ವಿಮೆ ಕಂಪೆನಿಗಳು ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಬಂಡವಾಳ ಸಂಗ್ರಹಕ್ಕೆ ಆದ್ಯತೆ ನೀಡುತ್ತಿವೆ. 2017ರಲ್ಲಿ ಐದು ಕಂಪೆನಿಗಳು ಯಶಸ್ವಿಯಾಗಿ ಷೇರುಪೇಟೆ ಪ್ರವೇಶಿಸಿವೆ. ಇವುಗಳು ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಷೇರುಪೇಟೆ ಪ್ರವೇಶ ಪಡೆದಿದ್ದು, ₹ 43,424 ಕೊಟಿ ಬಂಡವಾಳ ಸಂಗ್ರಹಿಸಿವೆ. ಇದು ಉಳಿದ ವಿಮೆ ಕಂಪೆನಿಗಳಿಗೂ ಉತ್ತೇಜನ ನೀಡಿದ್ದು, 2018ರಲ್ಲಿ ಇನ್ನಷ್ಟು ಕಂಪೆನಿಗಳು ಷೇರುಪೇಟೆ ಪ್ರವೇಶಿಸುವ ನಿರೀಕ್ಷೆ ಇದೆ ಎನ್ನುತ್ತಾರೆ ಉದ್ಯಮ ವಲಯದ ತಜ್ಞರು.