ರದ್ದಾದ ನೋಟುಗಳನ್ನು ಸಂಗ್ರಹಿಸಿಟ್ಟಿರುವ ಬಗ್ಗೆ ದೊರೆತ ಮಾಹಿತಿಯ ಮೇರೆಗೆ ರಾಷ್ಟ್ರೀಯ ತನಿಖಾ ದಳ (ಎನ್ಐಎ), ಆರ್ಬಿಐ ಮತ್ತು ತೆರಿಗೆ ಇಲಾಖೆ ಅಧಿಕಾರಿಗಳ ತಂಡ ಇಲ್ಲಿನ ಹೋಟೆಲ್ ಒಂದಕ್ಕೆ ದಾಳಿ ನಡೆಸಿ ಕೆಲವು ಜನರನ್ನು ವಶಕ್ಕೆ ಪಡೆದಿದೆ. ಇವರ ವಿಚಾರಣೆಯ ವೇಳೆ ಮನೆಯೊಂದರಲ್ಲಿ ನಗದು ಇಟ್ಟಿರುವ ಮಾಹಿತಿ ದೊರೆತಿದೆ. ನಂತರ ಮನೆ ಮೇಲೆ ದಾಳಿ ನಡೆಸಿದಾಗ ನೋಟುಗಳು ಪತ್ತೆಯಾಗಿವೆ. ಈ ಮನೆ ಉದ್ಯಮಿ ಹಾಗೂ ಬಿಲ್ಡರ್ ಅಶೋಕ್ ಖತ್ರಿ ಎಂಬುವವರಿಗೆ ಸೇರಿದ್ದಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.