ಬನಶಂಕರಿ

ಬನಶಂಕರಿದೇವಿ ರಥೋತ್ಸವ ಇಂದು

ಬಂದೋಬಸ್ತ್‌ಗಾಗಿ ಡಿಎಸ್‌ಪಿ, ನಾಲ್ಕು ಜನ ಸಿಪಿಐ, 21 ಪಿಎಸ್‌ಐ, 31 ಎಎಸ್‌ಐ, 275 ಪೊಲೀಸ್‌ ಸಿಬ್ಬಂದಿ, 250 ಹೋಮ್‌ಗಾರ್ಡ್‌ ಮತ್ತು ಎರಡು ಐಆರ್‌ಬಿ, ಕಾಯ್ದಿಟ್ಟ ಪೊಲೀಸ್‌ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ

ಜಾತ್ರೆಯ ನಿಮಿತ್ತ ಪಲ್ಲೇದ ಹಬ್ಬದ ಅಂಗವಾಗಿ ಬನಶಂಕರಿ ದೇವಾಲಯದಲ್ಲಿ ಭಕ್ತರು ದೇವಿಯ ದರ್ಶನ ಪಡೆಯಲು ಸರದಿ ಸಾಲಿನಲ್ಲಿ ನಿಂತಿದ್ದರು

ಬನಶಂಕರಿ (ಬಾದಾಮಿ): ಜಾತ್ರೆಯ ನಿಮಿತ್ತ ಜಾತ್ರೆಯ ಮುನ್ನಾ ದಿನ ಪಲ್ಲೇದ ಹಬ್ಬದ ಅಂಗವಾಗಿ ಸೋಮವಾರ ಬನಶಂಕರಿ ದೇವಿ ಮೂರ್ತಿಗೆ ಉಡುಗೊರೆಯಾಗಿ ಅರ್ಚಕರು ತಹರೇವಾರಿ ತರಕಾರಿ ಮಾಲೆಯನ್ನು ಅರ್ಪಿಸಿ ಆರಾಧಿಸಿದರು.

ಮಳೆ ಹೋಗಿ ಜನತೆ ಮತ್ತು ಪ್ರಾಣಿಗಳು ತತ್ತರಿಸಿದಾಗ ದೇವಿಯು ತನ್ನ ತನುವಿನಿಂದ ತರಕಾರಿಯನ್ನು ಸೃಷ್ಟಿಸಿ ಲೋಕವನ್ನು ರಕ್ಷಿಸಿದ್ದಾಳೆ ಎಂಬ ಪೌರಾಣಿಕ ಹಿನ್ನೆಲೆಯಲ್ಲಿ ಪ್ರತಿ ವರ್ಷ ರಥೋತ್ಸವದ ಹಿಂದಿನ ದಿನ ಸುತ್ತಲಿನ ಗ್ರಾಮೀಣ ಪ್ರದೇಶದಲ್ಲಿ ಪಲ್ಲೇದ ಹಬ್ಬ ಆಚರಿಸುತ್ತಾರೆ.

ಮಹಿಳೆಯರು ಮನೆಯಲ್ಲಿ ವೈವಿಧ್ಯಮಯ ತರಕಾರಿ ಮಲ್ಲೆಯನ್ನು ಮಾಡಿ ಮನೆ ಮನೆಗೆ ತೆರಳಿ ರೊಟ್ಟಿ ಪಲ್ಲೆಯನ್ನು ವಿನಿಮಯ ಮಾಡುವ ಮೂಲಕ ಪಲ್ಲೇದ ಹಬ್ಬ ಆಚರಿಸುವರು. ಉತ್ತರ ಕರ್ನಾಟಕದ ಆರಾಧ್ಯ ಶಕ್ತಿದೇವತೆಯ ದರ್ಶನ ಪಡೆಯಲು ಕೆಲವು ಭಕ್ತರು ಪಾದಯಾತ್ರೆಯಿಂದ ದೇವಾಲಯಕ್ಕೆ ಆಗಮಿಸಿದರು.

ರಥೋತ್ಸವಕ್ಕೆ ಸಕಲ ಸಿದ್ಧತೆಗಳು ಮುಗಿದಿವೆ. ಬನದ ಹುಣ್ಣಿಮೆ ದಿನ ಜ. 2ರಂದು ಸಂಜೆ 5 ಗಂಟೆಗೆ ಸಡಗರ ಸಂಭ್ರಮದಿಂದ ಜರುಗಲಿದೆ. ಶಕ್ತಿದೇವತೆಯ ರಥೋತ್ಸವಕ್ಕೆ ನಾಡಿವ ವಿವಿಧ ಕಡೆಯಿಂದ ಲಕ್ಷಾಂತರ ಭಕ್ತರು ಆಗಮಿಸಲಿದ್ದಾರೆ.

ವಿಶೇಷ ಪೊಲೀಸ್‌ ಬಂದೋಬಸ್ತ್: ಬನಶಂಕರಿದೇವಿ ಜಾತ್ರೆಯಲ್ಲಿ ಶಾಂತಿ ಮತ್ತು ಸುವ್ಯವಸ್ಥೆಗಾಗಿ ವಿಶೇಷ ಪೊಲೀಸ್‌ ಬಂದೋಬಸ್ತ್‌ ಕೈಗೊಳ್ಳಲಾಗಿದೆ ಎಂದು ಪಿಎಸ್‌ಐ ಎಚ್‌.ಎಸ್‌. ನಡಗಡ್ಡಿ ಹೇಳಿದರು.

ಬಂದೋಬಸ್ತ್‌ಗಾಗಿ ಡಿಎಸ್‌ಪಿ, ನಾಲ್ಕು ಜನ ಸಿಪಿಐ, 21 ಪಿಎಸ್‌ಐ, 31 ಎಎಸ್‌ಐ, 275 ಪೊಲೀಸ್‌ ಸಿಬ್ಬಂದಿ, 250 ಹೋಮ್‌ಗಾರ್ಡ್‌ ಮತ್ತು ಎರಡು ಐಆರ್‌ಬಿ, ಕಾಯ್ದಿಟ್ಟ ಪೊಲೀಸ್‌ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ ಎಂದರು.

ಜಾತ್ರೆಯಲ್ಲಿ ಕಿಸೆಗಳ್ಳರು, ಮೊಬೈಲ್‌ ಕಳ್ಳರು ಮತ್ತು ಸರಗಳ್ಳರಿಂದ ಸಾರ್ವಜನಿಕರು ಎಚ್ಚರಿಕೆಯಿಂದ ಇರಬೇಕು. ಇವರ ಪತ್ತೆ ಕಾರ್ಯಕ್ಕೆ ಇಂಟರ್‌ಸ್ಪೆಕ್ಟರ್‌ ಸಿಸಿಟಿವಿ ಕ್ಯಾಮೆರಾ ವಾಹನ ಬರಲಿದೆ. ದೇವಾಲಯ ಮತ್ತು ಜಾತ್ರೆಯಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಲಾಗಿದೆ ಎಂದರು.

ಮಹಿಳೆಯರು ಚಿನ್ನದ ಒಡವೆಗಳ ಬಗ್ಗೆ ಮತ್ತು ಜಾತ್ರೆಗೆ ಅಧಿಕ ಹಣವನ್ನು ತರಬೇಡಿ. ತಂದರೂ ಸಹ ನಿಮ್ಮ ಹಣದ ಬಗ್ಗೆ ಕಾಳಜಿ ಇರಲಿ. ಯಾರಾದರೂ ಕಳ್ಳರು ಬಗ್ಗೆ ಸಂದೇಹ ಕಂಡು ಬಂದರೆ ಠಾಣೆಯಲ್ಲಿ ತಿಳಿಸಿ, ಸಹಕರಿಸಿ ಎಂದರು.

Comments
ಈ ವಿಭಾಗದಿಂದ ಇನ್ನಷ್ಟು
ಕಾಂಗ್ರೆಸ್‌ಗೆ ತಕ್ಕ ಪಾಠ ಕಲಿಸಿ: ತೇಜಸ್ವಿ

ಜಮಖಂಡಿ
ಕಾಂಗ್ರೆಸ್‌ಗೆ ತಕ್ಕ ಪಾಠ ಕಲಿಸಿ: ತೇಜಸ್ವಿ

25 Apr, 2018

ರಬಕವಿ ಬನಹಟ್ಟಿ
ಸಿದ್ದು ಸವದಿ ನಾಮಪತ್ರ ಸಲ್ಲಿಕೆ

ವಿಧಾನ ಸಭಾ ಚುನಾವಣೆಯಲ್ಲಿ ಜಿಲ್ಲೆಯ ಎಲ್ಲ ಏಳೂ ಕ್ಷೇತ್ರಗಳಲ್ಲಿ ಈ ಬಾರಿ ಬಿಜೆಪಿ ಅಭ್ಯರ್ಥಿಗಳು ವಿಜಯಶಾಲಿಗಳಾಗಲಿದ್ದಾರೆ ಎಂದು ತೇರದಾಳ ಮತಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಸಿದ್ದು...

25 Apr, 2018

ಬಾಗಲಕೋಟೆ
ವಿದ್ಯಾರ್ಥಿ ಕೊಂದ ಶಿಕ್ಷಕರಿಗೆ ಜೀವಾವಧಿ ಶಿಕ್ಷೆ

ಹನ್ನೊಂದು ವರ್ಷದ ವಿದ್ಯಾರ್ಥಿಯನ್ನು ಕೊಲೆಗೈದ ಆರೋಪ ಸಾಬೀತಾಗಿದ್ದರಿಂದ, ಶಿಕ್ಷಕರಿಬ್ಬರಿಗೆ ಇಲ್ಲಿನ ಜಿಲ್ಲಾ ಮತ್ತು ಸೆಷನ್ಸ್‌ ನ್ಯಾಯಾಲಯ ಮಂಗಳವಾರ ಜೀವಾವಧಿ ಶಿಕ್ಷೆ ವಿಧಿಸಿದೆ.

25 Apr, 2018

ಬಾದಾಮಿ
ಅಭಿವೃದ್ಧಿಯ ಹೊನಲು ಹರಿಸುವೆ

‘ಅಭಿವೃದ್ಧಿಯಲ್ಲಿ ಬಾದಾಮಿಯನ್ನು ರಾಜ್ಯದಲ್ಲಿಯೇ ನಂ1 ಕ್ಷೇತ್ರವಾಗಿಸುವೆ’ ಎಂದು ಭರವಸೆ ನೀಡಿದ ಮುಖ್ಯಮಂತ್ರಿ ಸಿದ್ದರಾಮಯ್ಯ, ‘ನೀವು ಇಲ್ಲಿಂದ ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಆಯ್ಕೆ ಮಾಡಲಿದ್ದೀರಿ’ ಎಂಬುದನ್ನು ನೆನಪಿಸಿದರು. ...

25 Apr, 2018

ಬಾಗಲಕೋಟೆ
ಜಿಲ್ಲೆಯಲ್ಲಿ 101 ನಾಮಪತ್ರ ಸಲ್ಲಿಕೆ

ರಾಜ್ಯ ವಿಧಾನಸಭೆಗೆ ನಡೆಯಲಿರುವ ಚುನಾವಣೆಗೆ ನಾಮಪತ್ರ ಸಲ್ಲಿಸಲು ಕೊನೆಯ ದಿನವಾದ ಮಂಗಳವಾರ ಜಿಲ್ಲೆಯಲ್ಲಿ 101 ನಾಮಪತ್ರಗಳು ಸಲ್ಲಿಕೆಯಾಗಿವೆ.

25 Apr, 2018