ಕಾರವಾರ

ಪಕ್ಷಿ ವೀಕ್ಷಣೆ ಕಾರ್ಯಾಗಾರ; 31 ಪ್ರಬೇಧಗಳ ಗುರುತು

ತಾಲ್ಲೂಕಿನ ಮಲ್ಲಾಪುರದ ಆದರ್ಶ ವಿದ್ಯಾಲಯ ಪ್ರೌಢಶಾಲೆ ವಿದ್ಯಾರ್ಥಿಗಳಿಗಾಗಿ ಸುತ್ತಮುತ್ತಲಿನ ಜೀವಿ ಸಂಕುಲಗಳನ್ನು ಪರಿಚಯಿಸಲು ಇತ್ತೀಚಿಗೆ ನಡೆಸಿದ ಪಕ್ಷಿ ವೀಕ್ಷಣೆ ಕಾರ್ಯಾಗಾರದಲ್ಲಿ ಒಟ್ಟು 31 ಪ್ರಬೇಧಗಳನ್ನು ಗುರುತಿಸಲಾಗಿದೆ.

ಕಾರವಾರ: ತಾಲ್ಲೂಕಿನ ಮಲ್ಲಾಪುರದ ಆದರ್ಶ ವಿದ್ಯಾಲಯ ಪ್ರೌಢಶಾಲೆ ವಿದ್ಯಾರ್ಥಿಗಳಿಗಾಗಿ ಸುತ್ತಮುತ್ತಲಿನ ಜೀವಿ ಸಂಕುಲಗಳನ್ನು ಪರಿಚಯಿಸಲು ಇತ್ತೀಚಿಗೆ ನಡೆಸಿದ ಪಕ್ಷಿ ವೀಕ್ಷಣೆ ಕಾರ್ಯಾಗಾರದಲ್ಲಿ ಒಟ್ಟು 31 ಪ್ರಬೇಧಗಳನ್ನು ಗುರುತಿಸಲಾಗಿದೆ.

ಕೈಗಾ ಬರ್ಡ್ಸ್‌ ಹಾಗೂ ವಿದ್ಯಾಲಯದ ಇಕೋ ಕ್ಲಬ್‌ ಜಂಟಿಯಾಗಿ ಆಯೋಜಿಸಿದ್ದ ಈ ಕಾರ್ಯಾಗಾರದಲ್ಲಿ ಮಲ್ಲಾಪುರದ ಸುತ್ತಮುತ್ತಲಿನ ಕಾಳಿನದಿ ತೀರದಲ್ಲಿ ಪಕ್ಷಿ ವೀಕ್ಷಣೆ ನಡೆಸಲಾಯಿತು. ಕಂದು ಬೆನ್ನಿನ ಕಳಿಂಗ, ನೇರಳೆ ಸೂರಕ್ಕಿ, ಚೋರೆ ಹಕ್ಕಿ, ಮಧುರ ಕಂಠ ಹಾಗೂ ಬೂದು ಕಾಜಾಣ ಪಕ್ಷಿಗಳು ವಿದ್ಯಾರ್ಥಿಗಳ ಗಮನ ಸೆಳೆದವು. ಕೈಗಾ ಬರ್ಡ್ಸ್‌ ಪರಿಣಿತರು ಹಕ್ಕಿಗಳ ಪ್ರಬೇಧಗಳನ್ನು ಗುರುತಿಸುವುದು, ಅವುಗಳ ಗುಣಲಕ್ಷಣಗಳು, ಆಹಾರ ಪದ್ಧತಿ, ಹಾರಾಟ, ಕುಟುಂಬ ವ್ಯವಸ್ಥೆ ಹಾಗೂ ಇನ್ನಿತರ ಮಾಹಿತಿಯನ್ನು ಶಿಬಿರಾರ್ಥಿಗಳಿಗೆ ಒದಗಿಸಿದರು. ಕಾರ್ಯಾಗಾರದಲ್ಲಿ ಒಟ್ಟು 30 ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

ಸಮಾರೋಪ ಸಮಾರಂಭ: ವೀಕ್ಷಣೆಯ ಬಳಿಕ ನಡೆದ ಕಾರ್ಯಾಗಾರದ ಸಮಾರೋಪ ಸಮಾರಂಭದಲ್ಲಿ ಇಕೋ ಕ್ಲಬ್‌ನ ಅಧ್ಯಕ್ಷೆ ಶ್ವೇತಾ ಬರ್ಸೇಕರ್, ಸದಸ್ಯರಾದ ಹರ್ಷಿತಾ, ಮಂಜುಶ್ರೀ, ದೀಪಾ, ಮಹಮ್ಮದ್ ಹಾಗೂ ಅನಿಕೇತ ತಮ್ಮ ಅನುಭವ ಹಂಚಿಕೊಂಡರು. ಈ ವೇಳೆ ಕೈಗಾ ಬರ್ಡ್ಸ್‌ ವತಿಯಿಂದ ಇಕೋ ಕ್ಲಬ್‌ಗೆ ಪಕ್ಷಿಗಳ ಚಿತ್ರಪಟಗಳನ್ನು ನೀಡಲಾಯಿತು.

ಕೈಗಾ ಬರ್ಡ್ಸ್‌ ಸಂಯೋಜಕ ಜಿ.ಮೋಹನದಾಸ, ಸದಸ್ಯರಾದ ಕೆ.ವಿ.ರಾಜೀವ, ಪಿ.ವಿಜಯನ್, ಕೆ.ಹರೀಶ್, ಹೆಚ್.ಜಿ.ಪ್ರಶಾಂತಕುಮಾರ, ಮಹಾಂತೇಶ ಓಶಿಮಠ ಹಾಗೂ ಆದರ್ಶ ವಿದ್ಯಾಲಯದ ಶಿಕ್ಷಕರಾದ ಎಸ್.ಎ.ಮಿರಾಶಿ, ಜೆ.ಪಿ.ನಾಗೇಕರ, ಛಾಯಾ ನಾಯ್ಕ ಕಾರ್ಯಾಗಾರ ನಡೆಸಿಕೊಟ್ಟರು.

Comments
ಈ ವಿಭಾಗದಿಂದ ಇನ್ನಷ್ಟು

ಹಳಿಯಾಳ
ಉದ್ಯಾನ ಕಾಮಗಾರಿ ಪೂರ್ಣಗೊಳಿಸಲು ಸೂಚನೆ

ಕಿಲ್ಲಾ ಕೋಟೆಯ ಅರಣ್ಯ ಉದ್ಯಾನದ ಕಾಮಗಾರಿಯನ್ನು ಮಾರ್ಚ್ ಮೊದಲ ವಾರದ ಒಳಗೆ ಪೂರ್ಣಗೊಳಿಸಿ ಸಾರ್ವಜನಿಕರ ಬಳಕೆಗೆ ಮುಕ್ತ ಮಾಡಬೇಕು ಎಂದು ಜಿಲ್ಲಾ ಉಸ್ತುವಾರಿ ಸಚಿವ...

17 Feb, 2018
ಮೈಲಾರಲಿಂಗ ಜಾತ್ರೆಯಲ್ಲಿ ಶಸ್ತ್ರ ಪವಾಡ

ಹಳಿಯಾಳ
ಮೈಲಾರಲಿಂಗ ಜಾತ್ರೆಯಲ್ಲಿ ಶಸ್ತ್ರ ಪವಾಡ

17 Feb, 2018
155 ಫಲಾನುಭವಿಗಳಿಗೆ ಶಿಬಿರದ ಪ್ರಯೋಜನ

ಉಮ್ಮಚಗಿ
155 ಫಲಾನುಭವಿಗಳಿಗೆ ಶಿಬಿರದ ಪ್ರಯೋಜನ

17 Feb, 2018

ಕಾರವಾರ
ಕ್ಯಾನ್ಸರ್ ಆಸ್ಪತ್ರೆಗೆ ಹಣ: ಸಂತಸ

ಜಿಲ್ಲೆಯ ಹಲವು ದಿನಗಳ ಬೇಡಿಕೆಯಾಗಿದ್ದ ಕ್ಯಾನ್ಸರ್ ಚಿಕಿತ್ಸಾ ಘಟಕ ಸ್ಥಾಪನೆಗೆ ₹ 15 ಕೋಟಿ ನಿಗದಿ ಮಾಡಿರುವುದಾಗಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಶುಕ್ರವಾರ ಬಜೆಟ್ ಮಂಡನೆಯಲ್ಲಿ...

17 Feb, 2018

ಕಾರವಾರ
ಬಂದರು ವಿಸ್ತರಣೆಗೆ ಒಮ್ಮತದ ವಿರೋಧ

‘ಇಲ್ಲಿನ ವಾಣಿಜ್ಯ ಬಂದರಿನ ಎರಡನೇ ಹಂತದ ವಿಸ್ತರಣೆಯಿಂದ ಸಾಂಪ್ರದಾಯಿಕ ಮೀನುಗಾರರ ಬದುಕು ನಾಶವಾಗಲಿದೆ’ ಎಂದು ಮೀನುಗಾರ ಮುಖಂಡ ಕೆ.ಟಿ.ತಾಂಡೇಲ್ ಆತಂಕ ವ್ಯಕ್ತಪಡಿಸಿದರು.

17 Feb, 2018