ನವದೆಹಲಿ: ಭಾರತೀಯ ನೌಕಾಪಡೆ ಮತ್ತು ವಾಯುಪಡೆಗಾಗಿ ₹1,700 ಕೋಟಿ ಮೌಲ್ಯದ ಶಸ್ತ್ರಾಸ್ತ್ರಗಳನ್ನು ಖರೀದಿಸುವ ಪ್ರಕ್ರಿಯೆಗೆ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಮಂಗಳವಾರ ಅನುಮೋದನೆ ನೀಡಿದ್ದಾರೆ.
‘ಗುರಿಯ ಮೇಲೆ ನಿಖರವಾಗಿ ದಾಳಿ ನಡೆಸುವ ಶಸ್ತ್ರಾಸ್ತ್ರಗಳ ಕೊರತೆಯನ್ನು ಭಾರತೀಯ ವಾಯು ಪಡೆ ಎದುರಿಸುತ್ತಿದ್ದು, ಈಗ ಮಾಡುವ ಖರೀದಿಯು ಅದನ್ನು ತುಂಬಲಿದೆ. ಅಲ್ಲದೇ ವಾಯುಪಡೆಯ ಸಮರ ಸಾಮರ್ಥ್ಯವನ್ನು ಇನ್ನಷ್ಟು ಹೆಚ್ಚಿಸಲಿದೆ’ ಎಂದು ರಕ್ಷಣಾ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.
ಯಾವುದೆಲ್ಲ ಶಸ್ತ್ರಾಸ್ತ್ರ?
ವಾಯು ಪಡೆಗೆ: ರಷ್ಯಾದ ಜೆಎಸ್ಸಿ ರೊಸೊಬೊರೊನ್ಎಕ್ಸ್ಪರ್ಟ್ ತಯಾರಿಸಿರುವ, ಶತ್ರು ನೆಲೆಯ ಮೇಲೆ ಕರಾರುವಾಕ್ಕಾಗಿ ದಾಳಿ ನಡೆಸುವ ಸಾಮರ್ಥ್ಯ ಹೊಂದಿರುವ ಲೇಸರ್ ನಿರ್ದೇಶಿತ ಬಾಂಬ್.