ನವದೆಹಲಿ: ಇನ್ಫೊಸಿಸ್ ಸಿಇಒ ಸಲೀಲ್ ಪಾರೇಖ್ ಅವರು ಮಂಗಳವಾರ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಡಿಸೆಂಬರ್ 1 ರಂದು ಸಂಸ್ಥೆಯು ಪಾರೇಖ್ ಅವರನ್ನು ನೇಮಕ ಮಾಡಿತ್ತು.
2017ರಲ್ಲಿ ಆಂತರಿಕ ಕಲಹ ಇತ್ಯರ್ಥಪಡಿಸುವುದರಲ್ಲೇ ಹೆಚ್ಚಿನ ಸಮಯ ಕಳೆದಿದ್ದ ಸಂಸ್ಥೆಯು ಹೊಸ ವರ್ಷದಲ್ಲಿ, ಹೊಸ ನಾಯಕತ್ವದೊಂದಿಗೆ ವರಮಾನ ವೃದ್ಧಿಗೆ ಆದ್ಯತೆ ನೀಡಲಿದೆ ಎಂದು ತಜ್ಞರು ಹೇಳಿದ್ದಾರೆ.
ವಿಶಾಲ್ ಸಿಕ್ಕಾ ಬಳಿಕ ಸಂಸ್ಥೆಯ ಸಿಇಒ ಹುದ್ದೆಗೆ ಹೊರಗಿನವರಾಗಿ ಆಯ್ಕೆ ಆಗಿರುವ ಎರಡನೇ ವ್ಯಕ್ತಿಯಾಗಿದ್ದಾರೆ. ಐದು ವರ್ಷಗಳ ಅವಧಿಗೆ ಅವರು ಅಧಿಕಾರದಲ್ಲಿ ಇರಲಿದ್ದಾರೆ.
ಜನವರಿ 12 ರಂದು ಸಂಸ್ಥೆಯು ಮೂರನೇ ತ್ರೈಮಾಸಿಕದ ಆರ್ಥಿಕ ಸಾಧನೆ ಪ್ರಕಟಿಸಲಿದೆ.