ರಾಮಕೃಷ್ಣ ಸೇವಾ ನಗರದ ಇಂದಿರಾ ಕ್ಯಾಂಟೀನ್‌ ಜಾಗ

ಶಾಸಕ–ಪಾಲಿಕೆ ಸದಸ್ಯೆ ನಡುವೆ ಕಿತ್ತಾಟ

ರಾಮಕೃಷ್ಣ ಸೇವಾನಗರದ ಶ್ರೀರಾಮಪುರ ಠಾಣೆಯ ರಸ್ತೆಯಲ್ಲಿರುವ ಹಳೆ ಮಾರುಕಟ್ಟೆ ಜಾಗದಲ್ಲಿ ಕ್ಯಾಂಟೀನ್‌ ನಿರ್ಮಿಸಲು ಸ್ಥಳೀಯರಿಂದಲೂ ಪರ–ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗಿವೆ.

ಶಾಸಕ ಎಸ್.ಸುರೇಶ್ ಕುಮಾರ್, ಕುಮಾರಿ ಪಳನಿಕಾಂತ್‌

ಬೆಂಗಳೂರು: ನಗರದ ದಯಾನಂದನಗರ ವಾರ್ಡ್‌ನಲ್ಲಿ ಇಂದಿರಾ ಕ್ಯಾಂಟೀನ್‌ ನಿರ್ಮಿಸಲು ಆಯ್ಕೆ ಮಾಡಿದ್ದ ಬಿಬಿಎಂಪಿ ಒಡೆತನದ ಜಾಗ ಈಗ ಶಾಸಕ ಎಸ್‌. ಸುರೇಶ್‌ ಕುಮಾರ್‌ ಮತ್ತು ಪಾಲಿಕೆಯ ಬಿಜೆಪಿ ಸದಸ್ಯೆ ಕುಮಾರಿ ಪಳನಿಕಾಂತ್‌ ನಡುವೆ ಕಿತ್ತಾಟಕ್ಕೆ ಕಾರಣವಾಗಿದೆ.

ರಾಮಕೃಷ್ಣ ಸೇವಾನಗರದ ಶ್ರೀರಾಮಪುರ ಠಾಣೆಯ ರಸ್ತೆಯಲ್ಲಿರುವ ಹಳೆ ಮಾರುಕಟ್ಟೆ ಜಾಗದಲ್ಲಿ ಕ್ಯಾಂಟೀನ್‌ ನಿರ್ಮಿಸಲು ಸ್ಥಳೀಯರಿಂದಲೂ ಪರ–ವಿರೋಧ ಅಭಿಪ್ರಾಯಗಳು ವ್ಯಕ್ತವಾಗಿವೆ.

ಇದೇ ಜಾಗದಲ್ಲೇ ಕ್ಯಾಂಟೀನ್‌ ನಿರ್ಮಿಸಬೇಕೆಂದು ಕುಮಾರಿ ಪಳನಿಕಾಂತ್‌ ಪಟ್ಟುಹಿಡಿದಿದ್ದಾರೆ. ‘ಇಲ್ಲಿ ಕ್ಯಾಂಟೀನ್‌ ಬೇಡ, ಸಮುದಾಯ ಭವನ ಕಟ್ಟಿ’ ಎಂದು ಒತ್ತಾಯಿಸುತ್ತಿರುವ ಸ್ಥಳೀಯರ ಬೆನ್ನಿಗೆ ಶಾಸಕರು ನಿಂತಿದ್ದಾರೆ. ಶಾಸಕರಿಂದ ಹಸಿರು ನಿಶಾನೆ ಸಿಗದೆ, ಕ್ಯಾಂಟೀನ್‌ ಕಟ್ಟಲಾಗದು ಎಂದು ಪಾಲಿಕೆ ಅಧಿಕಾರಿಗಳು ಕೈಚೆಲ್ಲಿದ್ದಾರೆ. ಇದರಿಂದಾಗಿ ಕ್ಯಾಂಟೀನ್‌ ನಿರ್ಮಾಣ ನನೆಗುದಿಗೆ ಬೀಳುವಂತಾಗಿದೆ.

ಮೊದಲು ಗಾಂಧಿ ಶಾಲೆಯ ಆಟದ ಮೈದಾನದಲ್ಲಿ ಕ್ಯಾಂಟೀನ್‌ ನಿರ್ಮಿಸಲು ಜಾಗ ಗುರುತಿಸಲಾಗಿತ್ತು. ಆಟದ ಮೈದಾನದಲ್ಲಿ ಕ್ಯಾಂಟೀನ್‌ ಬೇಡ. 35 ವರ್ಷಗಳಿಂದ ಪಾಳುಬಿದ್ದಿರುವ ಮಾಂಸ ಮಾರುಕಟ್ಟೆ ಜಾಗದಲ್ಲಿ ಕ್ಯಾಂಟೀನ್‌ ನಿರ್ಮಿಸಿ’ ಎಂದು ಶಾಸಕರು ಸೂಚಿಸಿದ್ದರು.

ಪಾಲಿಕೆ ಎಂಜಿನಿಯರ್‌ಗಳು ಸ್ಥಳ ಪರಿಶೀಲಿಸಿ, ಜಾಗ ಅಂತಿಮಗೊಳಿಸಿದ್ದರು. ಶಿಥಿಲ ಕಟ್ಟಡ ತೆರವುಗೊಳಿಸಿ, ಜಾಗ ಸಮತಟ್ಟು ಮಾಡಲಾಗಿತ್ತು. ಆದರೆ, ಶಾಸಕರು ದಿಢೀರ್‌ ನಿಲುವು ಬದಲಿಸಿದ್ದಾರೆ. ಸ್ಥಳೀಯರನ್ನು ಎತ್ತಿಕಟ್ಟಿದ್ದಾರೆ’ ಎಂದು ಕುಮಾರಿ ಪಳನಿಕಾಂತ್‌ ಮತ್ತು ಅವರ ಪತಿ ಪಳನಿಕಾಂತ್‌ ಆರೋಪಿಸುತ್ತಾರೆ.

‘ವಾರ್ಡ್‌ನಲ್ಲಿ ಪರಿಶಿಷ್ಟ ಜಾತಿಯವರು ಮತ್ತು ಕಾರ್ಮಿಕರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ಈ ಭಾಗಕ್ಕೆ ಕ್ಯಾಂಟೀನ್‌ ಅಗತ್ಯವಿದೆ. ಕ್ಯಾಂಟೀನ್‌ ನಿರ್ಮಾಣ ಈಗಾಗಲೇ ಸಾಕಷ್ಟು ವಿಳಂಬವಾಗಿದೆ. ಬಡವರು ಸವಲತ್ತುಗಳಿಂದ ವಂಚಿತರಾಗಿದ್ದಾರೆ’ ಎಂದು ಪಳನಿಕಾಂತ್‌ ಅವರು ಕಿಡಿಕಾರಿದ್ದಾರೆ.

‘ನಾನು ಇಂದಿರಾ ಕ್ಯಾಂಟೀನ್‌ ವಿರೋಧಿಯಲ್ಲ. ನನ್ನ ಒಂದೇ ವಾರ್ಡಿನಲ್ಲಿ ಮೂರು ಕ್ಯಾಂಟೀನ್‌ ನಿರ್ಮಿಸಲಾಗಿದೆ. ಪ್ರಕಾಶನಗರದಲ್ಲಿ ಎರಡು ಕ್ಯಾಂಟೀನ್‌ಗಳನ್ನು ಎದುರುಬದುರು ನಿರ್ಮಿಸಲಾಗಿದೆ. ಸುಸಜ್ಜಿತವಾಗಿದ್ದ ಉದ್ಯಾನದೊಳಗೆ ಕ್ಯಾಂಟೀನ್‌ ನಿರ್ಮಿಸಿ, ಈಗ ಮತ್ತೊಂದು ಕಡೆ ಹೊಸ ಉದ್ಯಾನ ನಿರ್ಮಿಸಲು ಜಾಗ ಹುಡುಕುತ್ತಿದ್ದಾರೆ. ಈ ಬಗ್ಗೆಯೂ ನಾನು ಚಕಾರ ಎತ್ತಿಲ್ಲ’ ಎನ್ನುತ್ತಾರೆ ಎಸ್‌. ಸುರೇಶ್‌ಕುಮಾರ್‌.

‘ಹಳೆ ಮಾರುಕಟ್ಟೆ ಜಾಗದಲ್ಲಿ ಸಮುದಾಯ ಭವನ ನಿರ್ಮಿಸುವಂತೆ ಸ್ಥಳೀಯರು ಬೇಡಿಕೆ ಇಟ್ಟಿದ್ದರು. ಕಟ್ಟಡ ತೆರವುಗೊಳಿಸುವಾಗಲೇ ಬಿಬಿಎಂಪಿಯಿಂದ ಇಲ್ಲಿ ಸಮುದಾಯ ಭವನ ನಿರ್ಮಿಸಿಕೊಡುವ ಭರವಸೆ ನೀಡಲಾಗಿತ್ತು. ಇಲ್ಲಿ ಕ್ಯಾಂಟೀನ್‌ ಕಟ್ಟಲು ಹೋದಾಗ ಜನರು ಪ್ರತಿಭಟಿಸಿದ್ದರು. ಇದರ ಪಕ್ಕದಲ್ಲೇ ಇರುವ ಶ್ರೀರಾಮಪುರ ಕೋ ಆಪರೇಟಿವ್‌ ಸಹಕಾರ ಸಂಘ ಬಾಗಿಲು ಮುಚ್ಚಿದ್ದು, ಇದು ಕೂಡ ಬಿಬಿಎಂಪಿ ಜಾಗವೇ ಆಗಿರುವುದರಿಂದ ಇಲ್ಲೇ ಕ್ಯಾಂಟೀನ್‌ ನಿರ್ಮಿಸುವಂತೆ ಮನವಿ ಕೊಟ್ಟಿದ್ದರು. ರಾಮಕೃಷ್ಣ ಸೇವಾನಗರ, ಅಂಬೇಡ್ಕರ್‌ ನಗರ ಹಾಗೂ ಗೌತಮನಗರ ನಿವಾಸಿಗಳ ಮನವಿ ಆಧರಿಸಿ ಪಾಲಿಕೆಗೆ ಶಿಫಾರಸು ಪತ್ರ ನೀಡಿದ್ದೇನೆ’ ಎಂದು ಅವರು ಸ್ಪಷ್ಟಪಡಿಸಿದರು.

*
ಪಳನಿಕಾಂತ್‌ಗೆ ನನ್ನ ವಿರುದ್ಧ ಸುಳ್ಳು ಆರೋಪ ಮಾಡದಿದ್ದರೆ ತಿಂದನ್ನ ಜೀರ್ಣವಾಗುವುದಿಲ್ಲ. ಹಾಗಾಗಿ ಪದೇ ಪದೇ ಆಧಾರರಹಿತ ಆರೋಪ ಮಾಡುತ್ತಿದ್ದಾರೆ.
–ಎಸ್‌. ಸುರೇಶ್‌ಕುಮಾರ್‌, ಶಾಸಕ

*
ಕ್ಷೇತ್ರಕ್ಕೆ ಇಂದಿರಾ ಗಾಂಧಿಯವರ ದೊಡ್ಡ ಭಾವಚಿತ್ರ ಬರುವುದು ಶಾಸಕರಿಗೆ ಇಷ್ಟವಿಲ್ಲ. ಆ ಕಾರಣಕ್ಕಾಗಿ ಇಂದಿರಾ ಕ್ಯಾಂಟೀನ್‌ ವಿರೋಧಿಸುತ್ತಿದ್ದಾರೆ.
– ಕುಮಾರಿ ಪಳನಿಕಾಂತ್‌, ಪಾಲಿಕೆ ಸದಸ್ಯೆ

Comments
ಈ ವಿಭಾಗದಿಂದ ಇನ್ನಷ್ಟು
ಸೋಮಣ್ಣನಿಗೆ ಆಶ್ರಯ: ದಂಪತಿ ಬಂಧನ

ಆಶ್ರಯ ನೀಡಿದ್ದ ಆರೋಪ
ಸೋಮಣ್ಣನಿಗೆ ಆಶ್ರಯ: ದಂಪತಿ ಬಂಧನ

22 Apr, 2018
ಜ್ಯೋತಿಷ ನೆಪದಲ್ಲಿ ಅತ್ಯಾಚಾರ

ಆರೋಪಿ ಬಂಧನ
ಜ್ಯೋತಿಷ ನೆಪದಲ್ಲಿ ಅತ್ಯಾಚಾರ

22 Apr, 2018

ಪ್ರಕರಣ ದಾಖಲು
ಕೆಪಿಎಸ್‌ಸಿ ಸದಸ್ಯರ ಬ್ರೀಫ್‌ಕೇಸ್‌ ಕಳವು

ಕರ್ನಾಟಕ ಲೋಕಸೇವಾ ಅಯೋಗದ(ಕೆಪಿಎಸ್‌ಸಿ) ಸದಸ್ಯರ ಕಾರು ಚಾಲಕನ ಗಮನ ಬೇರೆಡೆ ಸೆಳೆದು, ಅದರಲ್ಲಿದ್ದ ಬ್ರೀಫ್‌ಕೇಸ್‌ ಕಳವು ಮಾಡಿದ ಪ್ರಕರಣ ಮಲ್ಲೇಶ್ವರದ ಸಂಪಿಗೆ ರಸ್ತೆಯಲ್ಲಿ ನಡೆದಿದೆ. ...

22 Apr, 2018

ಕ್ಯಾಸ್ಟಿಂಗ್‌ ಕೌಚ್ ಪ್ರಕರಣ
ನಟಿ ಕವಿತಾಗೆ ಕೊಲೆ ಬೆದರಿಕೆ; ದೂರು

ತೆಲುಗು ಚಿತ್ರರಂಗದಲ್ಲಿರುವ ಕ್ಯಾಸ್ಟಿಂಗ್‌ ಕೌಚ್ ಸಂಬಂಧ ನಟಿ ಶ್ರೀರೆಡ್ಡಿ ನಡೆಸಿದ್ದ ಅರೆನಗ್ನ ಪ್ರತಿಭಟನೆ ವಿರೋಧಿಸಿದ್ದ ನಟಿ ಕವಿತಾ ರಾಧೇಶ್ಯಾಮ್ ಅವರಿಗೆ ಅಪರಿಚಿತರು ಜೀವ ಬೆದರಿಕೆವೊಡ್ಡಿದ್ದಾರೆ. ...

22 Apr, 2018
23 ಯುವತಿಯರ ವಂಚಿಸಿದ್ದವನ ಬಂಧನ

ಜೆ.ಸಿ.ನಗರ ಠಾಣೆಯಲ್ಲಿ ದಾಖಲಾಗಿದ್ದ ಪ್ರಕರಣ
23 ಯುವತಿಯರ ವಂಚಿಸಿದ್ದವನ ಬಂಧನ

22 Apr, 2018