ಮಣಿಪುರದ ವಿದ್ಯಾರ್ಥಿಗಳು

ಕನ್ನಡಪ್ರೇಮ

ಐದು ವರ್ಷಗಳ ಅವಧಿಯ ಕಾನೂನು ಪದವಿ ಅಧ್ಯಯನ ಮಾಡಲು ರಾಜ್ಯಕ್ಕೆ ಬಂದಿರುವ ಮಣಿಪುರದ ವಿದ್ಯಾರ್ಥಿಗಳು ಹೀಗೆ ತಿಳಿಗನ್ನಡದಲ್ಲಿ ಸ್ಪಷ್ಟವಾಗಿ ಮಾತನಾಡಿದ್ದು ಕಂಡು ಬೆರಗಾದೆ, ಖುಷಿಪಟ್ಟೆ.

ರಾಜ್ಯದ ವಿವಿಧ ಕಾನೂನು ಮಹಾವಿದ್ಯಾಲಯಗಳಿಂದ ಪದವಿ ಪಡೆದ‌ವರು ವಕೀಲರಾಗಿ ವೃತ್ತಿ ಪ್ರಾರಂಭಿಸಲು ಕರ್ನಾಟಕ ರಾಜ್ಯ ವಕೀಲರ ಪರಿಷತ್ತಿನಲ್ಲಿ ನೋಂದಾಯಿತರಾಗಬೇಕಾಗುತ್ತದೆ. ಬೆಂಗಳೂರಿನ‌ ನ್ಯಾಷನಲ್‌ ಲಾ ಸ್ಕೂಲ್‌ನಿಂದ ಪದವಿ ಪಡೆದ ಮಣಿಪುರ ರಾಜ್ಯದ ವಿದ್ಯಾರ್ಥಿಗಳು ನೋಂದಣಿ ಪ್ರಕ್ರಿಯೆ ಬಗ್ಗೆ ವಿಚಾರಿಸಲು ವಕೀಲರ ಪರಿಷತ್ತಿನ ಕಾರ್ಯದರ್ಶಿಯಾದ ನನ್ನ ಬಳಿಗೆ ಬಂದರು. ‘ನಮಸ್ಕಾರ ಸರ್’ ಅಂತ ಅಚ್ಚಕನ್ನಡದಲ್ಲಿ ಮಾತು ಆರಂಭಿಸಿದರು. ವಕೀಲರಾಗಿ ಸೇವೆ ಆರಂಭಿಸಲು ಏನು ಮಾಡಬೇಕು ಅಂತ ಸ್ಪಷ್ಟವಾಗಿ ಕನ್ನಡದಲ್ಲೇ ವಿಚಾರಿಸಿದರು.

ಐದು ವರ್ಷಗಳ ಅವಧಿಯ ಕಾನೂನು ಪದವಿ ಅಧ್ಯಯನ ಮಾಡಲು ರಾಜ್ಯಕ್ಕೆ ಬಂದಿರುವ ಮಣಿಪುರದ ವಿದ್ಯಾರ್ಥಿಗಳು ಹೀಗೆ ತಿಳಿಗನ್ನಡದಲ್ಲಿ ಸ್ಪಷ್ಟವಾಗಿ ಮಾತನಾಡಿದ್ದು ಕಂಡು ಬೆರಗಾದೆ, ಖುಷಿಪಟ್ಟೆ.

ಮರುದಿನ ಪರಿಷತ್ತಿನ ದಾಖಲೆಗಳನ್ನು ಪರಿಶೀಲಿಸುತ್ತಿರುವಾಗ ಬೆಂಗಳೂರಿನವರಾದ ಕಾನೂನು ಪದವೀಧರ ತಂದೆಯೊಬ್ಬರು ತಮ್ಮ ಮಗನ ನೋಂದಣಿ ಬಗ್ಗೆ ಮಾಹಿತಿ ಪಡೆಯಲು ಬಂದರು. ‘ಶರಣು ಬನ್ನಿ’ ಎಂದು ಅವರನ್ನು ಬರಮಾಡಿಕೊಂಡಾಗ ಅವರು ಇಂಗ್ಲಿಷ್‌ನಲ್ಲಿ ‘ಗುಡ್ ಮಾರ್ನಿಂಗ್ ಸರ್‌’ ಎಂದರು. ಎದುರಿಗಿದ್ದ ಕುರ್ಚಿಯಲ್ಲಿ ಕುಳಿತು ‘ವಾಟಿಜ್ ದಿ ಪ್ರೊಸೀಜರ್ ಫಾರ್ ಎನ್ರೋಲ್‌ಮೆಂಟ್‌’ ಎಂದು ಕೇಳಿದಾಗ ‘ತಮ್ಮ ಊರು ಯಾವುದು’ ಎಂದೆ. ‘ಐ ಆ್ಯಮ್ ಬಾರ್ನ್‌ ಅಂಡ್‌ ಬ್ರಾಟಪ್ ಆ್ಯಟ್ ಬೆಂಗ್ಳೂರು... ನೌ ಸೆಟಲ್ಡ್‌ ಇನ್‌ ದೆಲ್ಲಿ’ ಎಂದು ಉತ್ತರಿಸಿದರು.

ಆಗ ಅವರಿಗೆ ‘ಕರ್ನಾಟಕದವರಾದ ನಾವು ನಮ್ಮ ಮಾತೃಭಾಷೆಯಲ್ಲಿ ಮಾತನಾಡುವಾ, ನಂತರ ಉಳಿದ ಭಾಷಿಕರು ನಮ್ಮ ಭಾಷೆ
ಯನ್ನು ಬಳಸಲು ಕೋರುವಾ’ ಎಂದು ಮನವಿ ಮಾಡಿಕೊಂಡಾಗ ಅವರು ಅದಕ್ಕೆ ಸಮ್ಮತಿಸಿದರು.

–ಬಸವರಾಜ ಹುಡೇದಗಡ್ಡಿ, ಬೆಂಗಳೂರು

Comments
ಈ ವಿಭಾಗದಿಂದ ಇನ್ನಷ್ಟು

ವಾಚಕರವಾಣಿ
ಮುಕ್ತ ಲೈಂಗಿಕತೆ ಬೇಡ

ಯಾವುದೋ ಬಡಪಾಯಿ ಹೆಣ್ಣನ್ನು ವೇಶ್ಯಾವೃತ್ತಿಗೆ ತಳ್ಳಿ ತಮ್ಮ ಮನೆಯ ಸಭ್ಯ ಹೆಣ್ಣುಮಕ್ಕಳನ್ನು ರಕ್ಷಿಸಿಕೊಳ್ಳುವ ಇಂತಹ ಪರಿಹಾರೋಪಾಯಗಳು ನಮಗೆ ಖಂಡಿತ ಬೇಡ. ಅಷ್ಟೇ ಅಲ್ಲ, ಇಂತಹ...

26 Apr, 2018

ವಾಚಕರವಾಣಿ
ಸುಖೀ ದೇಶ!

ಸರ್ಕಾರಿ ಬಸ್ಸಿನ ಡ್ರೈವರ್-ಕಂಡಕ್ಟರ್ ಯಾವ ಜಾತಿ-ಧರ್ಮದವರು ಎಂದು ಮೊದಲೇ ಪ್ರಯಾಣಿಕರಿಗೆ ತಿಳಿಸಿ ಅವರ ಅನುಮತಿ ಪಡೆದೇ ಟಿಕೆಟ್ ಬುಕ್ ಮಾಡಬೇಕು ಎಂಬ ಹೊಸ ನಿಯಮ...

26 Apr, 2018

ವಾಚಕರವಾಣಿ
ಡಿ.ಆರ್‌. ಕೃತಿ ಓದಿ

‘ಇಂತೀ ಮೂವರಿಗೆ ಹುಟ್ಟಿದ ಸೂಳೆಯಮಗನ ನಾನೇನೆಂದು ಪೂಜೆಯ ಮಾಡಲಿ’ ಎಂದು ಅಲ್ಲಮನ ವಚನ ಎಂದಿದ್ದೆ. ಇದು ತಪ್ಪು ಉಲ್ಲೇಖ; ಮೂಲದಲ್ಲಿ ‘ಸೂಳೆಯ ಮಗ’ ಎಂಬ...

26 Apr, 2018

ವಾಚಕರವಾಣಿ
ಅಹಂಕಾರದ ಮಾತು

'ಬಸವಣ್ಣನವರನ್ನು ನಾವೂ ಗೌರವಿಸುತ್ತೇವೆ' ಎಂಬ ಇವರ ಮಾತನ್ನು ಬಸವಣ್ಣನವರಿಗೆ ಪಂಚಾಚಾರ್ಯರಿಂದ ಆದ ಅಪಮಾನ ನೋಡುತ್ತಾ ಬಂದ ಯಾರೂ ಒಪ್ಪುವುದಿಲ್ಲ.

26 Apr, 2018

ವಾಚಕರವಾಣಿ
ಅಮೆರಿಕದಲ್ಲಿ ನೌಕರಿ: ಕನಸಿಗೆ ಕತ್ತರಿ

ಎಚ್‌1ಬಿ ವೀಸಾ ನೀಡಿಕೆಯ ಮೇಲಿನ ಕಠಿಣ ನಿರ್ಬಂಧದಿಂದಾಗಿ ಸಹಸ್ರಾರು ಭಾರತೀಯ ಮೂಲದ ಕುಟುಂಬಗಳು ಸಂಕಷ್ಟಕ್ಕೆ ಸಿಲುಕಿವೆ

26 Apr, 2018