಧಾರಾವಾಹಿಗೆ ವಾಪಸಾಗಲಿದ್ದಾರೆ. ಮತ್ತೊಂದೆಡೆ ಸಹಜ ಮತ್ತು ಅರ್ಜುನ್ ದಂಪತಿ ಮದುವೆಯ ನಂತರ ಡಿನ್ನರ್, ಲಾಂಗ್ ಡ್ರೈವ್ ಮಾಡುತ್ತಾ ಜೀವನದ ಚಿಕ್ಕ ಚಿಕ್ಕ ಸಂತೋಷ ಅನುಭವಿಸುತ್ತಾರೆ. ಈ ದಂಪತಿಯ ಬದುಕಿನ ಖುಷಿಯೊಂದಿಗೆ ಮತ್ತೊಂದು ಎಳೆ ತೆರೆದುಕೊಳ್ಳಲಿದೆ.
