50 ವರ್ಷಗಳ ಹಿಂದೆ

ಬುಧವಾರ, 3–1–1968

ಷೇಖ್ ಅಬ್ದುಲ್ಲಾ ಇಂದಿನಿಂದ ಸ್ವತಂತ್ರರು. ಕೇಂದ್ರ ಸರ್ಕಾರ ಇಂದು ಅವರ ಮೇಲೆ ಹೇರಿದ್ದ ಎಲ್ಲಾ ನಿರ್ಬಂಧಗಳನ್ನು ರದ್ದುಗೊಳಿಸಿತು.

ಬುಧವಾರ, 3–1–1968

ಷೇಖ್ ಅಬ್ದುಲ್ಲಾ: ಈಗ ಸರ್ವ ಸ್ವತಂತ್ರ ವ್ಯಕ್ತಿ

ನವದೆಹಲಿ, ಜ. 2– ಷೇಖ್ ಅಬ್ದುಲ್ಲಾ ಇಂದಿನಿಂದ ಸ್ವತಂತ್ರರು. ಕೇಂದ್ರ ಸರ್ಕಾರ ಇಂದು ಅವರ ಮೇಲೆ ಹೇರಿದ್ದ ಎಲ್ಲಾ ನಿರ್ಬಂಧಗಳನ್ನು ರದ್ದುಗೊಳಿಸಿತು.

ಬೆಳಿಗ್ಗೆ 9 ಗಂಟೆಗೆ ನಿರ್ಬಂಧಗಳನ್ನು ರದ್ದುಗೊಳಿಸುವ ಕೇಂದ್ರ ಸರ್ಕಾರದ ಆಜ್ಞೆಯನ್ನು ಷೇಖ್ ಅಬ್ದುಲ್ಲಾರವರಿಗೆ ತಲುಪಿಸಲಾಯಿತು.

ಸ್ಥಾನಬದ್ಧತೆಯಿಂದ ವಿಮುಕ್ತರಾದ ಕೂಡಲೆ ಷೇಖ್ ಅಬ್ದುಲ್ಲಾ ರಾಷ್ಟ್ರಪತಿ ಡಾ. ಜಾಕೀರ್ ಹುಸೇನ್‌ರವರನ್ನು ಭೇಟಿ ಮಾಡಿದ್ದರು. ಬಳಿಕ ಅವರು ಜುಮ್ಮಾ ಮಸೀದಿಯಲ್ಲಿ  ನಡೆದ ಈದ್ ಉಲ್ ಫಿತ್ತಾರ್ ಪ್ರಾರ್ಥನಾ ಸಭೆಯಲ್ಲಿ ಭಾಗವಹಿಸಿದ್ದರು.

ಕಾಶ್ಮೀರ ಸಮಸ್ಯೆ ಇತ್ಯರ್ಥಕ್ಕೆ ಪುನಃ ಷೇಖ್ ಯತ್ನ

ನವದೆಹಲಿ, ಜ. 2– ಕಾಶ್ಮೀರ ಸಮಸ್ಯೆ ಇತ್ಯರ್ಥಕ್ಕೆ ತಾವು ನಡೆಸಿದ ಯತ್ನ ಜವಾಹರಲಾಲ್ ನೆಹ್ರೂ ಅವರ ನಿಧನದ ನಂತರ ನಿಂತು ಹೋಗಿದ್ದು, ಅದನ್ನು ಈಗ ಪುನಃ ನಡೆಸುವುದಾಗಿ ಷೇಖ್ ಅಬ್ದುಲ್ಲಾ ಇಂದು ಇಲ್ಲಿ ಹೇಳಿದರು.

ನೆಹ್ರೂ ಅವರಂತೆ ಪ್ರಧಾನಿ ಶ್ರೀಮತಿ ಇಂದಿರಾಗಾಂಧಿ ಅವರೂ ಕಾಶ್ಮೀರ ಸಮಸ್ಯೆ ಇತ್ಯರ್ಥಕ್ಕೆ ಪ್ರಯತ್ನಿಸುವರೇ ಎಂಬ ಪ್ರಶ್ನೆಗೆ, ತಂದೆಯ ಅಪೇಕ್ಷೆಯನ್ನು ಮಗಳು ಪೂರೈಸುವರೆಂದು ತಮ್ಮ ನಿರೀಕ್ಷೆ ಎಂದು ಅವರು ಹೇಳಿದರು.

‘ಬದಲಿ ಹೃದಯದ’ಎರಡನೇ ಚಿಕಿತ್ಸೆ

ಕೇಪ್‌ಟೌನ್, ಜ. 2– ಗ್ರೂಟಿಷೂರ್ ಆಸ್ಪತ್ರೆಯ ಶಸ್ತ್ರ ಚಿಕಿತ್ಸಾ ತಜ್ಞರು ಇಂದು ಸತ್ತ ವರ್ಣೀಯನೊಬ್ಬನ ಹೃದಯವನ್ನು 58 ವರ್ಷ ವಯಸ್ಸಿನ ಶ್ವೇತವರ್ಣೀಯನೊಬ್ಬನ ದೇಹದೊಳಕ್ಕೆ ಅಳವಡಿಸಿ ಶಸ್ತ್ರ ಚಿಕಿತ್ಸೆ ನಡೆಸಿದರು.

ಗ್ರೂಟಿಷೂರ್ ಆಸ್ಪತ್ರೆ ನಡೆಸಿರುವ ‘ಬದಲಿ ಹೃದಯ‍’ ಎರಡನೇ ಶಸ್ತ್ರ ಚಿಕಿತ್ಸೆ ಇದು.

ರಾಜ್ಯದಲ್ಲಿ 20 ಲಕ್ಷ ವಿದ್ಯಾವಂತ ನಿರುದ್ಯೋಗಿಗಳು

ಬೆಂಗಳೂರು, ಜ. 2– ನಾಲ್ಕನೇ ಪಂಚವಾರ್ಷಿಕ ಯೋಜನೆ ಮುಗಿಯುವುದರೊಳಗೆ ಮೈಸೂರು ರಾಜ್ಯದಲ್ಲಿ ವಿದ್ಯಾವಂತ ನಿರುದ್ಯೋಗಿಗಳ ಸಂಖ್ಯೆ 20 ಲಕ್ಷಗಳಿಗೇರುವ ಸಂಭವವಿದೆ.

ಮಾನವ ಸ್ವಭಾವ ಪರಿವರ್ತನೆ ಪ್ರಯೋಗಾಲಯ: ಜೈಲುಗಳ ಬಗ್ಗೆ ಜ್ಯೋತ್ಸ್ನಾಶಹಾ ಕಲ್ಪನೆ

ಬೆಂಗಳೂರು, ಜ. 2– ತುರಂಗಗಳು, ಗಾಂಧೀಜಿಯು ಹೇಳಿದ ಹಾಗೆ ಅಪರಾಧ ಪ್ರವೃತ್ತಿಗೆ ಚಿಕಿತ್ಸೆ ಮಾಡುವ ‘ಆಸ್ಪತ್ರೆಗಳಾಗಿ’, ಅಪರಾಧಿಗಳ ಸುಧಾರಣೆ ಸೇವಾ ಡೈರೆಕ್ಟರ್ (ಕೇಂದ್ರದ) ಶ್ರೀಮತಿ ಜ್ಯೋತ್ಸ್ನಾ ಶಹಾರವರು ಆಶಿಸಿರುವ ಹಾಗೆ ‘ಮಾನವನ ಸ್ವಭಾವವನ್ನು ಪರಿವರ್ತಿಸುವ ಪ್ರಯೋಗಾಲಯಗಳಾಗಿ’ ಆಗುವ ದಿನ ಬಹು ದೂರ ಉಳಿದಿಲ್ಲ.

ಶ್ರೀಮತಿ ಜ್ಯೋತ್ಸ್ನಾರವರ ಅಭಿಪ್ರಾಯದಲ್ಲಿ ಜೈಲು ಸುಧಾರಣೆಗಳ ಬಗ್ಗೆ ನಿರೀಕ್ಷೆ ಕೈಗೂಡುವುದು ಹೊಸ, ಸಮಗ್ರ  ಮತ್ತು ಏಕ ರೂಪದ ಅಖಿಲ ಭಾರತ ಬಂದೀಖಾನೆ ನಿಯಮಾವಳಿಯನ್ನು ಕಾರ್ಯಗತ ಮಾಡುವುದನ್ನು  ಅವಲಂಬಿಸಿದೆ.

ಹತ್ತು ಮಂದಿ ತಮಿಳು ಕವಿಗಳ ಪ್ರತಿಮೆ ಅನಾವರಣ

ಮದರಾಸು, ಜ. 2– ತಮಿಳು ಭಾಷೆ ಹಾಗೂ ಸಂಸ್ಕೃತಿಗೆ ಗಮನಾರ್ಹ ಸೇವೆ ಸಲ್ಲಿಸಿದ ಹತ್ತು ಮಂದಿ ಮಹಾ ಕವಿಗಳ ಹಾಗೂ ವಿದ್ವನ್ಮಣಿಗಳ ಪೂರ್ಣಾಕಾರದ ಪ್ರತಿಮೆಗಳನ್ನು ಇಂದು ರಾತ್ರಿ ಇಲ್ಲಿ ಅನಾವರಣ ಮಾಡಲಾಯಿತು.

ನಾಳೆ ಇಲ್ಲಿ ಪ್ರಾರಂಭವಾಗುವ ದ್ವಿತೀಯ ಅಂತರ ರಾಷ್ಟ್ರೀಯ ತಮಿಳು ಸಮ್ಮೇಳನಕ್ಕೆ ಸಂಬಂಧಿಸಿದಂತೆ ಮೇರಿನಾ ಬೀಚ್‌ನ ನಾನಾ ಸ್ಥಳಗಳಲ್ಲಿ ಅನಾವರಣ ಮಾಡಲಾದ ಈ ಪ್ರತಿಮೆಗಳಲ್ಲಿ ಇಬ್ಬರು ಮಹಿಳೆಯರ ಹಾಗೂ ಮೂವರು ವಿದೇಶಿಯರ ಪ್ರತಿಮೆಗಳೂ ಇವೆ.

Comments
ಈ ವಿಭಾಗದಿಂದ ಇನ್ನಷ್ಟು

50 ವರ್ಷಗಳ ಹಿಂದೆ
ಬುಧವಾರ, 17–1–1968

ಸಿಸಿಲಿಯಲ್ಲಿ ಭಾನುವಾರ ಮತ್ತು ಸೋಮವಾರ ಸಂಭವಿಸಿದ ಭೂಕಂಪದಲ್ಲಿ ಕೊನೆಯಪಕ್ಷ 600 ಮಂದಿ ಸತ್ತಿದ್ದಾರೆಂದು ಇಟಲಿ ಸರ್ಕಾರದ ವೃತ್ತಗಳು ತಿಳಿಸಿವೆ.

17 Jan, 2018

ದಿನದ ನೆನಪು
ಸೋಮವಾರ, 15–1–1968

ಆರು ಮಂದಿ ಕಾಂಗ್ರೆಸ್ ಶಾಸಕರು ಸಚಿವರಾಗಿ ನಾಳೆ ಮಧ್ಯಾಹ್ನ ಪ್ರಮಾಣ ವಚನ ಸ್ವೀಕರಿಸುವುದರೊಂದಿಗೆ ಪಶ್ಚಿಮ ಬಂಗಾಳದಲ್ಲಿ ಪ್ರಥಮ ಬಾರಿಗೆ ಕಾಂಗ್ರೆಸ್ ಹಾಗೂ ‍ಪ್ರಗತಿಶೀಲ ಜನತಂತ್ರರಂಗದ ಸಮ್ಮಿಶ್ರ...

15 Jan, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಭಾನುವಾರ, 14–1–1968

ಪ್ರತ್ಯಕ್ಷ ಹಾಗೂ ಪರೋಕ್ಷ ತೆರಿಗೆಗಳ ವ್ಯವಸ್ಥೆಯನ್ನು ಸರಳಗೊಳಿಸುವ ಉದ್ದೇಶವನ್ನು ಉಪಪ್ರಧಾನಿ ಶ್ರೀ ಮುರಾರಜಿ ದೇಸಾಯಿ ಅವರು ವ್ಯಕ್ತಪಡಿಸಿದರು.

14 Jan, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಶನಿವಾರ, 13–1–1968

ಮೈಸೂರು ರಾಜ್ಯದ ಮುಂದಿನ ಮುಖ್ಯಮಂತ್ರಿ ಆಯ್ಕೆ ವಿಷಯದಲ್ಲಿ ಕಾಂಗ್ರೆಸ್‌ನವರು ಪ್ರಭಾವ ಬೀರಲು ಯತ್ನಿಸುವುದನ್ನು ತಾವು ವಿರೋಧಿಸುವುದಾಗಿ ಕಾಂಗ್ರೆಸ್ ಅಧ್ಯಕ್ಷ ಹಾಗೂ ರಾಜ್ಯದ ಮುಖ್ಯಮಂತ್ರಿ ಶ್ರೀ...

13 Jan, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
11–10–2018

1967ರ ಚುನಾವಣೆಗಳ ಅನಂತರದ ಸವಾಲು ಹಾಗೂ ಸಮಸ್ಯೆಗಳನ್ನು ಎದುರಿಸುವಂತೆ ಸಂಸ್ಥೆಯನ್ನು ಸುಧಾರಿಸುವ ಭರವಸೆಯನ್ನು ಅಧ್ಯಕ್ಷ ಶ್ರೀ ಎಸ್‌. ನಿಜಲಿಂಗಪ್ಪ ಅವರು ನೀಡಿದ ಬಳಿಕ, 71ನೆ...

12 Jan, 2018