ಕುರೆಕುಪ್ಪ

ಸಾವಯವ ಪದ್ಧತಿಯಲ್ಲಿ ಕಲ್ಲಂಗಡಿ ಬೆಳೆ

60 ದಿನಗಳ ಕಲ್ಲಂಗಡಿ ಬೆಳೆಯಲ್ಲಿ ಬೆಳೆದ ಒಂದೊಂದು ಕಲ್ಲಂಗಡಿ 3ರಿಂದ 5 ಕೆ.ಜಿ. ತೂಗುತ್ತಿದೆ. ಕಟಾವಿಗೆ ಬರುವ ಹೊತ್ತಿಗೆ ಇವುಗಳ ಗಾತ್ರ ಮತ್ತು ತೂಕ ಇನ್ನೂ ಹೆಚ್ಚಲಿದೆ.

ಸಂಡೂರು ತಾಲ್ಲೂಕಿನ ಕುರೆಕುಪ್ಪ ಗ್ರಾಮದಲ್ಲಿ ಸಾವಯವ ಪದ್ಧತಿಯಲ್ಲಿ ಕಲ್ಲಂಗಡಿ ಬೆಳೆ ಬೆಳೆದ ರೈತ ಎಚ್. ಶಿವನಗೌಡ

ಕುರೆಕುಪ್ಪ (ಸಂಡೂರು): ‘ತರಕಾರಿ ಬೆಳೆಗಳ ಕಣಜ’ ಎಂದು ಪ್ರಸಿದ್ಧವಾದ ತಾಲ್ಲೂಕಿನ ಕುರೆಕುಪ್ಪ ಗ್ರಾಮದಲ್ಲಿ ಈಗ ಆ ಸಾಲಿಗೆ ಕಲ್ಲಂಗಡಿ ಬೆಳೆ ಸೇರ್ಪಡೆಯಾಗಿದೆ. ಎಲ್ಲಿ ನೋಡಿದರೂ ಕಾಣುವ ಹೂಕೋಸು, ಟೊಮೆಟೊ, ಬೀಟ್‌ರೂಟ್‌, ಮೂಲಂಗಿ, ಬದನೆ ಬೆಳೆಯ ಜೊತೆಗೆ ಕಲ್ಲಂಗಡಿಯೂ ಕಣ್ಮನ ಸೆಳೆಯಲಿದೆ. ಗ್ರಾಮದ ರೈತ ಎಚ್. ಶಿವನಗೌಡ ಇದೇ ಮೊದಲ ಬಾರಿಗೆ ಐದು ಎಕರೆ ಜಮೀನಿನಲ್ಲಿ ಸಂಪೂರ್ಣವಾಗಿ ಸಾವಯವ ಪದ್ಧತಿಯಲ್ಲಿ ‘ಇಶಾ’ ತಳಿಯ ಕಲ್ಲಂಗಡಿ ಬೆಳೆದಿದ್ದು, 20–25 ದಿನಗಳಲ್ಲಿ ಬೆಳೆ ಕಟಾವಿಗೆ ಬರಲಿದೆ.

60 ದಿನಗಳ ಕಲ್ಲಂಗಡಿ ಬೆಳೆಯಲ್ಲಿ ಬೆಳೆದ ಒಂದೊಂದು ಕಲ್ಲಂಗಡಿ 3ರಿಂದ 5 ಕೆ.ಜಿ. ತೂಗುತ್ತಿದೆ. ಕಟಾವಿಗೆ ಬರುವ ಹೊತ್ತಿಗೆ ಇವುಗಳ ಗಾತ್ರ ಮತ್ತು ತೂಕ ಇನ್ನೂ ಹೆಚ್ಚಲಿದೆ.

ಆಧುನಿಕ ತಂತ್ರಜ್ಞಾನ: ಶಿವನಗೌಡರ ಅವರದು ಆಧುನಿಕ ಹಾಗೂ ಸಾವಯವ ಮಿಳಿತಗೊಂಡ ಕೃಷಿ ಪದ್ಧತಿ. ಹನಿ ನೀರಾವರಿ ಪದ್ಧತಿಯಲ್ಲಿ ಈ ಬೆಳೆಯ ಬೀಜ ನಾಟಿಗೆ ಮುಂಚೆ ಕೊಟ್ಟಿಗೆ ಗೊಬ್ಬರವನ್ನು ಬಳಸಲಾಗಿದೆ. ನಿಯಮಿತವಾಗಿ ಬೆಲ್ಲ, ಮಜ್ಜಿಗೆ, ದ್ವಿದಳ ಧಾನ್ಯದ ಹಿಟ್ಟು, ಬಾಳೆಹಣ್ಣು ಬೆರೆಸಿ ತಯಾರಿಸಿದ ಜೀವಾಮೃತವನ್ನು ನೀಡುತ್ತಿದ್ದಾರೆ.

ನೀರು ಬೇಗನೆ ಆವಿಯಾಗದೆ ಬೆಳೆಗಳಿಗೆ ಅಗತ್ಯವಾದ ತೇವಾಂಶವನ್ನು ಉಳಿಸುವ ಸಲುವಾಗಿ ಮಲ್ಚಿಂಗ್‌ ಪದ್ಧತಿಯನ್ನೂ ಅನುಸರಿಸಿದ್ದಾರೆ. ಕೀಟ ಬಾಧೆ ತಡೆಯಲು ಮೋಹಕ ಬಲೆ, ಸ್ಟಿಕರ್‌ಗಳನ್ನು ಅಳವಡಿಸಿದ್ದಾರೆ.

‘ಹನಿ ನೀರಾವರಿ ವ್ಯವಸ್ಥೆ ಅಳವಡಿಸಿಕೊಳ್ಳಲು ಸಣ್ಣ ಮತ್ತು ಅತೀ ಸಣ್ಣ ರೈತರಿಗೆ ನೀಡುವಂತೆ 8–10 ಎಕರೆ ಇರುವ ರೈತರಿಗೂ ಸಹಾಯಧನ ನೀಡಬೇಕು.ಮೋಹಕ ಬಲೆ, ಸ್ಟಿಕರ್‌ಗಳನ್ನು ಸಹಾಯಧನ ದರದಲ್ಲಿ ವಿತರಿಸಿದರೆ ಅನುಕೂಲವಾಗುತ್ತದೆ’ ಎಂಬುದು ಶಿವನಗೌಡ ಅವರ ಅಭಿಪ್ರಾಯ.

 

Comments
ಈ ವಿಭಾಗದಿಂದ ಇನ್ನಷ್ಟು
ಹೊಸ ಬಸ್‌ ನಿಲ್ದಾಣದ ಹಳೆಯ ಸಮಸ್ಯೆ

ಕಂಪ್ಲಿ
ಹೊಸ ಬಸ್‌ ನಿಲ್ದಾಣದ ಹಳೆಯ ಸಮಸ್ಯೆ

27 May, 2018

ಕೊಟ್ಟೂರು
ಮತದಾರರ ಪಟ್ಟಿ ಪರಿಷ್ಕರಣೆಗೆ ಸೂಚನೆ

ನಗರ, ಸ್ಥಳೀಯ ಸಂಸ್ಥೆಗಳ ಅಧಿಕಾರ ಅವಧಿ ಮುಗಿಯುತ್ತಿದ್ದು, ಮತದಾರ ಪಟ್ಟಿ ಸಿದ್ಧತೆ ಮತ್ತು ವೀಕ್ಷಕರ ನೇಮಕ ಕುರಿತು ರಾಜ್ಯ ಚುನಾವಣೆ ಆಯೋಗ ಅಧಿಸೂಚನೆ ಹೊರಡಿಸಿದೆ. ...

27 May, 2018
ಗೋನಾಳು ಓಣಿಗಳಲ್ಲಿ ಬೂಟಿನ ಸದ್ದು

ಕಂಪ್ಲಿ
ಗೋನಾಳು ಓಣಿಗಳಲ್ಲಿ ಬೂಟಿನ ಸದ್ದು

27 May, 2018

ಹಗರಿಬೊಮ್ಮನಹಳ್ಳಿ
ಸಾಲಮನ್ನಾ: ರೈತಸಂಘ ಆಗ್ರಹ

ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರು ಚುನಾವಣೆಗೂ ಮುನ್ನ ನೀಡಿದ ಭರವಸೆಯಂತೆ ರೈತರ ಸಾಲಮನ್ನಾ ಮಾಡಬೇಕು ಎಂದು ರಾಜ್ಯ ರೈತ ಸಂಘದ ಗೌರವ ಅಧ್ಯಕ್ಷ ಜೆ.ಎಂ.ವೀರಸಂಗಯ್ಯ ಆಗ್ರಹಿಸಿದರು. ...

26 May, 2018
ಗಾಳಿ, ಮಳೆ: ಬಾಳೆ, ಎಲೆ ತೋಟಗಳಿಗೆ ಹಾನಿ

ಸಂಡೂರು
ಗಾಳಿ, ಮಳೆ: ಬಾಳೆ, ಎಲೆ ತೋಟಗಳಿಗೆ ಹಾನಿ

26 May, 2018