ಕ್ರೈಸ್ಟ್ಚರ್ಚ್ (ಪಿಟಿಐ): ವೇಗಿ ಇಶಾನ್ ಪೊರೆಲ್ (23ಕ್ಕೆ4) ಅವರ ಮಿಂಚಿನ ದಾಳಿಯ ಬಲದಿಂದ ಭಾರತ ತಂಡ 19 ವರ್ಷದೊಳಗಿನವರ ವಿಶ್ವಕಪ್ ಅಭ್ಯಾಸ ಪಂದ್ಯದಲ್ಲಿ ಮಂಗಳವಾರ 189ರನ್ಗಳಿಂದ ಜಯಿಸಿತು.
ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ 50 ಓವರ್ಗಳಲ್ಲಿ 8 ವಿಕೆಟ್ಗೆ ಬರೋಬ್ಬರಿ 332 ರನ್ ಕಲೆಹಾಕಿತು. ಬೃಹತ್ ಮೊತ್ತ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ಪಡೆ 38.3 ಓವರ್ಗಳಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡು ಕೇವಲ 143ರನ್ ಗಳಿಸಿತು.
ಇಶಾನ್ ದಾಳಿ: ಭಾರತದ ವೇಗದ ಬೌಲರ್ ಇಶಾನ್ ಅವರ ದಾಳಿಗೆ ದಕ್ಷಿಣ ಆಫ್ರಿಕಾ ತಂಡದ ಬ್ಯಾಟ್ಸ್ಮನ್ಗಳು ತರಗೆಲೆಗಳಂತೆ ಉದುರಿದರು.