ಅರಕಲಗೂಡು

ನಾಳೆಯಿಂದ ರಾಜ್ಯಮಟ್ಟದ ಪಶುಮೇಳ

ಪಟ್ಟಣದಲ್ಲಿ ಇದೇ ಮೊದಲ ಬಾರಿಗೆ ಪಶುಮೇಳ ನಡೆಯುತ್ತಿದ್ದು, ಕ್ರೀಡಾಂಗಣದಲ್ಲಿ ಭರದಿಂದ ಸಿದ್ಧತೆ ನಡೆದಿವೆ. ವಿವಿಧ ಜಿಲ್ಲೆಗಳು, ನೆರೆ ರಾಜ್ಯಗಳಿಂದಲೂ ವಿವಿಧ ತಳಿಗಳ ಜಾನುವಾರು ಬರುವ ನಿರೀಕ್ಷೆಯಿದೆ.

ಅರಕಲಗೂಡಿನಲ್ಲಿ ಜ 4ರಂದು ನಡೆಯುವ ಪಶುಮೇಳದಲ್ಲಿ ಪಾಲ್ಗೊಳ್ಳುವ ಜಾನುವಾರುಗಳಿಗೆ ನಿರ್ಮಿಸಿರುವ ಸ್ಟಾಲ್‌ಗಳು

ಅರಕಲಗೂಡು: ಪಟ್ಟಣದಲ್ಲಿ ಜ. 4ರಂದು ನಡೆಯುವ ರಾಜ್ಯಮಟ್ಟದ ಪ್ರಥಮ ಪಶುಮೇಳ ಹಾಗೂ ಇದರ ಉದ್ಘಾಟನೆಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಬರುತ್ತಿರುವ ಕಾರಣ ಸಿದ್ದತೆಗಳು ಭರದಿಂದ ಸಾಗಿದೆ.

ಪಟ್ಟಣದಲ್ಲಿ ಇದೇ ಮೊದಲ ಬಾರಿಗೆ ಪಶುಮೇಳ ನಡೆಯುತ್ತಿದ್ದು, ಕ್ರೀಡಾಂಗಣದಲ್ಲಿ ಭರದಿಂದ ಸಿದ್ಧತೆ ನಡೆದಿವೆ. ವಿವಿಧ ಜಿಲ್ಲೆಗಳು, ನೆರೆ ರಾಜ್ಯಗಳಿಂದಲೂ ವಿವಿಧ ತಳಿಗಳ ಜಾನುವಾರು ಬರುವ ನಿರೀಕ್ಷೆಯಿದೆ.

ಹಸು, ಹೋರಿ, ಎಮ್ಮೆ, ಕೋಣ, ಕುರಿ, ಮೇಕೆ, ಹಂದಿ, ಮೊಲ ಮುಂತಾದ ವಿವಿಧ ಸಾಕುಪ್ರಾಣಿಗಳ ಪ್ರದರ್ಶನ ಏರ್ಪಡಿಸಿದ್ದು ಇದರ ಜೊತೆಗೆ ವೈಜ್ಞಾನಿಕ ಸಾಕಣೆ, ಹೈನು ರಾಸುಗಳಲ್ಲಿ ಶುದ್ಧಹಾಲಿನ ಉತ್ಪಾದನೆ, ಸಂಸ್ಕರಣೆ, ಮಾರಾಟ, ಮೌಲ್ಯ ವರ್ಧನೆ, ಜಾನುವಾರುಗಳ ಆರೋಗ್ಯ ಸಂರಕ್ಷಣೆ, ಮೇವಿನ ಬೆಳೆಗಳು ಮತ್ತು ನಿರ್ವಹಣೆ ಕುರಿತು ಮಾಹಿತಿ ನೀಡಲಾಗುವುದು.

ಅಲ್ಲದೆ, ಕೃಷಿಕರು ತಜ್ಞರೊಂದಿಗೆ ಸಂವಾದ ನಡೆಸಲು ಅವಕಾಶವಿದೆ. ರೈತರು ತಾವು ಸಾಕಣೆ ಮಾಡಲು ಬಯಸುವ ತಳಿಗಳ ಪಶುಗಳನ್ನು ಒದಗಿಸಲು ವ್ಯವಸ್ಥೆ ಮಾಡಲಾಗಿದೆ. ಕೃಷಿ, ತೋಟಗಾರಿಕೆ, ರೇಷ್ಮೆ ಸೇರಿದಂತೆ ವಿವಿಧ ಇಲಾಖೆಗಳಿಂದ ರೈತರಿಗೆ ದೊರಕುವ ಸೌಲಭ್ಯಗಳ ಕುರಿತು ಪ್ರದರ್ಶನ ಮತ್ತು ಮಾಹಿತಿ ನೀಡುವ ಸಂಗಡ ರೈತರಿಗೆ ಹಾಲು ಕರೆಯುವ ಸ್ಪರ್ಧೆಯನ್ನು ಏರ್ಪಡಿಸಲಾಗಿದೆ.

ಸ್ಪರ್ಧೆಯ ಪ್ರಥಮ ಸ್ಥಾನ ವಿಜೇತರಿಗೆ ₹ 1 ಲಕ್ಷ, ದ್ವಿತೀಯ ಬಹುಮಾನವಾಗಿ ₹ 75 ಸಾವಿರ, ತೃತೀಯ ಬಹುಮಾನವಾಗಿ ₹ 50 ಸಾವಿರ ಹಾಗೂ ₹ 25ಸಾವಿರ ಸಮಾಧಾನಕರ ಬಹುಮಾನವಿದೆ. ಮಿಶ್ರತಳಿ ಹಾಗೂ ದೇಶಿ ತಳಿಗಳ ಕರುಗಳು, ಜಾನುವಾರುಗಳ ಹಾಗೂ ಶ್ವಾನ ಪ್ರದರ್ಶನವೂ ನಡೆಯಲಿದೆ.

ರಾಸುಗಳ ಪ್ರದರ್ಶನಕ್ಕಾಗಿ 200 ಸ್ಟಾಲ್‌ ತೆರೆಯಲಾಗಿದೆ. ಮೇವು, ದಿನದ 24 ಗಂಟೆ ವಿದ್ಯುತ್, ಕುಡಿಯುವ ನೀರು, ಪಶುಗಳಿಗೆ ಹಾಗೂ ಜನರಿಗೆ ವೈದ್ಯಕೀಯ ಸೌಲಭ್ಯ ಇದ್ದು, ಪಶುಗಳೊಂದಿಗೆ ಬರುವ ರೈತರಿಗೆ ತಂಗಲು ಸ್ಥಳಾವಕಾಶ,ಉಚಿತ ಊಟದ ವ್ಯವಸ್ಥೆ ಮಾಡಲಾಗಿದೆ.

ಮೇಳ ವೀಕ್ಷಿಸಲು ಬರುವ ರೈತರಿಗೆ ಬೆಳಿಗ್ಗೆ ಹಾಲು, ಮಧ್ಯಾಹ್ನ ಮಜ್ಜಿಗೆ, ಸಂಜೆ ಮೊಟ್ಟೆ ವಿತರಿಸಲಾಗುವುದು. ಕುಸ್ತಿ ಪಂದ್ಯ, ಗೀತಗಾಯನ ಕಾರ್ಯಕ್ರಮಗಳೂ ಇರಲಿವೆ. ಮೂರು ದಿನ ನಡೆಯುವ ಮೇಳದ ಉಸ್ತುವಾರಿಯನ್ನು ಸಚಿವ ಎ.ಮಂಜು ಹೊಂದಿದ್ದು, ಸಚಿವರಾದ ವಿನಯ್‌ ಕುಲಕರ್ಣಿ, ಎಚ್‌.ಎಂ.ರೇವಣ್ಣ, ಪ್ರಿಯಾಂಕ್‌ ಖರ್ಗೆ ಅವರು ಸಮಾರಂಭದಲ್ಲಿ ಭಾಗವಹಿಸುವರು.

* * 

ಹೈನುಗಾರಿಗೆ ಮತ್ತು ಪಶುಸಾಕಣೆ ಲಾಭದಾಯಕ ಉದ್ಯಮವಾಗಿ ಬೆಳೆಯುತ್ತಿದೆ,. ಈ ಬಗ್ಗೆ ರೈತರಿಗೆ ಹೆಚ್ಚಿನ ಮಾಹಿತಿ ಒದಗಿಸಿ ಅಭಿವೃದ್ಧಿಗೆ ಉತ್ತೇಜಿಸುವುದು ಇದರ ಉದ್ದೇಶ
ಎ.ಮಂಜು ಪಶುಸಂಗೋಪನೆ ಸಚಿವ

Comments
ಈ ವಿಭಾಗದಿಂದ ಇನ್ನಷ್ಟು
‘ನೋ ಪಾರ್ಕಿಂಗ್’ನಲ್ಲೂ ವಾಹನ ನಿಲುಗಡೆ

ಹಾಸನ
‘ನೋ ಪಾರ್ಕಿಂಗ್’ನಲ್ಲೂ ವಾಹನ ನಿಲುಗಡೆ

18 Jun, 2018

ಹಾಸನ
ಸ್ವಯಂಪ್ರೇರಿತರಾಗಿ ರಕ್ತದಾನ ಮಾಡಿ

ಯುವಜನರು ಹಾಗೂ ವಿದ್ಯಾರ್ಥಿಗಳು ಸ್ವಯಂ ಪ್ರೇರಿತರಾಗಿ ರಕ್ತದಾನ ಮಾಡಲು ಮುಂದೆ ಬರಬೇಕು ಎಂದು ಹಿಮ್ಸ್ ನಿರ್ದೇಶಕ ಡಾ. ಬಿ.ಸಿ.ರವಿಕುಮಾರ್ ಹೇಳಿದರು.

18 Jun, 2018

ಶ್ರವಣಬೆಳಗೊಳ
40 ಪಲ್ಲಕ್ಕಿಯಲ್ಲಿ ಗ್ರಂಥಗಳ ಮೆರವಣಿಗೆ

ಬಾಹುಬಲಿಮೂರ್ತಿಗೆ ಮಹಾಮಸ್ತಕಾಭಿಷೇಕ ನೆರವೇರಿಸಲಾಯಿತು. ನಂತರ 40 ಪಲ್ಲಕ್ಕಿಯಲ್ಲಿಧವಲಾ, ಜಯಧವಲಾ, ಮಹಾಧವಲ, ಗೊಮ್ಮಟಸಾರ ಗ್ರಂಥಗಳ ಪ್ರತಿಷ್ಠಾಪಿಸಿ ಮೆರವಣಿಗೆ ಮಾಡಲಾಯಿತು.

18 Jun, 2018

ಹಾಸನ
ವನ ಸಂಪತ್ತು ನಾಶ ತಡೆಯಿರಿ

ಪರಿಸರ ದಿನಾಚರಣೆ ಕೇವಲ ಜೂನ್ ತಿಂಗಳಿಗೆ ಮಾತ್ರ ಸೀಮಿತವಾಗದೇ ನಿರಂತರ ಪ್ರಕ್ರಿಯೆ ಯಾಗಬೇಕು. ಭಾರತ್ ಸ್ಕೌಟ್ಸ್ ಅಂಡ್ ಗೈಡ್ ಸಂಸ್ಥೆಯ ಚಟುವಟಿಕೆ ಹಲವಾರು ಸಂಘ,...

18 Jun, 2018

ಹಾಸನ
ದುದ್ದ ಹೋಬಳಿ ಕೆರೆಗಳಿಗೆ ನೀರು ತುಂಬಿಸಿ

ಹಾಸನ ತಾಲ್ಲೂಕಿನ ದುದ್ದ ಹೋಬಳಿ ವ್ಯಾಪ್ತಿಯ ಎಲ್ಲಾ ಕೆರೆಗಳಿಗೂ ಕಾಚೇನಹಳ್ಳಿ, ಯಗಚಿ, ಹೇಮಾವತಿ ಹಾಗೂ ಎತ್ತಿನಹೊಳೆ ಮೂಲಗಳಿಂದ ನೀರು ತುಂಬಿಸಬೇಕು ಎಂದು ದುದ್ದ ಹೋಬಳಿ...

17 Jun, 2018