ನವದೆಹಲಿ: ರಾಜಧಾನಿಯಲ್ಲಿ ಮಂಗಳವಾರವೂ ದಟ್ಟ ಮಂಜು ಕವಿದ ಕಾರಣ ಇಂದಿರಾಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಡಬೇಕಿದ್ದ ಆರು ವಿಮಾನಗಳ ಸಂಚಾರ ರದ್ದಾಯಿತು. 60 ವಿಮಾನಗಳ ಹಾರಾಟದಲ್ಲಿ ವ್ಯತ್ಯಯವಾಗಿದೆ.
ದೇಶಿಯ ಮಾರ್ಗದ 40 ಹಾಗೂ ಅಂತರರಾಷ್ಟ್ರೀಯ ಮಾರ್ಗದ 26 ವಿಮಾನಗಳ ಸಂಚಾರದಲ್ಲಿ ವ್ಯತ್ಯಯವಾಗಿದೆ. ಕಳೆದ ಎರಡು ದಿನಗಳಿಂದ ಕ್ಷೀಣವಾಗಿದ್ದ ಗೋಚರತೆ ಮಂಗಳವಾರ ಸುಧಾರಿಸಿದ್ದು, 200 ಮೀಟರ್ ತನಕ ಸ್ಪಷ್ಟವಾಗಿ ಕಾಣಿಸುತ್ತಿತ್ತು ಎಂದು ಹವಾಮಾನ ಇಲಾಖೆ ತಿಳಿಸಿದೆ.
