ಈ ರೈಲು, ಮಹಾರಾಷ್ಟ್ರದ ವಿದರ್ಭ ವಲಯದ ಅಚಲಪುರ ಮತ್ತು ಮೂರ್ತಿಜಾಪುರ ನಿಲ್ದಾಣಗಳ ನಡುವೆ 76 ಕಿ.ಮೀ. ದೂರ ಕ್ರಮಿಸುತ್ತದೆ. ಚಿಕ್ಕಪುಟ್ಟ ನಿಲ್ದಾಣಗಳಲ್ಲೂ ಪ್ರಯಾಣಿಕರನ್ನು ಇಳಿಸಿ, ಹತ್ತಿಸಿಕೊಳ್ಳುತ್ತದೆ. ದಿನನಿತ್ಯದ ತರಕಾರಿ ತರಲು, ಸಂತೆಗೆ ಹೋಗಲು, ಕೆಲಸಕ್ಕೆ ಹೋಗಲು ಜನ ಇದನ್ನೇ ಅವಲಂಬಿಸಿದ್ದಾರೆ. ಇದು ಆರಂಭವಾಗಿದ್ದು 1903ರಲ್ಲಿ. ವಿದರ್ಭದ ಆಸುಪಾಸಿನಲ್ಲಿ ಬೆಳೆದ ಹತ್ತಿಯನ್ನು ಮುಂಬೈಗೆ ಸಾಗಿಸಲೆಂದೇ ‘ಕಿಲ್ಲಿಕ್ ನಿಕ್ಸನ್’ ಎಂಬ ಬ್ರಿಟಿಷ್ ಕಂಪನಿ ಈ ರೈಲು ಆರಂಭಿಸುತ್ತದೆ. ಇದರ ಉಸ್ತುವಾರಿ ಈಗಲೂ ಅದೇ ಕಂಪನಿಯದು.