ವಾಚಕರ ವಾಣಿ

ನಿಜಾಂಶ ಎಷ್ಟು?

ಸಮಸ್ಯೆಗೆ ರಾಜಕೀಯ ಪರಿಹಾರ ಕಷ್ಟಸಾಧ್ಯ ಎಂಬಂತೆ ಗೋಚರಿಸುತ್ತಿದೆ. ಆದ್ದರಿಂದ ನ್ಯಾಯಮಂಡಳಿ ಹೆಚ್ಚು ವಿವೇಚನೆಯಿಂದ, ವಾಸ್ತವಿಕ ನೆಲೆಗಟ್ಟಿನ ಮೇಲೆ ನ್ಯಾಯೋಚಿತ ಪರಿಹಾರವನ್ನು ತ್ವರಿತವಾಗಿ ಕಂಡು ಹಿಡಿಯಬೇಕು. ವಿಳಂಬ ಆದಷ್ಟೂ ಕ್ಲೇಶ, ಕಲಹ ಹೆಚ್ಚುತ್ತಲೇ ಹೋಗುತ್ತವೆ.

ಮಹದಾಯಿ ವಿವಾದ ದಿನಗಳೆದಂತೆ ಜಟಿಲಗೊಂಡು ಅನೇಕ ರಾಜಕೀಯ, ಭಾವನಾತ್ಮಕ ಕ್ಲೇಶಗಳಿಗೆ ಕಾರಣವಾಗುತ್ತಿದೆ. ಮಹದಾಯಿ ನದಿಗೆ ಹರಿಯುವ ನೀರಿನಲ್ಲಿ 7.56 ಟಿಎಂಸಿ ಅಡಿಯಷ್ಟು ನೀರನ್ನು ಮಲಪ್ರಭಾಕ್ಕೆ ತಿರುಗಿಸುವುದರಿಂದ ಗೋವಾ ರಾಜ್ಯದ ಕುಡಿಯುವ ನೀರು, ಪರಿಸರ, ಜೀವಜಾಲದ ಮೇಲೆ ವ್ಯತಿರಿಕ್ತವಾದ ಪರಿಣಾಮ ಬೀರುತ್ತದೆ ಎಂದು ಗೋವಾ ಆತಂಕ ವ್ಯಕ್ತಪಡಿಸುತ್ತಿದೆ.

ಮಹದಾಯಿಯಲ್ಲಿ 200 ಟಿಎಂಸಿ ಅಡಿಗೂ ಅಧಿಕ ನೀರು ಹರಿಯುತ್ತದೆ ಎಂದು ಹೇಳಲಾಗುತ್ತದೆ. ಅದರಲ್ಲಿ ಬಹಳಷ್ಟು ನೀರು ಸಮುದ್ರ ಸೇರುತ್ತದೆ. ಗೋವಾದಲ್ಲಿ ಬಳಕೆ ಆಗುತ್ತಿರುವ, ಸಮುದ್ರ ಸೇರುತ್ತಿರುವ ನೀರಿನ ಪ್ರಮಾಣ ಎಷ್ಟು? ಸಮುದ್ರಕ್ಕಂತೂ ನೀರಿನ ಕೊರತೆ ಆಗದು. ಹಾಗಾದರೆ ಗೋವಾದ ಆತಂಕ ನೈಜವಾದುದೇ ಅಥವಾ ಭಾವನಾತ್ಮಕವಾದುದೇ ಎಂಬ ಬಗ್ಗೆ ಮೊದಲು ನಿಷ್ಕರ್ಷೆ ಆಗಬೇಕು. ಮಹದಾಯಿ ನ್ಯಾಯಮಂಡಳಿ ಅಥವಾ ಸಂಬಂಧಿಸಿದ ರಾಜ್ಯಗಳ ಸರ್ಕಾರಗಳು ಈ ಬಗ್ಗೆ ಮೊದಲು ತಜ್ಞರಿಂದ ನಿಷ್ಪಕ್ಷಪಾತ ವರದಿ ಪಡೆಯುವುದು ಉಚಿತ.

ದೇಶದಲ್ಲಿ ನೂರಾರು ಅಣೆಕಟ್ಟುಗಳ ಮೂಲಕ ಲಕ್ಷಾಂತರ ಟಿಎಂಸಿ ಅಡಿ ನೀರನ್ನು ತಿರುಗಿಸಿ ಕೃಷಿ, ಕುಡಿಯುವ ನೀರು ಸಹಿತ ಅನೇಕ ಅಭಿವೃದ್ಧಿ ಕಾರ್ಯಗಳಿಗೆ ಬಳಸಲಾಗುತ್ತಿದೆ. ಇಲ್ಲದಿದ್ದಲ್ಲಿ ದೇಶದಲ್ಲಿ ಆಹಾರ ಸ್ವಾವಲಂಬನೆ ಸಾಧಿಸಲು ಸಾಧ್ಯವಾಗುತ್ತಿರಲಿಲ್ಲ. ಮಹದಾಯಿ ನದಿಯಿಂದ 7.56 ಟಿಎಂಸಿ ಅಡಿ ನೀರು ತಿರುಗಿಸುವುದರಿಂದ ಆಗುವ ಪ್ರಯೋಜನ, ಸಾಧಕ–ಬಾಧಕಗಳೇನು, ಗೋವಾ ರಾಜ್ಯದ ವಿರೋಧ ಸಮಂಜಸವೇ ಎಂಬುದು ಮುನ್ನೆಲೆಗೆ ಬರಬೇಕಾಗಿದೆ.

ಸಮಸ್ಯೆಗೆ ರಾಜಕೀಯ ಪರಿಹಾರ ಕಷ್ಟಸಾಧ್ಯ ಎಂಬಂತೆ ಗೋಚರಿಸುತ್ತಿದೆ. ಆದ್ದರಿಂದ ನ್ಯಾಯಮಂಡಳಿ ಹೆಚ್ಚು ವಿವೇಚನೆಯಿಂದ, ವಾಸ್ತವಿಕ ನೆಲೆಗಟ್ಟಿನ ಮೇಲೆ ನ್ಯಾಯೋಚಿತ ಪರಿಹಾರವನ್ನು ತ್ವರಿತವಾಗಿ ಕಂಡು ಹಿಡಿಯಬೇಕು. ವಿಳಂಬ ಆದಷ್ಟೂ ಕ್ಲೇಶ, ಕಲಹ ಹೆಚ್ಚುತ್ತಲೇ ಹೋಗುತ್ತವೆ.

–ವೆಂಕಟೇಶ್ ಮಾಚಕನೂರ, ಧಾರವಾಡ

 

Comments
ಈ ವಿಭಾಗದಿಂದ ಇನ್ನಷ್ಟು

ವಾಚಕರವಾಣಿ
ಪಿಂಚಣಿ ಹೆಚ್ಚಿಸಿ

ಖಾಸಗಿ ರಂಗದ ನಿವೃತ್ತ ಉದ್ಯೋಗಿಗಳಾದ ನಮಗೆ ಈಗ ಕನಿಷ್ಠ ₹ 1000, ಗರಿಷ್ಠ ₹ 3000 ಪಿಂಚಣಿ ಸಿಗುತ್ತಿದೆ

16 Jan, 2018

ವಾಚಕರವಾಣಿ
ಈ ನಿಲುವು ಸರಿಯೇ?

ಹತ್ಯಾ ರಾಜಕಾರಣದ ಹಿನ್ನೆಲೆಯಲ್ಲಿ ಆರ್‌ಎಸ್‌ಎಸ್‌ ಮತ್ತು ಬಿಜೆಪಿಗಳನ್ನು ನಿಷೇಧಿಸಬೇಕೆಂದು ಕೆಪಿಸಿಸಿ  ಕಾರ್ಯಾಧ್ಯಕ್ಷ ದಿನೇಶ್ ಗುಂಡೂರಾವ್ ಧ್ವನಿ ಎತ್ತಿದ್ದಾರೆ. ಈ ಧ್ವನಿಗೆ ಮುಖ್ಯಮಂತ್ರಿಗಳು ಸಾಥ್ ನೀಡಿದ್ದಾರೆ ...

16 Jan, 2018

ವಾಚಕರವಾಣಿ
ದುಡಿಮೆಯೇ ಬಂಡವಾಳ

ಕರ್ನಾಟಕ ಲೋಕಸೇವಾ ಆಯೋಗವು ಪ್ರಥಮ ದರ್ಜೆ, ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಗಳ ಭರ್ತಿಗೆ ಅರ್ಜಿ ಕರೆದಿದೆ. ಸುಮಾರು 15 ಲಕ್ಷ ಮಂದಿ ಅರ್ಜಿ ಸಲ್ಲಿಸಿದ್ದಾರೆ. ...

16 Jan, 2018

ವಾಚಕರವಾಣಿ
ಅನಿರೀಕ್ಷಿತವಲ್ಲ

ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿಗಳು ಮುಖ್ಯ ನ್ಯಾಯಮೂರ್ತಿಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿರುವುದು ಅಪೇಕ್ಷಣೀಯವಲ್ಲದಿದ್ದರೂ ಅನಿರೀಕ್ಷಿತವಲ್ಲ. ನಮ್ಮ ನ್ಯಾಯಾಂಗ ಸಂಪೂರ್ಣ ಆತ್ಮಸಾಕ್ಷಿ ಕಳೆದುಕೊಂಡಿಲ್ಲ ಎಂಬುದು ಸಮಾಧಾನದ ಸಂಗತಿ. ...

15 Jan, 2018

ವಾಚಕರವಾಣಿ
ಆರಂಭ ಹೇಗೋ?

‘ನ್ಯಾಯಾಂಗದ ಪಾಲಿನ ಸುದೀರ್ಘ ವಾರಾಂತ್ಯ!’ (ಪ್ರ.ವಾ., ಜ.14) ಎಂಬ ಶೇಖರ್ ಗುಪ್ತ ಅವರ ಅಂಕಣವನ್ನು ಓದಿದಾಗ, ಮೈಗೆ ಎಣ್ಣೆ ಹಚ್ಚಿಕೊಂಡು ಕುಸ್ತಿ ಅಖಾಡಕ್ಕಿಳಿದ ಪೈಲ್ವಾನನ...

15 Jan, 2018