ಎರಡನೇ ಟಿ–20 ಪಂದ್ಯ

ನ್ಯೂಜಿಲೆಂಡ್‌–ವಿಂಡೀಸ್‌ ಪಂದ್ಯ ಮಳೆಗೆ ಆಹುತಿ

ನ್ಯೂಜಿಲೆಂಡ್‌ ತಂಡ 9 ಓವರ್‌ಗಳಲ್ಲಿ 102ರನ್‌ ಗಳಿಸಿದ್ದ ವೇಳೆ ಮತ್ತೆ ವರುಣನ ಆರ್ಭಟ ಶುರುವಾಯಿತು. ಸಾಕಷ್ಟು ಸಮಯ ಕಾದರೂ ಮಳೆ ನಿಲ್ಲಲಿಲ್ಲ. ಹೀಗಾಗಿ ಅಧಿಕಾರಿಗಳು ಪಂದ್ಯ ರದ್ದು ಮಾಡುವ ನಿರ್ಧಾರ ಪ್ರಕಟಿಸಿದರು.

ವೆಸ್ಟ್ ಇಂಡೀಸ್‌ ಎದುರಿನ ಎರಡನೇ ಟಿ–20 ಪಂದ್ಯದಲ್ಲಿ ಅರ್ಧಶತಕ ದಾಖಲಿಸಿದ ನ್ಯೂಜಿಲೆಂಡ್‌ ತಂಡದ ಕಾಲಿನ್‌ ಮನ್ರೊ ಬ್ಯಾಟಿಂಗ್‌ ವೈಖರಿ. -ಎಎಫ್‌ಪಿ ಚಿತ್ರ

ಮೌಂಟ್‌ ಮೌಂಗಾನುಯಿ, ನ್ಯೂಜಿಲೆಂಡ್‌: ನ್ಯೂಜಿಲೆಂಡ್‌ ಮತ್ತು ವೆಸ್ಟ್‌ ಇಂಡೀಸ್‌ ನಡುವಣ ಎರಡನೇ ಟಿ–20 ಪಂದ್ಯ ಮಳೆಯಿಂದಾಗಿ ರದ್ದಾಗಿದೆ.

ಸೋಮವಾರ ಬೆಳಗಿನಿಂದಲೇ ಧಾರಾಕಾರ ಮಳೆ ಸುರಿಯಿತು. ಮಳೆ ನಿಂತ ನಂತರ (ನಿಗದಿತ ಅವಧಿಗಿಂತ 20 ನಿಮಿಷ ತಡವಾಗಿ) ಪಂದ್ಯ ಆರಂಭಿಸಲಾಯಿತು.

ಟಾಸ್‌ ಗೆದ್ದ ಕೆರಿಬಿಯನ್‌ ನಾಡಿನ ತಂಡ ಫೀಲ್ಡಿಂಗ್‌ ಆಯ್ಕೆ ಮಾಡಿಕೊಂಡಿತು. ಮೊದಲು ಬ್ಯಾಟ್‌ ಮಾಡಿದ ಕಿವೀಸ್‌ ನಾಡಿನ ತಂಡ ಮಾರ್ಟಿನ್‌ ಗಪ್ಟಿಲ್‌ (2) ವಿಕೆಟ್‌ ಬೇಗನೆ ಕಳೆದುಕೊಂಡಿತು.

ಶೆಲ್ಡನ್‌ ಕಾಟ್ರೆಲ್‌ ಬೌಲ್‌ ಮಾಡಿದ ದಿನದ ಮೊದಲ ಓವರ್‌ನ ನಾಲ್ಕನೇ ಎಸೆತದಲ್ಲಿ ಗಪ್ಟಿಲ್‌, ವಿಕೆಟ್‌ ಕೀಪರ್‌ ಚಾಡ್ವಿಕ್‌ ವಾಲ್ಟನ್‌ಗೆ ಕ್ಯಾಚ್‌ ನೀಡಿದರು.

ಆ ನಂತರ ಕಾಲಿನ್‌ ಮನ್ರೊ ಗರ್ಜಿಸಿದರು. ಮೊದಲ ಪಂದ್ಯದಲ್ಲಿ ಅರ್ಧಶತಕ ಗಳಿಸಿ ಮಿಂಚಿದ್ದ ಅವರು ಬೇ ಓವಲ್‌ ಅಂಗಳದಲ್ಲೂ ವಿಂಡೀಸ್‌ ಬೌಲರ್‌ಗಳ ಮೇಲೆ ಸವಾರಿ ಮಾಡಿದರು.

ಸ್ಫೋಟಕ ಆಟ ಆಡಿದ ಮನ್ರೊ, 18 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಬಳಿಕವೂ ಮಿಂಚಿದ ಅವರು 23 ಎಸೆತಗಳಲ್ಲಿ 66ರನ್‌ ಗಳಿಸಿ ಔಟಾದರು. ಇದರಲ್ಲಿ 11 ಬೌಂಡರಿ ಮತ್ತು 3 ಸಿಕ್ಸರ್‌ಗಳೂ ಸೇರಿದ್ದವು. ಎಂಟನೇ ಓವರ್‌ನಲ್ಲಿ ಗ್ಲೆನ್‌ ಫಿಲಿಪ್ಸ್‌ (10; 5ಎ, 1ಸಿ) ಅವರನ್ನು ಸ್ಯಾಮುಯೆಲ್‌ ಬದ್ರಿ ಎಲ್‌ಬಿಡಬ್ಲ್ಯು ಬಲೆಯಲ್ಲಿ ಬಂದಿಸಿದರು. ಆಗ ಕಿವೀಸ್‌ ನಾಡಿನ ತಂಡದ ಖಾತೆಯಲ್ಲಿ 92ರನ್‌ ಗಳಿದ್ದವು. ಟಾಮ್‌ ಬ್ರೂಸ್‌ (3) ಕೂಡ ಬಂದಷ್ಟೇ ವೇಗವಾಗಿ ಪೆವಿಲಿಯನ್‌ ಸೇರಿಕೊಂಡರು.

ಬಳಿಕ ನಾಯಕ ಕೇನ್‌ ವಿಲಿಯಮ್ಸನ್‌ (ಔಟಾಗದೆ 17; 15ಎ, 1ಬೌಂ) ಮತ್ತು ಅನರು ಕಿಚನ್‌ (ಔಟಾಗದೆ 1) ಎಚ್ಚರಿಕೆಯ ಆಟ ಆಡಿದರು.

ನ್ಯೂಜಿಲೆಂಡ್‌ ತಂಡ 9 ಓವರ್‌ಗಳಲ್ಲಿ 102ರನ್‌ ಗಳಿಸಿದ್ದ ವೇಳೆ ಮತ್ತೆ ವರುಣನ ಆರ್ಭಟ ಶುರುವಾಯಿತು. ಸಾಕಷ್ಟು ಸಮಯ ಕಾದರೂ ಮಳೆ ನಿಲ್ಲಲಿಲ್ಲ. ಹೀಗಾಗಿ ಅಧಿಕಾರಿಗಳು ಪಂದ್ಯ ರದ್ದು ಮಾಡುವ ನಿರ್ಧಾರ ಪ್ರಕಟಿಸಿದರು.

ಸಂಕ್ಷಿಪ್ತ ಸ್ಕೋರ್‌: ನ್ಯೂಜಿಲೆಂಡ್‌: 9 ಓವರ್‌ಗಳಲ್ಲಿ 4 ವಿಕೆಟ್‌ಗೆ 102 (ಕಾಲಿನ್‌ ಮನ್ರೊ 66, ಕೇನ್‌ ವಿಲಿಯಮ್ಸನ್‌ ಔಟಾಗದೆ 17, ಗ್ಲೆನ್‌ ಫಿಲಿಪ್ಸ್‌ 10; ಶೆಲ್ಡನ್‌ ಕಾಟ್ರೆಲ್‌ 21ಕ್ಕೆ1, ಸ್ಯಾಮುಯೆಲ್‌ ಬದ್ರಿ 23ಕ್ಕೆ1, ಕೇಸ್ರಿಕ್‌ ವಿಲಿಯಮ್ಸ್‌ 24ಕ್ಕೆ1, ಆ್ಯಷ್ಲೆ ನರ್ಸ್‌ 13ಕ್ಕೆ1).

Comments
ಈ ವಿಭಾಗದಿಂದ ಇನ್ನಷ್ಟು
ರಾಹುಲ್‌ ದ್ರಾವಿಡ್‌ಗೆ ದ್ರೋಣಾಚಾರ್ಯ, ಕೊಹ್ಲಿಗೆ ಖೇಲ್‌ ರತ್ನ, ಸುನಿಲ್‌ ಗವಾಸ್ಕರ್‌ಗೆ ಧ್ಯಾನ್‌ ಚಂದ್‌ ಪುರಸ್ಕಾರಕ್ಕೆ ಬಿಸಿಸಿಐ ಶಿಫಾರಸು

ಗವಾಸ್ಕರ್‌ ಜೀವಮಾನ ಸಾಧನೆ
ರಾಹುಲ್‌ ದ್ರಾವಿಡ್‌ಗೆ ದ್ರೋಣಾಚಾರ್ಯ, ಕೊಹ್ಲಿಗೆ ಖೇಲ್‌ ರತ್ನ, ಸುನಿಲ್‌ ಗವಾಸ್ಕರ್‌ಗೆ ಧ್ಯಾನ್‌ ಚಂದ್‌ ಪುರಸ್ಕಾರಕ್ಕೆ ಬಿಸಿಸಿಐ ಶಿಫಾರಸು

26 Apr, 2018
ದೋನಿ ಆಟಕ್ಕೆ ಒಲಿದ ಜಯ: ಎಬಿಡಿ, ಕ್ವಿಂಟನ್ ಆಟ ವ್ಯರ್ಥ

ಬೆಂಗಳೂರು
ದೋನಿ ಆಟಕ್ಕೆ ಒಲಿದ ಜಯ: ಎಬಿಡಿ, ಕ್ವಿಂಟನ್ ಆಟ ವ್ಯರ್ಥ

26 Apr, 2018

ಹರಿಯಾಣ: ಕಡಿಮೆ ಬಹುಮಾನ ಮೊತ್ತಕ್ಕೆ ಆಕ್ಷೇಪ
ಕ್ರೀಡಾಪಟುಗಳ ಸನ್ಮಾನ ಕಾರ್ಯಕ್ರಮ ರದ್ದು

ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಪದಕ ಗೆದ್ದ ರಾಜ್ಯದ ಕ್ರೀಡಾಪಟುಗಳ ಸನ್ಮಾನ ಕಾರ್ಯಕ್ರಮವನ್ನು ಹರಿಯಾಣ ಸರ್ಕಾರ ದಿಢೀರ್ ರದ್ದುಗೊಳಿಸಿದೆ. ಬಹುಮಾನ ಮೊತ್ತಕ್ಕೆ ಸಂಬಂಧಿಸಿ ಕೆಲ ಕ್ರೀಡಾಪಟುಗಳು ಕಾರ್ಯಕ್ರಮ...

26 Apr, 2018

ಕ್ರೀಡೆ
ಸ್ಕ್ವಾಷ್‌: ಜೋಷ್ನಾಗೆ ಸೋಲು

ಈಜಿಪ್ತ್‌ನಲ್ಲಿ ನಡೆಯುತ್ತಿರುವ ಎಲ್‌ ಗೌನಾ ಅಂತರರಾಷ್ಟ್ರೀಯ ಸ್ಕ್ವಾಷ್‌ ಚಾಂಪಿಯನ್‌ಷಿಪ್‌ನ ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ಭಾರತದ ಜೋಷ್ನಾ ಚಿಣ್ಣಪ್ಪ ಅವರು ಇಂಗ್ಲೆಂಡ್‌ನ ಲೌರಾ ಮಸ್ಸಾರೊ ವಿರುದ್ಧ ಸೋಲು...

26 Apr, 2018

ಮುಂಬೈ
ಏಷ್ಯನ್‌ ಗೇಮ್ಸ್‌ ನನ್ನ ಗುರಿ: ಸತ್ನಾಮ್‌ ಸಿಂಗ್‌

ಜಕಾರ್ತಾದಲ್ಲಿ ನಡೆಯುವ ಏಷ್ಯನ್‌ ಗೇಮ್ಸ್‌ನಲ್ಲಿ ಉತ್ತಮ ಸಾಧನೆ ಮಾಡುವ ಗುರಿ ಹೊಂದಿದ್ದೇನೆ ಎಂದು ಇತ್ತಿಚೇಗೆ ನಡೆದ ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿ ಭಾರತದ ಬ್ಯಾಸ್ಕೆಟ್‌ಬಾಲ್‌ ತಂಡವನ್ನು ಪ್ರತಿನಿಧಿಸಿದ್ದ...

26 Apr, 2018