ಬೆಂಗಳೂರು

ದಕ್ಕಲಿಗರಿಗೆ ಇಂದು ವಾಹನ ವಿತರಣೆ

ಅಲೆಮಾರಿ ಸಮುದಾಯದ ದಕ್ಕಲಿಗರಿಗೆ ವಾಹನ ಮತ್ತು ಸಬ್ಸಿಡಿ ಸಾಲ ಸೌಲಭ್ಯ ನೀಡುವ ಕಾರ್ಯಕ್ರಮ ಬುಧವಾರ (ಜ.17) ಸಂಜೆ ವಿಧಾನಸೌಧದ ಮುಂಭಾಗ ನಡೆಯಲಿದೆ.

ಬೆಂಗಳೂರು: ಅಲೆಮಾರಿ ಸಮುದಾಯದ ದಕ್ಕಲಿಗರಿಗೆ ವಾಹನ ಮತ್ತು ಸಬ್ಸಿಡಿ ಸಾಲ ಸೌಲಭ್ಯ ನೀಡುವ ಕಾರ್ಯಕ್ರಮ ಬುಧವಾರ (ಜ.17) ಸಂಜೆ ವಿಧಾನಸೌಧದ ಮುಂಭಾಗ ನಡೆಯಲಿದೆ.

‘ವಾಹನ ಪರವಾನಗಿ ಹೊಂದಿದ ದಕ್ಕಲಿಗ ಸಮುದಾಯದ 8 ಜನರಿಗೆ ಸಂಜೆ 4 ಗಂಟೆಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸ್ವಿಫ್ಟ್‌ ಡಿಸೈರ್, ಬೊಲೆರೊ, ಮಾರುತಿ ಸ್ವಿಫ್ಟ್‌ ವಾಹನ ನೀಡಲಿದ್ದಾರೆ’ ಎಂದು ನೋಡಲ್ ಅಧಿಕಾರಿ ಬಾಲಗುರುಮೂರ್ತಿ ತಿಳಿಸಿದರು.

‘ದಕ್ಕಲಿಗ ಸಮುದಾಯದ 1,100 ಜನ ಫಲಾನುಭವಿಗಳನ್ನು ಗುರುತಿಸಲಾಗಿದೆ. ಮುಂದಿನ ದಿನಗಳಲ್ಲಿ ಇವರಿಗೆ ಎರಡು ಎಕರೆ ಕೃಷಿ ಜಮೀನು ಹಾಗೂ ಆಯ್ದ ಜಿಲ್ಲೆಗಳಲ್ಲಿ ಮನೆಗಳನ್ನೂ ಕಟ್ಟಿಸಿಕೊಡಲಾಗುವುದು’ ಎಂದು ಅವರು ವಿವರಿಸಿದರು.

‘ರಾಜ್ಯದಲ್ಲಿ ಮೊದಲ ಬಾರಿಗೆ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ 49 ಸಮುದಾಯಗಳ ಅಡಿಯಲ್ಲಿ ಬರುವ ಅಲೆಮಾರಿ, ಅರೆ ಅಲೆ
ಮಾರಿ ಸೂಕ್ಷ್ಮ ಮತ್ತು ಅತಿಸೂಕ್ಷ್ಮ ಸಮುದಾಯಗಳ ಅಭಿವೃದ್ಧಿಗೆ ಪ್ರತ್ಯೇಕ ಕೋಶ ರಚಿಸಲಾಗಿದೆ. ಇವುಗಳ ಅಭಿವೃದ್ಧಿಗೆ ರಾಜ್ಯ ಸರ್ಕಾರ ₹120 ಕೋಟಿ ಹಣ ಇರಿಸಿದೆ’ ಎಂದು ಅವರು ಹೇಳಿದರು.ದಕ್ಕಲಿಗರು, ಸುಡುಗಾಡು ಸಿದ್ದರು, ಶಿಳ್ಳೆಕ್ಯಾತರು, ಬುಡ್ಗ ಜಂಜಮ್‌, ಮಾಂಗ್‌ ಗಾರುಡಿ, ಚನ್ನದಾಸರ್, ದೊಂಬರ, ಗಂಟಿ ಚೋರ್, ಸಿಂಧೋಳ್ಳು, ಹಂದಿ ಜೋಗಿ, ಗೋಸಂಗಿ... ಈ ರೀತಿಯ ಅನೇಕ ಅಲೆಮಾರಿ ಸಮುದಾಯಗಳು ಒಂದು ಕಡೆ ನೆಲೆ ನಿಲ್ಲದೆ ಅನಕ್ಷರಸ್ಥರಾಗಿ ಬದುಕುತ್ತಿದ್ದು ಇವುಗಳ ಸರ್ವತೋಮುಖ ಪ್ರಗತಿಗೆ ಕೋಶ ಶ್ರಮಿಸುತ್ತಿದೆ.  ‘ಈ ಸಮುದಾಯಗಳ ಜನ
ಸಂಖ್ಯೆ ಬಳ್ಳಾರಿ, ಯಾದಗಿರಿ, ಕೊಪ್ಪಳ ಹೆಚ್ಚಿನ ಜನಸಂಖ್ಯೆ ಇದೆ. ಅದರಲ್ಲೂ ಬಯಲು ಸೀಮೆಯ ಉತ್ತರ ಕರ್ನಾಟಕ, ಹೈದರಾಬಾದ್‌ ಕರ್ನಾಟಕ ಪ್ರದೇಶದ 12 ಜಿಲ್ಲೆಗಳು ಹಾಗೂ ದಾವಣಗೆರೆ, ಚಿತ್ರದುರ್ಗ, ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿ ಟೆಂಟ್‌ಗಳಲ್ಲಿ ವಾಸಿಸುತ್ತಾರೆ’ ಎಂದು ಗುರುಮೂರ್ತಿ ವಿವರಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಕಟ್ಟಡದಲ್ಲಿ ತಾಯಿ–ಮಗು ಸಿಲುಕಿರುವ ಶಂಕೆ

ಭರದಿಂದ ಸಾಗುತ್ತಿರುವ ರಕ್ಷಣಾ ಕಾರ್ಯಾಚರಣೆ
ಕಟ್ಟಡದಲ್ಲಿ ತಾಯಿ–ಮಗು ಸಿಲುಕಿರುವ ಶಂಕೆ

18 Feb, 2018
ಕಟ್ಟಡ ಕುಸಿತ; ಜಿಪಿಎ ಪಡೆದಿದ್ದವನ ಸೆರೆ

ಬೆಂಗಳೂರು
ಕಟ್ಟಡ ಕುಸಿತ; ಜಿಪಿಎ ಪಡೆದಿದ್ದವನ ಸೆರೆ

18 Feb, 2018
ಶಾಲಾ ಬಸ್‌ಗಳಿಗೆ ವಿದ್ಯುತ್ ಚಾಲಿತ ವಾಹನ: ದೇಶಪಾಂಡೆ

‘ಇ–ಮೊಬಿಲಿಟಿ’ ಜಾಗೃತಿ
ಶಾಲಾ ಬಸ್‌ಗಳಿಗೆ ವಿದ್ಯುತ್ ಚಾಲಿತ ವಾಹನ: ದೇಶಪಾಂಡೆ

18 Feb, 2018
ನಮ್ಮ ಮೆಟ್ರೊ: ಮೊದಲ 2 ಬಾಗಿಲು ಮಹಿಳೆಯರಿಗೆ ಮೀಸಲು

ಸೋಮವಾರದಿಂದ ಪ್ರಾಯೋಗಿಕವಾಗಿ ಜಾರಿ
ನಮ್ಮ ಮೆಟ್ರೊ: ಮೊದಲ 2 ಬಾಗಿಲು ಮಹಿಳೆಯರಿಗೆ ಮೀಸಲು

18 Feb, 2018

‘ಎಂ– ಪ್ಲಸ್‌’ ಬೃಹತ್‌ ಶಿಬಿರ
ಮಹೀಂದ್ರಾ ವಾಹನಗಳಿಗೆ ಉಚಿತ ಸರ್ವಿಸ್‌

ಮಹೀಂದ್ರಾ ಕಂಪನಿಯು ತನ್ನ ಗ್ರಾಹಕರ ವಾಹನಗಳನ್ನು ಉಚಿತವಾಗಿ ಸರ್ವಿಸ್‌ ಮಾಡಿಕೊಡಲು ಫೆ.19 ಮತ್ತು 27ರಂದು ದೇಶದಾದ್ಯಂತ ‘ಎಂ– ಪ್ಲಸ್‌’ ಬೃಹತ್‌ ಶಿಬಿರ ಆಯೋಜಿಸಿದೆ.

18 Feb, 2018